Tíminn - 02.12.1986, Blaðsíða 3

Þriðjudagur 2. desember 1986
Tíminn 3
1. des. haldinn
hátíðlegur í HÍ
Tillögur
námsmanna
ræddar á
fundi í dag
Lánasjóðsmál verða rædd í dag
á sameiginlegum fundi fulltrúa
námsmanna og fulltrúa mennta-
málaráðherra. SI. föstudag báðu
fulltrúar menntamálaráðherra
um nánar útfærðar tillögur frá
námsmönnum varðandi væntan-
lega lagasetningu. Fulltrúar ráð-
herra höfðu þá endurskoðað til-
lögur sínar og álitu endur-
greiðsluhlutfall núverandi láns-
fyrirkomulags vera um 1% hærra
heldur en fram kemur í frum-
varpsdrögunum. Eins og áður
hefur komið fram álitu fulltrúar
ráðherra að endurgreiðsluhlut-
fallið væri um 83% en námsmenn
töldu það vera nær 90%.
Nokkurrar óánægju gætti með-
al námsmanna vegna þeirrar
tímapressu sem þeir voru settir í,
þar sem þeim var aðeins gcfínn
jiriggja daga frestur til að forma
tillögur sínar endanlega fram að
næsta sameiginlega fundi. Náms-
menn höfðu lagt tillögur sínar
lram sem heildarlínur sem þyrfti
að leggja nokkra vinnu í að
forma endanlega óg vonuðust því
til að tillögur þeirra yröu skoðað-
ar sameiginlega af reiknimeistara
námsmanna, reiknimeistara
ríkisstjórnarinnar og þriðja aðila
sem væri óháður. Á meðan sú
vinna færi frani yrðu aðrar tillög-
ur lagðar til hliðar.
ABS
Flosi fjallaði um hversu vel væri búið að Háskólanum eins og honum einum
er Iagið. Vakti það jafn mikla kátínu menntamálaráðherra, háskólarektors,
forseta íslands sem og nemenda.
l.des. hátíðin í Háskóia fslands
var haldin að venju en að þessu sinni
var fyrirkomulag hennar með öðrum
hætti, þar sem búið er að leggja af
pólítíska kosningu í framkvæmda-
nefnd fyrir hátíðahöldin. Þess í stað
kemur það í hlut deildarfélaganna
að sjá um þau og að þessu sinni kom
það í hlut heimspeki-.laga- og við-
skiptadeildar.
Ræðumenn dagsins voru Páll
Valsson nemi í íslensku, Valborg
Snævarr laganemi og Jón Torfi Jón-
asson dósent. Fjölluðu þau um af-
stöðu stúdenta og kennara til náms
og námstilhögunar. Yfirskrift há-
tíðahaldanna var „Orð kvað Aþena,
augnfögur gyðja: Hvað er það
gildis?, hvað er það fjölmennis?,
hvers gerist þér þörf þess? og er
þetta sótt í Ódysseifskviðu 1.221,225
Flosi Ólafsson flutti erindi,
leikhópur frá L.R. skemmti og
Háskólakórinn söng. Heiðursgestur
hátíðarinnar var Vigdís Finnboga-
dóttir forseti íslands.
Flosi sagðist hafa stundað nám í hinum ýmsu deildum í H.í. en það hefði fyrst fallið í góðan jarðveg hjá ættingjum
þegar hann fór í tannlækningar í háskólanum út í Hamborg. En samkyæmt fréttum fjölmiðla af tekjum tannlækna
sæju ættingjar nú að það hefði verið rétt hjá sér að hætta því námi. Á bak við Flosa má sjá fána sem sérstaklega
var gerður í tilefni 75 ára afmælis Háskólans. Tímamynd: Pjeiur.
Forval Alþýðubandalagsins:
Egilsstaðaflugvöllur:
miiSjónir þarf í
endurnýjun vallarins
- að mati flugmálanefndar
Flugmálanefnd sem skipuð var af
samgönguráðherra til að gera drög
að framkvæmdaáætlun í flugmálum
hér á landi næstu árin fjallaði sér-
staklega um flugvöllinn á Egilsstöð-
um. Alls er áætlað að kostnaðurinn
muni nema rúmum 195 milljónum
króna, þar af færu tæpar 90 milljónir
í nýju brautina og tæpar 72 milljónir
í bundið slitlag á nýju brautinni.
í skýrslunni segir m.a. um flugvöll-
inn: „Undirstaða brautarinnar er
mjög léleg og þarf því að endurnýja
þessa braut“. Á Egilsstaðaflugvelli
er ein malarflugbraut, 1503 metrar á
lengd og um nokkurra ára skeið
hefur legið fyrir að skipta um yfir-
borð núverandi brautar en þær fram-
kvæmdir myndu verða mjög kostn-
aðarsamar og hafa í för með sér
truflun á flugi í langan tíma á meðan
framkvæmdir stæðu yfir.
Nefndin telur því að brýnustu
framkvæmdaverkefni á Egilsstaða-
flugvelli séu ný malbikuð flugbraut
og flugrein í stað núverandi brautar,
auk endurnýjunar á snjómoksturs-
tækjum og endurbætur á flugstöð.
Stefnt verði að 2000 metra braut,
en útboð fari fram á annars vegar
2000 metra og hins vegar 1500 metra
braut og því tilboði tekið sem hag-
stæðara telst, og ákvörðun tekin um
hvort brautin verður lögð í einum
eða tveimur áföngum. Brautarstæð-
ið verði vestan við núverandi braut
og nær Lagarfljóti. Lagt er til að
unnt verði að ljúka nýrri braut árið
1988 og nauðsynlegt sé að hönnun
ljúki á þessu ári. Hvað varðar hugs-
anlega fjármögnun leggur nefndin
til að athugun fari fram á fjármögnun
úr norrænum þróunarsjóðum, en að
öðru leyti beri að fjármagna fram-
kvæmdir þessar með fé að fjárlög-
um.
Um flugvöllinn á Egilsstöðum fór
50 .771 farþegi á árinu 1985 og 763
tonn af vörum og pósti. Þessi flug-
völiur er því þriðji stærsti flugvöllur-
inn á íslandi með tilliti til farþega-
fjölda á eftir Reykjavík og Akureyri.
Frá Egilsstöðum er flogið á 10 staði
innanlands, flestir viðkomustaðir
eru á Austfjörðum en einnig er
flogið til Akureyrar og Reykjavíkur.
Flugvöllurinn er einnig notaður í
flugi til og frá Færeyjum.
ABS
Alþýðuflokkurinn í Reykjavík:
Lára V. Júlíusdóttir
örugglega í 4. sætið
Lára V. Júlíusdóttir sigraði ör-
ugglega í prófkjöri Alþýðuflokks-
ins í Reykjavík um helgina, en
kosið var um 4. sæti á listanum.
Þrír þátttakendur kepptu um þetta
sæti, þau Lára, Björgvin Guð-
mundsson og Jón Bragi Bjarnason.
Alls tóku þátt í prófkjörinu 838
manns, en þátttökurétt höfðu
flokksbundnir alþýðuflokksmenn.
Lára V. Júlíusdóttir hlaut 342 at-
kvæði sem eru rúm 40% greiddra
atkvæða, Björgvin Guðmundsson
hlaut 257 atkvæði eða um 30%
greiddra atkvæða, og Jón Bragi
Bjarnason hlaut 231 atkvæði eða
um 27% atkvæða.
Sjálfskipað var í þrjú efstu sætin
á listanum og í fjórum efstu sætun-
um verða því: 1. Jón Sigurðsson
forstöðumaður Þjóðhagsstofnun-
ar, 2. Jóhanna Sigurðardóttir al-
þingismaður, 3. Jón Baldvin
Hannibalsson formaður Alþýðu-
flokksins 4. Lára V. Júlíusdóttir
lögfræðingur.
Við erum í góðu skapi
- segir Svavar Gestsson
„Við erum í góðu skapi. Hjá
okkur er enginn klofningur og engin
sérframboð" sagði Svavar Gestsson
er hlaut 70% atkvæða í fyrsta sæti í
forvali Alþýðubandalagsins sem
fram fór um helgina. Guðrún Helga-
dóttir lenti í öðru sæti og Ásmundur
Stefánsson, forseti ASI lenti í því
þriðja.
Álfheiður Ingadóttir lenti í fjórða
sæti eftir að hafa veitt Ásmundi
harða keppni um þriðja sætið og
Olga Guðrún Árnadóttir hlaut það
fimmta. Nokkra athygli vekur að
Þröstur Ólafsson, framkvæmdastjóri
Dagsbrúnar, lenti aðeins í sjöunda
sæti, en hann hafði stefnt á annað
sæti listans.
Svavar Gestsson sagðist fagna því
að Ásmundur Stefánsson yrði að
öllum líkindum í þingmannahópi
Alþýðubandalagsins. Samstarf for-
ystumanna Alþýðubandalagsins í
verkalýðshreyfingunni og flokksfor-
ustunnar væri prýðilega innsiglað
með þessu prófkjöri.
Ásmundur Stefánsson sagði
greinilegt að fólk teldi að fulltrúi úr
hópi verkalýðshreyfingarinnar ætti
að vera á þingi. Hvað einvígi þeirra
Þrastar áhrærði, þá hefði það eflaust
haft áhrif til spillingar fyrir þá báða.
En það væri engin ástæða að rök-
ræða stöðu einstakra manna á listan-
um, heldur væri næsta verkefni hóps-
ins að laða fylgi að flokknum fyrir
næstu kosningar.
Þröstur Ólafsson sagðist hafa orð-
ið fyrir vonbrigðum með úrslitin, en
taldi fullsnemmt að spá um hvort
áhrif verkalýðshreyfingarinnar væru
að minnka innan Álþýðubandalags-
ins. Það ætti eftir að skýrast betur.
-HM