Tíminn - 14.04.1987, Qupperneq 3

Þriðjudagur 14. apríl 1987.
Tíminn 3
Flugstöð Leifs Eiríkssonar vígð í dag:
Varnarliðið lánar bíla
til eldsneytiskeyrslu
Ljóst er að hin glæsilega nýja
flugstöð á Keflavíkurflugvelli verður
opnuð flugumferð á morgun strax
eftir vígslu hennar í dag. Þetta er
hægt þrátt fyrir að stöðin sé ekki
fullbúin, m.a. vegna þess að varnar-
liðið hefur lánað bíla til að keyra
eldsneyti í flugvélarnar meðan lokið
er við endanlegt ieiðslukerfi.
Flugstöð Leifs Eiríkssonar verður
formlega vígð í dag að viðstöddum
fjölda gesta, innlendra og erlendra,
Hér á landi er nú staddur fjöldi
erlendra fréttamanna og hefur verið
mikið gert til þess að nota það
tækifæri sem gefst vegna vígslu flug-
stöðvarinnar til að kynna landið. Að
sögn Péturs Guðmundssonar flug-
vallarstjóra er nú mikill hugur í
starfsfólki flugstöðvarinnar. Pétur
sagði að fyrsta vélin sem færi í
gegnum nýju stöðina væri væntanleg
frá Bandaríkjunum um kl 5 að
morgni þess 15. apríl, þegar gestir
væru farnir og búið að hreinsa til
eftir veisluna.
Pétur sagði að tekist hefði að
leysa, í góðri samvinnu við olíufélög-
in, það vandamál sem upp kom
bráðabirgðalausn fundin á áfyllingarvanda, stöðin að mestu tilbúin
vegna áfyllingar eldsneytis á vélarn- lánað 4 bíla til verksins sem komi til unnt er að nota í þetta verk og getu bílaflotans.
ar. viðbótar þeim 3 bílum sem til eru og þannig rúmlega tvöfaldað afkasta- - BG
Unnið hefur verið hörðum hönd-
um undanfarnar vikur við að gera
flugstöðina klára fyrir opnunina og
má segja að það hafi nokkurn veginn
tekist, þó enn eigi eftir að ganga frá
hluta hennar. Sá hluti stöðvarinnar
hefur hins vegar verið „skermaður
af“ eins og einn starfsmanna flug-
stöðvarinnar orðaði það í samtali
við Tímann í gær.
Jafnframt er nú verið að vinna af
fullum krafti við að skipuleggja eld-
sneytishleðslu llugvélanna, þar sem
neðanjarðarleiðslukerfið sem nota á
í framtíðinni er enn ekki tilbúið,
eins og Tíminn greindi frá í síðustu
viku. Verður eldsneytið keyrt á
bílum úr birgðastöð Olíufélagsins
að flugvélunum þar sem því verður
dælt af bílunum á flugvélarnar. Að
sögn Smára Sigurðssonar hjá Olíu-
félaginu cr það vel þekkt aðferð
erlendis að keyra eldsneytinu með
þessum hætti þó það sé ekki gert í
þeim mæli sem hér verður. Benti
hann á að um vandasamt skipulags-
verk væri að ræða þar sem lítið mætti
útaf bera til að flugvélum seinkaði.
Pað sem hafi gert mögulegt að
afgreiða eldsneytið með þessum
hætti hafi verið að varnarliðið hafi
Verkfall sálfræðinga og félagsráðgjafa dregst á langinn:
Mál fjölda barna
bíða úrlausnar
- og hefur Kennarafélag Reykjavíkur m.a. lýst þungum áhyggjum vegna þessa
Aðalfundur Kennarafélags
Reykjavíkur hefur lýst yfir áhyggj-
um sínum yfir því ástandi sem
skapast hefur hjá grunnskólum
borgarinnar vegna verkfalls starfs-
fólks ráðgjafa- og sálfræðiþjónustu
skóla, en verkfall hefur nú staðið á
þriðju viku.
„Breyttir þjóðfélagshættir hafa
haft í för með sér að ýmis vandamál
nemenda sem áður voru bundin
við fjölskylduna berast í auknum
mæli inn í skólana. Kennarar hafa
um árabil bent á hversu mikilvægt
sé að völ sé á góðri og markvissri
ráðgjafa- og sálfræðiþjónustu við
skóíana þannig að starfsmenn
hennar geti unnið með kennurum
að lausn þcssara vandamála. Verk-
fallið sem nú stendur yfir hcfur
haft margvísleg áhrif á skólastarfið
í borginni og málefni á fimmta
hundrað barna bíða úrlausnar með
ófyrirsjáanlegum afleiðingum fyrir
þessa nemendur, fjölskyldur þeirra
og skólastarfið í heild“, segir m.a.
orðrétt í yfirlýsingunni.
Aðalfundur Kennarafélags
Reykjavíkur skorar á stjórnvöld
að ganga nú þegar til samninga við
stéttarfélög sálfræðinga og félags-
ráðgjafa þannig að þessi deila verið
til lykta leidd.
Stéttarfélagi íslenskra félagsráð-
gjafa hafa borist stuðningsyfirlýs-
ingar frá heildarsamtökum norskra
og danskra félagsráðgjafa. í yfirlýs-
ingunum segir m.a. að íslenskir
félagsráðgjafar berjist réttlátri bar-
áttu, þar sem aðgerðir þeirra stafi
af stversnandi kjörum á undan-
gengnum árum. Norðmenn og
Danir hafa reitt af hendi fjárstyrk
til vinnudeilusjóðs SÍF.
ABS
FRIÐARRAÐSTEFNA
FRIÐARMÁL OG ÁHRIF OKKAR
Friðarráðstefna verður haldin á skírdag 16. apríl 1987 kl. 15.00
að Hallveigarstöðum
Dagskrá stefnunnar er:
Guðrún Alda Harðardóttir talar um friðarhreyfingar.
Sigurhanna Sigurjónsdóttir talar fyrir hönd friðarhóps fóstra.
Steinunn Harðardóttir talar fyrir hönd Menningar- og friðarsamtaka íslenskra kvenna
Páll Einarsson talar fyrir hönd eðlisfræðinga.
Halla Eiríksdóttir talar fyrir hönd Framsóknarflokksins.
Fundarstjóri verður Anna Margrét Valgeirsdóttir.
Umræður
Skemmtiatriði
FRAMS0KNARFL0KKUR1NN