Tíminn - 29.10.1987, Blaðsíða 5

Tíminn 5
Fimmtudagur 29. október 1987
Dagbjartur Einarsson framkv.stj. í Grindavík:
Fiskverð of hátt
fyrir verkendur
Nær allur fiskur sem á land kemur
í Grindavík og víðar í nánd við
höfuðborgarsvæðið hefur verið
keyptur á mjög háu verði frá því í
byrjun september og stafar það af
háu verði á fiskmörkuðum í Hafnar-
firði og á Faxamarkaði. Óslægður
þorskur hefur verið keyptur að
undanförnu á 46- 48 kr. kílóið og
ýsan hefur verið á rúmar fimmtíu kr.
og uppí sextíu. Hefur þetta haft þá
neikvæðu þróun í för með sér að
heimamenn í fiskverkun treysta sér
ekki til að vinna svo dýrt hráefni.
Fiskurinn hefur því allur verið flutt-
ur í burtu af aðgangshörðum kaup-
endum. Svo hart er á dalnum í
Grindavík að fiskverkendur hafa
ekki einu sinni efni á að kaupa fisk
úr eigin bátum, þó að slíkt væri að
hluta tilfærsla á milli eigin vasa.
Hefur þróun þessi valdið fiskverk-
endum miklum áhyggjum og þora
menn ekki að hugsa þá hugsun til
enda, ef þróunin heldur áfram í
allan vetur. Kvaðst Dagbjartur Ein-
arsson, framkvæmdastjóri Fiskanes
í Grindavík, telja að ástandið væri
jafn slæmt um allt Reykjanesið.
Hann hafi reynt að kaupa fiskinn úr
eigin bát um tíma, en orðið að gefast
upp vegna verðsins. „Þetta er allt
ósöp ræfilslegt og við erum að gutla
í síldinni núna,“ sagði Dagbjartur.
Sagði hann að á sama tíma í fyrra
hafi verið eðlileg verkun í gangi í
plássinu. Nú sé ekki hægt að segja
að verkun fari fram.
„Menn skilja þetta ekki ennþá
hvernig þetta getur gengið. Þetta
eru miklar sviptingar og við erum
eiginlega hættir að ræða þetta,“
sagði hann. „Menn sækja bara fisk-
inn í bátana, þó að hluti aflans fari
beint á markaðinn. Það sem er að
gerast núna, gengur mest út á að
selja fiskinn beint úr bátunum. Fisk-
urinn er bara keyptur óséður,“ sagði
Dagbjartur að lokum og hvatti Tím-
ann til að skoða þetta hrikalega
dæmi betur.
Ekki liggur ennþá fyrir hvað veld-
ur þessu óheyrilega verði á fiski
núna og á meðan hækkar hlutur
hásetans. Eftirspurnin eftir fiski
virðist þó vera mjög mikil og þeir
sem kaupa eru ekki bara fiskbúðir,
heldur fyrst og fremst þeir sem setja
aflann í gáma og koma þeim í
útflutning. í samanburði við aðra
frétt á síðunni má sjá að verð á
Þýskalandsmarkaði hefur verið að
hækka að undanförnu og verð á
góðum ferskfiski í Bretlandi er mjög
hátt um þessar mundir. Því vaknar
óneitanlega sú spurning hvort hér sé
verð á ferskfiski að hækka um of
miðað við söluverð á unnum fiski frá
íslenskum vinnslustöðvum.
KB
Ferskfisksölur erlendis:
Verðið á hraðri uppleið
á Þýskalandsmarkaðnum
Hólmatindur seldi fyrir rúmar 10,5 milljónir
Eftir að hafa verið í löngu kola-
svelti, tók Þýskalandsmarkaðurinn
heldur betur við sér í síðustu viku
þegar Hólmatindur SU og Hólmanes
SU lönduðu þar tæpum 300.000
kílóum af fiski, þar af 119 af kola.
111 krónur fengust fyrir kílóið af
kola og 108 krónur fyrir kílóið afa
grálúðu.
Hólmatindur landaði í Bremer-
haven 152.107 kílóum og fékk fyrir
10.543.267 krónur, sem gerir meða!-
verð upp á 69,31 krónu. Hólmanes
landaði einnig í Bremerhaven, en
örlítið minni afla, eða 146.123 kíló-
um og fékk fyrir rétt tæpar 10
milljónir. Hólmanesið fékk meðal-
verð upp á 68,13 krónur.
Meginuppistaðan í aflanum var
ufsi og karfi og fengust tæpar 60
krónur fyrir ufsakílóið og rúmar 73
krónur fyrir kílóið af karfa. Meðal-
þorskverðið var 87,74 og hefur með-
alverðið ekki verið svona hátt síðan
fyrir „ormaþáttinn". Ýsuverð var
einnig mjög gott, eða 86,36 krónur
á kílóið.
Þau voru heldur fleiri skipin sem
lönduðu í Bretlandi í síðustu viku,
eða sjö talsins. Páll Pálsson IS 102
hafði þar vinninginn, því fyrir þor-
skaflann fengust yfir 80 krónur að
meðaltali. Páll landaði 138.047 kíló-
um og fékk fyrir 10,4 milljónir, eða
meðalverð upp á 75,24 krónur.
Hafnarey SU landaði 93.000 kíló-
um og fékk fyrir 6,4 milljónir, eða
meðalverð upp á 69 krónur. Náttfari
RE landaði 59.000 kílóum og fékk
fyrir tæpar 5 milljónir, eða meðal-
verð upp á 83,81 krónu. Álftafell SU
landaði 87.000 kílóum og fékk fyrir
rúmar 6 milljónir, eða meðalverð
upp á 69,47 krónur. Garðey SF
landaði 58.000 kílóum og fékk fyrir
rúmar 4 milljónir, eða meðalverð
upp á 70,47 krónur. Frár VE landaði
24.385 kílóum og fékk fyrir 1,4
milljón, eða meðalverð upp á 58,65
krónur, og Vöttur SU landaði tæp-
um 57.000 kílóum og fékk fyrir
tæpar 4 milljónir króna.
Samtals lönduðu þessi sjö skip
516.362 kílóum og fengu fyrir
37.276.312 krónur. Meginuppistaða
aflans var þorskur og ýsa. Meðalverð
þorsksins var 76,73 krónur, en
ýsunnar 69,23 krónur.
Rúm 750.000 kíló voru seld utan
í gámum og fengust 55,4 milljónir
fyrir fiskinn. Meginuppistaðan var
þorskur, ýsa og koli. Meðalverð
þorsksins var 75 krónur, ýsunnar
67,11 krónur og kolans 79 krónur.
- SÓL
Alþýðublaðið og íþróttasjóður:
Rakalaus þvættingur
blaðsins hrakinn
í leiðara Alþýðublaðsins fyrir
skömmu er Steingrímur Her-
mannsson utanríkisráðherra ásak-
aður um að vera með vísvitandi
blekkingar og jafnvel lygar, þegar
hann mótmælti niðurskurði á fjár-
magni til íþróttasjóðsins. Tíminn
leitaði álits utanríkisráðherra á
þessari staðhæfingu.
„Það er alrangt sem haldið er
fram í Alþýðublaðinu að ég hafi
ekki hreyft mótbárum við þessum
niðurskurði á ríkisstjórnarfundi
þegar fjárlagafrumvarpið var
kynnt. Staðreyndin er sú að ég var
erlendis þegar fjárlagafrumvarpið
var kynnt í ríkisstjórninni. En á
fyrsta ríkisstjórnarfundinum eftir
að ég kom heim tók ég þetta mál
sérstaklega upp og sagði að þessi
niðurskurður á íþróttasjóði gæti
ekki gengið. Það væri óhugsandi
að ríkissjóður greiddi ekki þær
skuldir, sem hvíldi á sjóðnum.
Sama gilti um félagsheimilasjóð.
Reyndar tók menntamálaráðherra
undir þetta sjónarmið mitt.
Vitanlega má svo ræða framtíð
íþróttasjóðsins, hvort hann skuli
fluttur til sveitarfélaga eða skipu-
lagður með öðrum hætti, en við
núverandi skuldbindingar verður
að standa,“ sagði Steingrímur Her-
mannsson að lokum. ÞÆÓ
íslenska útvarpsfélagið komið í hring?:
AFTURHVARF TIL
GÖMLU GUFUNNAR
íslenska útvarpsfélagið hf., sem á
Bylgjuna, hefur nú stofnað nýja
útvarpsstöð, Ljósvakann, og sendir
nýja stöðin út á FM 95,7. Öfugt við
þróun síðustu tveggja ára er Ljós-
vakinn ekki poppstöð, heldur mun
hún útvarpa klassískri tónlist, óper-
um og gömlum íslenskum lögum.
Dagskrárgerðarmenn í eiginlegum
skilningi verða ekki fyrir hendi,
heldur munu verða þular, líkt og á
Rás 1. Þessi nýja útvarpsstöð mun
því lfkjast mjög gömlu Gufunni og
vekur sú þróun mikla athygli, þar
sem fáir gengu lengra í gagnrýni á
Ríkisútvarpið en einmitt stofnendur
íslenska útvarpsfélagsins. Þá var
rætt um að hlustendur yrðu af hafa
valkost milli klassískrar tónlistar og
poppsins. Þeir eru nú eiginlega
komnir í hring, þvf nú vilja þeir að
hlustendur hafi valkost á milli popps-
ins og klassískrar tónlistar.
Einar Sigurðsson, útvarpsstjóri
Ljósvakans sagði á blaðamanna-
fundi sem íslenska útvarpsfélagið
hélt f gær, að nauðsynlegt væri að
auka fjölbreytnina, enda kvæði nú
við nýjan tón í útvarpi. Jón Ólafsson
hjá Islenska útvarpsfélaginu sagði
að mjög yrði vandað til alls málfars,
m.a. hefði verið ráðinn málfræðing-
ur til stöðvarinnar. Höfðað yrði til
eldri borgara á morgnana, allra á
daginn og milli 23 og 01 yrði spiluð
rómantfsk tónlist.
Ljósvakinn útvarpar frá kl. 6 á
morgnana til miðnættis. Tónlistin
verður valin af dagskrárstjóra stöðv-
arinnar, sem er Jónas R. Jónsson,
enda “á fólk að njóta tónlistarinnar
frekar en talsins á milli laga“ sagði
útvarpsstjórinn og bætti við að
Bylgjan hefði tekið skref fram á við
með stofnun popprásarinnar og nú
væri kominn tfmi til að taka annað.
Þá er spumingin í hvaða átt þetta
skref er. _ SÓL