Tíminn - 17.12.1987, Blaðsíða 3

Fimmtudagur 17. desember 1987
Tíminn 3
Halldór Ásgrímsson, sjávarútvegsráðherra:
Frumskilyrði að marka
stefnu til lengri tíma
Eitt af þeim frumvörpum ríkis-
stjórnarinnar sem hvað mest liggur
á að verði samþykkt, er frumvarp
um stjórnun fískveiða. Frumvarpið
er nú verið að ræða í sjávarútvegs-
nefndum fyrir aðra umræðu.
Nefndirnar hafa haldið sameig-
inlega fundi um málið og herma
heimildir að þar hafi komið fram
ýmsar breytingartillögur sem erfitt
yrði fyrir sjávarútvegsráðherra að
sætta sig við. Af þessum sökum
munu einhverjir þingmenn hafa
viðrað þá skoðun að ef ekki verði
unnt að ná víðtækri samstöðu um
frumvarpið í þinginu fyrir áramót
kæmi til greina að framlengja nú-
verandi kerfi til nokkurra mánuða
fram á næsta ár. Núgildandi lög um
fiskveiðistjórnun gilda sem kunn-
ugt er ekki nema til áramóta.
Tíminn bar þetta undir sjávarút-
vegsráðherra, Halldór Ásgríms-
son.
„Ég hef nú ekki heyrt þessa
hugmynd, en hún er fráleit að
mínu mati. Það er ekki hægt að
stjórna fiskveiðum til nokkurra
mánuða í senn, án þess að vita
hvað við á að taka. Pað er algert
frumskilyrði að stefnan sé mörkuð
til nokkurra ára í senn. Ég veit
ekki hVaðan slíkar hugmyndir eru
komnar. Þær byggjast á mikilli
vanþekkingu," sagði sjávarútvegs-
ráðhcrra.
Hann sagði ennfremur: „Hér er
um stjórnarfrumvarp að ræða, sem
telst eitt af forgangsverkefnum
ríkisstjórnarinnar. Það er ekki
hægt að rjúka af þessu þingi öðru-
vísi en að fá niðurstöðu í þessu
máli. Það er alveg ljóst," sagði
Halldór.
Ekki helur enn verið tekin
ákvörðun unt hvenær frumvarpið
verður tekið til annarrar umræðu,
en ekki er talið ólíklegt að það gæti
orðið á dagskrá efri deildar á
föstudag eða laugardag.
Meðal þeirra breytingartillagna
sem fram hafa komið í sjávarút-
vegsnefndum um málið er ein sem
rekja má til formanna nefndanna,
Vestfirðinganna Karvels Pálma-
sonar, Alþýðuflokki og Matthíasar
Bjarnasonar, Sjálfstæðisflokki.
Munu þeir hafa reifað þá hugmynd
á sameiginlegum fundum nefnda
beggja deildanna, að eigendum
þriggja skipa sem fórust á viðmið-
unarárunum 1983 og 1984, ogekki
endurnýjuðu þau þá, fái nú að
kaupa ný skip í stað þeirra og fá
kvóta á komandi fiskveiðistjórnun-
artímabili.
„Ef á að fara að opna fyrir slíka
endurnýjun, þá verður erfitt að sjá
fyrir endann á slíku. Ég endurtek
það sem ég hef margoft sagt áður,
að ég er andvígur fjölgun skipa í
flotanum og ég stend við þær
yfirlýsingar," sagði Halldór um
þetta atriði.
Með slíkri endurnýjun dreifðust
veiðiréttindi á fleiri skip en áður,
sem hefði í för með sér að hvert
skip fengi minna. Ofan á það
bætist síðan að fyrirhugað er að
skerða þorskkvótann og verður
því enn minna til skiptanna, ef
hugmyndir nefndaformannanna
verða að verulcika. -SÓL
Halldór Ásgrímsson.
Húsnæöisfrumvarpiö:
Júlíus Vífill Ingvarsson um seinna tilboö Subaruframleiðendanna
Undarlegt ef þeir
taka ekki tilboði
Húsnæðisfrumvarpið var afgreitt
til félagsmálanefndar á fundi efri
deildar í gær.
Þar kom fram í máli félagsmála-
ráðherra að úttekt Húsnæðisstofn-
unar á viðskiptum með lánsloforð
sýndi að alls hefðu verið seld 148
lánsloforð og 185 lánshlutar fyrir um
150 milljónir króna. Það væri Ijóst
að kaupendur loforðanna hefðu
hagnast um 15 milljónir króna á
þessum viðskiptum, því af sölu láns-
loforðanna 148 næmu bein afföll 12
m.kr. og sölulaun 3 m.kr.
Húsnæðisstofnun teldi tvennt
koma til greina varðandi þetta mál.
Annars vegar að gefa ekki ákveðin
fyrirheit um lánsloforð heldur til-
greina aðeins í svari að umsókn væri
gild og ákveðnara svar kæmi síðar.
Hins vegar væri það leið að banna í
lánaskilmálum slíka verslun með
lánsloforðin.
Margir þingmenn tóku til máls við
umræðuna. Svavar Gestsson
(Ab.Rv.) sagði að afgreiða ætti
frumvarpið hið snarasta, þó ekki
væri hér um stórt skref að ræða.
Vandamál húsnæðiskerfisins væri
fjármagnsskortur.
Guðmundur H. Garðarsson
(S.Rv.) sagði að frumvarp þetta fæli
ekki í sér neinar meginbreytingar,
en þær biðu heildarendurskoðunar
laganna, sem nauðsynlegt væri að
framkvæma fyrir næsta þing.
Guðmundur Ágústsson (B.Rv.)
lýsti áhyggjum sínum af þeirri miklu
spennu sem væri á húsnæðismarkað-
inum og hún kæmi til með að aukast
enn frekar og einnig verð á húsnæði
þegar aftur væri farið að veita láns-
loforð. Júlíus Sólnes (B.Rn.) tók í
svipaðan streng, en hann hafði fyrr
við umræðuna gert grein fyrir ýtar-
legum breytingartillögum síns flokks
við frumvarpið.
Frumvarpið var síðan afgreitt til
félagsmálanefndar, en þar sitja m.a.
þingmenn Sjálfstæðisflokksins, þeir
Halldór Blöndal og Guðmundur H.
Garðarsson, sem ekki hafa verið par
ánægðir með frumvarp félagsmála-
ráðherra. ÞÆÓ
í gærkveldi héldu Japaninn Sim-
itsu, sem vinnur hjá japönsku út-
flutningsfyrirtæki sem flytur út Su-
baru bíla, Júlíus Vífill Ingvarsson
hjá Ingvari Helgasyni, sem er um-
boðsaðili bílanna hér á landi og
fjórmenningarnir sem keypt hafa
bílana frá Noregi til innflutnings,
með sér fund til að reyna að komast
til botns í hvað gera skuli við bílana
hér á landi.
Framleiðendur bílanna höfðu
áður gert fjórmenningunum tilboð
upp á tæpar 55 milljónir króna fyrir
bílana, sem að sögn Júlíusar Vífils
hefði þýtt 2 milljónir á hvern ein-
stakling í gróða af þessu. Þessu neita
fjórmenningarnir og sagði Margeir
Margeirsson, einn fjórmenninga ,
að þeir kæmu út úr þessu með tapi
ef þeir tækju tilboðinu og gerðu þeir
því gagntilboð upp á rúmar 90
milljónir króna. Því tilboði neituðu
japönsku framlciðendurnir alfarið
og við það sat þangað til í gærkveldi.
Þá héldu, eins og áður sagði,
aðilarnir nteð sér fund, þar sem
Simitsu gerði annað tilboð.
„Þetta tilboð er verulega hærra en
það fyrra og ég vil meina að það sé
eitthvað meira en lítið undarlegt ef
þeir taka ekki þcssu tilboði," sagði
Júlíus Vífill í samtali við Tímann í
gærkveldi.
Hann sagði þá, að fjórmenning-
arnir yrðu að svaraáður cn bílarnir
færu frá Noregi, en þeir verða settir
á skip í dag, fimmtudag.
„Ef þeir taka tilboðinu ekki, þá
fyrst verður fjandinn laus. Þetta var
ekki skemmtilegur fundur, og hvorki
ég né Japaninn erum ánægðir með
undirtektir fjórmenninganna. Þeir
hljóta bara að taka því,“ sagði Júlíus
Vífill. Hann sagði ástæðuna fyrir því
að framleiðendurnir legðu frani
þessi tilboð, vera þá að þeir legðu
rnikla áherslu á aö bílarnir færu
hvergi á skrá í heiminum, heldur
ætti að sctja þá í brotajárn.
Starfsmenn Bifreiðaeftirlitsins
hafa enn ekki tekið ákvörðun um
hvort bílarnir fái skoðun hér á landi,
því þeir bíða eftir erindi frá fjórnt-
enningunum sem sanni að bílarnir
séu ekki hættulegir. Þeir hafa hins
vegar ákveðið að skrá Mitsubishi
bílana sem lentu í vatnsflaumnum.
Þegar Tíminn fór í prentun í
gærkveldi, höfðu fjórmenningarnir
enn ekki tekið ákvörðun um hvort
þeir tækju eða höfnuðu tilboði fram-
leiðendanna. - SÓL
Tollarar valda taugatitringi:
FUOTANDIAFENGI
í SAUDÁRKRÓKSHÖFN
Tollverðir frá Reykjavík komust
í óvæntan feng í fyrradag, þegar
þeir fóru til Sauðárkróks til að fara
í könnunarferð um borð í Skafta
SK sem von var á til hafnarinnar
rétt eftir klukkan 15. Þegar þeir
komu til Sauðárkróks, var Skafti
enn ókominn, en Hofsjökull lá
hins vegar við bryggjuna. Tollar-
arnir ákváðu að skreppa um borð
í skipið til að tefja tímann og fá sér
kaffibolla. Þá fóru skipverjar að
henda ýmiss konar „drasli“ fyrir
borð. En stranglega bannað er að
henda rusli í íslenskar hafnir.
Þegar „draslið" var nánar athug-
að, kom í ljós að um var að ræða
bandarískar 1,7 lítra áfengisflösk-
ur, sem voru bundnar saman tvær
og tvær. Alls fundust 18 slíkar
flöskur og voru þær á floti um alla
höfnina á Sauðárkróki.
„Við hendum nú gaman að
þessu. Við segjum að þeir séu eins
og jólasveinarnir að útbýta gjöfun-
um,“ sagði Björn Mikaelsson, yfir-
lögregluþjónn á Sauðárkróki í
samtali við Tímann.
Björn sagði að menn hafi gengið
fjörur um kvöldið og óvenju mikið
hafi verið um mannaferðir við
bryggjuna seinna um daginn.
„Króksarar hafa mjög gaman að
þessum taugatitringi í skipverjum
Hofsjökuls. Hins vegar vitum við
ekki hvort allar flöskurnar lentu í
réttum höndum,“ sagði Björn.
Þegar Skafti SK kom svo loks til
lands, var gerð leit um borð í
honum, og fannst einhver smygl-
varningur. -SÓL