Tíminn - 17.12.1987, Síða 15
Fimmtudagur 17. desember 1987
Tíminn 15
^iilillillHíi' MINNING .... _ - ' ""
Vigfús Brynjólfsson
Fæddur 17. desember 1896.
Dáinn 30. ágúst 1987.
„ Um héraðsbrest ei getur, þó
hrökkvi sprek í tvennt. “
Rúm 15 ár munu vera síðan við
hittumst fyrst fyrir tilverknað sam-
eiginlegs kunningja. Ekki var mað-
urinn mikill að vallarsýn. Mun þar
hafa ráðið að nokkru að „kjörin
settu á manninn mark“, því ekki
mun hann ætíð hafa gengið saddur
til hvílu á uppvaxtarárunum. En oft
meira en nógu þreyttur. Og senni-
lega ekki alltaf útsofinn að morgni.
Að nokkru rættist úr með vöxt og
þroska, þegar hann kom af sjónum,
enda mörgum orðið gott af nýmet-
inu. Síðan stofnaði hann heimili og
fór að búa á koti eins og gengur. En
ekki mun frístundunum hafa fjölgað
við það, enda leitað flestra bragða til
að verða einskis manns bónbjarga-
maður.
Eftir að hann kom að Glamma-
stöðum mun hann fyrst hafa farið að
rétta nokkuð úr kútnum efnalega.
Og skepnurnar voru hans líf og yndi.
Hann talaði um það fram undir það
síðasta hvað hann saknaði kinda
sinna. Og hug hans til hestanna sýnir
þessi vísa:
Ef að sálin fer á flakk
og fetar rétta veginn,
bíður mín með beisli og hnakk
Brúnn minn hinumegin.
Og á Glammastöðum mun hann
hafa átt góðar stundir við veiðiskap
á vatni og í fjalli, enda sagði hann
byssuna hafa gefið sér margan góðan
málsverðinn.
En þetta var allt löngu liðin tíð,
þegar ég kynntist honum. Fljótlega
þóttist ég finna að honum hefði
auðnast að láta ekki baslið smækka
sig. Ég hygg að minningarnar frá
æskuárunum hafi valdið því, hvað
honum þótti mikils um vert, ef
einhver leit inn til hans, að hann
þægi góðgerðir og gerði þeim góð
skil.
Er fram liðu stundir fór hann að
lofa mér að heyra eina og eina vísu,
en á því sviði var hann vandlátur.
Ekki kann ég bragfræði, en ég held,
að ég hafi aldrei heyrt hann fara með
vísu, sem ekki var rétt gerð. Ekki
var hann þó fyrir að flíka þcint, og
ekki leyfði hann birtingu neinnar á
prenti, er eftir var leitað.
Hugsunin var skörp og minnið
trútt. Með afbrigðum glöggur á
fjármörk. Mun ekki ofmælt að hann
hafi kunnað utanbókar flest mörk í
nokkrum sýslum, bæði hér syðra og
í Húnavatnssýslu, en hann var kaupa-
maður í Vatnsdal nokkur sumur á
síðari árum og fór þar í göngur. Því
var hann oft valinn til að sækja í
útréttir.
Þá var hann sjór af fróðleik um
menn og málefni og var unun að
heyra hann segja kímnisögur, sem
hann kunni urmul af. Er skaði hve
mikið af slíku fór með honum í
gröfina.
Hann hirti ekki alltaf um að binda
bagga sína sömu hnútum og sam-
ferðamenn. Eitt sinn sagði hann mér
að hann hefði verið sá eini í sveitinni.
sem keypti Þjóðviljann.
Á Dalbraut 27 leið honum vel, og
þökk sé forstöðukonu og starfsfólki
þar, og ekki síst fyrir að gera síðustu
bón hans. En hún var að hann fengi
að deyja þar í herbergi sínu, en
þurfa ekki að fara á sjúkrahús.
Nú er hann kontinn þangað sem
hvorki þjakar kuldi né sultur og
hefur hitt Brún sinn og fleiri vini,
sem farnir voru á undan honum.
Gunnar Sigurðsson.
VÖRUMERKI VANDLATRA
NÆRFATNAÐUR
NÁTTFATNAÐUR
CALIDA
í I
f
Heildsölubirgöir:
Þórsgata 14 - sími 24477
Rafvirkjar - Rafeindavirkjar
Okkur vantar rafvirkja eöa rafeindavirkja nú þegar
eða hiö allra fyrsta.
Starfið felst einkum í viöhaldi og viðgerðum á
rafkerfum og rafeindabúnaði ýmiskonar.
Mikil vinna, fæði á staðnum.
Upplýsingar veitir Ágúst Karlsson í síma 681100
eða á skrifstofu félagsins að Suðurlandsbraut 18,
Reykjavík.
Olíufélagið hf.
TÓNLIST
Davíð og Golíat
Gítarinn hefur verið sjaldgæft ein-
leikshljóðfæri með sinfóníuhljóm-
sveitum vegna grundvallarmunar í
raddstyrk. En nú má þakka það
rafeindatækninni að þeir annmarkar
eru að mestu úr sögunni: með hæfi-
legri {en smekklegri) mögnun nýtur
klassíski gítarinn sín vel, jafnvel í
stórum hljómsveitarsal.
Pétur Jónasson hefur á undan-
förnum árum haslað sér völl meðal
fremstu hljóðfæraleikara vorra, og á
sinfóníutónleikunum 26. nóvember
(sem Frank Shipway stjórnaði) náði
harin háu takmarki allra einleikara:
að leika einleik með sinfóníuhljóm-
sveit. Verkið var Fantasía para un
gentilhombre eftir Joaquin Rodrigo,
mjög geðfellt og skemmtilegt verk
sem naut sín prýðilega, þótt sögur
hermi að einhver mistök hafi orðið
með vélvæðinguna. Pétur er dæma-
laust vandaður tónlistarmaður,
sannur „prófessjón al“, sem ævinlega
má treysta til að gera hlutina eins vel
og framast má verða.
Pétur Jónasson.
Tónleikarnir hófust með litlu en
ágætu verki eftir Mist Þorkelsdóttur
(f. 1960), og heitir Fanta-Sea (tón-
listin er alþjóðleg, segja menn, og
allir með heimsmarkaðinn í huga).
Tónskáldið unga segir verk þetta
hafa orðið til við strendur Túnis:
„Þetta er lítil fantasía um sjóinn
þarna, sem er svo heitur, blár og
endalaus, og ekkert gerist utan ein
og ein alda, sem leitar upp á strönd-
ina og einhversstaðar má greina
söng hafgúa, eins og þann, sem
Ódysseifur heyrði forðum.“
Síðast var svo 1. sinfónía Williams
Walton (f. 1902), landa stjórnand-
ans. Tónleikaskráin segir sinfóníuna
túlka vel anda 4. áratugarins: vonir,
efa og óhug, en tæknilega sé hún í
anda Beethovens og Síbelíusar.
Nokkuð voru skoðanir áheyrenda
skiptar um túlkun Shipways á verk-
inu: sumum þótti þetta harla gott, en
öðrum fannst að óhætt hefði verið
að slá af hávaðanum, lúðraþeyting-
unum og trumbuslættinum annað
veifið, þó ekki væri til annars en að
brýna skynfæri áheyrenda til nýrra
átaka. En hvað um það: Walton er
sagður á uppleið um þessar mundir,
og allar líkur á því að við fáum að
heyra hann aftur hér áður en langt
um líður.
Sig.St.
Aðventutónleikar
í Hallgrímskirkju
Hinn raddfagri Mótettukór Hall-
grímskirkju „söng aðventuna inn“
með tónleikum í kirkju sinni sunnu-
daginn 29. nóvember. Flutt voru
ýmis söngverk, sem 16.- og 17.-aldar
menn höfðu samið guði til dýrðar -
mótettur, bænir, sálmar og dýrðar-
söngvar. Söngurinn hófst þó með
latínusálmi. „Kom þú, kom, vor
Immanúel", og lauk með öðrum.
„Nú kemur heimsins hjálparráð“,
og hafði Róbert A. Ottósson radd-
sett báða en Sigurbjörn Einarsson
biskup þýtt. Róbert lagði á sinni tíð
mjög gjörva hönd að málum ís-
lenskrar kirkjutónlistar, og raunar
tónlistar almennt, og hinn áhrifa-
mikli riddari Krists, Sr. Sigurbjörn,
slær sínum fræga forvera, Jóni Ara-
syni, við með lærdómsfullum latínu-
þýðingum sínum.
Latína er list mæt,
lögsnar Böðvar.
í henni eg kann
ekki par, Böðvar.
o.s.frv.
Hörður Áskelsson er organisti
Hallgrímskirkju og stjórnandi Mót-
ettukórsins. I honum eru50söngvar-
ar, en eins og venja mun vera með
söng sem þennan, leggur Mótettu-
kórinn meiri áherslu á hreinan tón
og fagran en á trúarlegan tilfinninga-
hita. Enda kom þar að mér þótti
söngurinn ætla að líkjast þeirri nátt-
úrulitlu skuggatilveru sem Gullna
hliðið segir ríkja á himnum en þá
skipti engum togum að stjórnandinn
kom með átakafulla 6-radda mótettu
eftir Schútz: tónleikar Mótettukórs-
ins eru settir upp eins og sinfónía,
sem ein listræn heild, og til að auka
enn fjölbreytnina spiluðu barokk-
hljómlistarmennirnir Camilla Söder-
berg (blokkflauta) og Snorri Örn
Snorrason (lúta) tvisvar sinnum af
alkunnri list.
Mjög hljómaði kirkjan vel, þar
sem ég sat, fremur aftarlega, fyrir
þessa tegund tónlistar, enda stefnir í
það með ýmsum aðgerðum, - þar
verður smíði orgels efst á baugi - að
Haligrímskirkja verði það musteri
kirkjutónlistar sem að var stefnt í
upphafi. Jafnvel skaparinn þurfti að
gera tilraunir áður en hin fullkomna
skipan hlutanna næðist, svo sem
segir í helgri bók, því sköpunarverk-
ið var ekki fullkomið með Adam
einan í Paradís. Þar þurfti Evu til -
og svo orminn, en það-er önnur saga
og alþekkt. Enda sagöi Alfons hinn
vísi (13. öld) sem, ef marka má orð
hans, taldi sig engan eftirbát skapar-
ans að vísdómi: „Hefði ég verið
viðstaddur sköpunarverkið hefði ég
getað gefið almættinu ýmsar ábend-
ingar um betra fyrirkomulag hlut-
anna.“
Sig.St.
Orðsending til
jólasveina og
barna
Karíus og Baktus
fara ekki
í jólafrí
Tannverndarráð
FÉLAGSMÁLASTOFNUN
REYKJAVÍKURBORGAR
Heimilisþjónusta
Starfsfólk vantar til starfa í hús Öryrkjabandalags
íslands í Hátúni. Vinnutími ca. 2-4 klukkustundir á
dag, eöa eftir samkomulagi. Upplýsingar í síma
18800.
FÉLAGSMÁLASTOFNUN
REYKJAVÍKURBORGAR
Matráðskona
Matráöskona óskast í fullt starf á lítið vistheimili í
Breiðholti. Einnig aöstoöarstúlku í eldhús í hluta-
vinnu. Laust frá 1. jan. 1988. Upplýsingar í síma
75940.
TÖLVUNOTENDUR
Við í Prentsmiðjunni Eddu
hönnum, setjum og prentum
allar gerðir eyðublaða fyrir tölvuvinnslu.
PRENTSMIÐjAN
édddu
Smiðjuvegi 3, 200 Kópavogur. Sími 45000