Tíminn - 28.05.1988, Blaðsíða 14

HELGIN
Laugardagur 28. maí 1988
14 m
1
jlllllllll í TIMANS RÁS L ' . :, i:
lllllllllllllllll

Eggert
Skúlason
AF FISKELDI, FEGURÐ
OG FORSETAKOSNINGUM
Það verða forsetakosningar í
sumar. Pær kosningar eru sérstakar
fyrir margar sakir. Nú kemur fyrsta
sinni fram mótframboð gegn fors-
eta sem sækist eftir endurkjöri.
Keppinautur Vigdísar forseta er
húsmóðir í Flokki mannsins og
hefur flokkurinn í gegnum hana
lýst því hvernig breyta eigi ímynd
og áhrifum embættisins. Húsmóð-
irin segist ætla að færa valdiö út til
fólksins með því að neita að skrifa
undir lög Alþingis í mikilsverðum
málum og í framhaldi af neituninni
verði kosið um málið með þjóðar-
atkvæðagreiðslu.
Þetta er bæði dýr og tafsöm leið
sem sjálfsagt yrði til þess að tor-
velda störf Alþingis verulega, fyrir
utan mikinn kostnað sem yrði sam-
fara slíkum atkvæðagreiðslum á
nokkurra vikna fresti.
Einhverjir hafa líka bent á að
forsetakosningar séu dýrt spaug.
Skattborgarar þurfi að punga út 20
til 30 milljónum í þetta ævintýri
húsmóður mannsins. Ekki sæi ég
eftir þeim peningum ef málið væri
öðruvísi vaxið. En héðan af verður
ekki aftur snúið. Þrátt fyrir ákafa
leit fannst ekki formgalli í plöggum
húsmóðurinnar og hennar félaga.
Því verður kosið.
En þetta leiðir hugann að öðru.
Setja þarf strangari reglur í tengsl-
um við framboð til forseta. Ég sé
fyrir mér að gerðar verði kröfur
um fleiri meðmælendur, sem
myndi væntanlega gera það að
verkum að hægt yrði að komast hjá
slíkri uppákomu sem nú er fyrir-
sjáanlcg.
Ungfrú Stöð 2
Stöð 2 sýndi beint frá kjöri
fegurðardrottningu íslands 1988.
Einn galli var þó á gjöf Njarðar,
ekki náðu allir þessari útsendingu
á viðtæki sín. Þeir fáu sem ekki
hafa fjárfest í myndlyklum Jóns
Óttars gátu ekki fylgst með þessari
skrautsýningu. Sjónarmið Stöðvar
2 skil ég ágætlega út frá samkepp-
nissjónarmiðum. En ég get ekki
skilið aðstandendur keppninnar.
Það er jú verið að kjósa fegurðar-
drottningu OKKAR ALLRA.
Ekki það að ég hafi brennandi
áhuga á fegurðarsamkeppnum, en
mér finnst að allir eigi að hafa
aðgang að slíkum viðburði sé hon-
um á annað borð sjónvarpað beint.
Annars er til mjög einföld lausn á
þessu máli. Hægt er að breyta
nafni keppninnar. Kemur þá strax
til álita að kjósa Ungfrú Stöð 2 á
næsta ári, eða jafnvel bara Ungfrú
Jón Óttar.
Hvað er á seyði?
Fiskeldismenn hafa haft hátt síð-
ustu vikur. Þeir hafa líka haft
ástæðu til. Seiðasala til Noregs,
sem skila átti stórum upphæðum til
margra fiskeldisfyrirtækja, virðist
hafa brugðist. Argir fiskeldismenn
hafa kennt landbúnaðarráðherra
um og stefnuleysi hans í fiskeldis-
málum. Nú er Jón Helgason hafður
fyrir rangri sök. Það má kannski
deila um stefnufestu ríkisstjórnar-
innar í fiskeldismálum, en fi-
skeldismenn hafa markað þess ák-
veðnari stefnu. í fyrra seldum við
Norðmönnum um þúsund seiði og
hefðum getað selt helmingi meira,
hefðu þau verið til. Menn fengu
gullglampa í augu og virðist sem
allir hafi farið af stað og ætlað að
græða á seiðasölu til Noregs í
sumar. Nú er það komið í ljós sem
allir fiskeldismenn máttu vita að
Noregur tekur ekki við seiðum. Þá
er rokið upp til handa og fóta og
heimtaðar upphæðir úr sjóðum
ríkisins. Ég tel að seiðaeldismenn
geti sjálfum sér um kennt, hvernig
komið er. Það er ábyrgðarleysi, að
mínu mati, að framleiða jafn mikið
af seiðum og gert var í ár, vitandi
að Norðmenn hafa ár eftir ár gefið
út að þeir hyggist ekki kaupa seiði.
Eftir stendur mikið magn af um-
framframleiddum seiðum, sem
engum á eftir að gagnast. Nú
heimta fiskeldismenn að stjórnvöld
hlaupi undir bagga með þeim og
hjálpi til við að bjarga þeim verð-
mætum sem felast í seiðunum.
Stjórnvöldum erstillt upp við vegg:
Nú er tækifærið til að fjýta fram-
þróun fiskeldis um þrjú ár. Ætlið
þið að láta ykkur þetta tækifæri úr
greipum ganga? Málið er ekki
svona einfalt í mínum huga. Það
hlýtur að þurfa að skoða ávinning
af því að framleiða slíkt magn af
laxi næstu árin. Hvert verður mar-
kaðsverð, þegar heimsframleiðsla
eykst sífellt? Liggja fyrir rannsókn-
ir á þeim framkvæmdum sem
óhjákvæmilega þyrfti að fram-
kvæma. Erfðamengun, lífræn
mengun, smitsjúkdómavarnir og
sitthvað fleira verður að hafa í
huga við stökkbreytingu á atvinn-
ugrein sem fiskeldi.
Nei, ég held ekki að við Iandbún-
aðarráðherra sé að sakast í þessu
máli. Fiskeldismenn hefðu átt að
hugsa sig tvisvar um áður en þeir
fóru út í þá vafasömu framleiðslu
sem litið hefur dagsins Ijós.
Eggert Skúlason
GETTU NÚ
Raunar var það Þyrill í
Hvalfirði sem um var
spurt hér fyrir viku og
hann munu flestir hafa
borið kennsi á.
Kannske er ekki nema
á færi Vestfirðinga að
svara í dag - en við
spyrjum í hvaða firði
hún muni vera tekin,
myndin hér að ofan.
Drangurinn ætti að geta
gefið kunnugum dálitla
vísbendingu.
KROSSGÁTA