Tíminn - 14.06.1988, Blaðsíða 16

RIKISSKIP
NÚTÍMA FLUTNINGAR
Hafnarhúsinu v/Tryggvagötu,
S 28822
AuglýsingadeiKcl hannar
auglýsinguna fyrir þig
Ökeypis þjónusta
Tíminn
Sættir í kæru á hendur Ikense:
GREIÐIR FJÓRÐUNG
MÚTUFJÁR TIL BAKA
Nú hafa tekist sættir á milli
Mike Ikense, ræðismanns íslands
í Nígeríu, og skreiðarútflytjenda
í deilu þeirra um glatað mútufé.
eða fyrirfram grcidd umboðs-
laun.
Peningarnir, samtals 300.000
pund eða 24 milljónir íslenskra
króna, voru afhentir Ikense 1984
og áttu þeir að liðka fyrir skreið-
arsölu í Nígeríu. Málin þróuðust
hins vegar þannig að ekkert varð
af sölunni og sagðist Ikense þá
þegar hafa eytt fénu í að „liðka
fyrir“. Skreiðarsamlagið vildi
hins vegar meina að samið hefði
verið um að ef ekki yrði af sölu,
ætti Ikense að endurgreiða féð.
Samlagið stefndi því Ikense fyrir
rétt í London. í>ar hefur málið
síðan velkst um, án nokkurs ár-
angurs.
Ikense hefur alltaf haldið fram
sakleysi sínu og sendi m.a. ís-
lenskum stjórnvöldum bréf þar
sem hann bað þau „í guðs nafni“
að trúa sér en ekki „lygi“ Skreið-
arsamlagsins.
Samlagið hafði að sjálfsögðu
lögmann í málinu og fyrir milli-;
göngu hans og sendiherrans í
London, Ólafs Egilssonar, tókust
sættir í málinu nú fyrir skömmu.
Sættirnar fólust í því að Ikense
endurgreiddi fjórðung fjárins,
75.000 pund, eða 6 milljónir
króna og í staðinn var fallið frá
málshöfðuninni.
„Auðvitað er maður ekkert
hress með að þurfa að kyngja
þessu, en þetta er þó mun skárra
en ekki neitt og mun skárra en
. margir bjuggust við,“ sagði Ólaf-
ur Björnsson, stjórnarformaður
Skreiðarsamlagsins í samtali við
Tímann í gær.
Ólafur sagði að þetta fé hefði
aldrei fengist ef lögfræðingar
hefðu ekki verið með í málinu og
ef sendiherrann hefði ekki einnig
haft hönd í bagga.
„Við verðum bara að sætta
okkur við þetta,“ sagði Ólafur.
Málaferlin hefðu getað tekið
nokkur ár, og alls óvíst með
niðurstöðuna og fyrir hendi er
fordæmi frá Þýskalandi þar sem
þýskt fyrirtæki tapaði hliðstæðu
máli. -SÓL
Innanlandsflug Flugleiöa:
Ennþá taf ir
vegna laganna
„í*ó nokkrar tafir voru á innan-
landsflugi um helgina og í gær,“
sagði Bogi Ágústsson hjá upplýs-
ingadeild Flugleiða í samtali við
Tímann og sagði hann að tafirnar
væru af sama toga spunnar og fyrir
helgi, þ.e. ekki tafir af veðurfars-
ástæðum eða slíkum óviðráðanleg-
um orsökum.
Eins og Tíminn hefur áður greint
frá voru samningar flugvirkja og
flugmanna lausir frá áramótum og
eiga þeir erfitt með að sætta sig við
að vinna undir þvingun bráðabirgða-
laganna.
Samkvæmt þeim upplýsingum
sem fengust hjá flugstjómarmiðstöð
virðist sem flugmennirnir taki sér
lengri tíma í að aka vélunum á
brautarenda og undirbúa flugtak en
gengur og gerist almennt. Áður en
til þessarar deilu kom voru flugvél-
arnar vanalegast komnar í loftið um
5 mínútum eftir að heimild var gefin
Viðflytjum
Vegna röskunar, sem fylgir
flutningum Tímans í nýtt hús-
næði, em færri síður í blaðinu
í dag en endranær. Má búast
við því, að svo verði einnig
næstu daga, eða þar til um
hægist og öllu hefur verið kom-
ið á vísan stað.
Eru lesendur Tímans beðnir
velvirðingar á því róti, sem
flutningamir hafa í för með sér.
til að aka að brautarenda, en nú eru
þess dæmi að vélarnar séu í allt að
20 mínútur að fara í loftið eftir að
heimild hefur verið gefin til að aka
frá flugstæði við flughöfnina út á
brautarenda og í loftið.
„Að við förum okkur hægt er
kannski ekki hægt að segja, en við
erum farnir að fylgja frekar þeim
samningum sem við erum með, erum
stífari á þeim samningi sem við
höfum gert,“ sagði Ólafur Árnason
flugmaður hjá Flugleiðum í samtali
við Tímann. Það gæti komið út,
sagði Ólafur í meiri töfum á innan-
landsflugi en það hefði gert áður en
þessi staða kom upp. „Við höfum
yfirleitt verið á hlaupum á milli véla
til að geta haldið þeim á áætlun, en
eins og ég sagði þá erum við farnir
að fylgja samningnum,“ sagði Ólaf-
ur. Aðspurður hvort þeir keyrðu
vélarnar hægar út á flugbrautina og
væru lengur að fara yfir öryggislist-
ann, sagði hann að svo væri ekki,
a.m.k. ekki hjá þeim sem hann hefði
flogið með og ef svo væri þekkti
hann ekki dæmi um slíkt. -ABÓ
Vaglaskógur opnar:
6 teknir ölvaðir
Vaglaskógur var opinn fyrir ferða-
menn um helgina í fyrsta skipti í
sumar. Að sögn lögreglu á Húsavík
voru 6 teknir fyrir ölvun við akstur,
og fengu þeir að gista fangageymslur
lögreglunnar á Akureyri yfir nóttina.
Var töluverður fjöldi saman kominn
ogtrallaðogtjúttaðtilmorguns. gs
Skúlagötu hefur verið breytt í einstefnuakstursgötu til austurs, en Sætúnið tekur við umferðinni til vesturs,
inn í miðbæ. (Tímamynd Pjetur)
Skúlagatan gerð
að einstefnugötu
Skúlagötu í Reykjavík hefur ver-
ið breytt í einstefnuakstursgötu til
austurs og mun Sætúnið taka við
þeirri umferð sem áður lá til vesturs
um Skúlagötu.
Sigurður Skarphéðinsson, að-
stoðargatnamálastjóri, sagði í sam-
tali við Tímann í gær að þrengja
hefði þurft Skúlagötuna m.a.
vegna holræsagerðar á Völundar-
lóð, en þar er nú að hefjast bygging
fjölbýlishúss, auk annarra bygging-
arframkvæmda sem fyrirhugaðar
eru við götuna. Vegna holræsa-
framkvæmdanna hafi þurft að
þrengja götuna, til þess að vera
ekki sífellt að breyta merkingum
og akstursstefnu á götunni. Var
því gripið til þess ráðs að gera hana
að einstefnuakstursgötu með tvær
akreinar til austurs, í stað einnar í
hvora átt og beina umferðinni sem
fer til vesturs og inn í miðbæ um
Sætúnið.
Jafnframt hefur beygjunni af
Sætúni (í vestur) inn á Skúlatorg
verið lokað, en í staðinn verður
hægt að taka U-beygju af Sætúni
nokkru innar, inn á Skúlagötu og
þaðan inn á Snorrabraut.
í framtíðinni verður Skúlagatan
gerð að íbúðagötu og henni lokað
við Ingólfsstræti og þar með tengsl
hennar við Kalkofnsveg rofin, en
Sætúnið tengt við Kalkofnsveg í
staðinn. -ABÓ