Tíminn - 09.07.1988, Side 19

Laggardagur 9. júlíJ988 ,
Tímimr 19' •
illl!l!lllllll!l!!!!lll!lll!lllllllllllllll minning
Jóhanna Blöndal
Fædd 18. september 1903
Dáin 28. júní 1988
Hinn 28. júní s.l. lést á Sjúkrahúsi
Skagfirðinga, Sauðárkróki, frú Jó-
hanna Árnadóttir Blöndal.
Hún fæddist á Geitaskarði í Aust-
ur-Húnavatnssýslu hinn 18. sept-
ember 1903. Hún var dóttir hjón-
anna Hildar Sólveigar Sveinsdóttur
og Árna hreppstjóra Þorkelssonar.
Jóhanna ólst upp í hópi fimm glað-
værra og tápmikilla systkina. Elst
þeirra var Sigríður, síðar húsfreyja
á Geitaskarði, gift Þorbirni Björns-
syni, þá ísleifur lagaprófessor,
kvæntur Soffu Gísladóttur Johnsen,
Guðrún, gift Ólafi Johnson, stór-
kaupmanni, Jóhanna, gift Jean Val-
gard Blöndal, umboðsmanni
Flugfélags íslands á Sauðárkróki, en
yngstur þeirra systkina og sá eini
sem eftir lifir er Páll, fyrrum bóndi í
Glaumbæ í Langadal, síðar í Þór-
laugargerði í Vestmannaeyjum,
kvæntur Guðrúnu Aradóttur.
Jóhanna naut ástríkis foreldra og
góðra aðstæðna í uppvexti sínum.
Hún var síglöð og björt yfirlitum,
hárið svo mikið og fagurt að orð var
á gert. Hún bjó yfir óvenju ríkum
persónutöfrum, sem fylgdu henni
alla ævi. Hún elskaði hljómlist og
eitt af því, sem hún hafði hlotið í
vöggugjöf var falleg söngrödd, en
það gilti raunar um báðar systur
hennar líka svo í æsku hennar var
mikill söngur og gleði á Geitaskarði.
Undirbúning sinn fyrir lífið hlaut
Jóhanna á umsvifamiklu heimili foi-
eldra sinna og á húsmæðraskóla, að
þeirra tíma sið, en tuttugu og þriggja
ára giftist hún Valgarði Blöndal eins
og áður sagði og bjó upp frá því á
Sauðárkróki. Börnin urðu fimm og
eru þrjú þeirra á lífi. Elsta soninn,
Kristján, misstu þau frumvaxta.
Hildur Sólveig húsfreyja í Hvera-
gerði, lést á 50. aldursári fyrir fáum
árum. Hennar maður, Stefán Magn-
ússon, trésmíðameistari lést ári síðar
og var þungur harmur kveðinn, er
þau voru kölluð burt. Árni, umboðs-
maður Flugleiða á Sauðárkróki,
kvæntur Maríu Gísladóttur. Álf-
heiður, húsfreyja í Bandaríkjunum
og Auðunn, flugvélavirki, Akureyri.
Jóhanna og Valgarð bjuggu
lengst af í Villa Nova á Sauðárkróki
og var heimilið rómað fyrir myndar-
skap og gestrisni. Þar geislaði hlýjan
frá húsráðendum, svo að öllum hlaut
að líða vel í návist þeirra. Það voru
ekki bara bömin sem nutu umhyggj-
unnar á því heimili, heldur hefi ég
fyrir satt að í tíð þeirra hjóna hafi
sjö gamalmenni kvatt lífið frá þeirra
heimili, sem talar sínu máli um
drengskap þeirra hjóna og mann-
kærleika. Þrátt fyrir mikil umsvif á
heimilinu vannst þeim hjónum tími
til að taka þátt í félagslífinu á
Sauðárkróki og voru þau bæði mjög
virk m.a. í leiklistarstarfinu.
Síðar,. þegar erfiðleikar steðjuðu
að, breyttu þau heimilinu í Villa
Nova í hótel, sem þau ráku um
árabil.
Ég átti því láni að fagna að
kynnast þeim hjónum all náið vegna
skyldleika konu minnar við Jó-
hönnu. Henni var Jóhanna alla tíð
einkar kær og eigum við hjónin
ljúfar endurminningar frá okkar
samfundum bæði hér heima og er-
lendis. Við minnumst Valgarðs sem
öðlingsdrengs, en hann féll frá 1965.
Upp frá því fór heilsu Jóhönnu að
hraka og síðustu árin dvaldi hún á
Sjúkrahúsi Skagfirðinga, þar sem
hún naut af einlægu þakklæti frá-
bærrar umönnunar. Nú er þessi
elskulega og mæta kona ekki lengur
á meðal okkar og er kvödd með
þökk og virðingu.
Agnar Tryggvason.
Styðjum guðlega viðleitni
íslendingar til forna höfðu fjar-
samband við lengra komnar verur á
öðrum hnetti eða hnöttum og hlutu
af því sambandi aukna orku, visku
og göfgi. Þessar guðaverur höfðu
hér mikil áhrif og heillarík. Hér
myndaðist vaxiarbroddur mann-
kyns. Hvergi var þá betur sungið,
eða snjallar kveðið. Hvergi var þá
fegurra fólk eða betur vaxið.
En þjóðin tapaði þessu lífsnauð-
synlega guðasambandi að mestu.
Yfir gengu einhverjar hörmulegustu
niðurlægingaraldir, sem nokkur
þjóð hefur orðið að þola, svo hér lá
við landauðn.
Aftur hefur rofað til. Þjóðin hefur
nú sótt fram til frelsis og velmegun-
ar, og henni hefur á síðustu áratug-
um fallið í skaut aukin hreysti og
glæsileiki.
Nú ríður á að tapa ekki aftur því,
sem áunnist hefur, fara ekki fram
hjá því marki, sem að hefur verið
stefnt, með tilstyrk hinna æðri mátt-
arvalda. Þjóðin má ekki hegða sér
svo, að hún hrindi frá sér þeim styrk,
sem henni hefur veist fyrir guðleg
áhrifaöfl.
Hér miðar margt til niðurrifs, sem
þjóðin sjálf hefur yfir sig leitt vitandi
vits, og gert ýmsa óhæfu leyfilega
með setningu laga. Má þar nefna
lög, sem leitt hafa til manndrápa,
(fóstureyðingar) og nýsett lög
(bjórlög), sem leiða til stórum auk-
innar drykkju.
Hin æðri öfl geta ekki veitt okkur
af mætti sínum, þá hjálp sem við
þurfum, nema við komum þar sjálf
til móts, en brjótum ekki á bak aftur
alla guðlega viðleitni okkur til
handa. Hér kemur til okkar eigin
kasta að styðja hina æðri viðleitni og
vera þar með en ekki á móti.
Ingvar Agnarsson.
Slysavaldar borgi
sjálfir að hluta
Oft hef ég hugleitt hvað meira er
hægt að gera til þess að fækka
umferðarslysum. Viðtal í Tímanum
1. júlí s.l., við Benedikt Jóhannes-
son, stærðfræðing, leiddi enn til
slíkra heilabrota. Hann upplýsir þar,
að um 14.000 þúsund ökumenn hafi
valdið umferðarslysum á árinu 1987,
sem leiddu til um 1.600 milljóna
króna bótagreiðslna frá trygginga-
félögunum.
Að mínu mati eru það einmitt
tryggingafélögin sem geta fækkað
umferðarslysum og með því að láta
slysavaldana bera hærri hluta kostn-
aðarins. Tryggingafélögin létu öku-
menn áður bera nokkra sjálfsáhættu,
en hún var síðan afnumin. Ég held
að það væri áhrifameira ef þeir sem
valda slysi og tjóni vissu að þeir
þyrftu að borga hluta kostnaðarins
úr eigin vasa.
Tillaga mín er sú að sjálfsáhættan
verði tekin upp aftur, og þá kannski
hærri en hún var, t.d. upp undir 50
þús. krónur. Það yrði bæði til þess
að vara menn við og hvetja þá til að
fara varlegar - og auk þess réttlátara
að tjónvaldar séu ekki 100%
tryggðir. Þá væri líka hægt að lækka
tryggingaiðgjöld þeirra sem aka
tjónlaust.
Krístinn Björnsson
Garðsláttur
Tökum aö okkur að slá garða. Fast verð. Afsláttur
ef samið er fyrir sumarið.
Upplýsingar í síma 41224.

|| UMFERÐAR
Góð orð 's>
duga skammt.
Gott fordæmi
skiptir mestu
máli
Til sölu
fasteignir á ísafirði og í Borgarfirði
Tilboð óskast í eftirtaldar húseignir: Pólgata 2 og
Hafnarstræti 16 (lóð), ísafirði. Stærð hússins er
843 m3. Húsið verður til sýnis í samráði við Óla M.
Lúðvíksson, skrifstofustjóra sýsluskrifstofunnar á
ísafirði, sími: (94) 3733. Skólagata 10, ísafirði.
Stærð hússins er 613 m3. Húsið er til sýnis í
samráði við Ólaf H. Kjartansson, skattstjóra, sími:
(94) 3788. Hjallavegur 11, ísafirði. Stærð hússins
er 936 m3. Húsið verður til sýnis í samráði við
Kristin Jónsson, Vegágerð ríkisins, ísafirði. Bær
III, Andakílshreppi, Borgarfirði. Stærð hússins
er 789 m2. Húsið verður til sýnis í samráði við
RúnarGuðjónsson, sýslumann, sími: (93) 71205.
Tilboðseyðublöð liggja frammi í húsunum og á
skrifstofu vorri. Tilboðum sé skilað á skrifstofu
vora, Borgartúni 7, Reykjavík, fyrir kl. 11.00 f.h.
þriðjudaginn 19. júlí n.k., en þá verða þau opnuð
í viðurvist viðstaddra bjóðenda.
INNKAUPASTOFNUN RfKISINS
BORGARTÚNI 7 SÍMI 26844
Laus staða
Umsóknarfrestur um stöðu sérkennara við Æf-
ingaskóla Kennaraháskóla íslands er framlengdur
til 20. júlí n.k.
Umsóknir sendist menntamálaráðuneytinu, Hverf-
isgötu 6, 150 Reykjavík.
Menntamálaráðuneytið
5. júlí 1988.
Kæru ættingjar og vinir.
Innilegar þakkir fyrir hlýjar kveðjur, heimsóknir og
höfðinglegar gjafir í tilefni 60 ára afmælis okkar 22.
mars og 15. júní.
Lifið heil.
Guðfinna Sveinsdóttir
Sigurður Eiríksson
Garðafelli, Eyrarbakka.
t
Maðurinn minn, tengdafaðir og afi
Jón Björnsson
Hringbraut 87, Reykjavik
verður jarðsunginn frá Dómkirkjunni mánudaginn 11. júlí kl. 15.00.
Lára Guðmundsdóttir
Ólafur Rafn Jónsson Daniele Somers
Gylfi Jónsson Guðrún Bergsveins
og sonabörn.
t
Faðir okkar, tengdafaðir, afi og langafi
Björn Sigurbjörnsson
vélstjóri
Geitlandi 37, Reykjavik
lést á Borgarspítalanum 7. júli.
Sigurður Björnsson Oddgeir Sigurðsson
Fjölnir Björnsson Eva Gestsdóttir
börn og barnabörn.