Tíminn - 02.09.1988, Blaðsíða 15

Föstudagur 2. september 1988
Tíminn 15
Ástríður Guðrún Beck
Fædd 18. apríl 1909
Dáin 24. ágúst 1988
Kvödd er í dag ágæt atgerviskona,
sem átti farsæla ævigöngu að baki.
Sumarsins sóldýrð vafin er hin mæta
minning góðrar vinkonu, gengins
félaga. Sjálf átti hún ríkulega sól í
sinni og megnaði mörgum að veita,
trygg, heilsteypt og sönn manneskja.
Fátækleg verður kveðja mín á
stopulli stund, en aftur hvarflar hug-
ur heim á leið til þess tíma, er þau
Guðrún og Hans, systkinin á Sóma-
stöðum, sátu bú sitt austur þar með
ágætum, þar sem alúðin og snyrti-
mennskan lýsti af allri iðju og úti
sem inni bar allt umhirðu og eljusemi
systkinanna ágætt vitni. Þar var
gestum og gangandi tveim höndum
tekið og hið besta ávallt í boði.
Gestrisni húsfreyjunnar á Sóma-
stöðum var ekki innantóm uppgerð-
arkurteisi, þar var öllum tekið af
sömu einlægu hjartahlýjunni, að allir
mættu njóta þess, að þar væru þeir
velkomnir.
Mikið undur er gott að hugsa til
þess tíma, er komið var í hlað á
Sómastöðum, handtökin hlý og
traust, horfið á vit góðra veitinga óg
ekki síðri umræðna um landsinS
gagn og nauðsynjar, bros og birta
yfir öllu, því ævinlega voru hinar
ljósu hliðar lífsins efst á baugi, það
sem lýsti upp, það sem brá bjarma
-gamanseminnar grómlausu yfir grá-
an hversdagsleikann.
Ekki var síður um vert að hlýða á
heitar og ákveðnar skoðanir, sem
ekki voru á neinu rósamáli reifaðar:
Um ísland fyrir íslendinga eina,
utan allra herbandalaga, laust úr
viðjum vígóðra dáta, um rétt hins
stritandi þegns til verðugra verka-
launa, þar sem afætum öllum yrði ýtt
út í ystu myrkur. Af heitu hjarta var
Guðrún hinn sanni herstöðvaand-
stæðingur, hiklaust og einarðlega
hélt hún á málstað sínum, málstað
friðar, frelsis og jafnréttis og þar af
leiddi, að hún var einlæg og ákveðin
í afstöðu sinni til þjóðfélagsmála -
lítilmagninn átti hug hennar og alla
samúð og hún var ótrauð í því að
túlka þann málstað á vettvangi hins
daglega lífs.
Hiklaust gekk hún þar til liðs, sem
henni þótti þörf og þar var engin
hálfvelgja á hlutunum.
Það fékk ég að reyna 1962, þegar
ég var að baksa við að koma saman
lista vinstri manna heinta, sem síðar
varð Alþýðubandalagsins og fór til
Guðrúnar í liðsbón. Án rnikils hiks,
eftir að hafa hugsað máiið gaf hún
þess kost að fara í þriðja sæti listans,
sem þá voru líkur til að yrði vara-
mannssæti í sveitarstjórn, sem og
varð. Önnur afbragðskona, sem féll
sviplega frá á síðasta ári, skipaði svo
fjórða sætið, og ekki var nú jafnrétt-
isþróunin komin Iengra á veg en það
þá, að listi okkar var oftast kallaður
kvennalistinn hans Helga.
Guðrún sat svo fyrir mig nokkra
fundi og var í nefndum á okkar
vegum og við vissum öll, að þar var
vel skipað sæti og sannarlega hefði
hún átt að halda áfram, en svo varð
þó ekki af ýmsum ástæðum. En
liðsemdar hennar var áfram gott að
leita, enda lagði hún ótæpt lóð sitt
þar á vogarskálar, sem hún taldi þess
þurfa. Sómastaðir í Reyðarfirði
liggja ef svo má segja um þjóðbraut
þvera, þjóðvegurinn liggur fram
með húsveggnum. en ys og þys
umferðarinnar virtist órafjarri, þeg-
ar inn í stofu var gengið og glaðst
með glöðum, því húsráðendur létu
það í engu raska hugarró sinni.
Hins vegar gerðist það gjarnan
meðan vegir voru verri og farartæki
ekki svo fullkomin sem nú, að Sóma-
staðir urðu áningar-, fyrirgreiðslu-
og griðastaður þeirra, sem þar fóru
um garð.. Og víst var um það, að
öllum var opnum örmum tekið af •
þeirri rausn og reisu, sem þessum
ágætu systkinuin var í blóð borin og
ekki talinn e; aukinn erill og ærin
fyrirhöfn.
Þar voru ht
og ekki leyr
þau systkinin
ngjar heim að sækja
ér hversu samtaka
u í eindrægni sinni
frá Sómastöðum
ST'—
og einlægum vilja að gjöra öllum
gott.
Börn og unglingar sóttu mjög í
sveit til þeirra og það vissi ég vera
þeim góðan skóla, sem þau mátu
mikils á lífsleiðinni.
, Þeim var kennt að vinna án allrar
þjökunar, þau fengu bæði blíðu og
ákveðna ögun, þeim var kennt það
gildis- og verðmætamat, sem mestu
skiptir í lífinu.
Umsögn þeirra yljuð miklum hlý-
hug segir mikla sögu og sómaprýdda.
Hlutur Guðrúnar var ekki einung-
is við heimilið bundinn, því í bú-
skapnum öllum var hún hinn virki
þátttakandi, rösk og kappsöm, sem
kom sér einkar vel áður en tæknin
hélt innreið sína.
Búfénaður þeirra bar af, umhverf-
ið allt var fágað og fegrað, þar fannst
ekki ryðbrunnið rusl og gamalt fúa-
skran eins og allt of víða blasir við.
Hvort tveggja sýnir og sannar mikið
um eðliskosti systkinanna á Sóma-
stöðum.
Ég tala gjarnan um þau bæði í
sömu andrá og ekki að ástæðulausu,
svo ágætlega sem þau samtvinnuðu
helstu kosti góðra húsráðenda.
Guðrún var glaðlynd kona, naut
þess að gefa öðrum og vera gefið af
nægtabrunni gleðinnar, sambland
kímni og kátínu og umhugsandi
alvöru varð hjá henni eðlilegt í allri
viðkynningu.
Hún var sérlega vel greind kona,
fylgdist vel með helstu hræringum
þjóðlífs, las mikið og sagðist læra af,
var enda víða heima og gat í mörgu
miðlað miklum fróðleik. Hún var ör
í lund, en alltaf skjót til að hlýða á
annarra rök og ráð, en hæst fannst
mér bera heita, mannlega sam-
kennd, sem hún sýndi í orði sem í
verki. Hún var kona mikilla heil-
inda, traustrar skapgerðar og ríkrar
rausnar, vinsæl og vinmörg.
Ég rek ekki ætt hennar né ævi-
göngu öðruvísi en í örstuttu máli.
Ástríður Guðrún var fædd 18.
apríl 1909 og var því á áttugasta
aldursári er hún lést. Foreldrar
hennar voru hjónin María Svein-
bjarnardóttir frá Skáleyjum á
Breiðafirði og Páll Beck, bóndi á
Sómastöðum.
Systkinin voru fimm og eru þrjú
þeirra enn á lífi, Hans og systurnar
Steinunn og Sigríður.
Sómastaðir voru heimili hennar
alla tíð, en þar bjuggu þau félagsbúi
systkinin, hún og Hans Jakob, sem
bar báðum ljóst vitni. Þau brugðu
búi 1983, enda heilsan þá farin að
gefa sig og miklar breytingar í vænd-
um á búskaparslóðum þeirra. Fluttu
þau systkin hingað til Reykjavíkur
og undu hag sínum allvel, enda
frændgarður hér mikill og stór, en
oft mun hugurinn hafa verið bundinn
ættarslóðum eystra. Heilsunni hrak-
aði svo ört og heiminn kvaddi hún
24. ágúst s.l., sátt við allt og alla. Að
Innritun í prófadeildir
AÐFARANÁM: Jafngilt námi í 7. og 8. bekk
grunnskóla (1. og 2. bekkgagnfræðaskóla). Ætlað
þeim sem ekki hafa lokið ofangreindum eða vilja
rifja upp og hafa fengið E (1 -3) á grunnskólaprófi.
FORNÁM: Jafngilt grunnskólaprófi og foráfanga á
framhaldsskólastigi ætlað fullorðnum, sem ekki
hafa lokið gagnfræðaprófi og unglingum sem ekki
hafa náð tilskyidum árangri á grunnskólaprófi
(fengið eink. D).
FORSKÓLI SJÚKRALIÐA eða HEILSUGÆSLU-
BRAUT, undirbúningur fyrir Sjúkraliðaskóla
íslands.
VIÐSKIPTABRAUT/HAGNÝT VERSLUNAR- OG
SKRIFSTOFUSTÖRF, framhaldsskólastig.
Nám í prófadeild er allt frá 1 önn í 4 annir, hver
önn er 13 vikur og er kennt 4 kvöld í viku.
Kennslaferfram í Miðbæjarskóla og Laugalækjar-
skóla.
Kennslugjald fer eftir fjölda námsgreina sem
nemandi stundar. Hvermánuðurgreiðistfyrirfram.
Kennsla hefst 12. september.
INNRITUN FER FRAM í MIÐBÆJARSKÓLAN-
UM, Fríkirkjuvegi 1, föstudaginn 2. sept. og
mánudag 5. sept. kl. 16-20. Nemendur greiði
kennslugjald við innritun. Nánari fyrirspurnum
svarað í símum 12992 og 14106.
NÁMSFLOKKAR REYKJAVÍKUR.
baki er mikil og ágæt eljusaga, þar
sem mörgum var veitt af rausn, enda
ríkidæmi hjartans mikið.
Starf búandkonu með mikla gesta-
nauð er engan veginn rósabraut
athafnaleysis, en starfið gefur ótví-
ræða lífsfyllingu og Guðrún var í
mörgu gæfumanneskja.
Hún var kona einlægrar lífstrúar
og lífsgleði, sem leiftrað gat af,
þegar hún gaf sig á vald hugðarefn-
um og hugarsýnum.
Hún varheilog sönn íhverrigerð.
Hún Ásta Gunna, eins og hún var
oft kölluð, hefur farið sína hinstu
ferð.
Góð var ganga hennar um lífið og
kært er hún kvödd af okkur, er
áttum hana að vini. Við vottum
Hans vini okkar og aðstandendum
öðrum einlæga samúð.
Fjölskylda mín þakkar gengna tíð
og góða vináttu.
Eg þakka farsæla fylgd og fallega
minningu um tryggan félaga og
traustan vin um áraraðir.
Heiðríkja hásumars á Sómastaða-
hlaði bregður ljóma á bjarta minn-
ingu.
Blessuð sé sú bjarta minning.
Helgi Seljan
Veltum borðum víxlaranna
Þing Sambands ungra framsóknarmanna og fimmtíu ára afmælisþing
sambandsins verður haldið á Laugarvatni helgina 2.-4. september
1988.
Drög að dagskrá:
Föstudagur 2. sept.
Kl. 16.00 Setning. Gissur Pétursson.
Kl. 16.20 Ávarp. Steingrímur Hermannsson.
Ki. 16.45 Ávarp. Petra Kelly.
Kl. 17.10 Starfsmenn kosnir.
Kl. 17.20 Skýrsla stjórnar.
Kl. 18.20 Lögð fram drög að ályktunum.
Kl. 19.00 Kvöldverður.
Kl. 20.00 Áframhald umræðna.
Kl. 21.30 Skipan í starfshópa.
Laugardagur 3. sept.
Kl. 9.00 Vinna í starfshópum.
Kl. 10.00 Umræður og afgreiðsla mála.
Kl. 12.00 Hádegisverður.
Kl. 13.00 Áframhald umræðna og afgreiðsla mála.
Kl. 14.30 Hlé-útivera.
Kl. 16.00 Stjórnmálaályktun afgreidd.
Kosningaúrslit.
Kl. 19.00 Hátíðarfundur hefst - ávörp gesta.
Kvöldverður og dansleikur. Hljómsveitin Sálin hans Jóns míns leikur.
Allir ungir framsóknarmenn eru hvattir til að fjölmenna. Upplýsingar
eru veittar á skrifstofu Framsóknarflokksins af Agli og Þórunni í síma
91-24480. Ath.: Barnapössun verður á staðnum.
S.U.F.
SUNNLENDINGAR SUF þing á Laugarvatni
Félög ungra framsóknarmanna á Suðurlandi hvetja allt ungt fólk sem styður Framsóknarflokkinn til að skrá sig sem þátttakendur á afmælisþinginu á Laugarvatni, sem hefst föstudaginn 2. september Þeir sem vilja fá upplýsingar um þingið eða láta skrá sig hafi samband
við einhvern eftirtalinna aðila:
Erling Örn Árnason Sími33763
Guðmund Geir Sigurðsson .... Sími 66753
Sigurjón Karlsson Sími 78959
Berg Pálsson Sími 78591
Salvar Júlíusson Sími71380
Guðbjörgu Jónsdóttur Sími 71254
Oddnýju Garðarsdóttur Sími12635
Guðbjörgu Sigurgeirsdóttur . .. Sími12423