Tíminn - 13.09.1988, Page 3
Þriðjudagur 13. september 1988
Jíminn .3
Eldur í
bragga
Eldur kom upp í gömlum bragga
frá stríðsárunum, sem stendur á
svokölluðu Ullarnesi í Mosfellsbae, á
tólfta tímanum á sunnudagskvöld.
Bragginn hafði, þar til fyrir
nokkru, verið notaður undir bif-
reiðaverkstæði, en eigendur hans
höfðu hafið breytingar á honum, og
var ætlunin að nota hann til tóm-
stundaiðkana. Tjón þeirra er ekki
talið mikið þar sem engin tæki voru
innandyra þegar eldurinn kom upp.
Þegar slökkviliðið kom á staðinn var
bragginn alelda og að mestu
brunninn. Greiðlega gekk að
slökkva eldinn. Talið er líklegt að
kviknað hafi í út frá rafmagni.
-ABÓ
Eldur í
Fjörutíuogþrír
afgreiðslustaðir Landsbankans
selja og innleysa
Spariskírteini Ríkissjóðs.
Spariskírtáni Ríkissjóðs eru önujg fjárfesling og bera 7-8% ársvexti umfrarn verðtryggingu. Spariskírteinin eru
að verðgildi kr. 5.000, ÍO.OOO, 50.000, 100.000 og l.OOO.OOO.
Starfsfólk Landsbankans veitir ennfremur upplýsingar um aðrar góðar ávöxlunarleiðir, svo sem
Kjörbók, Afrmdisreikning og Bankabréf
Haustfundur Félags sambands
fiskframleiðenda er nú haldinn á
Hótel KEA á Akureyri þar sem
framtíðarhorfur í fiskiðnaðinum eru
til umræðu. Þar eru efnahagstillögur
sem ríkisstjórnin vinnur nú að einnig
ofarlega á baugi. Aðalfundur Sam-
bands fiskvinnslustöðvanna sem
haldinn var á Stykkishólmi fyrir
helgi tók eindregna afstöðu með
niðurfærsluleiðinni og var Árni
Benediktsson, formaður SAFF,
spurður hvort það sama væri upp á
teningnum á fundinum á Akureyri.
„Mér sýnist að við séum sama
sinnis. Það er ekki endanlega búið
að ganga frá þeim málum, þetta er
til umræðu ennþá, en mér sýnist að
menn hallist mjög að því, að niður-
færsluleiðin sé að minnsta kosti hluti
af því sem ætti að gera,“ sagði Árni
í samtali við Tímann í gær. Hann
sagði að afstaða til efnahagstillagna
yrði tekin í dag.
Haustfundur þessi var þó ekki
boðaður sérstaklega vegna þessa,
búið var að ákveða hann fyrir nokkr-
um mánuðum. Aðal umfjöllunarefn-
in eru sölu-, markaðs- og tæknimál
og ýmislegt það sem kynni að horfa
til bóta í fiskiðnaðinum.
„Þetta er megin efni fundarins, að
ræða um þau mál sem horfa til
framtíðarinnar og að upplýsa fram-
leiðendur um stöðu rnála. Það fer
svo ekki hjá því að það sem er að
gerast fyrir sunnan hafi veruleg áhrif
á það sem við ræðum um, því að
rekstrarstaðan er þannig að það
þýðir ekki að ræða um neina framtíð
nema það sé rætt um rekstrarstöð-
una og það sem er að gerast. Annars
verður engin framtíð og allt er unnið
fyrir gýg. Ég met rekstrarstöðuna
þannig að hallinn sé það mikill að
reksturinn standist ekki til lengdar,“
sagði Árni.
Breytingar á markaðsmálum eru
sem fyrr segir á meðal þess sem er til
umræðu. „Stærsta markaðsbreyting-
in sem er að verða núna er að það er
mikill samdráttur á Bandaríkja-
markaði en mjög mikil aukning til
Austurlanda fjær, Japans, Taiwan
og Kóreu. Menn eru að hugleiða
það hvort þetta verði á/ram eða
hvort það snúist við aftur. Það fer
býsna mikið eftir verði, gengismál-
um og ýmsu öðru. Við erum að taka
kennileitin og reyna að gera mönn-
um fært að meta það hver fyrir sig
hvernig á að snúast við þessum
aðstæðum. Aðalatriðið er að menn
hafi sem bestar upplýsingar um þess-
ar breytingar,'1 sagði Árni. JIH
Árni Benediktsson.
Haustfundur SAFF haldinn á Akureyri í gær og i dag:
MENN HALLAST AÐ
NIDURFÆRSLUNNI
Bláfelli
Eldur kom upp í olíuskipinu Blá-
felli í gærmorgun, þegar verið var að
logskera í vélarrúmi skipsins, þar
sem það er til viðgerðar hjá Stál-
smiðjunni í Reykjavík. Mikinn reyk
lagði úr vélarrúminu þegar slökkvi-
liðið kom á staðinn og þurfti að
senda tvo reykkafara niður til að
slökkva eldinn, og gekk það greið-
lega. Tjón var lítið sem ekkert.
-ABÓ
L
Landsbanki
fslands
Banki allra landsmanna