Tíminn - 13.09.1988, Blaðsíða 6
6 Tíminn
Þriðjudagur 13. september 1988
Þessi mynd er úr bæklingi sem Umhyggja, félag til stuðnings sjúkum börnum, hefur gefið út og er ætlaður börnum
sem þurfa að leggjast inn á sjúkrahús.
Norræn ráöstefna á Hótel Loftleiðum:
Um sjúkraþjónustu
barna og siðfræði
Dagana 15.-17. september nk.
verður haldin norræn ráðstefna á
Hótel Loftleiðum, sem ber yfirskrift-
ina SIÐFRÆÐl OG SJÚKRA-
ÞJÓNUSTA BARNA. Ráðstefnan
er haldin á vegum áhugafélags um
þarfir sjúkra barna, Nordisk fören-
ing för syke barns behov (NOBAB),
og skiptast Norðurlöndin á um að
halda árlegar ráðstefnur.
íslandsdeild félagsins ber heitið
UMHYGGJA og hefur starfað frá
árinu 1979. Markmið UMHYGGJU
er að vinna að bættum aðbúnaði og
aðstæðum sjúkra barna, jafnt innan
sjúkrahúsa sem utan. Félagsmenn
eru bæði foreldrar og fagaðilar.
Þau meginviðfangsefni, sem rædd
verða á ráðstefnunni, fjalla um sið-
fræðileg vandamál tengd nútfma
sjúkratækni og sjúkrameðferð og
hvernig skapaður verði siðfræðilegur
grundvöllur í sjúkraþjónustu barna.
Rætt verður um sjálfsskynjun og
sjálfshugmyndir barna, unglinga og
foreldra tengdar veikindum og
sjúkrameðferð. Ennfremur verður
fjallað um siðfræði og stjórnun
sjúkraþjónustu, siðfræðileg hugtök í
sjúkraþjónustu barna og hvar erfið-
ustu siðfræðilegu ákvarðanirnar eru
teknar.
Verndari ráðstefnunnar er Vigdís
Finnbogadóttir, Forseti íslands.
Ráðstefnan er öllum opin og fer
skráning fram á Hótel Loftleiðum
fimmtudaginn 15. september kl.
18.00 til 19.30.
Aðalfundur Skógræktarfélags íslands:
Innflutningur trjáa
tekinn föstum tökum
Skógræktarfélag íslands hélt
aðalfund sinn að Reykholti í Borg-
arfirði dagana 26.-28. ágúst sl.
Fundurinn skorar á landbúnaðar-
ráðhcrra og skógræktarstjóra að
taka strax föstum tökum allan
innflutning á trjám og plöntum,
ásamt jólatrjám og greinum, til
þess að hindra að til landsins berist
fleiri skaðvaldar á gróður, en þegar
eru í landinu.
Fundurinn hvetur til þjóðarátaks
og samstöðu til verndar gróðurríki
landsins. Sérstaklega er skorað á
stjórnvöld landsins og Alþingi að
veita meira fjármagni til land-
græðslu en gert hefur verið undan-
farin ár. Þá fagnar fundurinn mjög
góðum undirtektum við fyrirhugað
„Átak 1990“, klæðum Iandið og
hvetur fundurinn skógræktarfélög,
sveitarfélög og önnur félagasamtök
til að fara nú þegar að undirbúa
átakið. Fundurinn lýsir áhyggjum
á því tjóni sem sinubrunar hafa
valdið á undanförnum árum, sem
orðið hafa fyrir gálausa meðferð
elds.
Fjölmenni var á fundinum, en
auk 68 fulltrúa héraðsskógræktar-
félaganna sátu fjölmargir gestir
fundinn. Ný stjórn var kosin, en
hana skipa Björn Árnason, Hafn-
arfirði, Tómas Ingi Olrich, Baldur
Helgason Kópavogi, Hulda Valtýs-
dóttir Reykjavík, Jónas Jónsson
Reykjavík, Sveinbjörn Dagfinns-
son Reykjavík og Þorvaldur S.
Þorvaldsson Reykjavík. í vara-
stjórn eru Jón Bjarnason Hólum,
Ólafía Jakobsdóttir Hörgslandi og
Sigurður Ágústsson Stykkishólmi.
- ABÓ
Landssamband lögreglumanna:
TRÚNADARBRESTUR OG
VANTRÚ Á RÉTTARRÍKI
Stjórn Landssambands lögreglu-
manna mótmælir harðlega einhliða
skerðingu stjórnvalda á samnings-
rétti og launum opinberra starfs-
manna. Stjórnin telur óþolandi að
venjulegt launafólk skuli alltaf þurfa
að bera þyngstu byrðarnar í efna-
hagsráðstöfunum, en lítið sé leitað
til þeirra staða í þjóðfélaginu, þar
sem meira er af að taka.
Um sl. mánaðarmót var lagður á
matarskattur, sem harðast hefur
bitnað á hinum launalægstu. Síðan
hefur samningsrétturinn verið af-
numinn um tíma til undirbúnings
frekari skerðingu á samningsbundn-
um kjörum. Nú hefur verið ráðist á
sjálf launin, þau rýrð og um leið
skert greiðslugeta húsbyggjenda.
Þar með er ráðist að fjárhagsgrund-
velli heimila hins almenna launþega.
Með þessu háttarlagi er stefnt í
trúnarðarbrest milli þjóðar og
stjórnvalda, og þar með í vantrú á
réttarríki og réttlátt þjóðfélag.
Stjórn LL sýnist því full þörf á að
minna ríkisvaldið á það sem forðum
var mælt: „Með lögum skal land
byggja-en meö ólögum eyða“. KB
Stakk sambýlis-
manninn í bakið
Kona á þrítugsaldri stakk sambýl-
ismann sinn með hníf í bakið, í íbúð
þeirra í Breiðholti, á fjórða tímanum
í fyrrinótt. Sárið, sem maðurinn
hlaut af stungunni, er fjórtán sentí-
metra djúpt. Ósamkomulag er talið
hafa leitt til þess að konan stakk
manninn og leikur grunur á að þau
hafi neytt áfengis.
Maðurinn tilkynnti sjálfur um
verknaðinn til lögreglu, og þegar
hún kom á staðinn hafði hann misst
mikið blóð, en var með meðvitund.
Hann var fluttur á gjörgæsludeild
Borgarspítalans, þar sem gert var að
sári hans og mun hann ekki vera í
lífshættu.
Konan fékk að gista fangageymslu
það sem eftir lifði nætur, en í gær var
hún yfirheyrð hjá rannsóknarlög-
reglunni. -ABÓ
Japanir vilja
rauðari karfa
Hjá Kaupfélagi Austur-Skaftfell-
inga á Höfn er nú staddur Japani
sem hefur því hlutverki að gegna að
fylgjast með meðhöndlun hráefnis-
ins, en Japanir gera mjög sérstakar
kröfur til hráefnisins, eru mjög ná-
kvæmir og sérvitrir og menn þurfa
að leggjasig alla fram við aðuppfylla
kröfur þeirra.
KASK hefur um nokkurt skeið
unnið karfa til útflutnings á Japans-
markað og er karfinn heilfrystur.
Japanir setja það skilyrði að karfinn
sé sem rauðastur, en eins og allir vita
þá kemur hann rauður úr sjónum,
en síðan settur í sérstaka upplausn
til þess að rauði liturinn haldist sem
best.
Hjá KASK segja menn að þetta sé
skynsamlegasta verkunin í dag, enda
skili hún meira en hin hefðbundna
flökun. Segja þeir að Japanir borgi
sæmilega fyrir fiskinn. Það er því
ekki við öðru að búast en KASK-
menn leggi sig alla fram. - ABÓ
Menn innan Útgeröarfélags Akureyringa íhugatilboð í Granda:
Ekki verið rætt
á stjórnarf undum
Tíminn hefur fregnað að menn
innan Útgerðarfélags Akureyringa
hf. hafi íhugað möguleikann á því að
gera tilboð í hlutabréf Reykjavíkur-
borgar í Granda hf. Sigurður Jó-
hannesson, sem sæti á í stjórn félags-
ins sagði í samtali við Tímann í gær
að slíkt hafi ekki verið til umfjöllun-
ar á stjórnarfundum.
„Það hefur engin tillaga komið
fram á stjórnarfundi um þetta, þann-
ig að ég get ekkert sagt um þessar
vangaveltur sem menn hafa verið að
skjóta sín á milli. Ég hef heyrt þessu
kastað á milli rnanna en ég hef engar
forsendur til þess í dag að leggja mat
á það hvort slíkt kæmi til greina. Þær
tölur hafa ekki verið lagðar fyrir
stjórnina þannig að maður geti á
nokkurn hátt farið að skoða þetta í
alvöru,“ sagði Sigurður. JIH
Kanna möguleika
á úrvinnslu áls
Iðnaðarráðherra hefur óskað eftir
því að kannaðir verði mögulegir
kostir til frekari úrvinnslu áls hér á
landi, í tengslum við undirbúning
nýs álvers í Straumsvík.
1 því skyni fól Iðnaðarráðuneytið
svissneska ráðgjafafyrirtækinu
Profilex að gera könnun á því máli
og lá frumathugun fyrir sl. vor.
Jafnframt óskaði ráðuneytið eftir
því við Iðntæknistofnun að kanna
þetta mál frekar. Fulltrúi Profilex
var hér á landi fyrir skömmu til
viðræðna við ráðuneytið og starfs-
hóp um stækkun álvers og Iðntækni-
stofnun, til að yfirfara þessa mögu-
leika nánar. - ABÓ
Helstu réttir í Landnámi
Ingólfs haustið 1988
Laugardagur 17. sept. upp úr hádegi
Heiðarbæjarrétt í Þingvallasveit.
Húsmúlarétt við Kolviðarhól.
Nesjavallarétt í Grafningi.
Kaldárrétt við Hafnarfjörð.
Sunnudagur 18. sept. síðdegis
Fossvallarétt í Krísuvík.
Sunnudagur 18. sept. upp úr hádegi
Krísuvíkurrétt í Krísuvík.
Sunnudagur 18. sept. að kvöldi
Þórkötlustaðarétt í Grindavík.
Mánudagur 19. sept. árdegis
Selvogsrétt í Selvogi.
Selflatarétt í Grafningi.
Dalsrétt í Mosfellsdal.
Vogarétt á Vatnsleysuströnd.
Mánudagur 19. sept. skömmu fvrir hádegi
Kjósarrétt í Kjós
Mánudagur 19. sept. upp úr hádegi
Kollafjarðarrétt í Kollafirði.
Þriðjudagur 20. sept. árdegis
Ölfusrétt í Ölfusi.
Seinni réttir verða dagana 15.-18. októ-
ber á öllu svæðinu.