Tíminn - 12.10.1988, Blaðsíða 20
Átjan mán. binding
RÍKIS^KIP NÚTÍMA FLUTNINGAR -Hafnarhúsinu v/Tryggvagötu, ® 28822 § 7,5%
SAMVINNUBANKINN |
HRESSA
KÆTA
STRUMPARNIR
Mikil eftirspurn eftir íbúðum með fullum húsnæðislánum áhvílandi:
Aðgangur að bakdyrum
kerfisins á 300 þús.
Fasteignasölum ber saman um að það sem af er þessu
ári hafi stórlega aukist eftirspurn eftir íbúðum með fullum
áhvflandi húsnæðisstjórnarlánum. Helgast það af því að á
sama tíma og biðraðir eru langar eftir lánum hjá Húsnæðis-
stofnun og aðgangur að þeim er takmarkaður er hægt að
yfirtaka slíkt lán við kaup á íbúð og komast þannig inn í
húsnæðiskerfið bakdyramegin eins og það hefur verið
kallað.
Jón Guðmundsson, sölustjóri
hjá Fasteignamarkaðnum í
Reykjavík, segir að eftirspurn eftir
slíkum íbúðum sé mikil og mun
meiri en framboðið. „íbúðir með
fullum áhvílandi lánum sem koma
í sölu hjá okkur að morgni má
segja að seljist undantekningalaust
fyrir lokun að kvöldi," segir Jón.
Hann segir það áberandi að yngra
fólk sækist eftir slíkum íbúðum,
sem annaðhvort hefur þrotið þolin-
mæði að bíða eftir lánsloforði frá
Húsnæðisstofnun ríkisins eða eigi
hreinlega ekki kost á lánsloforði.
Jón segir að flestar þessar íbúðir
séu í blokkum og nefnir hann sem
dæmi að lítil blokkaríbúð, verð-
lögð á 4,2 milljónir króna, sé föl
fyrir milligjöf áhvílandi láns (2,7-3
milljónir) og andvirði íbúðarinnar.
Á þessu sést að í sumum tilfellum
getur fólk eignast slíkt íbúðarhús-
næði með 1200-1500 þúsund króna
útborgun, annaðhvort við undirrit-
un eða á allt að 12 mánuðum.
Athyglisvert er að verð á um-
ræddum íbúðum er 150-300 þús-
undum hærra en sambærilegum
íbúðum með lítið af áhvílandi
lánum. Jón Guðmundsson segir að
verðlagning þessa íbúðarhúsnæðis
helgist af markaðslögmálum. Hátt
verð haldist í hendur við mikla
eftirspurn. Jón bætir við að á
tímum tregðu á lánamarkaðnum
vilji fólk, sem selur þessar íbúðir,
einfaldlega fá einhverja þóknun
fyrir að útvega öðrum lánsloforð
eða öllu heldur fullt 40 ára húsnæð-
isstjórnarlán.
Jafnvægi virðist vera að komast
á á nýjan leik á fasteignamarkaðn-
um eftir umrót í heimi stjórnmál-
anna síðustu vikur. Sala á íbúðum
datt niður að mestu meðan ríkis-
stjórn Þorsteins féll og menn unnu
að því að koma ríkisstjórn Stein-
gríms á legg. En eftir að ró færðist
yfir stjórnmálavígvöllinn á nýjan
leik fór fólk á stúfa og leitaði eftir
kaupum á íbúðum. Hinsvegar er
sama ördeiðan í sölu á atvinnu-
húsnæði og áður, að sögn fast-
eignasala. Jón Guðmundsson segir
að verð á fbúðarhúsnæði hafi nán-
ast staðið í stað síðan í febrúar-
mars á þessu ári.
Kristján Kristjánsson hjá Fast-
eignaþjónustunni í Reykjavík segir
að íbúðaskipti hafi aukist að
undanförnu. Hann segir að algeng-
ast sé að yngra fólk sækist eftir að
stækka við sig og skipti þá á t.d.
blokkaríbúðum við roskið fólk sem
kýs minna húsnæði í ellinni. „Ég,
tel að slík viðskipti geti í flestum
tilfellum komið betur út fyrir fast-
eignasala og ekki síst viðskipta-
vini,“ segir Kristján. Hann segir að
fasteignaskipti nái líka til atvinnu-
húsnæðis. Þá taki fyrirtæki stund-
um atvinnuhúsnæði upp í í skiptum
og selji það síðan strax aftur.
Þær upplýsingar fengust hjá Páli
Halldórssyni, hjá fasteignasölunni
Biðröð við aðaldyr húsnæðiskerfisins
við bakdyrnar.
Eignakjöri á Akureyri, að sala á
íbúðarhusnæði þar í bæ hafi dottið
niður í pólitíska umrótinu að
undanförnu en hún væri nú aftur
að færast í eðlilegt horf. „Málið er
það að við höfum ekki nægilega
mikið úrval fasteigna. Ásóknin
núna er satt að segja mun meiri en
hefúr hleypt upp aðgangseyrinum
við getum sinnt. Hingað vill fólk
flytjast frá höfuðborgarsvæðinu og
reyndar allsstaðar að af landinu,“
segir Páll. Hann segir algengt verð
á 60 fm, 2 herb. íbúð vera á bilinu
2,5-2,8 milljónir en fyrir 3 herb.
íbúð greiði menn 3,4-3,6 milljónir
króna. óþh
Sameinað Alþingi:
Guðrún
kjorin
forseti
Starfsmenn Alþingis voru kosnir
á fundi í sameinuðu þingi í gær.
Það fór eins og spáð hafði verið að
Guðrún Helgadóttir (G.Rvík) var
kosin forseti sameinaðs þings, en
forseti efri deildar er Jón Helgason
(B Suðurl.) og Kjartan Jóhannsson
(A Reykjan.) var kjörinn forseti
neðri deildar.
Þetta er í fyrsta sinn í sögunni að
kona er kjörin forseti sameinaðs
Alþingis og lýsti Guðrún þeirri
skoðun sinni í stuttri ræðu, er hún
tók við embættinu, að þetta væri
mikilvægur áfangi í sögu kvenrétt-
indabaráttunnar. Reyndar virðist
jafnréttið í uppsveiflu í þinginu um
þessar mundir, því báðir varafor-
setar í sameinuðu þingi eru einnig
kvenkys, þærSalóme Þorkelsdóttir
(D Reykjan.) og Valgerður Sverr-
isdóttir (B. Nl.ey.) - ág
Guðrún Helgadóttir, forseti sam-
einaðs Alþingis. Tímamynd:Gunnar
Nefndakjör á Alþingi:
Ágreiningur
í stjórnar-
andstöðunni
Eftir hádegi í dag verður kosið í
nefndir á vegum Alþingis og munu
stjórnarflokkarnir hafa náð sam-
komulagi um uppstillingu manna í
þær. Ósamkomulag er hinsvegar
ríkjandi í herbúðum stjórnarand-
stöðunnar um tilnefningu sameigin-
legs lista. \
Þetta ósamkomulag mun tíl komið
vegna ágreinings Borgaraflokks og
Sjálfstæðisflokks um val manna í
nefndir og geta borgaraflokksmenn
til að mynda ekki sætt sigjvið að
sjálfstæðismenn eigi tvo menn í
utanríkismálanefnd. Þannig er óljóst
hvort stjórnarandstaðan muni stilla
upp sameiginlegum lista á móti
stjórninni eða ekki.
Samkomulag stjórnarflokkanna
felst m.a. í því að í sameinuðu þingi
mun Jóhann Einvarðsson (B
Reykjan.) taka við formennsku í
utanríkismálanefnd, en Kjartan Jó-
hannsson (A. Reykjan.) verður
varaformaður hennar. Sighvatur
Björgvinsson (A. Vestfj.) verður
formaður fjárveitinganefndar og Al-
exander Stefánsson (B. Vesturl.)
varaformaður. Þá verður Guðni Ág-
ústsson áfram formaður allsherjar-
nefndar. Samkvæmt samkomulag-
inu munu framsóknarmenn fá for-
mennsku í fjórum nefndum efri
deildar, þar á meðal sjávarútvegs-
nefnd og mun Stefán Guðmundsson
(B. Norðurl.v.) væntanlegt for-
mannsefni þar. -ag