Tíminn - 01.11.1988, Blaðsíða 6

6 Tíminn
Þriðjudagur 1. nóvember 1988
Stefán Guðmundsson, alþingismaður:
Samkeppnisaðstaða
skipaiðnaðar bætt
Stefán Guðmundsson (B.Nl.v.) hefur lagt fram tillögu til
þingsályktunar um bætta samkeppnisstöðu innlends skipaiðn-
aðar. Með henni er því beint til stjórnvalda að þau geri
nauðsynlegar ráðstafanir til að tryggja að íslenskur skipaiðn-
aður geti keppt á jafnréttisgrundvelli við þær þjóðir sem í æ
ríkara mæli taka að sér íslensk skipasmíðaverkefni.
Þannig væri hægt að skapa fjölda
manns atvinnu. Því hefur raunar
margoft verið lýst yfir af hálfu stjórn-
valda að brýnt væri að grípa til
aðgerða og verið vel tekið í tillögur
samtaka skipasmíðaiðnaðarins í
þessum efnum.
Tillögu þessa lagði Stefán fram á
síðasta þingi en hún kom ekki til
umræðu þá. Hún felur m.a. í sér að
ríkisstjórnin tryggi að útyegsmenn
og opinberir sjóðir semji ekki um
nýsmíði skipa eða viðhaldsverkefni
erlendis án undangengins útboðs
þar sem innlendir aðilar keppi á
jafnréttisgrundvelli við erlendan
skipaiðnað, m.a. varðandi með-
höndlun tilboða og fjármagnsfyrir-
greiðslu. Gerðar verði staðlaðar
reglur þar að lútandi og ríkisstjórnin
beiti sér fyrir því að bankarnir veiti
sambærilegar ábyrgðir vegna skipa-
smíðaverkefna innanlands og veittar
eru þegar verkefni eru boðin út
erlendis. Hlutur innlendra skipa-
smíðastöðva hefur farið versnandi á
undanförnum árum og sérstaklega
eftir að gefin var heimild til beinnar
erlendrar lántöku vegna viðhalds og
nýsmíða skipa erlendis. Tillagan er
því tímabær og vonandi að tekið
verði skjótt á þessum málum. -ág.
r Framkvæmdanefnd búvörusamninga:
Itrekar ákvæði um
sölu á kindakjöti
í filefni af fréttum í fjölmiðluni
um að bændur selji kindakjöt af
heimaslátruðu til neytenda, hefur
Framkvæmdanefnd um búvöru-
samninga sent frá sér tilkynningu til
að vekja athygli á ákvæðum samn-
inga er varða sölu á kjöti á innan-
landsmarkaði.
í tilkynningu þessari kemur fram
að í búvörusamningi Stéttarsam-
bands bænda og ríkisvaldsins er
skýrt tekið fram, að eingöngu kinda-
kjöt sem framleitt hefur verið innan
búvörusamnings og þá innan full-
virðisréttar, skuli sell á innanlands-
markaði. Allt kjöt sem framleitt
kann að vera umfram fullvirðisrétt
skal flutt úr landi og skal fram-
leiðendum skilað eingöngu því verði
sem fyrir það kann að fást erlcndis,
eftir að greiddur hefur verið vinnslu-
og sölukostnaður þess.
í framhaldi af þessum ákvæðum
samningsins bendir framkvæmda-
nefndin á að ef einstakir fram-
leiðendur verða uppvísir að sölu á
kjöti af heimaslátruðu á innanlands-
markaði, þá muni það leiða til
beinnar skerðingar á fullvirðisrétti
viðkomandi framleiðenda við upp-
gjör búvörusamninga. Auk þess
varðar slík sala meðal annars við lög
um álagninu söluskatts og lög um
heilbrigðiseftirlit með matvælum.
í haust verður greitt fyrir ónýttan
fullvirðisrétt. í því sambandi telur
framkvæmdanefndin rétt að taka
fram að áður en til greiðslu kemur
fyrir ónýttan rétt verði samræmi
milli ásetningsskýrslna og slátrunar
kannað hjá framleiðendum. Ef þeir
sem slíka greiðslu þiggja selja jafn-
framt heimaslátrað kjöt þá er um
fjársvik að ræða og verður farið með
þau mál sem slík ef upp kemst.
f lok tilkynningarinnar áréttar
framkvæmdanefndin að bændur
skaði sig mest sjálfa ef til lengri tíma
er litið, með því að virða ekki það
samkomulag sem náðst hefur milli
Stéttarsambands bænda og ríkisins
um framkvæmd búvörusamninga.
Ennfremur leggur nefndin áherslu á
að hún muni gera það sem í hennar
valdi stendur til þess að herða eftirlit
með að kjöt af heimaslátruðu verði
ekki selt á almennum markaði nú í
haust.
ssh
Slátrun í Skagafirði
Þann 13. október síðastliðinn lauk
slátrun sauðfjár í sláturhúsi Kaupfé-
lags Skagfirðinga. Alls var lógað
rúmlega 32 þúsund dilkum og yfir 17
hundruð fullorðnum kindum. Mcð-
alþungi dilka reyndist 14,396 kíló
sem er 129 grömmum minna en í
fyrra. í ár fóru 10% dilkanna í
úrvalsflokk.
Fyrir utan þessa slátrun var rúm-
lega 300 fjár lógað vegna fækkunar-
samninga, og um 1600 fjár var lógað
vegna riðuniðurskurðar. Liggur því
fyrir að fjárstofn Skagfirðinga hcfur
dregist saman um meira en helming
frá því sem flest var.
Nautgripum er slátrað el'tir því
hvort sala er fyrir hendi en slíkt kjöt
selst næreingöngu ófrosið. Framboð
á sláturgripum er nokkuð meira en
eftirspurn en þó ekki svo að til
vandræða horfi.
Ekki er Ijóst hversu mörgum fol-
öldum verður slátrað. Ástæða þess
er sú að óvissa ríkir um sölu á fol-
alda- og hrossakjöti. Staða þessara
afurða er lakari en annars kjöts,
vegna þess að hækkun sem leiddi af
álagningu söluskatts var ekki greidd
niður á því. ssh
Fjölbreytt bókaframboð í ár:
Haust- og jólabækur MM
Að vanda koma allmargar bækur
út hjá Máli og menningu nú í haust
og fram að jólum, og má með sanni
segja að þar kenni margra og
sundurleitra grasa. Þar á meðal er
skáldsagan Mín káta angist eftir
Guðmund Andra Thorsson, sem
er frumraun höfundar í skáld-
sagnagerð. Þá kemur út smásagna-
safn eftir Gyrði Elíasson sem nefn-
ist Bréfbátarigningin, og einnig
stórbók með verkum Þórarins
Eldjárns.
Fjórar ljóðabækur koma út í ár,
þar á meðal Að lokum, bók með
eftirlátnum ljóðum Ólafs Jóhanns
Sigurðssonar. Eftir Sigurð A.
Magnússon kemur bókin Hvarf-
baugar sem hefur að geyma úrval
Ijóða hans frá árunum 1952-82.
Hannes Sigfússon sendir frá sér
ljóðabókina Lágt muldur þrum-
unnar, og eftir Geir Kristjánsson
kemur safn nýrra ljóðaþýðinga úr
rússnesku, Undirhælumdansara.
Af öðrum vcrkum má nefna bók
eftir Björn Th. Björnsson sem
heitir Minningarmörk í Hólavalla-
garði og fjallar um gamla kirkju-
garðinn við Suðurgötu í Reykja-
vík. Eftir Tryggva Emilsson kemur
bókin Sjómenn og sauðabændur,
og Sigrún Júlíusdóttir sendir frá
sér bókina Hremmingar, sem flytur
viðtöl um nauðgun. Loks kemur
bókin Föt á krakka 7-12 ára eftir
Sigrúnu Guðmundsdóttur.
Auk þess gefur Mál og menning
út í ár sex þýddar skáldsögur. Þær
eru Húsið með blindu glersvölun-
um eftir Herbjörgu Wassmo í þýð-
ingu Hannesar Sigfússonar, Á veg-
um úti eftir Jack Kerouac sem
Ólafur Gunnarsson þýðir, Hroki
og hleypidómar eftir Jane Austen
í þýðingu Silju Aðalsteinsdóttur,
Ást og skuggar eftir Isabel Allende
í þýðingu Berglindar Gunnarsdótt-
ur, Heltekinn eftir P.D.James sem
Álfheiður Kjartansdóttir hefur
þýtt og Veröld ný og góð eftir
Aldous Huxley sem Kristján Odds-
son þýðir.
Allmargar bækur fyrir börn og
unglinga koma einnig út hjá Máli
og menningu. Þar á meðal er
skáldsaga eftir Ólaf Hauk Símon-
arson sem nefnist Gauragangur,
og tvær skáldsögur eftir Andrés
Indriðason, Ég veit hvað ég vil og
Alveg milljón. Einnig kemur út
skáldsagan Jóra og ég eftir Guð-
laugu Riehter og bókin Ég á afmæli
í dag eftir Björgu Árnadóttur og
Ragnheiði Gestsdóttur. Auk þess
gefur Mál og menning út einar tíu
þýddar bækur handa börnum og
unglingum.
-esig
Kirkjugarðar Reykjavíkurprófastsdæmis:
Vilja hlýlegri
Fossvogskirkju
Stjórn Kirkjugarða Reykjavíkur-
prófastsdæmis efnir á næstunni til
hugmyndasamkeppni um endurbæt-
ur á Éossvogskirkju. Tilefnið er að
leita eftir hugmyndum um, hvernig
gera megi kirkjuna hlýlegri og vina-
legri á hagkvæman hátt, en kirkjan
er stílhrein og einföld í formi en
þykir kuldaleg.
Fossvogskirkja er í eigu Reykja-
víkurprófastsdæmis og er útfarar-
kirkja. Langur aðdragandi var að
byggingu kirkjunnar. Ýmsir merkir
læknar sinnar samtíðar skrifuðu
greinar í blöð og tímarit, um útfarir
og nauðsyn breytinga á þeim. Þeir
ræddu einkum um þær út frá heil-
brigðissjónarmiði, en einnig kostn-
aðarhliðina sem þá þótti oft óbæri-
lega mikil. Þá var rætt um aðstoð
sem opinberir eða hálfopinberir aðil-
ar myndu veita, til að auðvelda
aðstandendum undirbúning útfara.
Einnig var þungt á metunum hjá
þeim, að fjarlægja ætti líkfylgdir af
götum bæjarins, en þær voru þá
þegar farnar að verða til trafala fyrir
almenna umferð.
Sameiginlegur fundur var haldinn
með biskupi og öllum prestum próf-
astsdæmisins, ásamt safnaðarstjórn-
um. Þar voru samþykktar aðgerðir
og undirbúningur kirkjugarðsstjórn-
ar að byggingu útfararkirkiu fyrir
Reykjavíkurprófastsdæmi. Ákveðið
var að kirkjan tæki 250-300 manns í
sæti og sambyggð henni skyldi vera
fullkomin líkgeymsla með kælibún-
aði.
Samvinna var höfð við Bálfarar-
félag íslands um byggingu bálstofu í
tengslum við kirkjubygginguna.
Bálfararfélagið hafði lagt fram fé til
kaupa á tveimur líkbrennsluofnum,
sem komið var fyrir í Fossvogs-
kirkju. Þeir eru enn í notkun og
þjóna öllu landinu.
í ársbyrjun 1944 var skipuð bygg-
ingarnefnd og hinn 16. mars 1945,
var fengið byggingarleyfi fyrir kirkj-
unni, ásamt tilheyrandi byggingum.
Framkvæmdir við kirkjuna gengu
mjög vel og þann 25. apríl 1946,
lagði forseti íslands, Hr. Sveinn
Björnsson, hornstein kirkjunnar.
31. júlí 1948varFossvogskirkja vígð
af dr. theol. sr. Bjarna Jónssyni,
vígslubiskupi, og þó kirkjan væri
ekki að fullu tilbúin, fór fyrsta
bálförin fram þennan sama dag.
Nú standa fyrir dyrum endurbætur
á kirkjunni innanhúss, og er til-
gangurinn með keppninni að fá fram
hugmyndir um, hvernig best sé að
þeim staðið. Ekki stendur til að
breyta ytra formi kirkjunnar eða
umhverfi hennar utanhúss á nokk-
urn hátt. Mikilsvert er að breyting-
arnar falli vel að kirkjunni í núver-
andi mynd og að tillit sé tekið til
verka þeirra arkitekta sem hönnuðu
hana.
Hugmyndasamkeppnin er öllum
opin, fagfólki í hönnun, sem og
áhugafólki um verndun og lagfær-
ingu Fossvogskirkju.
Verðlaunafé er samtals kr.
500.000.00. Þrenn verðlaun verða
veitt, þar af eru fyrstu verðlaun ekki
lægri en kr. 250.000.00. Auk þess er
dómnefnd heimilt að kaupa tillögur
fyrir allt að kr. 200.000.00.
Tillögum skal skila til trúnaðar-
manns dómnefndar í Byggingaþjón-
ustunni, Hallveigarstíg 1, í síðasta
lagi 1. febrúar 1989, kl. 18.00 að
íslenskum tíma. elk.
Leiðrétting
Sú misritun varð nýlega í
dropaþætti hér í blaðinu, þegar
rætt var um sérkennilega kynn-
ingu í þætti á Stöð 2, að sagt var
að Jón Óttar hefði kynnt einn
viðmælanda sinn með mörgum
orðum og kallað hann gljápíu. í
stað þessa heitis var rangt orð
haft eftir Jóni. Um var að ræða
helsta kvenritstjóra landsins.