Tíminn - 05.11.1988, Blaðsíða 10

10 Tíminn
Laugardagur 5. nóvember 1988
20. Flokksþing Framsóknarmanna
Hótel Saga 18.-20. nóv. 1988
Dagskrá
Föstudagurinn 18. nóv. 1988
Kl. 10:00 Þingsetning
Kosning þingforseta
Kosning þingritara
Kosning kjörþréfanefndar
Kosning dagskrárnefndar
Kl. 10:15 Yfirlitsræöa formanns
Kl. 11:15 Skýrsla ritara
Kl. 11:30 Skýrsla gjaldkera
Kosning kjörnefndar
Kosning kjörstjórnar
Kosning málefnanefndar
Kl. 12:00 Matarhlé
Kl. 13:20 Mál lögð fyrir þingiö
Kl. 14:30 Almennar umræður
Kl. 16:00 Þinghlé
Kl. 16:30 Nefndastörf
Laugardagurinn 19. nóv. 1988
Kl. 10:00 Almennar umræöur, framhald
Kl. 12:00 Matarhlé
Kl. 13:30 Kosning 25 aðalmanna í miðstjórn
Kl. 14:00 Afgreiðsla mála - umræður
Kl. 16:00 Þinghlé
Kl. 16:15 Nefndastörf - starfshóþar - undirnefndir
Kvöldið frjátst
Sunnudagurinn 20. nóv. 1988
Kl. 10:00 Afgreiðsla mála - umræður
Kl. 12:00 Matarhlé
Kl. 13:30 Kosning 25 varamanna í miðstjórn
Kl. 14:00 Aðrar kosningar skv. lögum
Kl. 14:30 Afgreiðsla mála og þingslit að dagskrá tæmdri (um kl.
16:00)
Kl. 19:30 Kvöldverðarhóf [ Súlnasal
Framsóknarfélag Garðabæjar
og Bessastaðahrepps
Aðalfundur félagsins verður haldinn að Goðatúni 2 fimmtudaginn 10.
nóvember kl. 20.30.
Dagskrá:
1. Venjuleg aðalfundarstörf.
2. Kosning fulltrúa á kjördæmisþing.
Stjórnin
Keflavík
Aðalfundur Framsóknarfélags Keflavíkur verður haldinn mánudaginn
7. nóvember í Framsóknarhúsinu Keflavík og hefst kl. 8.30.
Dagskrá:
1. Venjuleg aðalfundarstörf.
2. Kosning fulltrúa á kjördæmisþing 13. nóvember.
3. Kosning fulltrúa á flokksþing 18. til 20. nóvember.
4. Önnur mál.
Félagar fjölmennið.
Stjórnin.
Áhugakonur um pólitík
Landssamband framsóknarkvenna gengst fyrir léttum matarspjalls-
fundi fimmtudagskvöldið 8. nóv. að Veitingahúsinu Lækjarbrekku
(uppi) kl. 19.00.
Allar áhugakonur um pólitík velkomnar.
Framkvæmdastjórn LFK.
Atnugasemd f rá
Máli og menningu
Eins og flesturn er kunnugt af
fréttum hefur nefnd dómssmálaráðu-
neytisins um nauðgunarmál ný-
lega lokið störfum og skilað af sér
viðamikilli skýrslu af því tilefni. f
tengslum við starf nefndarinnar
voru unnar nokkrar rannsóknarrit-
gerðir um meðferð nauðgunarmála
hérlendis. Það var ljóst frá upphafi
að þeir sem þær rannsóknir ynnu
gerðu það á eigin ábyrgð. Því væri
þeim líka í sjálfsvald sett hvernig
þeir kæmu þeim á framfæri að öðru
leyti en því sem snýr að skýrslu
nefndarinnar: Hvort það yrði með
blaðagreinum, erindum eða í
bókarformi væri mál höfundanna
sjálfra, enda alvanalegt að rann-
sóknum sem ríkið hefur styrkt -
svo sem rannsóknum háskóla-
kennara.sé komið á framfæri í
bókarformi, án þess að höfundar
þeirra verði að afsala sér ritlaun-
um.
Ein þeirra rannsókna sem gerðar
voru var viðtalskönnun um nauðg-
unarmál sem Sigrún Júlíusdóttir
vann. Að sjálfsögðu hvíldi alger
nafnleynd yfir viðmælendum
hennar, og því ógerlegt að þekkja
það fólk sem um var að ræða. Fyrir
nokkru kom Sigrún að máli við
okkur hjá bókaútgáfu Máls og
menningar og spurði hvort forlagið
vildi stuðla að því að koma þessu
efni hennar á framfæri, svo al-
menningur mætti kynna sér niður-
stöður hennar. Málaleitan hennar
var vel tekið, enda umræða um
meðferð nauðgunarála mikilsverð
fyrir þjóðfélag okkar, og reyndar
óhjákvæmileg ef einhver við-
horfsbreyting á að verða.
Sigrún bjó síðan könnun sína til
prentunar, reit inngang, m.a. um
aðferð og siðfræði, og listakonan
Kristjana Samper var fengin til að
gera kápu og myndir. Sigrún vildi
að bókin yrði gefin út um svipað
leyti og skýrslan yrði kynnt almenn-
ingi, og var auðvitað orðið við þeirri
ósk. Bók hennar, sem hlaut nafnið
Hremmingar, var gefin út sem
ódýr kilja, fjölrituð eftir tölvu-
prentuðu handriti í 500 eintökum.
Ritlaun til hennar við útkomu
námu 35.000 krónur og geta, seljist
upplagið allt, mest orðið 80.000
krónur.
Þessar staðreyndir urðu dag-
blaðinu Tímanum tilefni til risa-
fréttar á baksíðu þann 1. nóvem-
ber. Þar segir í yfirfyrirsögn „Mál
og menning hefur fundið „best
seller" ársins í ríkisskýrslu" og
með stríðsletri í aðalfyrirsögn:
„Hluti nauðgunarskýrslu gefinn út í
gróðaskyni". Þessi staðhæfing er
algerlega út í hött: Menn þurfa
ekki annað en að sjá bókina, hvað
þá lesa hana, til að fullvissa sig um
að útgerð hennar er með þeim
hætti, að þessi fjölritaða kilja er
fráleit „jólagjafabók" eða „best-
seller". Hún er framlag til þjóðfél-
agsumræðu, og það er reynar eitt
af markmiðum forlagsins að stuðla
að henni.
1 fréttinni sjálfri er reynt að gera
verk Sigrúnar tortryggilegt á allan
hátt. Fremst er svæsin tilvitnun
innan gæsalappa, cn hún er raunar
klippt saman úr svörum þriggja
mismunandi kvenna, án þess að
það sé tekið fram. Nafn Sigrúnar
er svert sem kostur er og henni
gerðar upp lágkúrulegar hvatir:
Hún á að vera að reyna að auðgast
á nauðgunarmálum, og gefið er til
kynna að hún hafi farið á bak við
viðmælendur sína og vinnuveit-
anda.
Dómsmáiaráðuneytið hefur þeg-
ar svarað þessum aðdróttunum fyr-
ir sitt leyti og sýnt fram á haldleysi
þeirra. Persónuníðið nær hámarki
í setningunni: „forvitnilegt væri að
fá upplýst hvort þær konur sem
rætt var við þegar skýrslan var
gerð, hafi þá né síðar vitað að þær
yrðu gerðar að féþúfu félagsráð-
gjafans á þennan hátt“ (leturbreyt-
ing mín).
Um blaðamennsku af þessu tagi
þarf ekki að fjölyrða. Það er nóg
að bera hana saman við staðreyndir
málsins hér að ofan, og er athuga- ••
semd þessi rituð til að gefa lesend-
um kost á því. Því má bæta við að
hér á forlaginu þekkjum við Tím-
ann af velviljaðri umræðu um bæk-
ur og bókaútgáfu, og reyndar af
góðu samstarfi við ýmsa bókamenn
sem þar vinna. Það er vandséð
hvað blaðinu gengur til með um-
fjöllun af þessu tagi um vandmeð-
farið málefni.
Með þökk fyrir birtinguna.
Halldór Guðmundsson
útgáfustjóri Máls og menningar.
11111111 BÓKMENNTIR 111
Tónlistarsaga
æskunnar
Bókaútgáfan FORLAGIÐ hefur
gefið út fjölfræðibók um tónlist fyrir
börn og unglinga sem nefnist Tón-
listarsaga æskunnar og er eftir Ken-
neth og Valerie McLeish. Hér er um
að ræða víðfræga bók sem á frum-
málinu nefnist The Oxford First
Companion to Music.
Tónlistarsaga æskunnar er nýjung
á íslandi, því í fyrsta skipti eiga
íslensk börn og unglingar kost á að
fræðast um tónlist á móðurmáli stnu
í vönduðu alfræðiriti. í bókinni er
fjallað um margar greinar tónlistar-
innar - sígilda tónlist Vesturlanda,
popptónlist, djass og tónlist fram-
andi þjóða.
Bókin skiptist í eftirtalda kafla
sem gefa góða hugmynd um fjöl-
breytni hennar:
- Að hlusta á tónlist
- Tónlist um víða veröld
- Hljóðfæri og hljómsveitir
- Að syngja og dansa
- Tónlistarsagan
- Tónskáldin og tónlist þeirra
- Að skrifa tónlist
Tónlistarsaga æskunnar hefur að
geyma rúmlega 1000 myndir og
myndskreytingar sem hafa ómetan-
legt upplýsingargildi. Auk þess eru
rúmlega 50 tóndæmi í bókinni sem
auðvelt er að leika á blokkflautu eða
píanó. Einnig er leiðbeint um tónlist
á hljómplötum til að hlusta á. Bókin
er einkum ætluð bömum og ungling-
um sem eru að hefja tónlistamám
eða vilja vita meira um þá tónlist
sem þau heyra á hljómplötum, í
útvarpi eða sjónvarpi.
Tónlistarsaga æskunnar er 192
bls. í stóm broti. Eyjólfur Melsteð
þýddi. Bókin er prentuð í Hong
Kong.
ÖLL VINNSLA
PRENTVERKEFNA
Við í Prentsmiðjunni Eddu tökum að
okkur hönnun og vinnslu á stórum og
smáum prentverkefnum.
Smiðjuvegi 3,
200 Kópavogur.
Sími 45000.
Kærleikur - læknmgar
- kraftaverk
Kærleikur, lækningar, kraftaverk
er 240 bls. Auk þess eru 8 litmynda-
síður í bókinni. Helga Guðmunds-
dóttir þýddi. Prentsmiðjan Oddi hf.
prentaði. AUK hf./Magnús Jónsson
hannaði kápu.
Bókaútgáfan FORLAGIÐ hefur
sent frá sér bókina Kærleikur, lækn-
ingar, kraftaverk eftir bandaríska
skurðlækninn Bernie S. Siegel og
fjallar hún um reynslu hans af ein-
stökum hæfileika krabbameinssjúk-
linga til að læknast af sjálfsdáðum.
Bókin fjallar um það að lækna og
lina þjáningar, hún segir frá sjúkling-
um sem hafa sterkan vilja til að
sigrast á sjúkdómum og lifa af. Hún
fjallar um hugrekki til að horfast í
augu við sjúkdóma og vinná gegn
þeim með hjálp lækna og hjúkrun-
arfólks.
Bernie S. Siegel er bandarískur
læknir sem unnið hefur einstætt
brautryðjandastarf til stuðnings fólki
með alvarlega sjúkdóma. Hann fjall-
ar um vanda sinn í læknisstarfi og
hvernig hann leysti hann með því að
fara að vinna með sjúklingunum
sem manneskjum og taka þátt í
baráttu þeirra af kærleik fremur en
að fást einvörðungu við þá sem
sjúkdómstilfelli.
Þótt bókin fjalli einkum um
krabbameinssjúklinga skírskotar
hún ekki síður til fólks með aðra
sjúkdóma. Hún á líka erindi til
fullfrískra manna sem láta sér annt
um heilsu sína. Boðorð Siegels lækn-
is er einfalt: Hægt er að ná undra-
verðum árangri með því að beita
kærleik, skilningi og innsæi. Ef sálar-
lífið er í jafnvægi eykst líkamanum
styrkur.
8msið S. Siag»l