Tíminn - 17.12.1988, Blaðsíða 19

Laugardagur 17. desember 1988
Tíminn 19
lllllllllllllllllllllllll! BÆKUR llllllllll
THEFISHERMANSBOY
ANDTHESEAL
J6h8itw!s úr Kftlum Ra8nh<.iður G««tMí6ttir
Suðurnesja-
saga á ensku
Nýlega sendi bókaútgáfa Máls
og menningar frá sér enska
þýðingu á bókinni Saga af
Suðurnesjum, ljóð eftir Jóhannes
úr Kötlum sem gefið var út á
síðastliðnu ári myndskreytt af
Ragnheiði Gestsdóttur. Enska
þýðingin ber nafnið The
Fisherman’s Boy and the Seal og
ritaði Vigdís Finnbogadóttir
forseti formála um uppruna
ljóðsins og íslenska menningu.
Saga af Suðurnesjum er byggð
á íslenskri þjóðsögu og segir frá
dreng sem rær til fiskjar en
steypist útbyrðis. Á hafsbotni
hittir hann sehnn Kobba, sem
reyndar er sonur Faraós. Hann
tekur drenginn með sér í höll sína
á hafsbotni þar sem verða óvæntir
fagnaðarfundir en sagan endar á
því að selurinn skilar honum heim
á jólakvöldi.
í bókinni eru htmyndir á hverri
síðu og er hún unnin og prentuð í
Prentsmiðjunni Odda.
Hvað á ég
að gera?
Bókin Mamma! Hvað á ég að
gera? er komin út hjá Almenna
bókafélaginu. Bók þessi er
handbók fyrir ungt fólk sem
langar (eða verður) að standa á
eigin fótum. í fimm köflum sem
nefnast: Landneminn,
Völundurinn, Græðarinn,
Kokkurinn og Þrifillinn er að finna
leiðbeiningar um íbúðarkaup,
flutninga, hvernig á að koma sér
fyrir í nýrri íbúð, blómarækt,
standsetningu á húsnæði,
heimihsslys, einfalda matreiðslu,
hreingemingu, þvott á taui,
frágang á fatnaði og fleira.
Hvernig á að stytta buxur?
Hvaða múrtappar passa fyrir
sex millimetra bor?
Hvenær á að senda vín til baka?
Bókin Mamma! Hvað á ég að
gera? svarar þessum spurningum
og ótal mörgum til viðbótar.
Höfundur bókarinnar er Jón
Karl Helgason. Hefur hann safnað
efni í bókina með viðtölum við
aðila sem vit hafa á hinum ýmsu
vandamálum sem verða á vegi
hins unga sjálfstæða einstakhngs.
Handritið hefur síðan verið borið
undir sérfræðinga á ýmsum
vinnslustigum. Bókin er
myndskreytt af Guðjóni Inga
Haukssyni og Þorra Hringssyni.
Úthtshönnun: Guðjón Ingi
Hauksson. Kápuhönnun: Tómas
Jónsson.
Bókin er 130 bls. að stærð.
Setningu, filmuvinnu og prentun
annaðist Prentstofa G.
Benediktssonar. Bókband:
Félagsbókbandið-BókfeU.
Veiðitíminn
Bókaútgáfan Suðri hefur gefið
út Veiðitímann eftir J.K. Mayo,
sem er fyrsta bók höfundarins og
hefur aflað honum mikiUa
vinsælda sem
spennusagnahöfundur.
Veiðitíminn fjaUar um
leikritaskáld sem er á leið frá
Frakkklandi til Englands með
handrit af leikriti sem hann vonar
að færi honum frægð og frama. En
á leiðinni yfir Ermarsund verður
hann vitni að morði og er þar með
orðinn fómarlamb óþekktra
misyndismanna.
Leikritaskáldið hrekst til
Kanada til að losna við ofsóknirnar
og hinir óþekktu birtast einnig þar
og dregst leikritahöfundurinn
ásamt vinum sínum inn i heim
ofbeldis og klækja.
Þýðandi Veiðitíma er Torfi
Ólafsson.
GLÆSUEG
FJÖLSKYLDA
Hún er glæsileg
Panasonic ryksugufjölskyldan enda af
góðum og traustum ættum. PanasonÍC býður
ryksugur við allra hæfi, stórar, litlar, kröftugar,
traustar, hljóðlátar
og meðfærilegar.
MC-E61.
850 vött. Lítil og kraftmikil, tilvalin fyrir litlar íbúðir,
bilínn og jafnvel sumarbústaðinn.
VERÐ AÐEINS KR. 5.690,-
MC-E89
1000 vött. Margir telja þetta bestu ryksugukaupin í dag.
Hörkukraftur, tvískiptur veltihaus, rykmælir,
inndraganleg snúra, stiglaus styrkstillir og
innbyggt hólf fyrir fylgihluti.
VERÐ AÐEINS KR. 7.980,-
MC-E92
1200 vött. Höfuð fjölskyldunnar. Ofurkraftur einkennir þessa fjölhæfu
og sterku ryksugu sem gerir þrif á stórum íbúðum að barnaleik.
Tvískiptur veltihaus, rykmælir, hljóðmerki sem lætur vita ef poki lekur,
stiglaus styrkstillir, inndraganleg
snúra og innbyggt hólf fyrir fylgihluti.
VERÐ AÐEINS KR. 9.980,-
JAPISð
• BRAUTARHOLT 2 ■ KRINGLAN ■
■ SÍMI 27133 ■
■ AKUREYRI ■ SKIPAGATA 1 ■
■ SÍMI 96-25611 ■