Tíminn - 05.01.1989, Qupperneq 7

Fimmtudagur 5. janúar 1989
Tíminn 7
Deila Félags þýðenda og Stöðvar 2:
Þýðendur bjóða
ekki í verkefni
Þýðendur á Stöð 2 sitja nú tíða fundi með starfsmönnum
dagskrársviðs til að reyna að ná samkomulagi. Óánægja er
með tilraunir starfsmanna í formi útboða og telja þýðendur
að farið sé langt niður fyrir taxta og þýði það ekki annað
en iakari kjör miðað við sömu vinnu. Enginn þýðandi í
Félagi þýðenda við stöðina hefur staðið að tilboðum þeim
sem sagt var frá fyrir skömmu, að sögn Tryggva Þórhalls-
sonar, þýðanda, og er það stefna félagsins að láta stöðina
ekki tvístra hópnum með neinum hætti.
„Þaö er ekki rétt að farið hafi
verið fram á lækkun á töxtum
þýðenda við Stöð tvö,“ sagði
Tryggvi Þórhallsson, meðlimur í
Félagi þýðenda við Stöð 2. Sagði
hann að starfsmenn stöðvarinnar
hafi verið að gera tilraunir með
útboð þar sem þýðendum verður
att saman. Þýðendum er boðið að
gera tilboð í þýðingarverk undir
þeim formálsorðum að lægsta til-
boði verði tekið burtséð frá gæðum
þýðingarinnar eða nokkrum taxta-
viðmiðunum," sagði Tryggvi.
Hann sat nýlega fund með félögum
sínum í Odda er Tíminn sagði frá.
Á þeim fundi var ákveðið að
samþykkja ekki neinar bindandi
ályktanir vegna þeirra samninga-
funda sem standa nú yfir.
Benti hann á að þegar venjuleg
fyrirtæki gerðu tilboð í verk væri
oft um það að ræða að mismunandi
hagræðing væri í gangi. „Við þýð-
cndur erum nokkurs konar ein-
yrkjar og að mestu um að ræða
laun þessara einyrkja. Það fer
ákveðinn tími í að þýða myndir og
lægra tilboð þýðir cinfaldlega að
þeir sem þau gera cru að taka á sig
vcrri kjör fyrir sömu vinnu."
Tíminn bar undir Tryggva það
dæmi sem Goði Sveinsson, fram-
kvæmdastjóri dagskrársviðs, sagði
frá í viðtali fyrir skömmu. Þar
gerði Goði grein fyrir tilboði sem
gert hafði verið í stóran verkefna-
pakka og fól að hans sögn í sér 120
þúsund króna mánaðariaun fyrir
6-7 tíma vinnu á dag. Tryggvi
sagði að þeir þýðendur væru búnir
að skoða þetta dæmi og komast að
annarri niðurstöðu um kjörin.
Þarna væri um að ræða útselda
vinnu og lengri vinnutíma en Goði
gaf upp. Sagði Tryggvi að algengur
vinnuhraði miðað við þær gæða-
kröfur sem verið hafa á stöðinni til
þessa, væri um 8-9 tímar á dag.
Miðað við að hér er um útselda
vinnu að ræða er ekki óeðlilegt að
ætla að launin á mánuði verði um
50-60 þúsund krónur. Er hér tekið
mið af útreikningum ASÍ og fleiri
aðila á hlutfalli launa í útseldri
vinnu af þessu tagi. KB
Um 27% innlánaaukning
í stærstu bönkunum
Innlán í Landsbankanum jukust
um 27,4% á nýliðnu ári, samkvæmt
upplýsingum sem Tíminn fékk um
bráðabirgðatölur í bankanum í gær.
Alls námu spari- og veltiinnlán í
bankanum um 28,7 milljörðum
króna nú um áramótin.
Innlánaaukning hjá Búnaðar-
bankanum var mjög svipuð, eða í
kring um 27% samkvæmt upplýsing-
um bankastjóra, og námu innlánin
Fjallalömbin komast ekki
strax í radíósamband; til-
raunum með festingar haldið
áfram og sendarnir:
Límdir í ullina
Ranglega var hermt í frétt Tímans
í gær að tilraunir yrðu gerðar næsta
vor með radíósenda sem væru festir
á lömb til að fylgjast með afföllum
þeirra.
Hið rétta er að nú í vor verða
gerðar tilraunir með nýja festingu á
sendunum við lömbin, þannig að
óvirkir sendar verða límdir með
sérstöku steypulími í ull lambanna.
í framhaldi af niðurstöðum þeirrar
tilraunar og áætluðum kostnaði við
rannsóknir á vanhöldum fjallalamba
með hjálp radíósenda, verður svo
tekin ákvörðun um hvenær ráðist
verður í þetta verkefni, reynist það
veiðistjóraembættinu viðráðanlegt
fjárhagslega.
Fækkun sinubruna
Brunaútköllum fækkaði til mikilla
muna hjá Slökkviliði Akureyrar á
árinu 1988, eða úr 115 útköllum árið
1987 í 79 á síðasta ári. Munar þar
mestu um að sinubrunar voru mjög
fáir á árinu eða sjö, en voru 41 árið
áður.
Af þessum 79 útköllum voru 8
utanbæjar, en það er sami fjöldi og
var árið áður. Mestu eldsvoðarnir
voru í Golfskálanum að Jaðri og að
Hólakoti í Eyjafirði, sem urðu báðir
í byrjun ársins.
Sjúkraútköll á árinu stóðu í stað
frá árinu á undan. Á árinu 1988 voru
1084 útköll, þar af 185 utanbæjar, en
voru 1086, þar af 172 utanbæjar árið
áður. Af þessum 1084 voru 197
bráðatilfelli. -ABÓ
samtals um 17 milljörðum króna nú
um áramótin.
Talið er að þessir tveir bankar
muni hafa náð mestri innlánaaukn-
ingu árið 1987. Þessir sömu bankar
munu hafa til ávöxtunar 62-63% af
öllum innlánum viðskiptabankanna.
Miðað við 19,1% hækkun láns-
kjaravísitölu frá upphafi til loka
síðasta árs hafa innlán þessara
tveggja banka aukist um hátt í 7%
að raungildi á liðnu ári.
Tekið skal fram að í framan-
greindum tölum er sala þessara
banka á skuldabréfum sem þeir gefa
út ekki meðtalin, enda tíðkast það
ekki í skýrslum Seðlabankans um
innlán innlánsstofnana. -HEI
Jól og áramót
í Skagafirði
Frá fréttaritara Tíman.s, Erni Þórarinssyni
Fljótum
Aramótin fóru fram með svip-
uðu sniði í Skagafirði og undanfar-
in ár. Að sögn lögreglunnar á
Sauðárkróki er ekki vitað um nein
óhöpp tengd þessum tímamótum,
þrátt fyrir mikla hálku á flestum
vegum í héraðinu.
Nýja árinu var fagnað með ára-
mótadansleikjum í þremur sam-
komuhúsum og brennur voru á
nokkrum stöðum, m.a. á Sauðár-
króki.
Veðráttan hér nyrðra hefur verið
með afbrigðum góð um jól og
áramót, nánast snjólaust um alla
sýsluna. Allir vegir í héraðinu hafa
verið færir þannig að samgöngur
hafa gengið greiðlega.
Að venju hafa verið haldnar
jólatrésskemmtanir fyrir unga fólk-
ið í Skagafirði. Löngum hefur
hlutverk jólasveinsins verið talið
ekta „karíastarf“. Svo verður tæp-
ast lengur því fréttaritara er kunn-
ugt um að tvær ungar stúlkur haft
brugðið sér í gervi jólasveinsins á
jólatrésskemmtun í sveit einni í
Skagafirði og þóttu þær standa sig
með slíkum ágætum að hæpið er að
karlmennirnir endurheimti þetta
starf í bráð að minnsta kosti.
Af menningunni er það annars
helst að frétta að félagar í Leikfé-
lagi Skagafjarðar hafa undanfarið
æft Uppreisnina á ísafirði af miki-
um krafti. Félagið frumsýndi
leikritið í félagshcimilinu Miðgarði
í gærkvöldi. Sýningarinnar var
beðið með talsverðri eftirvænt-
ingu. Þetta var í fyrsta skipti sem
ieikritið er flutt utan Reykjavíkur,
auk þess sem nokkrir athyglisverð-
ir karakterar taka þátt í uppfærsiu
Skagfirðinga á leikritinu. Þá starfar
karlakórinn Heimir af fullum krafti
sem fyrr. Æfingar hófust í byrjun
nóvembermánaðar, um 60 manns
syngja nú með kórnum. Árlcg
þrettándaskemmtun karlakórsins
verður í Miðgarði laugardaginn 7.
janúar næstkomandi. Verður það í
fyrsta skipti sem kórinn syngur
opinberlega síðan í ísraelsferðinni
sem farin var s.l. sumar.
Notkun bílbelta
= góð liftrygging!
IUMFERÐAR
RÁÐ
Kristinn Sigmundsson í hlutverki Coppeliusar.
*
Sýningar á
„Hoffmann“
falla niður
Sýningar á óperunni Ævintýri
Hoffmanns, sem vera áttu á föstu-
dagskvöld og sunnudagskvöld falla
niður af óviðráðanlegum orsökum.
Báðar sýningarnar voru uppseldar,
og virðist ekkert lát á aðsókn að
þessari vinsælu óperu. Eftir 21 sýn-
ingu eru sýningargestir orðnir á
tólfta þúsund.
Tvær mannabreytingar hafa orðið
á einsöngvaraliðinu í „Ævintýrun-
um“. Ingibjörg Martcinsdóttir tók
við hlutverki Rannveigar Fríðu
Bragadóttur sem Nicklausse, föru-
nautur Hoffmanns, í nóvember og á
næstu sýningu tekur Kristinn Sig-
mundsson við hlutverki Lindorfs,
leyndarráðs, í stað Guðjóns Óskars-
sonar, sem farinn er til útlanda.
Kristinn syngur jafnframt þrjú önnur
einsöngshlutverk í sýningunni:
Coppelius í 1. þætti, Dapertutto í 2.
þætti og Doktor Miracle í þeim
þriðja.
Þeir sem áttu aðgöngumiða á
sýningarnar á föstudags- og sunnu-
dagskvöld eru vinsamlegast beðnir
að snúa sér til miðasölu Þjóðleik-
hússins fyrir fimmtudaginn 12. jan.
Næstu sýningar á Ævintýrum Hoff-
manns verða 13., 21., 22., 27. og 28.
janúar.