Tíminn - 06.01.1989, Blaðsíða 3
Föstudagur 6. janúar 1989
Tíminn 3
Kjörstjórn skipuð í biskupskjöri:
Biskupi veitt
lausn 1. júlí
Biskupi íslands, herra Pétri Sig-
urgeirssyni, hefur verið veitt lausn
frá embætti sínu frá og með 1. júlí
n.k. Að sögn Þorsteins Geirssonar,
ráðuneytisstjóra, þýðir þetta að
biskupsskipti verða í þjóðkirkjunni
á sama tíma. Vegna þessa hefur
kirkjumálaráðherra skipað þriggja
manna kjörstjórn og þrjá menn til
vara. Mun stjórnin hraða störfum
eins og kostur er, að sögn formanns
kjörstjórnar, Þorsteins Geirssonar,
en gera verður ráð fyrir því að
umferðir í biskup’svali geti orðið
•tvær. Fyrsta verk kjörstjórnar verð-
ur að ákvarða kjörskrá og leggja
hana fram á biskupsstofu. Kjörskrá
verður að liggja frammi í fjórar
vikur áður en kjörgögn verða send
út í pósti til um 150 kjörmanna.
Varamaður formannsins í kjör-
stjórn er skrifstofustjóri ráðuneytis-
ins, Ólafur W. Stefánsson. Sam-
kvæmt lögum skipar ráðherra einn
mann utan ráðuneytis og Prestafélag
íslands skipar þriðja aðalmann. Sr.
Valgeir Ástráðsson, stjómarmaður
Pf, er aðalfulltrúi félagsins, en sr.
Jón Dalbú Hróbjartsson, einnig
stjórnarmaður PÍ, er varamaður.
MM
Pétur Sigurgeirsson.
Frá kirkjumálaráðherra kemur aðal-
maðurinn Vilhjálmur Hjálmarsson,
fyrrum menntamálaráðherra og fv.
kirkjuráðsmaður, en til vara hefur
ráðherra skipað Ragnheiði Bene-
diktsdóttur, starfsmann biskups-
stofu. KB
Birgir Árnason, formaður
þróunarnefndar bankakerfisins:
Ymsu er áfátt
í skipulagi
bankastofnana
Vaxtamunur banka og sparisjóða
hefur nú verið settur undir sérstaka
smásjá af viðskiptaráðherra, Jóni
Sigurðssyni. Hefur hann skipað
nefnd til að kanna þróun bankakerf-
isins og kostnaðar við bankaþjón-
ustu hér á landi undanfarin ár. Til
formennsku hefur valist hagfræðing-
urinn Birgir Árnason. Sagði hann að
nefndarmenn ættu eftir að hittast ört
næstu vikur því þeir eiga að skila af
sér í lok febrúar. „Hlutverk hennar
verður fyrst og fremst að draga
saman í einn stað upplýsingar sem
nota má til að taka ákvarðanir
varðandi þessi mál,“ sagði Birgir.
„Það bendir ýmislegt til þess að
vaxtamunur sé óeðlilega hár hér á
landi. Það er líka ýmislegt sem
bendir til þess að ýmsu sé áfátt í
skipulagi bankanna og það valdi
þessum mikla vaxtamun," sagði
formaðurinn.
Það sem þessi nefnd kemur til
með að vinna og senda frá sér er
talið verða nauðsynlegt innlegg í
umræðuna um hagræðingu og endur-
skipulagningu í bankakerfinu og þá
sameiningu sem verið hefur í um-
ræðunni um nokkurt skeið. „Það
verður að segjast eins og er að það
sem menn hafa haft á tilfinningunni,
hafi alls ekki verið stutt nógu grein-
argóðum upplýsingum," sagði
Birgir.
Með honum í nefndinni sitja Ei-
ríkur Guðnason, aðstoðarbanka-
stjóri í Seðlabankanum, Eyjólfur
Sverrisson, forstöðumaður á Þjóð-
hagsstofnun, Hinrik Greipsson, for-
maður Sambands íslenskra banka-
manna, Lilja Mósesdóttir, hagfræð-
ingur Alþýðusambands íslands,
Ólafur Örn Ingólfsson, forstöðu-
maður í Landsbankanum, og Sigurð-
ur Helgason, framkvstj. Björgunar
hf. KB
Frímerkjasafnarar vinna mál gegn Gjaldheimtu:
Borga ekki krónu
A fundi borgarráðs 30. des. sl. var
lagður fram dómur bæjarþings
Reykjavíkur í máli Gjaldheimtunn-
ar í Reykjavík gegn Landssambandi
ísl. frímerkjasafnara.
Gjaldheimtan höfðaði málið
vegna þess að frímerkjasafnararnir
höfðu að hennar mati þverskallast
við að greiða fasteignagjöld af hús-
eign sinni við Síðumúla í Reykjavík.
Landssambandið greiddi gjöldin
hins vegar ekki þar sem húseignin
var að þess mati félagsheimili, en
þau eru samkvæmt lögum undanþeg-
in slíkum gjöldum.
Dómur bæjarþings Reykjavíkur
var á þá lund að húsið væri félags-
heimili og því undanþegið gjöldun-
um og Gjaldheimtan tapaði málinu
gersamlega. Borgarráð fékk dóminn
til athugunar en það mun ákveða
hvort dóminum verði áfrýjað til
Hæstaréttar.
Frtmerkjasafnarar kvíða því engu
þótt svo fari. Þeir telja engan vafa
leika á að hús þeirra sé félagsheimili
og að dómur Hæstaréttar verði á
sömu lund og dómur undirréttar í
málinu. -sá
ÞAD ER ALVEG UOST HVERT
KIÖRBÓKARÞREPIN LEIÐA
SPARIFJÁREIGENDUR:
í UPPHÆÐIR.
UM ÁRAMÓTIN HÖFDU ÞREPIN
SKILAD KJÖRBÓKAREIGENDUM
TÆPLEGA 200 MILUONUM
í AFTURVIRKUM VÖXTUM,
- UMFRAM 8,57%
RAUNÁVÖXTUN.
Já, þeir vita hvað þeir eru að gera sem eiga peningana
sína inni á Kjörbók. Þegar innstæða hefur legið óhreyfð
í 16 mánuði bætast 1,4% vextir við fyrri ávöxtun
og þeir eru greiddir 16 mánuði aftur í tímann.
Sagan endurtekur sig svo við 24 mánaða markið en þá
reiknast 0,6% vextir til viðbótar 2 ár aftur í tímann.
Samt sem áður er innstæðan ávallt óbundin
og úttekt hefur engin áhrif á ávöxtun þeirrar innstæðu
sem eftir stendur. Raunávöxtun Kjörbókar
var 8,57% á liðnu ári, 9,92% á 16 mánaða þrepinu
og 10,49% á 24 mánaða þrepinu.
Leggðu strax grunninn að gæfuríku ári
og fáðu þér Kjörbók.
Landsbanki
íslands
Banki allra landsmanna