Tíminn - 08.02.1989, Blaðsíða 3
rí ' i , t i' f' i j ■’ v,*/ ’
Miðvikudagur 8. febrúar 1989 ......Tíminn *' 3
Færeyingar kaupa nær sjötta hluta allra íslenskra sviðahausa:
Færeyingar borða meira
af sviðum en íslendingar
Svið falla svo vel að smekk Færeyinga að þeir kaupa héðan
hátt í þrefait fleiri sviðahausa heldur en kjötskrokka.
Rúmlega 121 tonn af sviðum voru seld héðan til Færeyja á
s.l. ári, sem lætur nærri að vera um 110 þús. hausar. Af
kindakjöti kaupa Færeyingar um 650 tonn á ári. Miðað við
venjulegan fallþunga geta það verið í kring um 46-47 þús.
skrokkar, eða um einn skrokkur á mann, sem er svipað magn
og Færeyingar framleiða sjálfir í eyjunum.
Að viðbættum h.ausum af eigin
sláturfé virðist í kringum sjö sviða-
kjammar koma í hlut hvers Færey-
ings að meðaltali. Það er um tveim
kjömmum meira en eftir verður
handa hverjum íslendingi, þ.e.a.s.
ef við torgum öllum þeim sviðum
sem þeir kaupa ekki.
Sviðin kaupa Færeyingar frágeng-
in á sama hátt og við, þ.e. sviðinn
haus og sagaðan, pakkaðan í loft-
tæmdar umbúðir. Auk sviða og
dilkakjöts kaupa þeir héðan nokkurt
magn af innmat, svo sem lifur,
hjörtu og mör.
Alls er það magn sauðfjárafurða
sem þeir kaupa héðan er í kringum
20 kg á hvern íbúa að meðaltali,
samkvæmt upplýsingum Jóhanns
Steinssonar hjá Búvörudeild Sam-
bandsins. Það magn mundi t.d. svara
til um 5.000 tonna innflutnings hér á
landi. Jóhann sagði að Færeyja-
markaðurinn væri orðinn stöðugur,
en möguleikar á að auka hann að
ráði væru ekki miklir. Það kinda-
kjöt sem Færeyingar framleiða sjálf-
ir (um einn skrokk á mann á ári)
sagði Jóhann þá nær allt verka sem
skerpukjöt. Hangikjötið okkar
kunna þeir hins vegar alls ekki að
meta, þrátt fyrir ítrekaðar tilraunir
til kynningar á því.
Færeyjar ber mjög oft fyrir augu
þegar litið er yfir vöruflokka í út-
flutningsskýrslum Hagstofunnar, og
eru eitt af þeim tiltölulega fáu lönd-
um sem við seljum margfalt meira
heldur en við kaupum af. Alls var
útflutningur til Færeyja um 333 millj.
króna árið 1987, samanborið við 51
niillj. króna innflutning þaðan.
Af einstökum liðum það ár fékkst
hæsta upphæðin, um 95 millj. kr.
fyrir rúmlega 2.600 tonn af fiska-
fóðri. Pappaumbúðir, ýmisskonar
veiðarfæri, fiskikassa, rafeindavogir
og fleira tengt sjávarútvegi og
vinnslu keyptu Færeyingar fyrir um
90 milljónir, landbúnaðarafurðir fyr-
ir um 75 millj., loðnu fyrir um 42
millj. og þess utan margar aðrar
tegundir iðnaðarvara fyrir minni
upphæðir. - HEI
Uppáhaldsmatur granna okkar í Færeyjum, svið.
Tímamynd Árni Bjarna.
Borgaraflokkur hættir stjórnarmyndunarviðræðum:
Réð dæmalaus ræða
Alberts úrslitum?
Miklar
skemmdir
á púst-
Á fundi sameinaðs þings á mánu-
dag flutti Albert Guðmundsson
ræðu, þar sem hann spurði hvort
ríkisstjórnin væri að hafa Borgara-
flokksmenn að fíflum með viðræð-
um um stjórnarmyndun. Vitað var
að Albert hafði lýst sig mjög and-
snúinn þeim viðræðum sem faríð
höfðu fram og taldi þær til einskis.
Ræða hans á Alþingi mun hafa
komið flokksmönnum hans mjög á
óvart, og munu þeir hafa orðið
ásáttir um að leggja niður allt tal um
stjórnarmyndun a.m.k. í bili.
Þessi afstaða kom svo betur í ljós
á þingflokksfundi Borgaraflokksins
í gær, þar sem Albert mun hafa setið
hjá við atkvæðagreiðslu.
í fyrrakvöld var hins vegar orðið
ljóst, að Borgaraflokkurinn undir
stjórn Júlíusar Sólnes var um það bil
að semja við ríkisstjórnina um
stjórnarþátttöku. Skyndilegt hug-
hvarf hans og annarra þingmanna
Borgaráflokksins má svo tvímæla-
laust rekja til dæmalausrar ræðu
Alberts Guðmundssonar á þingi á
mánudaginn. Hvað það hughvarf
varir lengi verður ekki sagt um á
þessu stigi.
Eins og kunnugt er verður Albert
Guðmundsson sendiherra íslands í
París og er búist við að hann taki við
því embætti í marsmánuði. Hann
hefur látið af formennsku í Borgara-
flokknum fyrir nokkru, og gegnir
Júlíus Sólnes nú formennsku í hans
stað. Sem slíkur hefur hann stjórnað
viðræðum Borgaraflokksins við ríkis-
stjórnina undanfarið. Sú vinna hefur
nú öll verið unnin fyrir gýg og menn
standa í sömu sporum og áður hvað
þátttöku Borgaraflokksins snertir.
Ræða Alberts Guðmundssonar á
þingi á mánudag lýsti meiri sársauka
og vonbrigðum en þingflokksmenn
hans töldu sig geta undir staðið.
Albert var ómyrkur í máli og
spurði orðrétt úr ræðustóli í samein-
uðu þingi, „hvort verið væri að gera
grín að Borgaraflokknum?, hvort
verið væri að nota fólk eins og
saklausa einfeldninga? Hann bætti
við að aumkunarvert væri að horfa
upp á vinnubrögð Júlíusar Sólnes
núverandi formanns Borgaraflokks-
ins og átaldi mjög undanlátssemi
hans í viðræðum við ríkisstjórnina
og sagði vinnubrögð formannsins
fíflagang er væri ofar sínum skiln-
ingi.
Aðalheiður Bjarnfreðsdóttir sagði
í samtali við Tímann að hún teldi að
eins og staðan væri nú hefði það
verið rétt ákvörðun að hætta við-
ræðunum við stjórnarflokkana.
„Eins og forsætisráðherra hefur sagt
þá gerðist þetta ekki í neinu illu og
það eru komin inn í efnahagslögin
ýmis atriði sem við höfðum fram að
færa. Ég held að við sjáum bara
hvað setur.“ Þegar Aðalheiður var
spurð nánar út í það hvort hún teldi
að til frekari viðræðna kæmi sagði
hún: „Það getur allt mögulegt gerst.“
Aðspurð um afstöðu hennar til
efnahagsráðstafana ríkisstjórnarinn-
Albert Guðmundsson
ar sagði Aðalheiður: „Ég mun veita
bráðabrigðalögunum sama stuðning
og í haust. Önnur frumvörp er ég
ekki farin að skoða nógu rækilega til
að geta sagt til um hver mín afstaða
verður en mér sýnist þar vera eitt og
annað sem hægt er að styðja."
Aðalh’eiður sagðist jafnframt vona
að ekki þyrfti að koma til kosninga
meðan ekki væri búið að koma
atvinnulífinu á réttan kjöl.
Júlíus Sólnes formaður Borgara-
flokksins sagði í samtali við Tímann
að ágreiningur út af matarskattinum
hefði verið dragbítur á viðræðurnar
allan þann tíma sem þær stóðu yfir.
„Það má segja að það hafi verið
mistök að leysa ekki þennan ágrein-
ing í upphafi í stað þess að leyfa
þessu að reka á reiðanum. Þó að
þokast hafi í samkomulagsátt í öðr-
um málum þá var umræðu um matar-
skattinn alltaf ýtt til hliðar. Þegar fór
svo að nálgast lokastundina þá varð
ekki umflúið að taka á þessu, en þá
kom í Ijós að það var ekki hægt að
leysa þennan ágreining. Aðalstjórn
og meginhluti flokksins voru mjög
harðir á þessari kröfu og vildu alls
ekki sætta sig við annað en að henni
yrði náð fram og settu hana sem
skilyrði fyrir áframhaldandi viðræð-
um. Ég lít þannig á að mér, sem
formaður flokksins, hafi verið skylt
að fara eftir þessari kröfu.“
Aðspurður um hugsanlegan
stuðning við ríkisstjórnina sagði
hann að Borgaraflokkurinn myndi
taka afstöðu á flokkslegum grund-
velli til einstakra mála, en sagðist
jafnframt ekki fara leynt með að það
væri ýmislegt í efnahagsráðstöfun-
unum sem hann væri ekki ósáttur
við.
Júlíus sagði að möguleiki á frekari
viðræðum um stjórnarþátttöku hefði
ekki verið ræddur innan flokksins og
það yrði tíminn bara að leiða í ljós. i
Júlíus var að lokum spurður út í j
viðbrögð Alberts Guðmundssonar, I
sem m.a. hótaði að stofna nýjan |
þingflokk ef Borgaraflokkurinn I
gengi til samstarfs við ríkisstjórnina.
„Ég hef ekki mátt vera að því að
fylgjast með því hvað fráfarandi
formaður hefur verið að segja eða
gera. Ég hef verið önnum kafinn í
stjórnarmyndunarviðræðum og það
var skýlaus krafa aðalstjórnar að
þetta yrði reynt til þrautar. Mér var
skylt að fylgja þeim fyrirmælum."
-ES
kerfum
Vegna færðarinnar á höfuð-
borgarsvæðinu hefur verið
óvenju annasamt hjá þeim sem
gera við pústkerfi bifreiða.
„Ruðningurinn á götunum
rekst undir lægri bílana, fólksbif-
reiðarnar og hreinlega skrapar
pústkerfið undan þeim,“ sagði
Gylfi Pálsson eigandi Pústþjón-
ustunnar sf.
Svona viðgerðir geta verið dýrt
spaug. Ef skipta þarf um púst-
kerfi BMW bifreiðar getur það
kostað allt að 40 þúsundum
króna. Á litlum fólksbílum kostar
það um 10 þúsund.
Gylfi sagði einnig að áberandi
væri hve miklu lélegri pústkerfi
væru á nýrri árgerðum bifreiða.
„Við höfum verið að fá hingað
bíla frá ’87 með pústkerfi stór-
skemmd af ryði. Manni finnst
það nú algert lágmark að púst-
kerfi endist vel rúmlega tvö ár.“