Tíminn - 08.02.1989, Blaðsíða 7

Miðvikudagur 8. febrúar 1989
Tíminn 7
Kirkjan að Mælifeli í Skagafírði.
rímamynd: Ö.Þ.
Hugmyndum um fækkun
prestakalla mótmælt
Mikil óánægja ríkir í Lýtingsstaðahreppi í Skagafjarðarsýslu
með tillögu sem fram kom á kirkjuþingi í haust þess efnis að
fækka prestaköllum á næstu árum. Mælifellsprestakall var
einmitt eitt þeirra sjö prestakalla sem nefnd sem skipuð var
árið 1985 til að endurskoða lög um skipan prestakalla og
prófastdæma gerði tillögu um að lagt verði niður.
í Mælifellsprestakalli eru fjórar
kirkjur, á Reykjum, Mælifelli, Goð-
dölum og Ábæ. Var gert ráð fyrir í
nefndarálitinu að þrjár þær fyrst-
töldu verði lagðar undir Glaum-
bæjarprestakall en Ábæjarkirkju
verði þjónað frá Miklabæ.
f samtali við séra Ólaf Hallgríms-
son sóknarprest á Mælifelli kom
fram að fjallað hefur verið um þessa
tillögu á fjölmennum safnaðarfund-
um í Lýtingsstaðahreppi undanfarið
og þeim þar harðlega mótmælt.
Einnig hefur sveitarstjórnin mælt
mjög eindregið gegn því að presta-
kallið verði lagt niður. „Fólk telur
þetta mál í rauninni vera byggðamál.
Vill kirkjan og hið opinbera stuðla
að enn frekari fækkun til sveita en
þegar er orðin, eða er vilji fyrir að
halda óbreyttri skipan prestakalla
með aukinni samvinnu presta sín í
milli,“ sagði séra Ólafur.
Fyrir skömmu var haldinn auka
héraðsfundur Skagafjarðarprófasts-
dæmis. Á fundinum kynnti séra
Hjálmar Jónsson prófastur tillögur
sínar um skipan prestakalla í hérað-
inu. Er þar meðal annars gert ráð
fyrir að prófastsdæmið skiptist í tvær
starfsdeildir, austan og vestan Hér-
aðsvatna og að prestum í héraðinu
verði ekki fækkað. Jafnframt er gert
ráð fyrir aukinni samvinnu presta
sem miða að aukinni þjónustu í
fjölmennasta prestakallinu, Sauðár-
króksbæ.
ÖÞ-Fljótum
Forsvarsmenn Álafoss og Hildu hafa
ákveðið að vinna að sameiningu
markaðsfyrirtækja sinna:
Sameinast
Forsvarsmenn Álafoss hf. og
Hildu hf. hafa ákveðið að vinna að
því að sameina markaðsfyrirtæki
sín í Bandaríkunum í eitt fyrirtæki
til að stuðla að hagræðingu í rekstr-
inum. Iðnaðarráðherra hafði for-
göngu um viðræðurnar milli fyrir-
tækjanna og mun halda þvi' áfram.
Stefnt er að því að fyrir 1. maí n.k.
liggi fyrir hvort af þessari sámein-
ingu verður. Eftir sem áður munu
Álafoss hf. og Hilda hf. starfa sem
sjálfstæð og aðskilin fyrirtæki á
íslandi.
Álafoss hf. rekur í New York
sölu- og dreifingarfyrirtæki, sem
selur fatnað og ullarvörur til versl-
ana víðsvegar um Bandaríkin,
m.a. um net umboðsmannakerfis.
Hilda hf. starfrækir fyrirtæki í
Pittsburgh. sem selur og dreifir
ullarvörum til 33 verslana í Banda-
ríkjunum, Kanada og eyja í Kara-
bíska hafinu. Þessar verslanir eru
allar reknar undir nafni Hildu og
selja eingöngu vörur frá fyrirtæk-
inu.
Með því að samcina þessi mark-
aðsfyrirtæki er talið að betra tæki-
færi gefist til sameiginlegs mark-
aðsátaks fyrir íslenskar ullarvörur
á Bandaríkjamarkaði, segir í til-
kynningu frá Iðnaðarráðuneytinu.
Auk betri mögulcika til dreifingar
muni sameining leiða til sparnaðar
í yfirstjórn beggja fyrirtækjanna.
- HEI
Markús Örn Antonsson útvarpsstjóri afhcnti vinningshöfunum sjónvarps-
tækin í Útvarpshúsinu. Með honuni á mvndinni eru f.v. Jón Guðni Arason,
Kristmann Óskarsson ásamt dætrum sínum og Stefán Ingi Óskarsson
sölumaður ITT.
Happdrætti
útvarpsins
Allir þeir sem skilvíslega greiddu
afnotagjöld Ríkisútvarpsins í byrjun
þessa árs voru þátttakendur í happ-
drætti sem dregið var í nýlega.
Hemmi Gunn og Elsa Lund drógu
út 52 nöfn úr hópi 55 þúsund skil-
vísra greiðenda í stuttum sjónvarps-
þætti. Viðurkenningarnar voru tvö
ITT litsjónvarpstæki méð 32ja
tommu tvískiptum skjá og 50 vasaút-
varpstæki.
Sjónvarpstækin hlutu hjónin Jón
Guðni Arason og Aðalheiður Sigfús-
dóttir búsett í Reykjavík og Bergljót
Hermannsdóttir og Kristmann Ósk-
arsson úr Garðabæ. Vinningshafar
útvarpstækjanna fengu þau send í
pósti. jkb
Stokkseyringurinn sem
leitað var að:
Varð úti
Þorvaldur Elísson, 41 árs gamall
Stokkseyringur, sem Árnessýslulög-
regla leitaði að í fyrrinótt, fannst
látinn rétt sunnan við byggðina í
Þorlákshöfn um klukkan þrjú þá
sömu nótt. Þorvaldur var til heimilis
að Sólvöllum 1, Stokkseyri.
Að sögn lögreglu virðist sem mað-
urinn hafi hrakist undan illviðrinu,
er geisaði á landinu á sunnudag, og
orðið úti.
Aukatónleikar Sinfóníu-
hljómsveitar íslands:
Vinsælar
aríur úr
þekktum
óperum
Á aukatónleikum Sinfóníuhljóm-
sveitar íslands á morgun 9. febrúar,
kl. 20.30, mun hin heimskunna sópr-
ansöngkona, Ileana Cotrubas,
syngja. Á efnisskrá verða vinsælar
aríur úr þekktum óperum eftir
Verdi, Puccini o.fl.
Ileana Cotrubas er rúmensk og
lagði snemma sönginn fyrir sig. Hún
stundaði nám í Tónlistarskólanum í
Búkarest og kom fyrst fram í „Ópcra
Romana" 1964. Þaðan lá leið hennar
til Tónlistarháskólans í Vín í Aust-
urríki. Að námi loknu var hún ráðin
að Óperunni í Frankfurt í Vestur-
Þýskalandi til þriggja ára. Innan
tíðar lá framabraut hennar víða um
lönd, s.s. á Tónlistarhátíðarnar í
Salzburg, Glyndebourne og Flor-
cnce og í Konunglegu óperuna í
Covent Garden í Lundúnum og
Ríkisóperuna í Vínarborg. Á átt-
unda áratugnum varð Ilcana Cotr-
ubas hcimsfræg og kom fram í öllum
helstu tónleikahúsum Evrópu og
Bandaríkjanna, s.s. La Scala í Míl-
anó og Metropolitan óperunni í
New York. Hún hefur sungið flest
sópranhlutverk tónbókmenntanna
og auk þess að syngja á sviði hefur
hún sungið inn á fjölmargar hljóm-
plötur og í sjónvarpsuppfærslum.
Hekla hf. hefur styrkt komu
Ileönu Cotrubas með fjárframlagi
og sagði Sigfús Ingimundarson, for-
stjóri Hcklu hf. að þaö væri stefna
fyrirtækisins aö styrkja það sem vel
væri gert, þegar efni stæðu til. Það
væri gert nú, og vonaði Itann að þessi
stuðningur yrði hvatning til hljóð-
færaleikara hljómsveitarinnar og
annarra sem stæðu að hljómsveitinni
til ent. frekari dáða á tónlistarsvið-
inu.
Upphallega stóð til að söngvarinn
Hermanna Prey syngi á þessum
tónleikum, en strax í haust varð
Ijóst, að af því gat ekki orðið.
Tónleikagcstir ættu þó ekki að verða
sviknir af þessum skiptum, því hvar
sem Ileana Cotrubas hcfur komið
fram, hefur hún heillað áhorfendur.
Miðasala á þessa tónleika hófst í
janúar og eru aðeins öfráir miðar
eftir á tónleikana. En svo lengi sem
miðar verða til, verða þeir seldir í
Gimli við Lækjargötu og ef efni
standa til við innganginn í Háskóla-
bíói við upphaf tónleikanna.
Ileana Cotrubas, sópransöngkona.