Tíminn - 08.02.1989, Síða 20

AUGLÝSINGASÍMAR: 680001 —686300
RlKISSKP NÚTÍMA FLUTNINGAR Halnathúsinu v/Tryggvogötu, ® 28822 VERBBRlfAUIBSIUPn SAMVINNUBANKANS SUÐURLANDSBRAUT 18, SlMI: 688568 PÓSTFAX TÍMANS 687691 NÝJA SENDIBlLASTÖÐIN 68-5000 GÓÐIR BÍLAR ÁGÆTIR BÍLSTJÓRAR
MIÐVIKUDAGUR 8. FEBRÚAR 1989

„Hvenær veit maður hvort maður skoðar konuna sína sem maki eða læknir?"

Fær ekki greitt fyrir
að skoða konuna sína
Ef læknir stundar börn sín eða maka sem heimilislæknir
þeirra getur hann ekki vænst þess að fá greitt fyrir þá vinnu.
Þetta er ágreiningsefni í athyglisverðu máli sem upp er
komið í Reykjavík.

Kristín Þorsteinsdóttir sem bú-
sett er í Reykjavík er skráð í
sjúkrasamlag sem sjúklingur eigin-
manns síns Ólafs Mixa læknis.
Samkvæmt því sækir hún til hans
læknisþjónustu, hvort sem það er
almenn læknisskoðun eða neyðar-
þjónusta. Læknirinn skrifar reikn-
inga fyrir unna vinnu og sendir þá
til sjúkrasamlagsins. Nú ber svo
við að Sjúkrasamlag Reykjavíkur
neitar að greiða þessa reikninga og
endursendir þá. Sama er að segja ,
um reikninga sem iæknirinn sendir
vegna barna sinna.
Með endursendum reikningi
vegna læknisþjónustu við barn sitt
fékk læknirinn eftirfarandi út-
skýringar frá Sjúkrasamlagi
Reykjavíkur;
„Sjúkrasamlagið sér sér því mið-
ur ekki fært að grelða yður slíka
reikninga nema að fenginni nánari
skýringai.á þeim. Það hefur ekki
líðkast að læknar gerðu reikning til
sjúkrasamlags Reykjavíkur fyrir
viðtöl eða skoðun á maka sínum
eða börnum. Enda ef til vill oft
erfitt fyrir lækna að greina hvort
hann er þar í hlutverki læknis eða
sem bonus pater familias (hinn
góði heimilisfaðir).“
„Það er ekki ólöglegt að æskja
greiðslu þessa reikninga, en þetta
er ekki venjan," sagði Þorvaldur
Lúðvíksson framkvæmdastjóri
Sjúkrasamlagsins í samtali við
Tímann. „Enda gefur þetta tæki-
færi til allskonar reikningstilbún-
ings og óeðlilegrar reikningsgerðar
af hendi lækna. Ef um aðgerðir eða
útlagðan kostnað er að ræða er það
aftur á móti alitaf greitt athuga-
semdalaust. Hvenær veit maður
hvort maður skoðar konuna sína
sem maki eða læknir? Þetta verður
ekki greitt að svo komnu máli.“
„Þetta er algjörlega ólöglegt af
hendi sjúkrasamlagsins og brot á
samningum," sagði Kristín Þor-
steinsdóttir þegar Tíminn hafði
samband við hana. „Við tökum
þessu hreinlega sem persónulegum
skætingi og aðdróttun að mínum
heiðarleika."
Hún vildi benda á að sér þætti
þetta óeðlileg sparnaðarráðstöfun
af hálfu Sjúkrasamlagsins. Kristín
sagði það vera heimilislæknisins að
meta hvort viðkomandi sjúklingi
bæri að leita til sérfræðings vegna
krankleika. „Ef farið er beint til
sérfræðings í stað þess að ráðgast
við heimilislækni og í ljós kemur
að ekki var þörf á sérfræðingsat-
hugun, þýðir það margfaldan
kostnað fyrir sjúkrasamlagið. Við
þetta gerir sjúkrasamlagið enga
Kristín Þorsteinsdóttir eiginkona
Ólafs Mixa læknis. Sjúkrasamlag
Reykjavíkur neitar að greiða
rcikning frá eiginmanni og lækni
Kristínar. Tímamynd: Ámi Bjama
athugasemd. Hvar ætlar stofnunin
að setja mörkin, nýtur fólk sjúkra-
samlagsréttinda gagnvart lækni
sem er faðir, sonur eða tengdason-
ur?“
Kristín sagði að vissulega kæmi
fyrir að hennar fjölskylda þyrfti að
leita læknisaðstoðar. „Við kom-
umst að þeirri niðurstöðu að ekki
væri ástæða til að sjúkrasamlagið
sinnti ekki sinni tryggingarskyldu
þrátt fyrir að heimilislæknirinn sé
faðir bamanna sem hann stundar."
Ekki eru til neinar reglur í
samningum sjúkrasamlagsins sem
banna lækni að stunda böm sín og
fá fyrir það greiðslu. „Ef þau hafa
skap í sér til þess að sækja málið
frekar eru ekki til neinar reglur
sem banna greiðslu reikninga
vegna þessa. Þau verða bara að
sanna að þetta sé vegna læknisvið-
tals en ekki annars konar viðtals
milli hjóna,“ sagði Þorvaldur Lúð-
víksson. jkb
IHUBB
SMM—nr 111111111

Eyþór Ólafsson, sölu- og markaðsstjóri SL, eftir
150 milljón króna samningsriftun Aldi-norður:
Grænfriðungar munu
seint hætta skærum
Norðurdeild verslunarkeðjunnar
Aldi ■ V-Þýskalandi hringdi ■ gær til
söluskrifstofu Sölustofnunar lagmet-
is í Kiel og frysti kaupsamning sem
náði fram ■ ágúst n.k.. Talið er að
riftunin kosti um 150-160 milljónir
króna. Búist er við að innkaupastjóri
Aldi-norður, Kujahn að nafni, muni
staðfesta þessa riftun með bréfi inn-
an fárra daga. Starfsmaður SL í
Kiel, K.H. Jakubotvski, skýrði fram-
kvæmdastjórn frá þessari stöðvun
viðskipta með skeyti sem barst til
landsins samdægurs og var honum
greinilega mikið niðri fyrir og sagðist
halda að brátt yrði úti um alia sölu
íslendinga til landsins.
Eyþór Ólafsson, sölu- og mark-
aðsstjóri SL sagði að þetta væri
mikið áfall þar sem nú væru græn-
friðungar búnir að setja um tíu ára
starf SL í V-Þýskalandi í hættu og
koma í veg fyrir þessi viðskipti um
óákveðinn tíma. Er búist við því að
grænfriðungar muni nú leggjast af
fullum þunga á aðra viðskiptavini
SL í landinu og eyðileggja viðskipti
við þá hvern á fætur öðrum með
skipulögðum skærum. Ekki hefur
neitt komið fram sem sýnir að al-
menningur sniðgangi íslenska vöru,
en fólk hefur orðið fyrir ónæði af
völdum mótmælastöðu grænfrið-
unga við verslanirnar og jafnvel
persónulegs aðkasts.
„Svona vinna þessir grænfriðung-
ar og það er erfitt fyrir okkur að
berjast á móti þessu. Ég kannast
svolítið við svona fólk frá Bandaríkj-
unum og það tekur þessa baráttu
eins og trúarsannindi. Maður breytir
því ekki og er ég þeirrar skoðunar
að þó peningum verði varið í áróður
gegn ásökunum grænfriðunga þá
verði þeim sjálfum ekkert haggað,"
sagði Eyþór.
Sagði Eyþór að árangur grænfrið-
unga byggðist á því að almenningur
vildi helst ekki lenda í útistöðum við
mótmælendurna fyrir utan verslanir
og dæmi væru um að fólk hafi orðið
fyrir aðsúgi fyrir það eitt að sækja
verslanir Aldi. „Þeir eru með hópa
af fólki fyrir utan einhvern fjölda af
Aldi-verslunum og þetta skapar leið-
inda umtal og forsvarsmenn Aldi
vilja auðvitað bara losna við þessi
mótmæli. Þeir segjast ekki vilja
blanda sér í pólitík og það séum við
sem verðum að leysa þetta mál,“
sagði Eyþór. „Þessi riftunarmál að
undanförnu eru meiri háttar sjokk
fyrir okkur.
Sagði hann jafnframt að það væri
tómt mál að tala um að fara í
skaðabótamál við Aldi. „Við erum
með allt niður um okkur og maður
bara fer ekki í mál við verslanakeðj-
ur út af svona málum. Þetta eru
kóngarnir. Þeir hafa svo mikil áhrif
og völd að það er með ólíkindum. “
Sagði Eyþór að ekki hafi neitt
verið afráðið með hvort viðskipti
verði tekin upp að nýju eftir að
hvalveiðum lýkur samkvæmt vís-
indaáætlun stjórnvalda í haust. „Það
liggur t.d. ekkert fyrir að grænfrið-
ungaT hætti mótmælum við verslanir
4>ar sem íslensk vara verður á boð-
stólum, þegar hvalveiðum lýkur í
haust, því við verður áfram vondu
mennirnir í þeirra augum.“ KB
Geymdir í vagni
í gær var lögreglan kvödd að Birtingakvísl í Reykjavík en þar hafa fjórir
hestar verið geymdir í flutningavagni á annan sólarhring. Á mánudag átti að
flytja hestana norður í land en vegna ófærðarinnar var það ekki hægt.
Lögreglan leitaði til vörslumanns borgarsvæöisins og kannaði hann
aðbúnaðinn ■ flutningavagninum.
Hestunum er gefið og brynnt í vagninum og taldi vörslumaðurinn í lagi
hafa þá þar þangað til í dag en ef ekki tækist að flytja þá norður í dag yrði
að koma þeim ■ hesthús hér ■ borginni. Á myndinni má sjá lögregluna kanna
aðstæður. Tlmamynd: Pjetur.