Tíminn - 02.03.1989, Side 3

•''fömnrrttidagur' 2.nrars' 19B9
'tímlnn ‘ 3
Frumlegar hugmyndir skjóta upp kollinum á Búnaðarþingi 1989:
Heilsárshótel
í Kverkfjöll ?
Er raunhæfur möguleiki að koma upp heilsárs ferðamann-
aþjónustu á háhitasvæðinu við Kverkfjöll? Er möguleiki á
orkuflutningum til byggða á Austurlandi, en stysta leið til
byggða er um 70 km.
Guttormur V. Þormar, sem er
einn af þingfulltrúum á Búnaðar-
þingi 1989, hefur lagt þarfram erindi
varðandi rannsóknir á háhitasvæð-
inu í Kverkfjöllum. Þar er mælst til
að Búnaðarfélag íslands fari þess á
leit við Orkustofnun að fram fari
rannsókn á háhitasvæðinu við
Kverkfjöll með hliðsjón af bættri
aðstöðu fyrir ferðamenn og mögu-
leikum á orkuflutningum til byggða.
Svæðið sem um er að ræða liggur
í tæplega 800 metra hæð. Sjálfur
ferðamannaskálinn sem er í eigu
ferðafélaga á í Þingeyjasýslu og
Norður-Múlasýslu liggur fast við
Vatnajökul að norðaustan. Gæsla er
í skálanum yfir sumarmánuðina en
talsvert skortir á að aðstaða fyrir
ferðamenn sé fullnægjandi og má
þar nefna að ekkert heitt vatn er í
skálanum þrátt fyrir að stutt sé að
sækja það.
Að sögn Guttorms hefur aðsókn
að ferðamannaskálanum við rætur
Kverkfjalla aukist mjög undanfarin
sumur og skiptir fjöldi ferðamanna
jafnvel hundruðum um helgar. Hann
og fleiri vilja nú láta kanna hvort
möguleiki sé á að reisa heilsárshótel,
með sundaðstöðu og tilheyrandi það
sem skálinn stendur nú. í ályktun-
inni sem liggur fyrir búnaðarþingi er
tekið fram að nauðsynlegur undan-
fari þessa sé veðurathugun á staðn-
um allt árið um kring. t>á er tekið
fram að athugað skuli um lengingu
flugbrautar við ferðamannaskálann.
Haldinn var fundur með fulltrúum
frá Orkustofnun á síðast liðnu
hausti, þar sem málið var kynnt.
Einnig var fundað með veðurstofu-
stjóra um þær hugmyndir að komið
yrði á fót veðurathugunum allt árið
í Kverkfjöllum, en það ntun kosta
talsverða peninga.
Hugmynd þessi kont fyrst upp í
sýsluráði N-Múlasýslu, en Guttorm-
ur átti sæti í ráðinu. Nú þegar
sýslunefndir og ráð hafa verið lögð
niður reyna menn að finna annan
aðila sem gæti komið þessu máli
áleiðis og þess vegna hefur það verið
langt fyrir búnaðarþing. - ág
Guttormur V. Þormar hefur lagt
erindi fyrir búnaðarþing þar sein
lagt er til að Orkustofnun rannsaki
háhitasvæðið við Kverkijöll m.a.
með það fyrir augum að reisa þar
hótel opið ferðamönnum allt árið.
Snjóþyngslin á Vestfjörðum:
Víða með öllu fennt
að neðri hæðum húsa
og varð því að fresta verslunarleið-
angrinum. Vegna ntjólkurleysis
var þó ekki urn annað að ræða fyrir
húsbóndann en að skríða út um
Þaö fer engum ofsögum af fannfergi á Norðurlandi og á
Vestfjörðum, það sem af er þessu ári. Hér eru birtar
myndir sem teknar voru í Hnífsdal við ísafjarðardjúp um
helgina og tala þær sínu máli.
t>ar sem víða annars staðar hafa
íbúar þurft að búa við snjóflóða-
hættu um tíma, rafmagnsleysi í
lengri og skemmri tíma, verulega
heftar samgöngur og hefur einnig
borið á matarskorti í lengstu hryðj-
unum á flestum heimilum. 1
tveggja hæða húsum liafa íbúar
hafst við á efri hæðum þar sem víða
er með öllu fennt að neðri hæðum
húsanna og þar því erfitt um vik að
hleypa inn hreinu lofti eða njóta
dagsbirtunnar.
í verstu byljum er vitanlega ekki
hundi út sigandi og eftir að bætt
hefur í snjókisturnar eða fönnin
flust til í skafrenningum, er oft
erfitt að komast á milli húsa, hvað
þá að ná til verslana eftir nauð-
þurftum. Við þessar aðstæður er
ekki óalgengt að háir menn sem
lágir lendi í þrekraunum, án þess
að af því berist einhverjar sérstakar
fréttir til annarra landsmanna.
S.l. föstudag var t.d. sex ára
drengur að fara milli húsa sem ekki
eru í meira en átta metra fjarlægð,
en varð nánast úti er að honum
fennti skyndilega í lausamjöllinni.
Móðir hans vissi af honum á leið-
inni og fór út að leita hans þegar
heimferðin dróst á langinn. Þegar
hún fann drenginn stóð lítið upp úr
snjónum annað en kollur og
herðar, en hann var þá orðinn
uppgefinn vegna dýptar á lausa-
mjöllinni. Tókst móðinni, sem bet-
ur fer að koma drengnum og sjálfri
sér heim en „björgunin" hafði þá
staðið f tæpan hálftíma, vegna þess
að stöðugt gekk á með byljum og
hríð.
Á öðrum bæ hafði heimilisfólkið
ætlað að kaupa inn matarföng fyrir
helgina á laugardaginn, vegna ann-
ríkis daginn áður. Síðar þann dag
skall á sú hríð sem áður er getið.
glugga á efri hæð hússins um dag-
renningu á sunnudag og leita á
náðir forsjállar móður sinnar á
öðrum stað í Hnífsdal. Að sumri
til er um sjö til átta mínútna gangur
þarna á milli, en þegar húsbóndinn
kom aftur úr leiðangrinum voru
liðnar þrjár klukkustundir, enda
meiri jafnfallinn snjór en svo að
hægt væri að tala bara um kloffönn.
KB
Kristinn Héðinsson í Hnífsdal lítur til veðurs er um hægðist sl. sunnudag.
Eins og sést nær aðfallin fönnin honum í mittið, en hann er um 1,85 sm
á hæð. Greinilegt er að pósturinn þarf að moka sig niður að bréfalúgunni.
Tímamyndir Anna Rósa
Horft inn Hnífsdalinn. f forgrunni sést í toppinn á snúrustaurum.
ÓVISSA UM
OLÍUFARM
í gærkvöldi hafði Olís ekki enn
tekist að verða sér úti um banka-
ábyrgð vegna gasolíufarms sem lagt
verður af stað með í dag eða á
morgun hingað til lands frá Sovét-
ríkjunum.
Samkvæmt áreiðanlegum heimild-
um Tímans verður allt það magn
sem komá átti með skipinu tekið
heim, alveg burtséð frá því hvort
Óla Kr. tekst að opna bankaábyrgð
fyrir hluta Olís í farminum en inn-
kaupsverð lians nemur um 50 millj-
ónum króna.
Olís mun hafa fengið frest til
næstkomandi mánudags til að ganga
frá sínum málum í sambandi við
þennan farm og ef það ckki tekst
munu Olíuféiagið og Skeljungur
kaupa og skipta á milli sín hluta
félagsins í gasolíunni umræddu sem
er um þriðjungur larmsins. Þannig
munu Olíufélagið og Skeljungur í
raun hafa ábyrgst greiðslu farmsins í
heild.
Ef Olís tekst ekki að ná inn sínum
hluta þessa gasolíufarms þykir sýnt
að félagið lendi í erfiðleikum með að
sjá viðskiptavinum sínurn fyrir olíu
og þá muni fljótt síga á ógæfuhliðina.
Tvcir háttsettir menn hjá Mobil
Oil samsteypunni eru nú staddir hér
á landi á vcgum Olís. Annar þeirra
er einn af markaðsstjórum þess í
Evrópu, John Parry. - sá
Sementsverksmiöjan slaer fyrra
framleiðslumet sitt frá 1986:
Meðalframleiðsla
337 tonn á dag
Framleiðsla Sementsverksmiðju
ríkisins hefur aldrei verið meiri en á
síðasta ári. Kemur það bæði til af því
að rekstrardagar voru margir, eða
349 Ístað3l0árið 1987 og dagsfram-
leiðsla mikil. Þetta kemur fram í
ársskýrslu Sementsverksmiðju ríkis-
ins fyrir árið 1988.
Meðalframleiðslan á dag var 337
tonn og ársframleiðslan 117.500
tonn. Þetta samsvarar 4-5% aukn-
ingu frá fyrra framleiðslumeti árið
1986.
Á síðustu tíu árum hefur tekist að
auka dagsafköstin úr 290 tonnum í
337 tonn eða um liðlega 16%. l>á var
framleiðsla sements einnig meiri en
árin á undan og stafar það af mikilli
sölu á árinu. Heildarsementsfram-
leiðslan varð 134.100 tonn á síðasta
ári.
Hagnaður af rekstri fyrirtækisins
nam 31,8 milljónum króna. Af ein-
stökum rekstrarliðum var mest áber-
andi hækkun hráefnis, eða úr 11,5%
afveltu 1987 í 17,2% 1988. Ástæðan
er fyrst og fremst mikil hækkun á
innkaupsverði kísilryks, segir í árs-
skýrslunni, auk þess sem rekstrar-
dagar semcntsofnsins voru fleiri árið
1988 en 1987. Þá lækkaði fjármagns-
kostnaður úr 4,6% af veltu ársins
1987 í 3,8% árið 1988.
Hjá verksmiðjunni unnu 140fast-
ráðnir starfsmenn í árslok 1988.
- ABÓ