Tíminn - 22.03.1989, Síða 2
2 Tíminn
Miövikudagur 22. mars 1989
Aðalfundur Flugleiða:
150 milljóna hluta-
fjáraukning samþykkt
Á aðalfundi Flugleiða sem fram
fór í gær var lögð fram tillaga frá
stjórn félagsins um að bjóða út nýtt
hlutafé að nafnverði 150 milljónir
króna og var þessi tillaga samþykkt.
Jafnframt var samþykkt að gefa út
jöfnunarhlutafé að upphæð 472,5
milljóna króna.
Með þessu verður hlutafé félags-
ins því 1095 milljónir króna. í
skýrslu Sigurðar Helgasonar stjórn-
arformanns kom fram að hann hefði
viljað auka hlutafé í 1600 milljónir
króna á næstu 2 til 3 árum, sem
samkomulag náðist ekki um, en
sagðist hann vona að þetta hlutafjár-
útboð sem stjórnin kom sér saman
um yrði upphafið að því að auka
hlutafé félagsins verulega.
Sigurður Helgason stjórnarfor-
maður sagði að það væri skilyrðis-
laust hagur núverandi hluthafa að
hlutafé félagsins yrði aukið. Þeim
Ijárfestingum sem félagið hefði stað-
ið í að undanförnu fylgdi mikil
áhætta og því bæri að styrkja eigin-
fjárstöðuna með sölu hlutafjár.
Einnig sagði hann að með aukningu
hlutafjár yrði um frekari dreifingu
hlutafjáreignar að ræða, sem væri
skilyrðislaust æskilegt fyrir fyrirtæki
í þjónustugrein sem veitti öllum
þegnum landsins þjónustu.
Afkoma félagsins á síðasta ári
batnaði frá árinu á undan. Rekstrar-
tap Flugleiða varð 43 milljónir króna
árið 1988, en hafði árið áður verið
194 milljónir króna. Rekstrarhalli
ásamt fjármagnskostnaði nam 143
milljónum króna. Með sölu eigna,
og þá aðallega fimm flugvéla í eigu
félagsins, varð hagnaður að upphæð
949 milljónir króna. Endanlegur
hagnaður varð þvf 806 millj. króna.
Sigurður Helgason stjórnarformaður Flugleiða og Sigurður Helgason forstjóri.
Launakostnaður sem hlutfall af
heildarkostnaði var í árslok 33,3%,
en launagreiðslur hækkuðu á milli ár
um liðlega 18%. Til viðmiðunar var
launakostnaður sem hlutfall af hcild-
arkostnaði 19,6% árið 1985 og hefur
því aukist verulega.
Bókfært eigið fé félagsins var í
árslok jákvætt um rúmlega 2119
milljónir króna, sem samsvarar um
46% af heildarfjármagni félagsins
og rúmlega 76% af langtímafjár-
magni félagsins. í máli Sigurðar
Helgasonar forstjóra kom fram að
líklega hafi bókfærð eiginfjárstaða
aldrei verið eins góð og nú.
Tap á innanlandsflugi var á síðasta
ári um 95 milljónir króna. Þetta
samsvarar 10,4% af veltu og hafði
staðan versnað verulega miðað við
árið áður. en þá nam tapið sem
hlutfall af veltu 5,1 milljón.
Ein megin stefna félagsins er að
endurnýja flugflotann og voru þess
vegna fimm eldri vélar seldar, en í
stað þeirra nýjar vélar keyptar. Sig-
Færeyingar veiöa lax á alþjóölegu svæöi í leyfisleysi:
Fleiri merktir
laxar í aflanum
Tímamynd Pjetur
urður sagði að félagið yrði mun
samkeppnishæfara með tilkomu
nýju flugvélanna og mætti vænta
þess að hægt yrði að ná betri nýtingu
á þeim. Geta má þess að sætanýting
flugvélanna var 60% á síðast ári,
miðað við 62% árið á undan.
Sem kunnugt er hefur orðið veru-
legur samdráttur í Norður Atlants-
hafsfluginu, þar sem grundvöllur
þeirrar starfsemi er verulega skertur.
Sigurður sagði að allur kostnaður
hefði rokið upp úr öllu valdi og þeir
|iví ekki samkeppnishæfir og því
tapað miklum fjármunum. Hann
sagði að þetta hefði einnig skapað
annarskonar erfiðleika, því við sam-
drátt yrði að fækka starfsfólki og
minnka yfirbygginguna. Heildar-
fjöldi starfsfólks sem sagt hefur verið
upp, eða hætt vegna annarra ástæðna
er 179 manns.
Flugleiðir hafa nú farið fram á
fargjaldahækkun við Vcrðlagsstofn-
un og er sú hækkun til umræðu hjá
stofnuninni. Samkvæmt heimildum
Tímans mun hækkunarbeiðnin
hljóða upp á 20%.
-ABÓ
Jón Helgason alþingismaður vill
sameina Landsvirkjun og Raf-
magnsveitur ríkisins og selja raf-
orku á sama verði um allt land.
Tillaga til þingsályktunar
um sameiningu Lands-
virkjunar og Rafmagns-
veitna ríkisins:
Raforkuverð
verði jafnað
Jón Helgason alþingismaður
hefur ásamt Alexander Stefáns-
syni og fleirum flutt þingsályktun-
artillögu um að ríkisstjórnin vinni
að sameiningu Landsvirkjunar og
Rafmagnsveitna ríkisins. Jón Sig-
urðsson iðnaðarráðherra segir að
skoða þurfi þann möguleika að
breyta fyrirtækjunum tveim í al-
menningshlutafélög.
Umræður um þessi mál fóru
fram í sameinuðu þingi á mánu-
dag. Jón Sigurðsson vitnaði til
reynslu erlendis frá þar sem raf-
orkumannvirki væru almennings-
eign og varpaði fram þeirri spurn-
ingu hvort ekki væri eðlilegt að
sveitarfélögin ættu eignaraðild að
framleiðslu- og dreifingarfyrir-
tæki, sameinuðu úr Landsvirkjun
og Rafmagnsveitunum. Jón
Helgason sagði í sinni ræðu að
sjálfsagt væri að taka til athugun-
ar að taka inn sveitarfélög, eða
samtök þeirra, sem eignaraðila í
slíku fyrirtæki.
Jón Helgason tók fram að eðli-
legt væri að um leið og sameining
þessara tveggja fyrirtækja færi
fram, yrði kveðið á um jöfnun
smásöluverðs á raforku þannig
að verðlagning hjá hinu nýja
fyrirtæki yrði sambærileg við veg-
ið meðaltal hjá öðrum rafveitum.
- ÁG
Borgarspítali:
Niðurskurðar*
tillögum skilað
Um 12 merktir laxar hafa fundist
í afla Færeyinga að undanförnu og
er þetta í fysta skipti sem svo margir
merktir fiskar hafa verið veiddir. Að
sögn Árna ísakssonar veiðimála-
stjóra getur þetta bent til þess að
göngur físksins séu á annan hátt en
undanfarin ár.
Árni sagðist einnig telja að heimt-
ur hafi verið óvenju góðar, ástand
sjávar óvenju gott fyrir norðan og
því mikið af fiski sem gengur í
íslenskar ár í sjónum á þeim slóðum
þar sem Færeyingar veiða og þar
sem talið er að þeir hafa verið að
veiðum fyrir utan lögsögu sína, inni
á alþjóðasvæði, þar sem laxveiðar
eru ekki leyfilegar.
Merkingar fiskanna eru þáttur í
vísindarannsókn sem hefur verið í
gangi síðan 1982. Árni sagði að
merkingar hefðu verið auknar á
Norðurlandi og það kæmi greinilega
fram í rannsóknunum að fiskurinn
frá Norðurlandi sé fyrst og fremst á
leið til Færeyja, en hins vegar virðist
fiskurinn frá Vesturlandi fara mjög
lítið inn á það svæði.
Sem kunnugt er flaug flugvél
Landhelgisgæslunnar yfir það svæði,
sem færeyskir bátar eru taldir stunda
ólöglegar veiðar á, fyrir um viku og
sást þá til sjö skipa. Þröstur Sig-
tryggsson skipherra sagði í samtali
við Tímann að þeir teldu að þessi
skip hefðu öll verið útbúin til lax-
Frá Klakksvík í Færeyjum.
veiða. Starfsmönnum gæslunnar
tókst að lesa nöfn sex skipanna.
„Við teljum okkur ekki getað sann-
að það að þeir hafi verið að veiðum,
en hins vegar voru þeir ekki bara á
skemmtisiglingu og útbúnaðurinn
ekki til annarra veiða en laxveiða,"
sagði Þröstur.
Svæðið sem skipin voru á er um 62
til 130 sjómílur utan við færeyska
fiskveiðilögsögu og um 16 til 50
sjómílur utan við fiskveiðilögsögu
íslendinga, norðaustur af Glettinga-
nesi. Á þessu svæði hafa Færeyingar
samþykkt að veiða ekki lax í sjó,
ásamt íslendingum, Grænlending-
um, Dönum, Svíum og Norðmönn-
um. Færeyingar mega veiða lax inn-
an sinnar lögsögu, en ekki utan, allt
að 200 mílum eða út að miðlínu.
Aðrar þjóðir mega ekki veiða lax
utan 12 mílna, en Grænlendingar
eru einnig með rýmri reglur við
vesturströndina, en á þeim er sér-
stakur kvóti, eins og Færeyingum.
í fyrravetur stóð færeyskt varðskip
nokkur færeysk skip að ólöglegum
laxveiðum utan landhelgi og voru
skipstjórar þeirra þá sektaðir.
Landhelgisgæslan getur í sjálfu
sér ekkert gert í þessu máli, þar sem
lögsagan nær ekki svo langt út.
Skýrsla vegna flugsins í síðustu viku
var send til dómsmálaráðuneytisins,
utanríkisráðuneytisins og sjávarút-
vegsráðuneytisins sem síðan munu
hafa tilkynnt um málið til Færeyinga.
-ABÓ
í frétt Tímans í gær af fundi
heilbrigðisráðherra með starfs-
mönnum Borgarspítalans var sagt
svo frá að stjórn spítalans hefði ekki
skilað inn niðurskurðartillögum til
heilbrigðisráðuneytisins. Hið rétta
er að tillögunum var skilað í byrjun
þessa mánaðar.
Jóhannes Pálmason framkvæmda-
stjóri Borgarspítalans sagði í samtali
við Tímann að tillögurnar miðuðu
fyrst og fremst að því að herða enn
frekar reglur um aukavinnu og af-
leysingar. Til dæmis verður yfirvinna
fólks í hlutastörfum ekki leyfð nema
í undantekningartilfellum. Hvað
lokunum viðkemur vegna niður-
skurðar hefur einungis verið ákveðið
að loka sjúkradeild á Fæðingarheim-
ilinu, og sagði Jóhannes að áhersla
yrði lögð á að komast hjá lokunum
á sjúkrahúsinu í Fossvogi.
Aðspurður sagði Jóhannes að erf-
itt væri að segja nákvæmlega til um
það hve miklum hluta af boðuðum
niðurskurði yrði náð með þessum
aðgerðum en sagðist vona að það
væri á bilinu 1-2%.
Hefðbundnar sumarlokanir verða
svipaðar og verið hefur undanfarin
ár en Jóhannes sagði að svo geti
farið að frekari samdráttur verði
vegna skorts á fólki eða peningaleys-
is. SSH
FerðirSVR
Skírdagur og annar páskadag-
ur: Akstur eins og á sunnudög-
um.
Föstudagurinn langi. Akstur
hefst um kl. 13. Ekið samkvæmt
sunnudagstímatöflu.
Laugardagur: Akstur hefst á
venjulegum tíma. Ekið eftir laug-
ardagstímatöflu.
Páskadagur: Akstur hefst um
kl. 13. Ekið samkvæmt sunnu-
dagstímatöflu. Fréttatilkynning.