Tíminn - 04.08.1989, Blaðsíða 14

14 Tíminn
FRÉTTAYFIRLIT
GENF - Bandarískir og
sovéskir embættismenn sögðu
að í fyrstu umferð viðræona
um takmörkun kjarnavopna í
forsetatíð George Bush sem
nú er lokið hafi grunnur verið
lagður að áframhaldandi við-
ræðum, en að enn riki mikill
ágreiningur milli risaveldanna
tveggja.
MOSKVA - Námuverka-
menn í 17 námum í Síberíu
fóru í stutt verkfall til að þrýsta
á embættismenn í Síberíu og
landstjórnina í heild að hraða
umbótum í Sovétríkjunum.
VARSJÁ - Pólska þingið
hefur komið á fót sérstakri
nefnd til að rannsaka ásakanir
Samstöðu um að pólska lög-
reglan hafi staðið að pólitísk-
um morðum á meðan herlög
voru i gildi.
HÖFÐABORG - Hvítir, lit-
aðir og Indverjar hófu kosning-
ar til þingsins í Suður-Afríku.
Kosningarnar taka alls fimm
vikur og er gert ráð fyrir að
Þjóðarflokkurinn haldi enn
völdum, en hann hefur verið í
miklum meirihluta á þinginu frá
því 1948. Blökkumenn fá ekki
að kjósa.
ANKARA -Tveirskærulið-
ar Kúrda sem í haldi voru í
tyrknesku fangelsi hafa látist
úr næringarskorti eftir 35 daga
föstu, en 282 fangar eru nú í
hungurverkfalli í tyrkneskum
fangelsum til að krefjast betri
aðbúnaðar.
TOKYO - Nú er það næsta
víst að Toshiki Kaifu fyrrum
menntamálaráðherra Japans
muni verða næsti forsætisráð-
herra landsins eftir að allir
leiðtogar flokksbrota innan
Frjálslynda lýðræðisflokksins
lýstu yfir stuoningi við hann.
Ekki er þó talið líklegt að stjórn
Kaifu verði langlíf, en hann er
leiðtogi minnsta flokksbrotsins.
Föstudagur4. ágúst 1989
llllllllllllllllllllllllll ÚTLOND Hllllllllllllllllllllllllllllllll...................................................................................................................................................................... ..................................................................................................... .................................................
Fulltrúar Palestínumanna sem funda með Bandaríkjamönnum hafna kosningahugmyndum Israela:
Land í stað friðar
Tveir israelskir hermenn líta yfir hernumda svæðið í Gaza. Palestínumenn vilja að Bandaríkjamenn beiti þrýstingi
á fsracla svo þeir dragi herlið sitt frá hernumdu svæðunum. í staðinn bjóða þeir frið.
Þrettán fulltrúar Pales-
tínumanna á hernumu svæð-
unum áttu fund með John
Kelly aðstoðarutanríkisráð-
herra Bandaríkjanna í sendi-
ráði Bandaríkjanna í Jerúsal-
em og skýrðu honum frá því
að þeir höfnuðu algerlega
hugmyndum ísraela um
kosningar Palestínumanna á
hernumdu svæðunum.
Sögðu þeir grundvallaratriði
að Palestínuríki yrði stofnað
á hernumdu svæðunum og
að ísraelar yrðu að gefa eftir
hernumið land í stað friðar.
Palestínumennirnir þrettán kröfð-
ust þess að Bandaríkin beiti ísraela
þrýstingi til þess að draga herlið sitt
frá hernumdu svæðunum á Vestur-
bakkanum og í Gaza. Að auki
undirstrikuðu Palestínumennirnir
þrettán að engar samningaviðræður
við ísraela væru mögulegar nema
með aðild Frelsissamtaka Palestínu.
- Ekkert getur gerst án samþykkis
PLO og ekkert getur gerst án þess
að ísraelar viðurkenni sjálfsákvörð-
unarrétt Palestínumanna, á Radwa
Abu Ayash leiðtogi Blaðamanna-
samtaka Araba að hafa sagt við
Kelly.
Viðræður Kellys og Palestínu-
mannanna þrettán komu í kjölfar
fundar Kellys með Yitzhak Shamir
forsætisráðherra ísraels um tilboð
ísraela um kosningar á hernumdu
svæðunum. Kelly hefur ekkert vilja
segja um fundinn.
Ferð Kellys til ísraels er sú fyrsta
á þessar slóðir eftir að hann var
skipaður til þess að leiða stefnu
Bandaríkjamanna í málefnum Mið-
austurlanda. Palestínumennirnir
þrettán hvöttu hann til þess að taka
upp beinar viðræður við leiðtoga
PLO.
Grísk farþega*
flugvél ferst
yfir Eyjahafi
Bandaríkjamenn beita þrýstingi á Rafsanjani forseta írans:
íranar bera ábyrgð
á gíslum í Líbanon
Bandaríkjamenn hafa tilkynnt ír-
önum að þeir líti svo á að íslamska
lýðveldið í íran beri ábyrgð á öryggi
bandarískra gísla sem eru í höndum
öfgafullra shítamúslíma í Líbanon
sem hliðhollireru írönum. Skilaboð-
um þessa efnis var komið á framfæri
við írana gegnum sendiráð Sviss í
Teheran.
Öfgafullir shítamúslímar í Líban-
on hafa hótað að taka Bandaríkja-
manninn Joseph Cicippos af lífi ef
fsraelar leysi ekki úr haldi sjeik
Adrem Karim Obeid andlegan leið-
toga Hizbollah-samtakanna. Þegar
hefur einn bandarískur gísl, land-
gönguliðinn William Higgins, verið
myrtur.
Ali Akbhar Hashemi Rafsanjani
hinn nýi forseti írans, sem sór emb-
ættiseið sinn í gær, hefur því störf sín
sem slíkur á sama tíma og mikið
taugastríð ríkir milli Bandaríkja-
manna og skjólstæðinga írana í Hiz-
bollah-samtökunum í Líbanon.
Bandaríkjamenn hafa sent á
þriðja tug herskipa að ströndum
Líbanons og írans. Herma óstaðfest-
ar fréttir að Bandaríkjamenn muni
gera árásir á stöðvar Hizbollah-sam-
takanna í Líbanon ef Cicippos verð-
ur myrtur. Skæruliðar þeir er hafa
Cicippos í haldi hafa gefið honum
tvisvai sinnum gálgafrest, „vegna
tilmæla vinsamlegra aðila“. Seinni
gálgafresturinn rann út í gærkveldi
og var ekki vitað hvort hinir öfgafull-
ur shítamúslímar gerðu alvöru úr
hótun sinni þegar Tíminn fór í
prentun.
Hins vegar er ólíklegt að Banda-
ríkjamenn geri árás á fran eins og
málin standa, því Rafsanjani er
talinn í hófsamari væng íranskra
stjórnmála sem vill bætt samskipti
við umheiminn. Myndi slík árás
herða að nýju harðlínumennina í
íran sem vilja áfram heilagt stríð
gegn Vesturlöndum.
Grísk farþegaflugvél hvarf af rat-
sjárskermum grískra flugumferðar-
stjóra þar sem vélin var á flugi yfir
Eyjahafi. Þrjátíu og þrír voru með
vélinni og var í fyrstu talið öruggt að
vélin hefði hrapað í hafið og lægi nú
á hafsbotni með hina ólánsömu far-
þega innanborðs. Hins vegar kom í
ljós að vélin hafði brotlent í fjalllendi
eyjarinnar Samos sem er í austur-
hluta Eyjahafs.
Björgunarsveitir voru á leið á
slysstað í gærkveldi í von um að
einhver farþeganna fyndist á lífi, en
talið er næsta víst að allir hafi farist.
Flugvélin sem var í eigu gríska
flugfélagsins Olympic Airways var á
leið frá Saloniki í norðurhluta
Grikklands til Samos sem er mjög
vinsæll ferðamannastaður skammt
frá ströndum Tyrklands, en á eyj-
unni eru fjöll mjög erfið yfirferðar.
Það tefur fyrir björgunarmönnum.
Ekki er vitað frá hvaða löndum far-
þegar vélarinnar voru.
Pósthúsið í Kiev
hrynur yf ir fólk
Ellefu manns létust í Kiev, höfuð-
borg sovétlýðveldisins Úkraínu, í
fyrradag þegar aðalpósthúsið í borg-
inni hrundi eftir mikið rok og miklar
rigningar. Pósthúsið hrundi á mesta
annatíma dagsins og liggja fjölmarg-
ir slasaðir á sjúkrahúsum. Tveir
þeirra eru taldir í lífshættu.
Ekki er enn Ijóst hver eiginleg
orsök slyssins var, en talið er næsta
víst að rigningin og rokið hafi feykt
burt einhverjum stoðum.
Dagblaðið Pravda skýrði frá því
að íbúar í Kiev hafi um nokkurt
skeið haft áhyggjur af að pósthúsið
hryndi, en það var byggt í byrjun
sjötta áratugarins. Einn maður lést í
húsinu í fyrra þegar hluti úr þak-
skeggi hússins hrundi. Þrátt fyrir
það var fyrirhuguðum viðgerðum
frestað, þannig að svo fór sem fór.
Hundruð verkamanna, lögreglu-
manna og vegfarenda unnu baki
brotnu fram á rauðan morgun í gær
við að grafa fólk úr rústunum. Telur
lögreglan nokkuð öruggt að fleiri lík
leynist ekki í rústunum.
ÚTLÖ
UMSJÓN:
Hallur
Magnússon
BLAÐAMAÐ
England:
MADUR BÍT-
UR HUND
Maður nokkur sem beit hund
eftir næturlangt fyllerí í Hull á
Englandi var í gær dæmdur til að
greiða 200 pund í sekt vegna mann-
vonskunnar.
Shaun Desborough var á leið
heim til sín eftir að hafa þjórað
nokkuð stíft, þegar hundur ná-
grannans sem bundinn var í garðin-
um tók að gelta að hinum drukkna
Breta og beit hann síðan. Shaun
brást ókvæða við og beit hundinn
á móti, nánar tiltekið f trýnið.
Shaun neitaði því að hafa beitt
hundinn harðræði og sagðist hafa
„flippað út“ þegar hundurinn beit
sig. Dómarinn var hins vegar ekki
á sama máli. Hann dæmdi Shaun
ekki einungis til fjársektar, heldur
fær hann ekki að halda dýr næstu
þrjú árin.
Hundurinn var ekki sektaður
fyrir að hafa bitið Shaun.
Það var Hið konunglega félag
gegn harðræði dýra sem kærði
Shaun.