Tíminn - 15.08.1989, Blaðsíða 2

2 Tíminn
Þriðjudagur 15. ágúst 1989
Svipting fjárforræðis Hofsóshrepps framlengd:
Viðræður um samein-
ingu þriggja hreppa
Félagsmálaráðuneytið hefur
ákveðið að framlengja sviptingu
fjárforræðis Hofsóshrepps og skip-
un fjárhaldsstjórnar sveitarfélags-
ins um tvo mánuði eða til 1.
október næstkomandi. Er þetta í
þriðja skipti sem sviptingin er
framlengd og er það gert vegna
þess að viðræður standa yfir um
sameiningu Hofsóshrepps, Hofs-
hrepps og Fellshrepps.
Hinn 12. desember á síðasta ári
ákvað félagsmálaráðuneytið að
svipta hreppsnefnd Hofsóshrepps
fjárforræði sveitarfélagsins og jafn-
framt var skipuð fjárhaldsstjórn.
Á þeim tíma námu skuldir sveitar-
sjóðsins um 54 milljónum króna,
eða þreföldum til fjórföldum árs-
tekjum hreppsins. Þetta jafngilti
nærri 200 þúsund króna skuld á
hvern íbúa hreppsins sem voru um
270 árið 1986.
Húnbogi Þorsteinsson, skrif-
stofustjóri í félagsmálaráðuneytinu
og formaður fjárhaldsstjórnarinn-
ar sagði í samtali við Tímann að
ráðuneytið teldi eðlilegt að niður-
stöður viðræðna um sameiningu
hreppanna lægju fyrir áður en
tekin væri ákvörðun um að sveitar-
stjórnin fengi aftur fjárforræðið.
Þess má geta að á sínum tíma
lögðu endurskoðendur til að Hofs-
óshreppur yrði sameinaður ná-
grannasveitarfélögunum.
Nánast allar lausaskuldir hrepps-
ins hafa verið greiddar upp. Öðrum
skuldum hefur verið skuldbreytt
og samið um lengri greiðslutíma og
þar með hefur skapast vinnufriður
í sveitarfélaginu, eins og Húnbogi
orðaði það.
Við slíkar aðstæður sem verið
hafa í Hofsóshreppi er heimild til
þess í lögum að leggja fram tillögu
fyrir sveitarstjórn um að leggja allt
að 25% álag á útsvör, aðstöðugjöld
og fasteignaskatt. Húnbogi sagði
að til þessa hefði ekki komið að
leggja aukaálag á útsvörin en aðrir
tekjustofnar hefðu verið fullnýttir.
SSH
Búiðaðákveða
löndunaráætlun
Landssamband íslenskra út-
vegsmanna hefur ákveðið löndunar-
áætlun fyrir Bretland í september og
fyrir Þýskaland í september til ára-
móta.
Á Þýskalandsmarkað var ákveðið
að þrír togarar seldu í hverri viku til
áramóta, með þeim undantekning-
um að fjögur skip skulu landa í
jólavikunni og eitt á milli jóla og
nýárs. Þessi áætlun veitir möguleika
fyrir löndun úr 50 skipum til áramóta
en um 90 skip sóttu um siglingu.
Á Bretlandsmarkað var ákveðið
að heimila 35 siglingar umrætt
tímabil en alls var sótt um 54 sigling-
ar og því var 19 hafnað.
Við úthlutun siglinga var haft að
leiðarljósi, að útflutt magn yrði í
samræmi við það magn, sem flutt var
út sama tímabil síðastliðin ár. Þá var
höfð til hliðsjónar við þessa úthlut-
un, reynsla umsækjanda síðustu þrjú
ár, þ.e. sá fjöldi siglinga, sem hvert
skiphefurfariðáþessumárum. GS
Játa íkveikju í Gusti
Mennirnir tveir, sem voru um
borð í skemmtibátnum Gust þegar
eldur kom upp í honum 30.júlí s.l.,
hafa nú játað, að hafa valdið elds-
voðanum sjálfir og þar með gerst
sekir um tilraun til tryggingasvika.
Annar mannanna var úrskurðaður í
gæsluvarðhald til 25.ágúst, en var
sleppt lausum á laugardag. Hinn var
aldrei úrskurðaður í varðhald.
Málsatvik voru þau, að mennirnir
ætluðu að sigla bátnum frá ísafirði
til Reykjavíkur, undir því yfirskyni
að kaupandi bátsins biði þar. Þegar
þeir voru komnir í nánd við Ólafsvík
munu þeir hafa skorið á gasleiðslur
/
FRAMKVÆMDASTJORI
VERDBREFAMARKAÐAR
LANDSBANKA
ISLANDS
Landsbréf hf. er nýstofnaður verðbréfamarkaður
Landsbankans. Auglýst er eftir umsóknum um
starf framkvœmdastjóra. Umsœkjandi þarf að
hafa viðskiptafrœði-, bagfrœði- eða aðra
sambœrilega menntun. Frumkvceði og sjálfstœði
í starfi er nauðsynlegt. Umsóknir ásamt
upplýsingum um menntun, aldur og fyrri störf
berist fyrir 1. september n.k. stílaðar á:
Stjóm Landsbréfa bf,
c/o Landsbanki fslands,
Austurstrceti 11, 3. hœð,
Pósthólf 170,
155 Reykjavík.
Nánari upplýsingar um starfið veita
Bjöm Líndal og Bry>njólfur Ilelgason
aðstoðarbankastjórar.
LANDSBREF HF.
Verðbréfamarkaður Landsbankans
í eldavél bátsins með þeim afleiðing-
um að eldur kom upp. Þeir tilkynntu
atvikið ekki til næstu strandstöðvar
eða tilkynningaskyldunnar heldur
komu þeir sér á land og fóru til
Lögreglunnar á Ólafsvík. Báturinn
fannst skömmu síðar og var dreginn
á land mikið skemmdur. Hann var
metinn á um fimm milljónir.
Eftir að RLR hafði rannsakað
„slysið" í nokkurn tíma kom upp
grunur um, að um svik væri að ræða
og ástæða þótti til að rannsaka málið
samkvæmt refsilögum. Grunurinn
reyndist á rökum reistur og málið
hefur verið sent til ríkissaksóknara.
GS
Landmælingar gefa
út jarðfræðikort
Landmælingar Islands og Orku-
stofnun hafa gert með sér sam-
komulag um útgáfu, dreifingu og
sölu jarðfræðikorta Orkustofnun-
ar. Orkustofnun hefur látið vinna
jarðfræðikort vegna mats á orku-
lindum landsins og nýtingu þeirra
og eru þau að mælikvarða sambæri-
leg við kort Landmælinga og gróð-
urkort Rannsóknarstofnunar land-
búnaðarins.
Jarðfræðikort hafa að geyma
margs konar upplýsingar, sem nýt-
ast við fleira en orkulindarann-
sóknir, heldur einnig fyrir náttúru-
unnendur og ferðamenn. Þessi kort
Orkustofnunar hafa ekki verið að-
gengileg almenningi til þessa en nú
hafa þegar verið prentuð tvö sett af
kortum af vatnasviði Þjórsár, sem
unnin hafa verið í samvinnu við
Landsvirkjun.
Samkvæmt samkomulaginu taka
Landmælingar íslands að sér al-
menna útgáfu, dreifingu og sölu
kortanna og verða þau þar með
aðgengileg öllum almenningi.
GS
Verðlagsári í mjólkurframleiðslu að Ijúka og þó nokkrir bændur búnir með kvótann:
Mjólkurframleiðsla
minni nú en í fyrra
Áætlanir um framleiðslu
og neyslu á mjólk virðast
ætla að standast. Birgðir af
unnum mjólkurafurðum eru
nú sem nemur 16 milljónum
Iítra af mjólk en það þykja
mjög eðlilegar birgðir. All-
nokkuð hefur dregið úr
mjólkurframleiðslu á síðasta
verðlagsári og eru ýmsir farn-
ir að hafa áhyggjur af því að
það fari að vanta mjólk í
náinni framtíð ef svo heldur
fram sem horfir. Verðlagsári
í mjólkurframleiðslu lýkur
um næstu mánaðamót og all-
nokkrir bændur hafa þegar
klárað kvótann. Margir nýta
sér þó rétt til að færa 5% af
framleiðslu þessa árs yfír á
það næsta.
Fyrsta september byrjar nýtt verð-
lagsár í mjólkurframleiðslu. Þarmeð
lýkur þriðja árinu sem hinn svokall-
aði kvóti er við lýði. Mjólkurbústjór-
ar sem Tíminn hafði samband við
voru sammála um að bændur séu
búnir að aðlaga sig nokkuð vel þessu
kvótakerfi. í fyrra og hittiðfyrra bar
allmikið á því að bændur kláruðu
sinn kvóta í júní eða júlímánuði.
Þetta olli verulegri óánægju margra.
Minna hefur borið á þessari óánægju
í seinni tíð enda hafa bændur neyðst
til að taka tillit til breyttra aðstæðna.
Enn mun þó eitthvað vera um að
bændur hafi klárað kvótann tveim
eða þrem mánuðum fyrir ágústlok.
Um síðustu mánaðamót voru 104
búnir með sinn framleiðslurétt hjá
Mjólkurbúi Flóamanna af 530 fram-
leiðendum. í Borgarnesi voru 32
búnir af 170. Á Blönduósi voru 3
búnir af 68. Staðan hjá öðrum búum
er svipuð. Tölur lágu ekki endanlega
fyrir hjá Mjólkursamlagi KEA á
Akureyri en þar munu allnokkrir
vera búnir með kvótann. Mjólkur-
bústjórum bar saman um að flestir
bændur myndu nýta sér allan kvót-
ann og margir væru að klára hann
þessa dagana. Þeim bar jafnframt
saman um að bændur væru farnir að
stjórna sinn framleiðslu mun betur
nú en var fyrst þegar kvótinn var
lagður á. Kvótakerfið er einnig orðið
sveigjanlegra en það var því að nú
mega bændur færa 5% af framleiðslu
þessa árs yfir á það næsta einnig
mega þeir færa 5% af ónotuðum rétt
þessa árs yfir á næsta. Þetta er gert
vegna þess að útilokað er fyrir
bændur að stjórna kúnum þannig að
passi upp á lítra. Samkvæmt samn-
ingi ríkisins við bændur mega þeir
framleiða 103 milljónir lítra á þessu
verðlagsári og 104 milljónir á því
næsta. Þessum milljónum lítra er
deilt á milli allra kúabænda eftir
ákveðnum reiknireglum.
Sumir mjólkurbústjórar höfðu
nokkrar áhyggjur af því að mjólkur-
framleiðsla væri orðin eða að verða
of lítil. Hjá Mjólkursamlagi Borg-
arness hefur framleiðslan minnkað
um 5,4% frá áramótum. Sömu sögu
er að segja hjá Mjólkurbúi Flóa-
manna en þar hefur framleiðsla
minnkað um eina milljón lítra á
þessu verðlagsári en það er um 3%
minnkun. Birgir Guðmundsson
mjólkurbústjóri benti á að stöðugt
fækkaði kúabændum. Árið 1970
lögðu um 900 bændur inn mjólk hjá
Mjólkurbúi Flóamanna en nú eru
innleggjendur 530. Hann sagði að
þessi þróun héldi áfram á svipuðum
hraða og verið hefði. Þar ráði mestu
að ungt fólk treysti sér ekki til að
kaupa jarðir með litlum framleiðslu-
rétti. Því hætti þessir litlu fram-
leiðendur búskap þegar aldur og
heilsuleysi segja til sín. Þrátt fyrir
áhyggjur margra af minnkandi
mjólkurframleiðslu eru menn ragir
við að slaka á kvótakerfinu meira en
orðið er af ótta við að bændur fjölgi
kúm of mikið og því verði að grípa
til hafta á ný. Hjá Osta- og smjörsöl-
unni fengust þær upplýsingar að
birgðir væru í samræmi við áætlanir.
Engin óeðlileg birgðasöfnun hefði
verið þetta verðlagsár og gott sam-
ræmi væri milli framleiðslu og
neyslu. Einhver hætta er þó á að
smjör muni skorta í vetur. -EÓ