Tíminn - 15.08.1989, Blaðsíða 10

10 Tíminn
Þriðjudagur 15. ágúst 1989
DAGBÓK
Konur sýna glerverk
í Norræna húsinu
Laugard. 12. ágúst opnuðu 8 konur frá
Bandaríkjunum og Evrópu sýningu á
steindum glerverkum í kaffistofu Nor-
ræna hússins í Reykjavík. Listakonumar
eru: Maud Cotter frá íslandi, Waltraud
Hackenberg og Helga Ray-Young frá
Vestur-Þýskalandi, Amber Hlscott og
Catrin Jones frá Wales, Linda Lichtman
og Ellen Mandelbaum frá Bandaríkjun-
um og Sigríður Ásgeirsdóttir, fslandi.
Sýningin í Norræna húsinu stendur í
rúmaviku, frá 12.-21. ágúst.
I Kevelaer í Vestur-Þýskalandi árið
1984 fór fram alþjóðlegt seminar 16
listamanna sem vinna í steint gler. Þar
myndaðist kjarni listakvenna sem hefur
haft öflugt samband sín á milli og hafa
haldið sameiginlegar sýningar.
( fyrra ákvað kjarni hópsins að hittast
á íslandi í ágúst 1989. Tilgangur stefnu-
mótsins er að efla menningarleg sam-
skipti, ræða málefni listgreinarinnar, nýja
strauma og stefnur, tæknileg atriði í
vinnubrögðum og aðgerðum, gera lista-
verk og kynnast íslandi. Hver þátttakandi
kemur með tvö listaverk og eru þau verk
sýnd í kaffistofu Norræna hússins nú.
Afmælishappdrætti
HJARTAVERNDAR 1989
1964-1989: „Hjartavemd
fyrir þig í tuttugu og fimm ár“
Hjartavernd, landssamtök hjarta- og
æðaverndarfélaga, er tuttugu og fimm ára
á þessu ári. 1 25 ár hafa samtökin beitt sér
fyrir aðgerðum til að draga úr og stemma
stigu við hjarta- og æðasjúkdómum, en
meira en 40 % dauðsfalla hérlendis eru af
þeirra völdum.
Hjartavernd hefur haft með höndum
mikla fræðslustarfsemi um einkenni,
áhættuþætti og megingerð sjúkdómanna
og í yfir 20 ár hcfur Hjartavernd rekið
rannsóknarstöð til að leggja undirstöður
að víðtækara forvarnarstarfi. Megin-
áhersla hefur jafnan verið lögð á forvarnir
og fyrirbyggjandi aðgerðir, bæði til að
forðast hjartaáföll og eins til að finna
leiðir til að styrkja þá sem orðið hafa fyrir
áfalli, en lifað.
Happdrættið hcfur árlega rcnnt all-
styrkum stoðum undir starfsemi stöðvar-

Guðm.
Bjarnason
Valgerður
Sverrisdóttir
Jóhannes Geir
Sigurgeirsson
Suður-Þingeyingar
Guðmundur, Valgerður og Jóhannes verða til viðtals og viðræðna við
heimamenn sem hér segir:
Breiðumýri, þriðjud. 15. ágúst kl. 21.
Grunnsk. Bárðardal, miðvikud. 16. ágúst kl. 21.
Grunnsk. Svalbarðsströnd, fimmtud. 17. ágúst kl. 21.
Gamla skólanum Grenivík, föstud. 18. ágúst kl. 21.
Komið í kvöldkaffi með þingmönnunum og spjallið við þá um
þjóðmálin.
Allir velkomnir.
Framsóknarflokkurinn.
Landsþing L.F.K.
verður haldið að Hvanneyri dagana 8.-10. september n.k.
Mætum allar.
Stjórn L.F.K.
Sumartími:
Skrifstofa Framsóknarflokksins, að Nóatúni 21 í Reykjavík, er opin
alla virka daga frá kl. 8.00-16.00.
Framsóknarflokkurinn.
Héraðsmót framsóknarmanna
í Skagafirði
verður í Miðgarði laugardaginn 26. ágúst og hefst kl. 21.00. Ræðu
flytur Steingrímur Hermannsson forsætisráðherra. Góð skemmtiatriði
á skemmtuninni verða auglýst síðar. Hljómsveit Geirmundar Valtýs-
sonar leikur fyrir dansi.
Jarðeigendur
Vil kaupa bújörð með eða án fullvirðisréttar, hentuga til
hrossaræktar og ferðaþjónustu. Þarf að vera vel í sveit
sett og hafa sæmilegan húsakost. Skipti á nýju
einbýlishúsi í kaupstað á Norðurlandi æskileg.
Upplýsingar í síma 96-43521.
innar og skilað henni drjúgum tekjum.
Nú hefur sérstöku afmælishappdrætti ver-
ið hleypt af stokkunum og eru vinningar
að verðmæti 8.3 milljónir kr. Forráða-
menn Hjartaverndar segja það von sína,
að almenningur taki afmælishappdrættinu
vel.
Átaks er þörf til að efla forvarnir gegn
hjartasjúkdómum. Það starf er í þágu
aímennings. Rannsóknarstöð Hjarta-
verndar er stofnuð og starfrækt til að
sinna þessu verkefni. „Nú er óskað sér-
staklega eftir þínum stuðningi, því hjarta-
vernd er þitt hjartans mál,“ segir að
lokum í fréttatilkynningu frá Hjarta-
vernd.
Tímaritið UPPELDI
er gefið út fyrir atbcina Foreldrasamtak-
anna í Reykjavík, en skrifstofa samtak-
anna er að Fornhaga 8 og þar er sími
27261.
I þessu blaði er fyrst nokkur orð frá
Herði Svavarssyni, ritstjóra blaðsins og
nefnast „Þetta hefst!“
Meðal efnis í blaðinu má nefna náttúru-
þátt, grein um íslenskt uppeldi fyrr á
árum, börn og umferð, úttekt á foreldra-
samstarfi á barnaheimilum og grein um
dagskrá Lions-hreyfingarinnar gegn
fíkniefnum, en meginefni blaðsins fjallar
um tónlistaruppeldi og loks er sérlega
vönduð og efnismikil grein um börn á
fjórða aldursár Þá eru leiðbeiningar í
sambandi við hjólreiðar barna og tónlist-
aruppeldi forskólabarna. Þáttur er um
gæludýr. Samvinnan um barnið þitt, er
kynning á foreldrafélögum. Blaðinu fylgir
„Fréttabréf til félagsmanna Foreldra-
samtakanna".
SKAFTFELLINGUR 6. árg.
- Þættir úr Austur-
Skaftafellssýslu
Þetta hefti Skaftfellings er yfir 200 bls.
á stærð. Sigurður Björnsson, Kvískerjum
skrifar formála, en Sigurður er ritstjóri og
ábyrgðarmaður.
Margar greinar um skaftfellsk málefni
ný og frá fyrri tíð eru í ritinu. Nefna má
grein Páls Þorsteinssonar á Hnappavöll-
um, Raforkumál, frásögn eftir Þorstein
Þorsteinsson, Höfn af Skarphéðni Gísla-
syni Vagnsstöðum. Ragnar Stefánsson,
Skaftafelli skrifar um eftirlit og viðgerðir
á landssímalínum á Skeiðarársandi 1929-
1973. Sigurður Björnsson á greinar um
margvísleg efni, og Unnur Kristjánsdóttir
frá Lambleiksstöðum skrifar: Leikstarf-
semi í Mýrahreppi. Sagt er frá skips-
ströndum og annálar eru raktir. Minn-
ingagreinar um látna Skaftfellinga eru í
ritinu.
Útgefandi Skaftfellings er Austur-
Skaftafellssýsla. Ritið er sett og prentað í
Prentsmiðju Hornafjarðar, en bókband
var í umsjá sá Sigurðar Magnússonar,
Hofi, Öræfum.
Heyrnar- og talmeinastöð íslands:
Móttaka á Húsavík 25.-26. ág.
Móttaka verður á vegum Heyrnar- og
talmeinastöðvar íslands í Heilsugæslu-
stöð Húsavíkur dagana 25. og 26. ágúst.
Þar fer fram greining heyrnar- og
talmeina og úthlutun heyrnartækja.
Sömu daga að lokinni móttöku Heyrn-
ar- og talmeinastöðvarinnar verður al-
menn lækningamóttaka sérfræðings í
háls-, nef- og eyrna-lækningum.
Tekið er á móti viðtalsbeiðnum á
Heilsugæslustöð Húsavíkur.
Breyttur opnunartími
á Þjóðminjasafni íslands
Frá 15.maí til 15.september er safnið
opið alla daga nema mánudaga frá kl. 11
til 16.
Aðgangur er ókeypis.
Breyttur opnunartími
á Listasafni Einars Jónssonar
Opnun Listasafns Einars Jónssonar
hefur breyst yfir í sumartíma. Frá l.júní
er safnið opið alla daga kl. 13:30 - 16,
nema mánudaga.
Höggmyndagarðurinn er opinn allt árið
kl. II - 17.
Sýning Jóhanns Briem
í Norræna húsinu
Sumarsýning Norræna hússins á verk-
um Jóhanns Briem stendur enn í Norræna
húsinu. Hún er opin daglega kl. 14:00-
19:00 til 24. ágúst.
Dagsferðir Ferðafélags Islands
Miðvikud. 16. ág.: Þórsmörk/dagsferð.
(2000 kr.)
Sunnud. 20. ág. kl. 10:00: Skjaldbreið-
ur. Ekið um línuveginn norður fyrir
Skjaldbreið og gengið þaðan á fjallið.
(1500 kr.)
Kl. 13:00 Gengið eftir Almannagjá.
Létt gönguferð (1000 kr.) Brottför frá
Umferðarmiðstöðinni, austanmegin. Far-
miðar við bíl. Frítt fyrir börn í fylgd
fullorðinna.
Ferðafélag íslands
Sumarleyfisferðir Útivistar
18.-23. ágúst. Núpsstaðarskógar -
Grænalón - Djúpárdalur. Fjögurra daga
bakpokaferð. Brottför föstudagskvöld kl.
20:00. Ýmsir möguleikar á útúrdúrum,
t.d. ganga á Grænafjall og að Hágöngum
í jaðri Vatnajökuls.
31. ág.-3. sept. Gljúfurleit - Kisubotnar
- Kerlingarijöll. Ný ferð. Ekið upp með
Þjórsá að vestan og gist í Gljúfurleitar-
skála. Skoðaðir Þjórsárfossar. Farið um
Kisubotna í Kerlingarfjöll. Skoðað Kjal-
arsvæðið (Hveravellir). Upplýsingar og
farmiðar á skrifstofunni Grófinni 1, símar
14606 og 23732.
Útivist, ferðafélag
Sýning frá Moldavíu í Hafnarborg
-og tónleikar mánud. 21. ágúst
Nú stendur yfir í Hafnarborg, menning-
ar- og listastofnun Hafnarfjarðar, sýning
á 12 olíumálverkum, 12 svartlistarmynd-
um og 15 listmunum úr Ríkislistasafni
Sovétlýðveldisins Moldavíu. Sýningin er
opin alla daga - nema þriðjudaga- kl.
14:00-19:00.
Á mánudagskvöld, 21. ágúst kl. 20:30
verða tónleikar haldnir í Hafnarborg. Þar
koma fram listamenn frá Moldavíu,
kammersveit Ríkisútvarpsins þar í landi
og tveir af kunnustu óperusöngvurum
Sovétríkjanna, María Bieshú sópran og
Mikhaíl Múntjan tenór.
Áður en tónleikarnir hefjast verða
Sovéskir dagar MÍR1989 formlega settir.
Illlllllllllllllllllllll ÁRNAÐ HEILLA
Sextugur
Pétur Guðfinnsson
sjónvarpsstjóri
Pétur Guðfinnsson er Reykvík-
ingur að ætt. Hann hóf háskólanám
á Norðurlöndum og nam síðan svo
árum skipti við háskóla í Frakklandi.
Að loknum prófum þar starfaði
hann hjá Evrópuráðinu í Strassborg
í 9 ár, síðast sem fulltrúi í efnahags-
og félagsmáladeild. Hann kvæntist
Stellu Sigurleifsdóttur og eiga þau
fjögur börn.
Pétur sóttist ekki eftir að verða
sjónvarpsstjóri á Islandi, það var
sóst eftir honum, að hann tækist á
hendur algert brautryðjendastarf
hérlendis á nýjasta, tæknivæddasta
og áhrifamesta menningarsviði nú-
tímans.
Þá var hann 35 ára gamall.
Tveir menn koma úr gagnstæðum
áttum, mætast og verða samferða
yfir fjall. Kynnum og samskiptum
okkar Péturs Guðfinnssonar var
ekki ólíkt farið. Hann kom utanað
ég innanað. Við höfðum ekkert
þekkst áður en leiðirnar lágu sarnan.
En upp frá því unnum við daglega
saman í 20 ár og hefi ég ekki verið
jafn nátengdur neinum svo lengi
starfslega. Það er ástæðan til þess að
ég set mig ekki úr færi, er hann á
merkisafmæli, að þakka honum sam-
starfið og samfylgdina.
Starf framkvæmdastjórans og
manna hans þarf ekki að kynna.
Árangur þess hefir blasað við sjón-
varpsáhorfendum í hartnær aldar-
fjórðung. En sjálfur hefir hann verið
eins sjaldan í sviðsljósinu og hann
frekast hefir mátt stöðu sinnar
vegna. Þeim mun sterkar stríðir á að
leitast við að bregða á loft svipleiftri
af manninum bak við tjöld sjón-
varpsins.
Áf framansögðu má strax ráða að
hann hefir enga þörf fyrir að láta á
sér bera að neyta andlegs aflsmunar
á skákborði lífsins. „Ég átti sverðið
en brá því ekki“ kvað Guðmundur
Kamban. Þeim sem þekkja afl sitt er
engin freisting að sýna það eða beita
því að óþörfu. Hinna er vandinn
meiri sem hættir til að sýnast án þess
að hafa af miklu að má, og falla í þá
gryfju að breiða úr stélinu sem
eyðufyllingu verðleikanna.
Þar sem starfað er berskjaldað,
eins og hjá sjónvarpi og áþekkum
fjölmiðlum, liggja ábyrgðar-
mennirnir svo vel við spjótalögum
að eins gott er að kippa sér ekki upp
við þau. Þeim kosti er Pétur Guð-
finnsson einmitt búinn, verður
hvorki uppnæmur fyrir goluþyt né
geipi. Hann er friðarins maður í
lengstu lög, þótt hann kunni líka að
berjast, ef hjá þvf verður ekki
komist. Vegna skapstillingar sinnar
og kurteisi hefir hann oft komist hjá
að stangast við illa hyrnda hrúta,
bæði utan og innan við þröskuldinn.
Fyrir getur komið að fljótráðari
og minni stillingarmönnum finnist í
hita leiksins þörf á fastari tökum og
harðari aðgerðum. En sígandi lukka
hans reynist oft farsælust þegar upp
er staðið.
Þeirrar heillar, sem honum er léð,
hefir sjónvarpið notið góðs af frá
upphafi og ekki veitt af, jafn mikill
styr og ávallt hlýtur að standa um
slíka stofnun vegna ólíkra sjónar-
miða.
Ég minnist samstarfsins við Pétur
Guðfinnsson með mikilli ánægju og
það er ekki laust við eftirsjá. Ekki
síst þegar hugsað er til frumbýlings-
áranna að Laugavegi 176, sem voru
ævintýri líkust með tilheyrandi
þrautum, sem varð að leysa og
mæddi ekki síst á tækniliðinu að
glíma við.
Þó verða strjálu næðisstundirnar
með framkvæmdastjóranum starfs-
erlinum minnisstæðari að lokum,
stundir glóandi glettni og alvöru
undir niðri, þar sem yfirsýn og
innsýn fjölfróðs og góðviljaðs gáfu-
manns naut sín til fulls.
í fertugsafmæli Péturs varð undir-
rituðum að orði að hann væri í senn
mikill heimsmaður og heimsflótta-
maður, ætti eins vel heima á iðutorgi
mannlífsins og í þagnarskógi. Þetta
þótti ýmsum hæfa í mark, man ég.
Það er þá jafn satt í dag. Ég treysti
mér ekki til að lýsa honum betur
með jafnfáum orðum. Heimsmaður-
inn er gjörkunnugur fjölskrúðugu
mynstri vestrænnar menningar og
mæltur á ýmsar höfuðtungur álfunn-
ar. En jafnframt er grunnt á einfar-
anum og heimsflóttamanninum í
honum. Þá sé ég hann fyrir mér lú
garðinn sinn og græða kvisti, ellegar
gæta góðra bóka í kyrrlátu safni og
lesa þær ofan í kjölinn.
Þegar erill dagsins keyrði úr hófi
fram áður fyrr man ég að hann sagði
stundum sem svo, með tvíræðum
glettnissvip:
„Ætli ég sæki ekki bara um bóka-
varðarstarf í Grímsey."
Hafðu þökk, Pétur, fyrir sam-
fylgdina yfir fjallið. Bestu árnaðar-
óskir til ykkar hjóna frá mér og konu
minni.
Emil Björnsson