Tíminn - 17.08.1989, Blaðsíða 12
12 Tíminn
Fimmtudagur 17. ágúst 1989
llllllllllllllllllllllllllll DAGBÓK llllllllllllllllllllllllllllllllllllllllllllllllllllllllllllllllllllllllllllllllllllllllll BÆKUR llllllllllllllllllll
Sumarferð Félags eldri
borgara í Kópavogi
Sumarferð um Árnessýslu verður farin
laugardaginn 19. ágúst. Lagt verður af
stað frá Sparisjóði Kópavogs, Digranes-
vegi 10, kl. 09:00. Farmiðar á skrifstofu
félagsins miðvikudaginn 16. ágúst og
fimmtudaginn 17. ágúst kl. 13:30-17:00.
Síminn er 41226.
Agúst
Vigfússon
áttræður 17. ágúst 1989
Ljóðakveðja frá 1969 en ennþá gild.
Eru okkar kynni
ekki löng en greið.
Mestu skiptir máli
manns á ævi leið
hitta þá sem hafa
hjartaþehð gott.
Býst ég við að beri
báðir þessa vott.
Þessa taug, sem tengir
tvo, fær enginn séð.
Hún erinnst í hjarta,
hitar mannsins geð.
Lengst um leið ófama
lifðu í trú og von.
Er það ósk míns hjarta,
Ágúst Vigfússon.
Auðunn Bragi Sveinsson.
Frá Félagi eldri borgara
28. ágúst nk. verður farin fjögurra daga
Fjallabaksferð. Því er beint til þeirra sem
þegar hafa látið skrá sig að greiða þarf
ferðina ekki síðar en 23. ágúst. Örfá sæti
eru enn laus.
Frá félagi eldri borgara
Göngu-Hrólfur. Gönguferð á vegum
félagsins á hverjum laugardegi kl. 10.
Farið frá Nóatúni 17.
Sumarleyfisferðir
Ferðafélagsins
23.-27. ágúst: Landmannalaugar -
Þórsmörk. Gengið á fjórum dögum frá
Landmannalaugum til Þórsmerkur. Gist í
sæluhúsum F.í.
Fararstjóri: Dagbjört Óskarsdóttir.
25.-30. ágúst: Landmannalaugar -
Þórsmörk. Fararstjóri Jóhannes I.
Jönsson.
Upplýsingar og farmiðasala á skrifstofu
Ferðafélagsins, Oldugötu 3.
Ferðafélag íslands
Helgarferðir F.í.
18.-21.ágúst
Þórsmörk - Gönguferðir við allra hæfi
með fararstjóra. Gist í Skagfjörðsskála í
Langadal.
Landmannalaugar. Gengið um ná-
grennið. Dagsferð í Eldgjá og að Ófæru-
fossi. Gist í sæluhúsi F.I. f Landmanna-
laugum. Upplýsingar og farmiðasala á
skrifstofu F.f. Öldugötu 3.
FornbOaklúbbur íslands:
Ferð í Heiðmörk
Sunnudaginn 20. ágúst stendur Fom-
bílaklúbbur íslands fyrir ferð í Heiðmörk.
Farið verður kl. 13:30 frá Rafveituhúsinu
við Suðurlandsbraut. Ferðanefndin býður
ókeypis pylsur við útigrillið í Heiðmörk.
Athugið að ferðinni verður frestað ef
illa viðrar. Ákvörðun um frestun verður
tekin við Rafveituhúsið, þegar þar að
kemur.
Námskeið í TAICHI
Helgina 19.-20. ágúst verður haldið
námskeið í TAI CHI, sem er fom kín-
versk hreyfilist. Þetta er ævafomt lfkams-
ræktarkerfi.
TAI CHI er byggt á hinni fomu
kfnversku heimspeki um yin og yang
orkuna. Það hentar öllum, á hvaða aldri
sem þeir em.
Leiðbeinandi er þekktur TAI CHI
meistari Reza A. Hezaveh sem kemur frá
Englandi.
Námskeiðið verður haldið f Yogastöð-
inni Heilsubót, Hátúni 6A, laugard. 19.
ág. kl. 10:00. Upplýsingar og innritun er
í síma 627760, 27622, 23022 og 30785 og
hjá versluninni „Innri kraftur", Lauga-
vegi 92.
Kvikmyndaklúbbur íslands sýnir:
Caravaggio
Kvikmyndaklúbbur lslands hefur nýtt
sýningartímabil í dag, fimmtudagin 17.
ágúst. Þá verður frumsýnd kvikmyndin
Caravaggio eftir breska leikstjórann Der-
ek Jarman. Með aðalhlutverk fara Nigel
Terry, Dexter Fletcher, Michael Gough
og Sean Beau. Myndin byggir á lífi
málarans Caravaggio, sem uppi var á
endurreisnartímanum á Ítalíu.
Myndin verður sýnd fimmtudagskvöld
kl. 21:00 og kl. 23:15 og á laugardag kl.
15:00 í kvikmyndahúsinu Regnboganum
við Hverfisgötu.
Aðgöngumiðar fást í miðasölu Regn-
bogans og kosta 200 krónur. Félagsskír-
teini fást einnig á sama stað og kosta 1000
krónur. Athygli er vakin á því, að miðar
fást ekki án félagsskírteinis. Með félags-
skírteininu fylgir prentuð dagskrá Kvik-
myndaklúbbs Islands.
í fréttatilkynningu segir: „Stefna kvik-
myndaklúbbs Islands er að sýna vandaðar
myndir, sem alla jafna koma ekki til með
að verða sýndar í kvikmyndahúsum hér-
lendis."
KVENNAATHVARF
Húsaskjól er opið allan sólarhringinn
og aðstoð fýrir konur sem beittar hafa
verið ofbeldi í heimahúsum eða orðið
fyrir nauðgun.
Siminn er 21205 - opinn allan sólar-
hringinn.
Starf Bahá'í á íslandi
og í Færeyjum
Sumarskóli Bahá‘ía var haldinn í sumar
5.-12. ágúst að Reykhólum í Reykhóla-
sveit. Um 130 manns skráðu sig f skólann,
en þetta er þriðja árið f röð sem sumar-
skóli Bahá'ía er haldinn á þessum stað.
Reykhólar urðu fyrir valinu vegna þess að
þeir eru í námunda við landareign
Bahá'ía, Skóga í Þorskafirði.
Aðalræðumaður skólans að þessu sinni
var Marvin Huges frá Detroit í Banda-
Bréf hefur borist frá Ghana, þar sem
óskað er eftir pennavinum á Islandi. 1
bréfinu segir að tvö ár séu síðan þessir
umsækjendur hafi reynt að fá pennavini
á Islandi. Nú hafi þeir fengið uppgefið
nafn Tímans, og bindi þeir vonir sínar við
að þeir fái einhver svör.
1. Þetta er 26 ára stúlka, sem hefur
áhuga á bréfaskriftum, íþróttum, músík,
bóklestri o.fl. Utanáskrift til hennar er:
Mariana Kabore,
P.O. Box 641,
Cape Coast,
Ghana
West Africa
2. 22 ára piltur sem hefur áhuga á
fótbolta, músík, ferðalögum og bréfa-
skriftum. Utanáskrift til hans er:
Semaila Karbore,
P.O. Box 641,
Cape Coast,
Chana,
West África
3. 24 stúlka sem hefur áhuga á að
kynnast fólki, ferðalögum, tónlist og að
skiptast á póstkortum og smágjöfum.
Utanáskrift til hennar er:
Comfort Brainnah
P.O. Box 641,
Cape Coast,
Ghana,
West África
ríkjunum. Hann flutti fyrirlestraröð er
hann nefndi „Frá glundroða til skipu-
lags“.
Um það bil þrjátíu Islendingar tóku
þátt í alþjóðlegri Bahá'í unglingaráð-
stefnu í Þórshöfn í Færeyjum í júlí sl. Þar
komu saman trúsystkin frá Norður-
löndunum, Þýskalandi, Luxembourg,
Frakklandi, Bretlandi og Kanada. Ráð-
stefnan var haldin undir kjörorðinu
„Friðarátak" (Peace Moves), en Bahá'í-
unglingar í Evrópu hafa ákveðið að
einbeita sér að friðarmálum á næstu tíu
árum, eða fram til aldamóta.
Veiði-
vatna-
handbókin
- Ný handbók um silungs-
veiðivötn á íslandi
Frjálst framtak hf. hefur sent frá
sér bókina Veiðivatnahandbókin
eftir Guðmund Guðjónsson blaða-
mann. í bókinni eru upplýsingar um
flest silungsveiðivötn á Islandi, sam-
tals rösklega hálft þriðja hundrað,
og veitt er leiðsögn um veiðar í þeim
og hvar unnt er að fá veiðileyfi. í
bókinni eru fjölmargar loftljós-
myndir af veiðivötnum og veiðisvæð-
um, þannig að auðvelt á að vera fyrir
fólk að átta sig á staðháttum. Þá er
í mörgum tilfellum lýst hvemig auð-
veldast er að komast að umræddum
veiðivötnum og hvar sé líklegast að
reyna veiðar í þeim.
í bókinni em einnig sérkaflar um
íslenska vatnafiska, meðferð afla,
umgengni við ár og vötn og það sem
veiðimenn þurfa að hafa með sér í
veiðiferðir.
Bókin ætti að vera kjörgripur fyrir
ferðafólk sem hefur stöngina með
sér í ferðalagið og hefur hug á að
renna í silungsveiðivötn eða veiðiár
á ferðum sfnum.
Höfundur bókarinnar, Guðmund-
ur Guðjónsson, hefur um árabil
ritað mikið um lax- og silungsveiðar.
Hann hefur séð um fastan veiðiþátt
í Morgunblaðinu og ritað nokkrar
bækur um veiðiskap og veiðimenn.
Veiðivatnahandbókin er 156 bls.
Bókin er prentunnin og bundin í
Prentsmiðjunni Odda.
MINNING
Benedikt Kristjánsson
Fæddur 5. maí 1925
Dáinn 8. ágúst 1989
í dag verður til moldar borinn,
tengdafaðir minn Benedikt Krist-
jánsson. Á þessari kveðjustund,
langar mig til að minnast hans nokkr-
um orðum.
Það var sumarið 1968, sem kynni
okkar hófust. Á þeim árum voru
miklar hræringar meðal ungs fólks,
einkum námsmanna, og róttækling-
ar víða um heim gerðu uppreisn
gegn ríkjandi þjóðskipulagi. Á ís-
landi voru þessar hræringar mildari
en á meginlandi Evópu, en vissulega
áttu hugmyndir um aukið frelsi til
orða og athafna hljómgrunn hér
einnig.
Mér er það því alltaf minnisstætt,
þegar ég fór að venja komur mínar
í Vallargerði 16, hvernig Benedikt
brást við þeim messíasartilburðum,
sem kynslóð okkar ungu meðvituðu
námsmannanna hafði í frammi á
þessum árum. Heimilið var mikið
menningarheimili, þarsem bókalest-
ur var í hávegum hafður, og þekking
á þjóðmálum mikil. Því fór fjarri, að
ég væri að kynna tengdaföður
mínum, sem síðar varð, einhver ný
fræði. Oft var setið langtímum sam-
an og skeggrætt um það „ískyggi-
lega" ástand sem var að skapast að
mati okkar unga fólksins, og ekki
vantaði skoðanir yngri heimilismeð-
lima. Kappsfullar umræður urðu á
stundum mjög háværar, þegar hug-
sjónimar brunnu sem heitast.
Undir þessu öllu sat Benedikt að
jafnaði íhugull og fylgdist gjörla
með öllu sem sagt var, án þess að
haggast. Það var ekki fyrr en menn
tóku að fara frjálslega með stað-
reyndir, máli sfnu til stuðnings, að
hann átti það til að grípa inn í til að
koma mönnum aftur niður á jörðina.
Var þá óþarft að grípa til sögubóka
máli sínu til stuðnings, því glögg
þekking hans á sögu og þjóðfélagi
samtímans var alltaf óskeikul. Ekki
fór á milli mála, að honum fannst á
stundum kappið fullmikið, en lét þó
slag standa, og fannst ugglaust, að
öllu þessu brambolti og heilabrotum
okkar unga fólksins myndi fylgja
þroski, þótt síðar yrði. Aldrei kom
það fyrir, að beitt væri rökum hins
eldri og vitrari, heldur lét hann
menn hlaupa af sér hornin, ólíkt því
sem algengt er meðal hinna eldri og
reyndari.
Ástæða þess, að ég rifja þetta upp
nú, er sú, að umburðarlyndi, hóg-
værð og réttsýni einkenndi allt lífs-
hlaup þessa ágæta manns. Benedikt
var dulur maður og hljóp ekki með
skoðanir sínar og tilfinningar á torg.
Hins vegar duldist engum þeim er
hann þekktu, að skoðanir hafði
hann á flestum málum, byggðar á
íhugun og rökhyggju. Það tók mig
mörg ár að kynnast honum jafn vel
og síðar varð, og svo var með fleiri.
Fyrir þau ár er ég þakklátur.
Að loknu námi í Samvinnuskólan-
um hóf hann störf hjá Sambandinu,
sem gjaldkeri. Eftir örfárra mánaða
starf þar, hóf hann störf hjá Sam-
vinnutryggingum við stofnun þess
fyrirtækis árið 1946, varð fyrsti
starfsmaður þess og starfaði þar
allan sinn starfsferil. í starfi þar
ávann hann sér vinsældir og virðingu
starfsfélaga sinna, og er mér ekki
kunnugt um, að nokkurn tíma hafi
borið þar skugga á.
Það var síðan fyrir um 7 árum, að
hann kenndi sér meins af þeim
sjúkdómi, sem síðar lamaði starfs-
orku hans og hafði betur í síðustu
glímunni. Einnig í þeim þrenging-
um, sem fylgdu þeim erfiða sjúk-
dómi, kom fram áðumefnd lyndis-
einkunn hans. Lengst af var ekki
hægt að merkja á honum, að hann
væri jafn sjúkur og raun bar vitni.
Æðruleysið var algert. Það eina,
sem virtist valda honum kvíða, var
hvernig eftirlifendum hans myndi
reiða af. Ekki vildi hann ræða veik-
indi sín, heldur sveigði talið jafnan
að öðru. Ugglaust vissi hann betur
en nokkur annar, hvemig komið
var, en um það var ekki rætt.
Hjónaband Benedikts og Ólafar
Ragnheiðar Jónsdóttur var til mikill-
ar fyrirmyndar í alla staði. Þau vom
afspyrnu samhent hjón, og var það
mikið gæfuspor fyrir þau bæði. Eins
og áður er getið um, var heimili
þeirra mikið menningarheimili, og
ríkti þar hin sanna íslenska gestrisni.
Mikill gestagangur var þar jafnan,
og allir aufúsugestir.
Helstu áhugamál Benedikts voru
bóklestur og söfnun bóka, og átti
hann mikið og gott bókasafn. Einnig
vom ferðalög snar þáttur í lífi þeirra
hjóna, eftir að bömin uxu úr grasi
og heilsa og líf entist.
Að leiðarlokum vil ég þakka fyrir
þau ár sem ég átti þess kost að
þekkja og umgangast þann sóma-
mann, sem nú hefur horfið yfir
móðuna miklu. Ég er þess fullviss,
að móttökumar hinum megin, verða
í samræmi við það lífshlaup, sem nú
er lokið.
í ljósi þess veit ég, að góðar
endurminningar um ástkæran eig-
inmann og föður, styrkja eftirlifend-
ur á þeirri sorgarstund, sem fráfall
Benedikts Kristjánssonar er. Megi
minningin um góðan dreng lifa.
Öm Gústafsson
Okkur barnabömin langar til að
kveðja afa okkar, Benedikt Krist-
jánsson. Við þökkum þær stundir,
sem við áttum með honum og hörm-
um að þær verða ekki fleiri.
Það verður vissulega tómlegra í
Vallargerðinu nú þegar afa nýtur
ekki lengur við, og söknuðurinn
mun seint hverfa úr hjörtum okkar.
Megi guð blessa og styrkja ömmu
okkar á þessari erfiðu stund.
Kallið er komið,
komin er nú stundin,
viðskilnaður viðkvæm stund.
Vinimir kveðja
vininn sinn látna,
er sefur hér hinn síðasta blund.
Valdimar Briem
Barnabömin