Tíminn - 30.08.1989, Blaðsíða 2
2 Tíminn
Miövikudagur 30. ágúst 1989
ísfisksölur í Bretlandi
og Þýskalandi vikuna
21. til 25. ágúst:
1505 tonn
seld ytra
Á Bretlandsmarkaði voru seld
samtals 1060 tonn af ísfiski í liðinni
viku, fyrir rúmar 113 milljónir
króna. Þar af var hlutur þess fisks
sem seldur var úr gámum 803 tonn
að verðmæti 85 milljónir króna. Á
Þýskalandsmarkaði voru seld 444
tonn fyrir tæpar 28 milljónir króna.
Þrír bátar lönduðu í Hull og
Grimsby samtals 258 tonnum. Þetta
voru Frigg VE 41 með 69,5 tonn,
meðalverð 104,33 krónur, Huginn
VE 55 með 113,3 tonn, meðalverð
100,73 krónur og Otto Wathne NS
90 með74,8 tonn, meðalverð 121,56
krónur. Heildarverðmæti afla bát-
anna var 27,8 milljónir króna.
Af þessum 257 tonnum voru um
199 ton n af þroski, meðal verð 117,22
krónur, 71 tonn af ýsu, meðalverð
102,30 krónur, rúm 16 tonn af ufsa,
meðalverð 40,71 króna og af karfa
og kola var seld rúmt tonn af hvorri
tegund. Þá voru seld um 5,4 tonn af
blönduðum afla fyrir um 120,49
króna meðalverð.
Úr gámum voru seld rúm 803 tonn
fyrir um 85 milljónir króna. Þar af
var 331 tonn af þroski, meðalverð
118,34 krónur, 358,7 tonn af ýsu,
meðalverð 96,48 krónur og af ufsa
voru sel um 17 tonn, meðalverð
39,55 krónur. Af karfa voru seld 8
tonn, meðalverð 68,88 krónur, 38
tonn af kola, meðalverð 100,34
krónur og af blönduðum afla voru
rúm 49 tonn, meðalverð 130,24
krónur.
Tvö skip seldu í Bremerhaven í
Þýskalandi, samtals tæp 445 tonn,
fyrir 28,7 milljónir króna. Vigri RE
71 seldi 278 tonn, meðalverð 66,84
krónur og Rauðinúpur ÞH 160 seldi
rúm 166 tonn, meðalverð 60,97
krónur. Af þessum 445 tonnum voru
tæp 323 tonn af karfa, meðalverð
64,82 krónur, rúm 59 tonn af ufsa,
meðalverð 65,88 krónur og af þorski
var selt rúmt 21 tonn, meðalverð
83,33 krónur. Þá seldu skipin 19,5
tonn af grálúðu, meðalverð 81,35
krónur og blandaður afli vó 21,6
tonn, meðalverð 25,16 krónur.
-ABÓ
Verksummerki við Sogaveginn í gær. Á myndinni má sjá að illa hefði getað farið ef einhverjir hefðu verið á ferðinni framhjá glugganum sem skotið var út
um (innfelld mynd). Tímamynd: Pjetur
Þrír ölvaðir menn skutu af byssum í húsi við Sogaveg í gærmorgun:
Gluggar, hurðir og
veggir útskotnir
Fyrsta hassmálið á Ólafsfirði:
Um15manns
yfirheyrðir
Lögreglan í Reykjavík handtók í gærmorgun þrjá menn í
einbýlishúsi við Sogaveg eftir að tilkynnt hafði verið um að
skotið hefði verið af byssu út um glugga á kjallaraherbergi
hússins._________________
Klukkan 9.27 tilkynnti leigubíl-
stjóri að skotið hefði verið af byssu
út um glugga á tilteknu húsi við
Sogaveg. Lögreglubíll í nágrenninu
var þegar sendur á staðinn til að
halda vegfarendum frá húsinu. Send
voru skotheld vesti og fleiri lögreglu-
menn á staðinn, sem umkringdu
húsið.
Sogaveginum var lokað fyrir allri
umferð og fólki vörnuð ganga um
götuna. Þegar búið var að umkringja
húsið var beðið átekta í smá stund
Lögreglan á Ólafsfirði og rann-
sóknarlögreglan á Akureyri hand-
tóku á sunnudag tvo menn á Ólafs-
firði grunaða um fíkniefnaneyslu
og dreifingu.
Mennirnir sem báðir eru búsettir
á staðnum, voru færðir til Akureyr-
ar til yfirheyrslu og í framhaldi af
því voru um 15 manns frá Ólafsfirði
og Akureyri yfirheyrðir og játuðu
allir á sig hassneyslu. Annar mann-
anna sem handteknir voru á Ólafs-
firði hafði einnig með höndum
dreifingu á hassinu, sem keypt var
í Reykjavík, en að sögn rannsókn-
arlögreglu er ekki um umfangsmik-
ið mál að ræða.
Þetta er fyrsta málið af þessum
toga sem upp kemur á Ólafsfirði.
Rannsókn málsins er ekki að
fullu lokið og ekki fullvíst um
hversu mikið magn af hassi var að
ræða. -ABÓ
og fylgst með hreyfingu innandyra.
Eftir skamma stund kom piltur út úr
húsinu og handtók lögreglan hann
þegar í stað. Hann sagði þeim að
tveir til viðbótar væru inni og fikruðu
lögreglumennirnir sig að inngangin-
um þar sem hurðin að kjallaranum
var opin. Þegar inn í fordyrið var
komið lágu skotvopnin, tveir rifflar
og ein haglabyssa, á gólfinu. Lög-
reglumennirnir fóru því næst inn og
handtóku tvo menn til viðbótar.
Um klukkutími leið frá því að
fyrstu lögreglumenn komu á staðinn
til að halda vegfarendum frá, þar til
mennirnir þrír höfðu verið yfirbug-
aðir og settir í járn, án þess að geta
veitt nokkra mótspyrnu.
Að sögn lögreglu var búið að
hleypa fjölmörgum skotum af hagla-
byssunni í herberginu, sem tveir af
mönnunum höfðu á leigu, og
gluggar, hurðir og veggir útskotnir.
Sem betur fór varð enginn fyrir
meiðslum vegna þessa uppátækis
mannanna.
Síðdegis í gær var ekkert farið að
yfirheyra mennina, sem eru á aldrin-
um frá 24 ára til 34 ára, sökum
ölvunar og voru þeir látnir sofa úr
sér í fangageymslum lögreglunnar.
Búist var við að yfirheyrslur gætu
hafist síðar í gær.
Tvær byssur af þeim sem lagt var
hald á, voru skráðar á einn af
mönnunum þrem. -ABÓ
Alþjóðleg rallkeppni
Arnarflug:
Yf irmaður í Evrópu
Ákveðið hefur verið að Magnús
Oddsson, sem verið hefur markaðs-
stjóri Arnarflugs hf. frá 1983, verði
yfirmaður Arnarflugs í Evrópu frá
og með 15. septembernæstkomandi.
Magnús mun hafa yfirumsjón með
allri starfsemi félagsins erlendis.
í fréttatilkynningu frá Arnarflugi
segir að umsvif Arnarflugs í Evrópu
hafi aukist verulega undanfarið með
fjölgun ferða og áætlunarstaða sam-
fara mikilli aukningu flutninga frá
þessu svæði. Því sé það þáttur í að
styrkja enn frekar stöðu félagsins á
meginlandinu að ráða sérstakan
yfirmann rekstrar félagsins erlendis.
Magnús mun hafa aðsetur í Amster-
dam.
Bílanaustsrallið 1989 hefst á há-
degi n.k. föstudags þegar fyrsti bíll-
inn verður ræstur við verslun Bíla-
nausts við Borgartún. Þetta er al-
þjóðleg keppni og taka fjórar erlend-
ar áhafnir þátt í keppninni, þrjár
þeirra koma með eigin bíla en ein
fær lánaðan bíl hér á landi.
Keppt verður á tuttugu og sex
bílum og að sögn Magnúsar Arnar-
sonar hjá BÍKR má búast við harðri
keppni. Á iaugardag verður ekið frá
Reykjavík að Tröllhálsi, um Kalda-
dal að Svartagili og endað í Gufu-
nesi.
Á laugardag verður ekið austur
yfir fjall. Ekið verður um Heklu-
braut, Dómadal, Fjallabaksleið og
niður í Meðalland.
Á sunnudag verður ekið um
Grafning og Gjábakkahraun og síð-
an niður að ströndinni að ísólfsskála
meðal annars og endar rallið síðan
upp úr kl. 16 þegar bílarnir byrja að
koma í mark við Bílanaust í Reykja-
vík. -sá
Ein þeirra erlendu áhafna sem keppa í Bílanaustsrallinu. Það eru Skotarnir
Philip Walker ökumaður og David Wilford aðstoðarökumaður. Þeir Walker
og Wilford eru nú í þriðja sæti að stigum ■ skoska rallinu og þetta er í áttunda
sinn sem þeir keppa í ralli á Islandi. Tímamynd: Ámi Bjama.