Tíminn - 19.09.1989, Blaðsíða 2

2 Tíminn
Þriðjudagur 19. september 1989
Á annan tug milljóna safnaðist til styrktar SEM-hópnum,
auk loforða um efni, framkvæmd verkþátta og vinnuframlag:
Útkoman framar
björtustu vonum
Vetrarstarf Hjálparsveitar skáta í Kópavogi er nú að hefjast.
' iSSVBT st
12,8 milljónir króna söfnuðust í beinni útsendingu áhuga-
hóps um bætta umferðarmenningu, til styrktar SEM-
hópnum, sem fram fór á Stöð 2 á sunnudagskvöld. Eftir er
að sjá hve mikið hefur verið lagt inn á gíróreikning vegna
átaksins. Þá eru ótalin þau fjölmörgu loforð um framkvæmd
ýmissa verkþátta, efni og vinnuframlag.
Hjálparsveit skáta Kópavogi:
Ragnheiður Davíðsdóttir einn
meðlima áhugahóps um bætta um-
ferðarmenningu sagði í samtali við
Tímann að hópurinn væri skýjum
ofar vegna þeirra viðtaka sem
söfnunin fékk hjá almenningi og
fyrirtækjum. „Við erum hrærð af
þakklæti, því við lítum ekki á það
sem sjálfsagðan hlut að þjóðin opni
buddurnar á þennan hátt,“ sagði
Ragnheiður. Hún sagði að þau hefðu
gert sér vonir um að ná inn 3 til 4
milljónum og hefðu orðið ánægð
með hversu lítið sem inn hefði
komið, „en þessar viðtökur, komu
okkur á óvart,“ sagði Ragnheiður.
Hún sagði að nú tæki SEM-hópurinn
við þessum fjármunum og færu vænt-
anlega af stað með undirbúning að
byggingunni innan tíðar.
Einstaklingar og fyrirtæki lögðu
ekki einungis beinharða peninga í
söfnunina, heldur einnig loforð um
vinnuframlag og efni. Sem dæmi þá
var öll verkfræðihönnun á húsinu
gefin, allar raflagnateikningar, arki-
tektahönnun utanhúss sem innan,
allra snjóbræðslulagnir, frágangur á
lóð, malbik, túnþökur, tré, gröftur á
grunni og allar sjónvarps- og út-
varpslagnir í húsið. Þá eru ótaldar
innihurðir og eldhúsinnréttingar í
fjölmargar íbúðir, 500 lítrar af máln-
ingu, allar þakrennur, niðurföll og
loftræstikerfi, auk vinnu í fjölmörg-
um tilfellum, að ótöldum öðrum
gjöfum sem hópnum bárust.
Egill Stefánsson formaður SEM-
hópsins sagði að þau væru öll ger-
samlega orðlaus. „Maður trúir þessu
ekki ennþá, því þetta skiptir eflaust
tugum milljóna sem verið hefur
gefið,“ sagði Egill. SEM-hópurinn
fékk einnig vilyrði fyrir lóð sem eftir
á að fá samþykki borgarráðs og í
framhaldi af því verður farið í að
teikna húsið sem í koma til með að
vera 20 íbúðir, sérhannaðar með
þarfir fólks í hjólastól í huga. Egill
sagði að verði lóðaúthlutunin sam-
þykkt á næstu dögum, þá megi gera
ráð fyrir því að lóðirnar verði tilbún-
ar til byggingar næsta vor. - ABÓ
Skátar
Hjálparsveit skáta í Kópavogi hef-
ur sent frá sér tilkynningu þar sem
óskað er eftir nýjum félögum til
starfa.
Hinn 4. nóvember næstkomandi
verður Hjálparsveitin 20 ára og er
vetrarstarfið að hefjast um þessar
mundir. Meðal annars má nefna að
síðar í þessum mánuði er ætlunin að
halda tveggja kvölda námskeið í
ferðamennsku fyrir almenning.
í fréttatilkynningu frá Hjálpar-
sveitinni segir að starf hennar hafi
verið öflugt frá upphafi og mikil
vinna verið lögð í að koma upp
óskast
öflugum tækjabúnaði.
Einnig hafi sveitin alla tíð lagt
mikla áherslu á góða þjálfun félaga
og sent fólk í leiðbeinandaþjálfun
hjá Björgunarskóla LHS og hafi þeir
í framhaldi af því haldið árleg nám-
skeið í skyndihjálp, fjallamennsku,
leitartækni o.fl. Þá farifélagar einnig
erlendis á hin ýmsu námskeið eða til
æfinga.
Nánari upplýsingar um starfsemi
sveitarinnar gefa íris í síma 46307 og
Viðar í síma 672418. Einnig má fá
upplýsingar í síma sveitarinnar
43233.
Fæðingar-
heimilið
opið á ný
Fæðingarheimili Reykjavíkur var
opnað að nýju hinn 4. september
síðastliðinn að afloknu sumarleyfi.
Ný yfirljósmóðir, Sólveig S. J.
Þórðardóttir hefur verið ráðin og
mun hún hefja störf 1. október
næstkomandi.
Á fæðingarheimilinu er aðstaða
fyrir þrettán sængurkonur í heimilis-
legu umhverfi, eins og segir í tilkynn-
ingu frá heimilinu. Allur nútíma
tækjabúnaður er til staðar og sam-
starf hefur verið aukið við kven-
lækningadeild Landspítalans.
Tónlistin
homreka
„F.Í.T. vill ekki agnúast út í það
að stjórnvöld geri vel við íþrótta-
hreyfinguna en bendir á, að gefnu
tilefni, að þörfin fyrir Tónlistarhús
verður ekki leyst með því að flytja
tónleikahald inn í íþróttamann-
virki,“ segir í ályktun sem samþykkt
var á aðalfundi Félags íslenskra
tónlistarmanna 12. september .
í ályktuninni segir m.a.: „Aðal-
fundur F.Í.T. lýsir yfir áhyggjum
sínum vegna þeirrar erfiðu stöðu
sem upp er komin í málefnum Tón-
listarhúss. Á íslandi hefur aidrei
verið reist sérstakt hús ætlað til
tónlistarflutnings. Tónlistin hefur
^^ð sífelld hornreka, ýmist í bíó-
soium, leikhúsum, myndlistarhús-
um, svo dæmi séu nefnd.
Sú mikia gróska sem hefur verið í
tónlistarlífinu hér á undanförnum
árum hefur vakið athygli víða, en
tónlistarmenn eru orðnir langþreytt-
ir á aðstöðuleysinu.
Samtök um byggingu Tónlistar-
húss hafa unnið mikið og fórnfúst
starf við undirbúning þessa þarfa
mál en ætíð hefur staðið á fjárfram-
lögum frá ríkisvaldinu. Á sama tíma
virðist ekki skorta fé þegar bygging
íþróttamannvirkja er annarsvegar.
SSH
Frávinstri R.W. Jaughin gjaldkeri samtakanna Englandi, Þórir Gunnarsson skólastjóri Slysavarnaskóla sjómanna, S. Pinderup forseti Danmörku, Hannes
Hafstein framkvæmdastjóri SVFÍ og D. Schornagel varaforseti Holiandi. Tlmamynd: Ami Bjarna
Funduðu um slysavarnir
í síðustu viku var haldinn hér á
landi ársfundur alþjóðlegra samtaka
um fræðslu og þjálfun í slysavarna-
og björgunarstörfum, er lúta að því
að bjarga fólki úr hvers konar háska
við og á sjó eða í lofti yfir sjó.
Slysavarnafélag íslands hefur verið
aðili að samtökunum síðan 1985.
Kennarar og leiðbeinendur Slysa-
varnaskóla sjómanna hafa sótt heim
skóla og þjálfunastöðvar samstarfs-
aðila og notið fyrirgreiðslu um bók-
lega kennslu og verklega þjálfun í
ýmsum þáttum starfseminnar.
Samtökin voru stofnuð í Dan-
mörku haustið 1980. Þau hafa eflst.
mikið á síðustu árum og nú eru
aðildarfélögin 59 í 22 löndum um
allan heim. Samtökin hafa einkum
beint kröftum sínum í að berjast
gegn siysum í olíuiðnði en á síðustu
árum hafa þau í auknum mæli snúið
sér að björgun fiskimanna.
Hinir erlendu gestir hafa á undan-
förnum dögum kynnt sér starfsemi
SVFÍ og Slysavarnaskóla sjómanna.
Sérstaka athygli þeirra vakti starf
Tilkynningarskyldu íslenskra skipa.
Gestirnir voru sammála um að þar
væri um að ræða einstaka starfsemi.
Þeir töldu einnig að íslendingar
gætu kennt erlendum þjóðum mikið
um björgun sjómanna. í því efni
sem og allri björgun væri mikilvægt
að samræma alla kennslu þannig að
björgunarmenn alls staðar í heimin-
um gætu án mikillar fyrirhafnar
unnið saman að björgunaraðgerð-
um. - EÓ