Tíminn - 21.12.1989, Qupperneq 12

12 Tíminn
Fimmtudagur 21. desember 1989
BÆKUR
DAGBÓK
Lögmaður
skrifar
spennusogu
ísafold hefur gefið út bókina
Mannrán eftir Leó E. Löve
lögfræðing.
Mannrán er spennusaga sem
gerist á þessu ári. Söguhetjan,
Gunnar Jakobsson, er ungur
maður sem hefur átt velgengni að
fagna í lífi og starfi. Óvænt
stendur hann frammi fyrir þeirri
skömm að verða gjaldþrota þegar
viðskiptafélagi hans stingur af
með sjóðinn.
Gunnar á erfitt með að sætta sig
við þau örlög og í þunglyndi sínu
fer hann í einmanalegar
gönguferðir. Á einni
næturgöngunni verður hann vitni
að þvi að áberandi maður í
þjóðfélaginu hefur verið í
laumulegri heimsókn hjá ástkonu
sinni. Hann fylgist með
manninum um skeið og með
honum vaknar hugmynd að
óvenjulegri fjáröflun ...
Eftir langan og ítarlegan
undirbúning lætur hann til skarar
skríða. Mannrán hefur aldrei
verið framið á íslandi fyrr.
Bókin er 218 baðsíður og unnin
í Isafoldarprentsmiðju hf.
íslensk
njósnasaga
Frjálst framtak hf. hefur sent frá
sér skáldsöguna Stefnumótið
eftir Agnar Þórðarson rithöfund.
Agnar hefur um langt skeið verið
í fremstu röð íslenskra rithöfunda
en um þessar mundir eru fjörutíu
ár síðan fyrsta bók hans, Haninn
galar tvisvar, kom út. Agnar er
einnig kunnur fyrir leikrit sín,
bæði leiksviðsverk og
útvarpsleikrit.
Stefnumótið er spennandi
njósnasaga og er Reykjavík
nútímans aðalsögusviðið en
Agnar hefur vahð Reykjavík sem
sögusvið flestra verka sinna.
Sagan hefst í boði hjá Popoff,
sendiherra Sovétríkjanna á
Islandi. Hinum megin við Tjörnina
er sendiráð Bandaríkjanna og
liggja rætur atburðanna þar á
milli. Atburðir síðustu ára, bæði
innanlands og utan, koma við
sögu og spennan eykst eftir því
sem örlaganornirnar spinna vef
sinn.
Stefnumótið er 223 blaðsíður.
Bókin er prentunnin í Prentstofu
G. Benediktssonar en kápu
hannaði auglýsingadeild Frjáls
Framtaks hf.
» ..• "''s'V4'4
sálmarnir á
hljóðsnældu
Föstudaginn langa, nú
síðastliðinn, flutti Eyvindur
Erfendsson alla Passíusálma
Hallgríms Péturssonar i
Hallgrímskirkju, í samfelldri einni
lotu. Flutningurinn tók rúmar
fimm klukkustundir.
Hljóðritun þessa atburðar hefur
nú verið gefin út í fimm hundruð
eintökum sem verið er að selja og
dreifa þessa dagana. Það er
Eyvindur sjálfur sem að þessu
verki stendur ásamt Sigurði
Rúnari Jónssyni og með stuðningi
Listvinafélags Hallgrímskirkju,
Studio Stemmu og
Miljónarafjelagsins hf.
Útgáfa þessi er á sex snældum,
felldum inn í hvíta öskju í bókarlíki
og kápan teiknuð og skreytt flúri
eftir Ólaf Th. Ólafsson. Á einni
snældu er formáli ásamt
sálminum „Um dauðans óvissan
tima“, en það kvæði er að jafnaði
látið fylgja með í útgáfum
Passíusálma.
Gripur þessi verður, fyrst um
sinn, eingöngu fáanlegur hjá
útgefendum sjálfum og svo
fljótlega í Hallgrímskirkju, eftir því
hvað upplagið endist, en það er
sem fyrr segir aðeins 500 eintök.
Þeir sem áhuga hafa á að
nálgast þetta geta hringt eða
skrifað bréf stílað á þessar
utanáskriftir: E-VER útgáfan,
Hátúni, Ölfusi, 801 Selfoss, sími
98-21090, eða Studio Stemma,
Suðurströnd 6, 170 Seltjarnarnes,
sími 91-611452.
ORÐA
■ BÓK ■-
EIRÍKUR RÖGNVALDSSON
Rímorðabók
Iðunn hefur sent frá sér
nýstárlega og óvenjulega
orðabók, íslenska rímorðabók,
sem Eiríkur Rögnvaldsson hefur
tekið saman. Þetta er bók sem
ætluð er öllum þeim sem hafa
gaman af að velta fyrir sér orðum
og rími og vilja temja sér leikni í
meðferð máls og kveðskapar.
Bókin kemur sér vel fyrir aúa sem
hafa yndi af að setja saman vísur
og fella orð saman í stuðla og rím
og hún ætti einnig að koma sér vel
fyrir þá sem þurfa að semja
auglýsingatexta og grípandi
slagorð.
Rímorðabókin skiptist í tvo
hluta. í hinum fyrri er fjallað um
endarím og þar má finna nær
20.000 algeng einkvæð og tvíkvæð
rímorð og orðmyndir. Síðari
hlutinn sýnir innrím og
skothendingar. Þar eru yfir 18.000
uppflettiorð sem nota má til að
finna hundruð þúsunda rímorða,
þegar dýrt skal kveðið.
'íofi'p - f MncH - nociv
Heimsmetabók
Guinness
örn og Örlygur hafa gefið út í
fjórða skipti á íslensku hina
vinsælu fjölfræðihandbók
Heimsmetabók Guinness, en
hún mun vera mest selda rit
veraldar að biblíunni einni
frátalinni. Heimsmetabókin er
rúmar 400 blaðsíður og skiptist í
ellefu kafla sem bera heitin Undur
jarðar, Heimur og geimur,
Lífheimurinn, Vísindi og tækni,
Mannvirki, Samgöngur, Heimur
viðskiptanna, Afrek og þrautir,
Menning og listir, Lönd og þjóðlíf
og fþróttir.
1 bókina hefur verið bætt mjög
miklu íslensku efni, íslensk met og
sérkenni en slíkt efni var fellt
niður úr síðustu útgáfu sem kom
út árið 1977. í bókinni er mikill
fjöldi mynda bæði innlendar og
erlendar.
Ritstjóri Heimsmetabókar
Guinness í Bretlandi er Robert
McFarlan en ritstjóri íslensku
útgáfunnar er Helgi Magnússon
bókavörður. Ritstjóri islensku
útgáfunnar er Helgi Magnússon
bókavörður. Ritstjóri íslenska
efnisins er séra Kristján
Björnsson.
Heimsmetabók Guinness er
filmusett og umbrotin hjá Korpus
hf. en prentuð hjá prentstofu G.
Benediktssonar. Arnarfell batt
bókina.
Hress
Út er komið hjá Frjálsu framtaki
myndbandið Hraust og hress með
Önnu Haraldsdóttur. Á
myndbandinu eru fyrst sýndar
upphitunaræfingar, síðan góðar
æfingar fyrir maga, rass, læri og
handleggi og í lokin teygjur og
slökun. Anna Haraldsdóttir er
íþróttakennari og eigandi
líkamsræktarstöðvarinnar Hress í
Hafnarfirði. Undanfarin 7 ár hefur
hún leiðbeint miklum fjölda fólks
og hefur valið á þetta myndband
æfingar sem hafa reynst
sérstaklega árangursríkar. Með
æfingunum er lögð sérstök
áhersla á vöðva sem oft eru
vanræktir. Æfingamar er auðvelt
að læra og þær má gera á fáeinum
fermetrum fyrir framan
sjónvarpið. Æfingarnar em
ætlaðar byrjendum jafnt sem
lengra komnum og þær má þyngja
með sérstökum teygjuböndum.
Myndbandið er 40 mínútur að
lengd og fæst í flestum
bókaverslunum.
Tónleikar í Skálholtskirkju
- og Víðistaðakirkju
Kolbeinn Bjarnason flautuleikarí og
Guðrún Óskarsdóttir semballeikari munu
balda tónleika í Skálholtskirkju föstu-
dagskvöldið 22. desember kl. 21:00 og í
Víðistaðakirkju í Hafnarfirði kl. 20:30 á
Þorláksmessukvöld.
Á efnisskránni verða verk eftir þýsk
barokktónskáld, þá Georg Philip Tele-
mann, Georg Friedrich Hándelog Johann
Sebastian Bach.
ríX]
Sýningar í Norræna húsinu
-ogdagskrá hússins
um hátíðina
í anddyri er sýning á Ijósmyndum eftir
Ingu Lisu Middleton. Þessar Ijósmyndir
varðandi þjóðtrú og þjóðsagnir mynd-
skreyttu lokaritgerð Ingu Lisu Middleton
til B.A. prófs í listaljósmyndum sl. sumar
við West Surrey College of Art and
Design á Englandi. Titill ritgerðarinnar
var: „The hidden nation of Iceland - A
Mythological study“ Ritgerðina og mynd-
irnar tileinkar hún minningu ömmu
sinnar, Ingibjargar Benediktsdóttur, sem
lést í ágúst ’88. Myndirnar eru til sölu.
Inga Lisa varð stúdent frá Mennta-
skólanum við Sund 1985. Hún stundaði
síðan nám í ljósmyndun í Englandi og
lauk B.A. prófi á þessu ári. Sýningin
stendur til 7. jan.‘90.
1 bókasafni Norræna hússins stendur
yfir sýning Jóhönnu Bogadóttur á grafík-
myndum. Sú sýning stendur til 22. des.
Miðvikud. 27. des. kl. 15:00 heldur
Nordmannslaget jólaskemmtun.
Opnunartími Norræna hússins:
Kafflstofa:
18.-23. desember opið 09:00-17:00
24.-26. desember lokað
27. desember opið kl. 09:00-14:00
28. desember 09:00-17:1X1
29. desember 09:00-14:30
30. desember 09:00-19:00
31. desember lokað
1. janúar ’90 lokað
Bókasafn:
18.-22. desember opið kl. 13:00-19:00
24.-26. desember lokað
27.-30. desember opið kl. 13:00-19:00
31. desember lokaö
1. jan. ’90 lokað
<mo
V.V.’.IV.
„TÓFRASPROTINN"
frumsýndur um jólin
Barna- og fjölskylduleikritið
„TÖFRASPROTINN" cftir Benóný
Ægisson verður frumsýnt annan í jólum
kl. 15:00 á stóra sviðinu í Borgarleikhús-
inu. Leikstjóri er Þórunn Sigurðardóttir,
leikmynd og búninga gerir Una Collins,
höfundur tónlistar er Arnþór Jónsson,
dansskáld Hlíf Svavarsdóttir og lýsingu
annast Lárus Björnsson. í helstu hlut-
verkum eru Steinn Magnússon, Vilborg
Halldórsdóttir, Kjartan Bjargmundsson,
Kristján Franklín Magnús og Andri Örn
Clausen. Um þrjátíu manns taka þátt í
þessari ævintýrasýningu ásamt hljóm-
sveit.
Sýningar verða alla daga milli jóla og
nýárs og er þegar orðið uppselt á frumsýn-
inguna.
„HÖLL SUMARLANDSINS" veröur
einnig sýnt á stóra sviðinu fimmtud. 28.
des., föstud. 29. des kl. 20:00. Leikstjóri
er Stefán Baldursson.
„LJÓS HEIMSINS" verður sýnt á litla
sviðinu miðvikud. 27., fimmtud. 28. og
föstud. 29. des. kl. 20:00. Leikstjóri er
Kjartan Ragnarsson.
Sundstaðir Reykjavíkur
um hátíðarnar:
23. des. Þorláksmessa: Opið frá kl. 07:20-
17:30 (sölu hætt)
24. des. Aðfangadagur: Opið frá kl.
08:00-11:30 (sölu hætt)
25. des. Jóladagur - Lokað
26. des. Annar í jólum - Lokað
27.,28. og 29. des.: Opið frá kl. 07:00-
20:30 (sölu hætt)
30. des.: Opiðfrá 07:20-17:30 (söluhætt)
31. des. Gamlársdagur: Opið frá kl.
08:00-11:30 (sölu hætt)
1. jan. 1990 Nýársdagur: Lokað.
Laug fyrir yngsta fólkið
í Breiðholti
1 vetur verður gerð tilraun með að hafa
inni kennslulaugina í Breiðholtslaug opna
fyrir fólk með smábörn á sunnudögum.
Laugin verður heitari en venja er með
okkar sundlaugar, þannig að yngsta fólkið
á að geta unað sér vel í lauginni og vanist
sundlaugarferðum.
Fyrir yngri kynslóðina hafa verið settar
upp rennibrautir í Vesturbæjarlaug og
Breiðholtslaug og í Sundhöll eru flotleik-
,föng til afnota. , ...
únrc ii \ ii* öTi V'. i «
_V-Vl-ww*
V.V.
„KRINGLUKAST“
- Hlutavelta í Kringlunni
Samtök um byggingu tónlistarhúss mun
standa fyrir hlutaveltunni „Kringlukast" í
Kringlunni dagana 21., 22. og 23. des-
ember.
Mörg fyrirtæki í Kringlunni, sem og
utan hennar, hafa gefið vinninga, stóra og
smáa, og suma mjög glæsilega, t.d. vöru-
úttektir, fatnað, snyrtivörur, gjafavörur,
leikföng, hljómplötur og bækur.
Hlutaveltan stendur á meðan verslanir
eru opnar í Kringlunni, eða þar til uppselt
er. Einnig koma þá margir velþekktir og
vinsælir tónlistarmenn í heimsókn og
flytja Kringlugestum Ijúfa tónlist.
Hljómsveitarmenn úr Sinfóníuhljóm-
sveit æskunnar annast miðasölu (miða-
verð er 50 kr.)
Allur ágóði af „Kringlukasti" rennur til
byggingar tónlistarhúss.
ífi «3 m
HAFNARBORG
Safnasýning í Hafnarborg
Laugard. 9. des. var opnuð í Hafnar-
borg, menningar- og listastofnun Hafn-
arfjarðar, sýning á fjölmörgum söfnum í
eigu einstaklinga. Einnig eru á sýningunni
hlutir úr Byggðasafni Hafnarfjarðar og úr
Ásbúðarsafni, sem nú er í eigu Þjóð-
minjasafns Islands. Hér er um fjölbreytta
og forvitnilega sýningu að ræða, sem sett
er upp í samvinnu Hafnarborgar og
Byggðasafns Hafnarfjarðar.
Sýningin er opin kl. 14:00-19:00 alla
daga - nema þriðjudaga - Lokað er 23.
des. - 26. des. og 31. des. - 1. jan.‘90.
Sýningin stendur til 15. janúar 1990.
Skiptimarkaður
Laugard. 30. des. kl. 15:00 verður
haldinn skiptimarkaður í Hafnarborg í
tengslum við Safnasýninguna. Þar gefst
söfnurum og öðru áhugafólki kostur á að
skiptast á hlutum, miðla upplýsingum og
fróðleik og e.t.v. eignast viðbót í safnið
sitt.
Neyðarvakt
T ANNLÆKN AFÉLAGS ÍSLANDS
um jól og áramót 1989
Þorláksmessa - laugard. 23. des. kl.
10:00-13:00: Tannlæknastofa Sigurgísla
Ingimarssonar, Garðatorgi 3, Garðabæ.
Sfmi656588.
Aðfangadagur - Sunnud. 24. des. kl.
10:00-13:00: Tannlæknastofa Hannesar
Ríkarðssonar, Ármúla 26. Sími 685865.
Jóladagur - mánud. 25. des. kl. 10:00-
13:00: Tannlæknastofa Harðar Sævalds-
sonar. Tjarnargötu 16. Sími 10086.
Annar í jólurn - þriðjud. 26. des. kl.
10:00-13:00: Tannlæknastofa Sigurgísla
Ingimarssonar, Garðatogi 3, Garðabæ.
Sími 656588.
Miðvikud. 27., flmmtud. 28. og föstud.
29. f.h.: Tannlæknastofa Hannesar Rík-
arðssonar, Ármúla 26. Sími 685865.
Laugard. 30. des. kl. 10:00-13:00:
Tannlæknastofa Jónasar B. Birgissonar,
Laugarvegi 126. Sími 21210.
Gamlársdagur, þriðjud. 31. des. kl.
10:00-13:00: Tannlæknastofa Sigurgísla
Ingimarssonar, Garðatorgi 3, Garðabæ.
Sími 656588.
Nýársdagur, mánudagur 1. jan. kl.
10:00-13:00: Tannlæknastofan Barónsstíg
5, Friðrik Ólafsson. Sími 22969.
Minningarkort Styrktarsjóðs
barnadeildar Landakotsspítala
Styrktarsjóður barnadeildar Landa-
kotsspítala hefur látið hanna minninga-
kort fyrir sjóðinn. Sigríður Björnsdóttir
myndlistarmaður og kennari teiknaði
fjögur mismunandi kort. Eftirtaldir staðir
selja minningakortin:
Apótek Seltjarnarness, Vesturbæjarapó-
tek, Hafnarfjarðarapótek, Garðsapótek,
Holtsapótek, Mosfellsapótek, Árbæjar-
apótek, Lyfjabúð Breiðholts, Reykjavík-
urapótek, Háaleitisapótek, Kópavogs-
apótek, Lyfjabúðin Iðunn. Blómaversl-
anirnar; Burkni, Borgarblóm, Melanóra
Seltjarnarnesi og Blómaval í Kringlunni.
Einnig eru þau seld á skrifstofu og
barnadeild Landakotsspítala.
Minningarkort
SJÁLFSBJARGAR í
Reykjavík og nágrenni
- fást á eftirtöldum stöðum:
Reykjavík: Reykjavíkur apótek,
Garðsapótek, Vesturbæjarapótek,
Kirkjuhúsið við Klapparstíg, Bókabúð
Fossvogs, Grímsbæ við Bústaðaveg,
Bókabúðin Embla, Drafnarfelli 10,
Bókabúðin Úlfarsfell, Hagamel 67,
Verslunin Kjötborg, Búðargerði 10,
Hafnarfjörður: Bókabúð Olivers
Steins, Strandgötu 31.
Kópavogur: Pósthúsið.
Minningarkort fást einnig á skrifstofu
. SjálLbjargar, Hátúni 12. Gíróþjónusta.
't