Tíminn - 20.01.1990, Síða 8

8 Tímirm
Laugardagur 20. janúar 1990
FERÐAMÁLARÁÐSTEFNA 1990
Ferðamálaráðstefna Ferðamálaráðs íslands
verður haldin á Hótel Valaskjálf á Egilsstöðum
dagana 16. og 17. febrúar n.k.
Dagskrá ráðstefnunnar verður auglýst síðar.
Þátttaka tilkynnist til Sigurborgar Kr.
Hannesdóttur, hótelstjóra, Hótel Valaskjálf,
sími (97) 11500, fyrir 10. febrúar.
Feróamálaráð íslands
Selfoss
miðbær -
Hugmyndasamkeppni um deiliskipulag
Bæjarstjórn Selfosskaupstaðar hefur ákveðið í
samráði við skipulagsstjórn ríkisins að efna til
samkeppni um deiliskipulag miðbæjar á Selfossi.
Um framkvæmd samkeppninnar fer eftir sam-
keppnisreglum Arkitektafélags íslands.
Tilgangur samkeppninnar er að fá fram hugmyndir
um uppbyggingu heilsteyptari miðbæjarkjarna
sem þjónar ekki aðeins Selfossi heldur öllum
byggðasvæðum í Árnessýslu og um leið að skapa
aðlaðandi umhverfi.
Heimild til þátttöku hafa allir íslenskir ríkisborgarar
pg erlendir ríkisborgarar með fasta búsetu á
íslandi.
Trúnaðarmaður dómnefndar afhendir samkeppn-
isgögn frá kl. 13.00 mánudaginn 22. janúar, gegn
skilatryggingu að upphæð kr. 2.000,-. Skilatrygg-
ing verður ekki endurgreidd eftir skiladag.
Frestur til að skila tillögum er til 11. apríl 1990.
Heildarupphæð verðlauna verður kr. 1.500.000,-
og verða 1. verðlaun ekki lægri en kr. 800.000,-.
Trúnaðarmaður dómnefndar er:
Ólafur Jensson, framkvæmdastjóri
Byggingaþjónustunni
Hallveigarstíg 1, 121 Reykjavík
Pósthólf 1191
DAGVI8T BAKNA
Forstöðumaður
óskast
Dagvist barna auglýsir stöðu forstöðumanns við
dagheimilið Fálkaborg lausa til umsóknar. Staðan
veitist frá 1. mrs.
Umsóknarfrestur er til 31. janúar. Fóstrumenntun
áskilin.
Upplýsingar veitir framkvæmdastjóri og umsjón-
arfóstrur í sima 27277.
Jörð til sölu
Tilboð óskast í jörðina Hvassafell í Eyjafirði.
Áskilinn réttur til að taka hvaða tilboði sem er eða
hafna öllum. Áhöfn og vélar geta fylgt. Upplýsingar
gefur Einar Benediktsson í síma 96-26077 eftir kl.
19.
Lögmannsstofa
Hef opnað lögmannsstofu að Laugavegi 18A 5.
hæð, sími 91 -11003. Símatími frá kl. 11 til 15.
Jón Sigfús Sigurjónsson hdl.
Matthías Eggertsson:
Gunnar Bjarnason, Hólar
í Hjaltadal og útvarpsráð
Seint á nýliðnu ári greindu sum dagblaðanna frá því að
nokkrir starfsmenn Búnaðarfélags íslands hefðu sent
útvarpsráði fyrirspurn vegna viðtals við Gunnar Bjarnason
í þættinum „Fólkið í landinu“ í Sjónvarpinu 18. nóvember
sl. Fram kom í þessum fréttum að útvarpsráð hefði ekkert
talið athugavert við þáttinn og umsagnir einstakra útvarps-
ráðsmanna voru á þá leið að þarna hefði einstaklingur
einungis sagt skoðanir sínar sem honum væri frjálst að gera.
Ég var einn af þeim sem beindi
áðurnefndri fyrirspurn til útvarp-
sráðs. Ég taldi og tel að Sjónvarp-
inu hafi ekki verið sæmandi að
birta ýmislegt sem fram kom í
þessum þætti. Persónulega fundust
mér lágkúruleg ummæli Gunnars
Bjarnasonar um skólastjóraferil
hans við Bændaskólann á Hólum í
Hjaltadal. Það skal útskýrt nánar.
Ingólfur Jónsson landbúnaðar-
ráðherra skipaði Gunnar Bjarna-
son skólastjóra á Hólum vorið
1961. Hann tók þar við starfi af
Kristjáni Karlssyni sem verið hafði
skólastjóri frá 1935 og notið virð-
ingar og vinsælda í starfi, auk þess
sem hann naut mikils trausts Skag-
fírðinga sem kusu hann til setu á
Búnaðarþingi um áratuga skeið.
Þá var hann lengi formaður Búnað-
arsambands Skagfirðinga. Ég var
nemandi við Hólaskóla veturinn
1957-1958 og kynntist þá Kristjáni
vel og naut vináttu hans og heimilis
hans upp frá því.
Fljótlega eftir að Gunnar
Bjarnason tók við skólastjórn á
Hólum kom í ljós að honum lét
hvorki að stjórna né fara með
fjármuni. Það verkefni sem hann
tók við óx honum í augum og í stað
þess að ganga skipulega að verki
fór stjórn hans á skólanum í handa-
skolum. Má þar nefna að verulegur
hluti nemenda sagði sig úr skóla á
miðjum vetri það eina ár sem hann
var skólastjóri. Þegar kom fram á
vorið 1962 og Ingólfur Jónsson
ráðherra hafði sannfærst um að
Gunnar réð ekki við starfið bauð
hann honum að segja upp eða
verða ella vikið úr starfi. Sagði
Gunnar þá upp. Að sjálfsögðu átti
hann þá þann kost að láta víkja sér
úr starfi, fara í mál og freista þess
að fá sér dæntdar miskabætur en
það gerði hann ekki.
Eftirleikur skólastjóra-
ferils Gunnars Bjamasonar
Þegar hér var komið var það von
allra velviljaðra manna að þetta
millispil í lífi Gunnars Bjarnasonar
mætti fyrnast og gleymast sem
mest og hann mætti snúa aftur til
þeirra starfa þar sem hæfileikar
hans nytu sín, svo sem að kynna
íslenska hestinn erlendis og ýmis-
iegt fleira. Hólavera Gunnars yrði
eins konar feilnóta í fimmtu sinfón-
íu lífs hans sem liði hjá eins og
aðrar feilnótur og athyglin fengi að
beinast að því jákvæða í hæfileik-
um hans og störfum.
Þannig fékk það ekki að fara.
Gunnar kaus að halda skipbroti
sínu á Hólum sem mest á lofti og
reyna að hefja sjálfan sig til vegs
með því að vanvirða forvera sinn í
starfi, Kristján Karlsson. Þetta
gerði hann með því að mála með
sem dekkstum litum ástand Hóla-
staðar þegar hann tók við honum
og kenna þar forvera sínum um.
Víst var ástandi Hólastaðar ábóta-
vant þegar Gunnar Bjarnason tók
þar við en þar var um fleirþættar
ástæður að ræða þar sem þáttur
fjárveitingavaldsins var ótvíræður.
Kristján Karlsson var auk þess
þeirrar gerðar að eyða ekki meira
en hann aflaði. Á flestum tímum
íslandsbyggðar hefur það verið
talið mönnum til lofs en í viðleitni
Gunnars Bjarnasonar við að rétt-
læta sjálfan sig varð það Kristjáni
eingöngu til lasts og fordæmingar.
Nú er liðinn meira en aldarfjórð-
ungur síðan þessir atburðir
gerðust. Allan þennan tíma hefur
Gunnar Bjarnason hamrað á því í
ræðu og riti að hann hafi verið
rekinn frá Hólum af þvf að hann
átti þar slæman forvera. Hann
hefur gefið út bók, Líkaböng
hringir, og við hann hafa verið
tekin viðtöl og um hann hafa verið
skrifaðar greinar þar sem þessum
sjónarmiðum hefur verið haldið
fram.
Allir sem þekkja til mála vita að
þessi málflutningur Gunnars og
áhangenda hans er rangur. Slíkt
liggur reyndar í augum uppi. Það
stenst enga heilbrigða skynsemi að
opinberum starfsmanni sé vikið úr
starfi fyrir það að eiga sér slærnan
forvera.
Lengi hafa menn vonast til að
þessu færi að linna. Menn hafa í
lengstu lög reynt að leiða hjá sér
að svara þessu og hafa sagt sem svo
að Líkaböng þurfi menn ekki að
lesa frekar en þeir vilja og viðtöl í
DV vegi ekki þungt. Hins vegar
svaraði ég grein sem Anders
Hansen, þá blaðamaður við Morg-
unblaðið, skrifaði í blaðið 24.
febrúar 1982. Svar mitt birtist í
Mbl. 5. mars sama ár.
Ábyrgð Sjónvarpsins
Þegar Gunnar hins vegar nú, 27
árum eftir að skólastjóraferli hans
lauk á Hólum, gafst kostur í Sjón-
varpinu að réttlæta skipbrot sitt á
Hólum með því að vanvirða for-
vera sinn, fannst mér og fleirum
mælirinn fullur. Þar við bættust
allar aðrar hnútur sem hann sendi
í umræddu viðtali, þar sem þeir
sem hnúturnar fengu gátu ekki
borið hönd fyrir höfuð sér.
Þetta gerðist í þeim fjölmiðli
sem mests álits nýtur fyrir traustan
fréttaflutning, samkvæmt nýlegri
skoðanakönnun, og ég tel að það
traust eigi við um aðra dagskrár-
gerð sem á vegum hans er unnin.
Með því að veita rúm fyrir
áðurnefndan málflutning er Sjón-
varpið að gefa honum þá upp-
áskrift að hér sé rétt með farið,
þ.e. að sú söguskoðun sé rétt að
slæm frammistaða Kristjáns Karls-
sonar á Hólum í starfi sé hin eina
sanna ástæða þess að Gunnari
Bjarnasyni hafi verið vikið úr
skólastjórastarfi. Eða kærir Sjón-
varpið sig kollótt um það hvort þar
er hallað réttu máli?
Þetta var m.a. það sem við, sem
skrifuðum útvarpsráði, vildum að
ráðið legði mat á út frá starfsregl-
um sínum, skrifuðum eða óskrifuð-
um. Útvarpsráð getur ekki komið
á eftir og sagt að það hafi ekki
skilið þetta svo, það leitaði einung-
is til gagnaðilans, stjórnanda þátt-
arins, og bað hann um álit.
Þessi málsmeðferð olli mér von-
brigðum. Ríkisútvarpið, sjónvarp
og útvarp, er kostað að verulegu
leyti þannig að hverju heimili á
landinu er með valdboði gert að
greiða mánaðarlegan skatt til þess,
án þess að komið verði við nokk-
urri mælingu á því hvernig fólk
nýtir þjónustu þess; mikið, lítið
eðaekki. Stofnunsemerfjármögn-
uð að verulegu leyti með þessum
hætti þarf að gæta fóta sinna og
troða ekki á saklausu fólki, að-
standendum þess og vinum. Um
rekstur hennar þarf að ríkja sæmi-
leg sátt. Um það sem fram kom í
viðtali við Gunnar Bjarnason í
þættinum „Fólkið í landinu" hinn
18. nóvember sl. getur ekki orðið
sátt. Til þess vita of margir sann-
leikann um Hólamál Gunnars
Bjarnasonar.
Athugasemd frá
Búvörudeild SÍS
í tilefni af grein Hjartar E. Þórar-
inssonar í Tímanum 12. desember
1989, þar sem hann gerir athuga-
semd vegna viðtals við Gunnar
Bjarnason, vill Búvörudeild Sam-
bandsins að eftirfarandi komi fram:
Um árabil annaðist Búvörudeild
Sambandsins kynningu og útflutning
reiðhrossa í náinni samvinnu við
Gunnar Bjarnason ráðunaut. Sam-
starfið var í því fólgið að Gunnar
annaðist margskonar leiðbeiningar
um útflutninginrr; annaðist kynning-
arstarfsemi erlendis og kom á fram-
færi upplýsingagreinum um íslenska
hestinn í erlend tímarit og mætti sem
fulltrúi íslands á fjölmarga fundi og
hestamannamót erlendis.
Eins og fram kemur í bókun
Búnaðarfélags íslands, dags. 13. maí
1965, skulu útflytjendur hrossa
greiða Gunnari Bjarnasyni ferða-
kostnað hans og annan kostnað í
sambandi við aðstoð hans við út-
flutninginn, enda starfi hann að
þessum málum í samráði við útflytj-
endur.
Gunnar hefur gefið út ættbókar-
vottorð sem fylgja hverjum útflutt-
um reiðhesti og var gjaldtakan síð-
ustu árin 50 þýsk mörk fyrir hvert
vottorð og skyldi upphæðinni varið
til að kosta útgáfustarf og kynningu
erlendis.
Á þessu tímabili var mun meira
kostað til í kynningar en tókst að
afla með nefndri gjaldtöku. Búvöru-
deild Sambandsins lagði verulegar
upphæðir til viðbótar í kynningar og
greiddi það sem á vantaði í kynning-
arferðum Gunnars Bjarnasonar
ásamt því að kosta fjölmarga aðila
sem kynntu íslenska hesta erlendis
sem fulltrúar deildarinnar. Á þess-
um árum var unnið brautryðjenda-
starf í kynningu á íslenskum reið-
hestum sem nú eru orðnir vel þekktir
og eftirsóttir og fluttir út til fjöi-
margra staða í Evrópu og Ameríku.
Jafnframt er ástæða að geta þess, að
Landbúnaðarráðuneytið hefur ávallt
stutt og styrkt þessa starfsemi.
10. janúar 1990,
Jóhann Steinsson,
forstöðum. útflutnings
Slys gera ekki
boð á undan sér! ss5
yUMFERÐAR
RÁÐ