Tíminn - 17.02.1990, Blaðsíða 3

Tíminn 3
Laugardagur 17. febrúar 1990
RLR fór fram á að Steingrímur Njálsson yrði úrskurðaður í gæsluvarðhald:
DOMARIURSKURDAR UM
GÆSLUVARDHALD í DAG
í dag mun dómari úrskurða um það hvort ástæða sé til að
halda Steingrími Njálssyni í gæsluvarðhaldi meðan rannsókn
fer fram á háttalagi hans gagnvart sjö ára dreng sl.
miðvikudag. Steingrímur, sem er margdæmdur kynferðisaf-
brotamaður, var handtekinn eftir að hann hafði fengið sjö ára
dreng inn á heimili sitt og afklætt hann úr yfirhöfn og
gallbuxum.
Stúlka kom auga á Steingrím er
hann var á leiðinni með drenginn inn
til sín en hún bar kennsl á Steingrím
þar sem hún hafði séð mynd af
honum í dagblaði. Móðir stúlkunnar
hringdi á Iögregluna en fór síðan yfir
í húsið sem Steingrímur býr og sótti
drenginn.
Óli Þ. Guðbjartsson dómsmála-
ráðherra, sagðist í samtali við Tím-
ann í gær ekki vita hvort dómsmála-
ráðuneytið sem slíkt gæti gert ýkja
mikið í þessu máli eins og sakir
stæðu. Ráðherrann vitnaði til þess
að nú lægi fyrir Alþingi frumvarp til
breytinga á 22. kafla hegningarlag-
anna, en sá kafli fjallar um viðurlög
við kynferðisafbrotum. Frumvarpið
var samið á grundvelli skýrslu
nauðgunarmálanefndar sem gefin
var út í fyrra. Frumvaip þetta var
lagt fram af Halldóri Ásgrímssyni
dómsmálaráðherra í fyrravetur, en
hlaut ekki afgreiðslu þar sem ekki
reyndist samstaða um málið í efri
deild Alþingis. Kvaðst dómsmála-
ráðherra vonast til að breytingar
þessar næðu fram að ganga á þessu
þingi, en í frumvarpinu er kveðið
mun skýrar að orði varðandi afbrot
eins og það sem hér um ræðir.
Ekki er ljóst hvað fór fram á milli
Steingríms og drengsins en skömmu
eftir atvikið sagði drengurinn að það
væri leyndarmál og mun Steingrímur
hafa notað þau orð við drenginn.
Þegar konan sem náði í drenginn
spurði Steingrím afhverju hann hafi
tekið drenginn inn til sín gaf hann þá
skýringu að hann væri að þurrka af
honum fötin.
Lauk ekki hælisvistinni
Sem fyrr segir er Steingrímur
Njálsson margdæmdur kynferðisaf-
brotamaður. Hefur hann aðallega
brotið af sér gagnvart unglingspilt-
um. Árið 1963 hlaut hann fyrst dóm
vegna slíkra mála, var hann dæmdur
vegna kynferðisafbrota á ellefu
drengjum á aldrinum 9-13 ára. Síð-
ast hlaut Steingrímur dóm í febrúar
1988 en þá dæmdi Hæstiréttur hann
í 12 mánaða fangelsisvist og 15
mánaða vist á viðeigandi hæli fyrir
kynferðisafbrot gagnvart ungum
dreng. í því máli hafði Sakadómur
dæmt hann í þriggja ára fangelsi
haustið 1987. Hæstiréttur ógilti þann
dóm stuttu síðar og var hann þá
dæmdur í tveggja og hálfs árs fang-
elsi. Þeim dómi var áfrýjað til Hæsta-
réttar sem þá kvað upp fyrrnefndan
dóm. Þau málaferli vöktu upp mikla
umræðu þar sem lögfræðingur fórn-
arlambsins fór fram á að Steingrímur
yrði vanaður.
Steingrímur afplánaði fangelsis-
dóminn og var síðan sendur til
Svíþjóðar á hæli þar sem stofnun
fyrir afbrotamenn af þessu tagi er
ekki til hér á landi. Hann kom til
íslands 10 mánuðum síðar og lauk
því ekki vistinni, ástæðan var sú að
læknar í Svíþjóð töldu það ekki
þjóna tilgangi læknisfræðilega að
halda honum lengur á hælinu.
Um það hve 's vegna Steingrímur
Njálsson fékk að ganga laus eftir
heimkomuna frá Svíþjóð, þrátt fyrir
dóm Hæstaréttar vildi dómsmála-
ráðherra ekki tjá sig og vísaði til þess
að sú ákvörðun hefði verið tekin
áður en að hann var skipaður í
embættið.
Ráðgjafamiðstöð
í deiglunni
Hinn 8. mars næstkomandi munu
Samtök kvenna gegn kynferðislegu
ofbeldi opna upplýsinga-, fræðslu-
og ráðgjafamiðstöð. Hafa yfirvöld
veitt 2.3 milljónum króna til þessa
verkefnis. Að miðstöðinni standa
fjórir hópar: Ráðgjafahópur og
barnahópur Kvennaathvarfsins auk
Kvennaráðgjafarinnar og Vinnu-
hóps gegn sifjaspellum. Guðrún Túl-
íníus sem vinnur að undirbúningi
miðstöðvarinnar sagði að vegna fjár-
skorts myndi miðstöðin fyrst um
sinn einbeita sér að ráðgjafarhlut-
verkinu sem fyrst og fremst felst í
stuðningi við fórnarlömb kynferðis-
afbrota.
Aðspurð sagðist Guðrún ekki vita
til þess að nokkuð væri í bígerð hjá
stjómvöldum varðandi vistun kyn-
ferðisafbrotamanna eins og Steing-
ríms Njálssonar. SSH
Úthlutun úr Kvikmyndasjóði:
16 f engu styrk,
74 var hafnað
Úthlutunamefnd Kvikmynda-
sjóðs íslands tilkynnti í gær um
úthlutanir úr sjóðnum.. Alls bárust
90 umsóknir sem samtals hljóðuðu
upp á 400 milljónir króna. Aðeins 16
umsækjendur fengu jákvætt svar,
hinum 74 var hafnað.
Fjárframlög til sjóðsins vom veru-
lega skert á fjárlögum þessa árs. Til
úthlutunar vom 66.750.000. Hæsta
styrkinn fékk Friðrik Þór Friðriks-
son, 25 milljónir króna, til að gera
myndina Börn náttúrunnar. Er sá
styrkur 37.5% af því fé sem til
ráðstöfunar var. Tveir aðilar til við-
bótar fengu styrk til gerðar bíó-
mynda. - Hrif til að gera mynd um
Pappírs Pésa, 5 milljónir króna og
2,5 milljóna króna lán. Þá fékk
Verkstæðið fjögurra milljóna króna
styrk og þriggja milljóna króna lán
til gerðar á bílaverkstæði Badda.
Hlutfall Kvikmyndastjóðs í heildar-
framleiðslukostnaði þessara þriggja
mynda er orðið sem hér segir:
Börn náttúrunnar 59%
Pappírs Pési 24%
Bílaverkstæði Badda 63%
Hafa ber í huga að styrkupphæðir
vom ekki framreiknaðar við útreikn-
ing hlutfallsins.
Handrita- og undirbúningsstyrki
vegna bíómynda fengu fjórir aðilar.
F.I.L.M. vegna Píslarsögunnar, 4,5
milljónir, Túndra vegna Júpíters, 2
milljónir, Guðný Hatldórsdóttir
vegna Kórsins, 600 þúsund, Hilmar
Oddsson vegna Kaldaljóss, 600 þús-
und krónur. Einn aðili, Umbi, fékk
framhaldsstyrk, 3 milljónir, vegna
myndarinnar Kristnihald undir jökli.
Þess má geta að í fyrra hlutu 11
aðilar styrk, yfirleitt upp á 400
þúsund krónur, til handritagerðar
en aðeins eitt þeirra handrita hefur
skilað sér inn til áframhaldandi
vinnslu hjá sjóðnum. Á frétta-
mannafundi kom fram í máli Helga
Skúlasonar, sem átti sæti í úthlutun-
arnefndinni, að nefndin hafi vikið
frá þeirri stefnu að veita styrki út á
misjafnlega mótaðar hugmyndir
utan úr bæ.
Fimm framleiðslustyrkir voru
veittir vegna heimildamynda. Sig-
urður Sverrir Pálsson fékk 5,5 millj-
Tveir þeirra sem styrk fengu, Friðrik Þór Friðriksson og Lárus Ýmir Óskarsson
Tt'mamynd: Árni Bjama
ónir vegna myndar sem ber heitið Á
sjó. Árni Tryggvason hlaut 2,5 millj-
ónir vegna Handfærasinfóníunnar,
Magnús Magnússon 2 milljónir
vegna Hafarnarins, Vilhjálmur
Knudsen 1,8 milljón vegna Kröflu-
elda og Hið íslenska kvikmyndafélag
hlaut 1,2 milljónir vegna myndarinn-
ar Jón Bjarki.
Handrita- og undirbúningsstyrki
fengu tveir aðilar. Ólafur Rögn-
valdsson hlaut 1,8 milljón króna
vegna myndarinnar Ásýnd þjóðar
og Nýja bíó hlaut 1 milljón vegna
myndar um Jón Leifs.
Þá hlaut Kvikmyndaklúbbur ís-
lands 750 þúsund krónur.
SSH
Fjárhagsáætlun Reykjavíkurborgar samþykkt í gærmorgun:
Stefna meirihlutans stendur
Fjárhagsáætlun Reykjavíkurborg-
ar var afgreidd við aðra umræðu á
fundi sem hófst kl. 5 í fyrradag og
lauk um áttaleytið í gærmorgun.
Tólf ályktunartillögur frá borgarfull-
trúum minnihlutaflokkanna í borg-
arstjórn lágu fyrir fundinum sem
allar voru felldar utan ein. Sú tillaga
fjallaði um að könnuð yrði efnasam-
setning skolps til þess að komast
mætti hjá því að hættuleg eiturefni
bærust í sjóinn.
Aðrar tillögur borgarstjórnar-
andstöðunnar fjölluðu um aukið
framboð dagvistunar fyrir börn, um
að stefna að því að skólar borgarinn-
ar yrðu einsetnir fyrir 1994 og að
reistur yrði tilraunaskóli í Húsa-
hverfi þar sem jafnframt yrði rekið
dagheimili, skóladagheimili og tón-
listarskóli.
Þá lá fyrir tillaga um málefni
aldraðra í sex liðum. I henni var lagt
til að borgin keypti tvö hús til að
reka sambýli fyrir aldraða, keyptar
yrðu 25 íbúðir í nágrenni þjónustu-
miðstöðva aldraðra, hafinn yrði
undirbúningur að nýju hjúkrunar-
heimili og dagvistarheimili fyrir aldr-
aða, lokið yrði B-álmu Borgarspítal-
ans á næstu fjórum árum, helgar-
þjónustu við aldraða og sjúka yrði
komið á og loks að stofnsett yrði
ferðaþjónusta við aldraða með því
að semja við leigubílastöðvar um að
inna hana af hendi.
Þá voru tillögur um æskulýðs- og
íþróttamál, um að kanna nýja val-
kosti í almenningssamgöngum í
höfuðborginni, um umferðarörygg-
ismál, um að fjárhagsáætlun Reykja-
víkurhafnar yrði endurskoðuð til
þess að setja ofáætlaðan launakostn-
að í endurbætur á gömlu trébryggj-
unum í vesturhöfninni o.fl, um
endurbætur á leik- og útivistarsvæð-
um í eldri hverfunum o.fl.
Allar þessar tillögur voru felldar
af Sjálfstæðismeirihlutanum.
í breytingartillögum borgarfull-
trúa minnihlutaflokkanna við fjár-
hagsáætlunina voru lagðar til róttæk-
ar tilfærslur sem miðuðu að því að
auka og bæta þjónustu bið íbúa
borgarinnar á ýmsan hátt en draga
úr mikilli áherslu meirihlutans á örfá
risamannvirki.
Þessar tillögur voru allar felldar
utan tvær. Önnur þeirra var um 150
þús. kr. fjárveitingu eða styrk til
kórs Langholtskirkju. Hin var um
að hækka framlag til Félags áhuga-
fólks um íþróttir aldraðra úr 115
þús. kr. í 300 þús. kr.
í máli Davíðs Oddssonar við um-
ræðurnar í fyrrinótt kom fram að
virðisaukaskatturinn mun auka út-
gjöld borgarinnar um 385 milljónir
kr. Á móti því kemur að launakostn-
aður mun lækka frá því sem gert var
ráð fyrir um 430 milljónir króna eftir
nýju kjarasamningana. sá
Hækkun
frestað
Á fundi sínum á fimmtudag
samþykkti stjórn Landsvirkjunar
með hliðsjón af nýgerðum kjaras-
amningum að fresta fyrirhugaðri
gjaldskrárhækkun fyrirtækisins
um óákvæðinn tíma og stuðla
þannig fyrir sitt leyti að því að
náð verði markmiðum kjara-
samninga um stöðugt verðlag og
gengi. Jafnframt er samþykkt
þessi gerð í trausti þess að ekki
verði lagðar skattaálögur á fyrir-
tækið, sem leiði til þess að hækka
þurfi rafmagnsverð.