Tíminn - 17.02.1990, Blaðsíða 5
Laugardagur 17. febrúar 1990
Tíminn 5
Gengið frá kaupum á 52% eignarhlut Sambandsins í Samvinnubankanum:
Endahnúturnn
rekinn í gær
„Ég er ánægður með að þetta mál er nú um garð
gengið en dráttur sá sem orðið hefur á málinu hefur
orðið öllum til óþæginda. Ég er ánægður með og
þakklátur þeim aðilum í Landsbankanum sem
staðið hafa að þessum samningum eftir bestu getu
og af heilindum,“ sagði Guðjón B. Ólafsson
forstjóri Sambands íslenskra samvinnufélaga.
I gær var formlega rekinn enda-
hnúturinn á kaup Landsbankans á
52% hlutabréfa í Samvinnubankan-
um en bréfin voru í eigu Sambands-
ins. Guðjón B. Ólafsson sagði við
Tímann að nú þegar þetta mál væri
til lykta leitt væri í huga sér viss tregi
út af því að Sambandið hafi þurft að
standa að þessari aðgerð.
Það hefði þó því miður verið
nauðsynlegt vegna þeirrar skulda-
stöðu sem Sambandið var komið í.
Vegna hennar hefði ekki verið um
annað að ræða en að selja eignir til
að minnka skuldir og stuðla þannig
að traustum rekstri Sambandsins í
framtíðinni. „Að sjálfsögðu hefði
mig langað til að eiga þátt í að
byggja Samvinnubankann upp
áfram. Þetta er góður banki sem
staðið hefur sig vel og er vel rekinn
og vel mannaður. Þó var hagræðing
í bankakerfinu út af fyrir sig nauð-
synleg og sjálfsögð og út frá því
sjónarmiði er jákvætt að hafa átt þar
hlut að máli,“ sagði Guðjón.
Hann sagði að Sambandið muni fá
þá vaxtaleiðréttingu sem untsamin
var í sambandi við sölu hlutabréf-
anna í bankanum. í trausti þess
hefði endahnúturinn á sölu bréfanna
verið rekinn í gær.
Varðandi sölu á fleiri eignum
Sambandsins sagði hann að hafnar
væru viðræður um sölu á eignarhluta
Regins h.f. í Isl. aðalverktökum en
stefnt væri að því að eignarhlutur
Regins minnkaði úr 25% í 11% eða
þar um bil og ríkið eignaðist þar með
meirihluta. Hann sagði að þessar
viðræður væru enn skammt komnar.
Mikið tap hefur verið á verslunar-
deild Sambandsins um árabil. Guð-
jón B. Ólafsson sagði að verulegar
breytingar hefðu verið gerðar á
deildinni sem þegar hefðu leitt til
mun hagstæðari afkomu hennar en
verið hefði undanfarin ár.
Þá væru vonir bundnar við að
væntanlegt nánara samstarf við
smásöluaðila á Reykjavíkursvæðinu
leiddi til betri afkomu beggja.
Aðalfundur Starfsmannafélags
Samvinnubankans sendi í gær frá sér
ályktun þar sem hörmuð er sú
ákvörðun stjórnar Sambandsins að
selja hlut sinn í bankanum til Lands-
bankans og undrun lýst á því að
hluturinn skyldi ekki heldur seldur
þeim aðilum sem stefnt hefðu að því
að reka Samvinnubankans áfram í
núverandi mynd.
Guðjón B. Ólafsson sagði að í
ályktun starfsmannafélagsins gætti
Frá afliendingu hlutabréfanna í gær, Guðjón B. Ólafsson og Sverrir
Hermannsson
Tfmamynd Ami Bjarna
* • X _,Æ
PMJHL - j
talsverðs misskilnings. Skiljanlegt
væri að starfsfólkið vildi gjarnan
halda áfram rekstri bankans óbreytt-
um. Það hefði miður ekki verið
mögulegt.
Það hefði heldur ekki verið mögu-
legt að selja öðrum félögum tengd-
um Sambandinu umræddan eignar-
hluta einfaldlega vegna þess að þar
hefði verið um að ræða að færa til
skuldir sem t.d. Samvinnusjóður
íslands og fleiri tilnefndir hefðu ekki
getað risið undir. Arðsemi bankans
væri ekki nægjanleg til að standa
undir fjármagnskostnaði vegna
-kaupa á umræddum 52% eignarhlut.
Auk þessa hefði með slíku móti
ekkert nýtt fjármagn komið inn til
-samvinnufélaganna.
„Ég verð því miður að segja að
jjessi ályktun er byggð á vanþekk-
ingu. Hún ber þess vott að viðkom-
midi aðilar hafa ekki leitað upplýs-
inga um þær ástæður sem lágu til
sölunnar,“ sagði Guðjón B. Ólafs-
son að lokum. - sá
Ólafur Ragnar Grímsson fjármálaráðherra segir gagnrýni borgar-
stjóra á fjárlagagerðina byggða á vanþekkingu og misskilningi:
„Davíð leiðist og
langar nú á þing“
Fjármálaráðuneytið mótmælir
ummælum er Davíð Oddsson borg-
arstjóri lét falla á fundi borgarstjórn-
ar á fimmtudag, þar sem hann sagði
spamað ríkisins vegna samninganna
meiri heldur en útgjöldin. Sam-
kvæmt upplýsingum ráðuneytisins
skila breyttar verðlagsforsendur
vegna kjarasamninganna ríkinu 100
miljónum minna í tekjur á þessu ári,
til viðbótar þeim 1.300 milljónum
sem felast í skuldbindingum vegna
þeirra.
„Davíð er nú greinilega farið að
leiðast eitthvað þarna í borgarstjórn
Reykjavíkur," sagði Óiafur Ragnar
Grímsson fjármálaráðherra er Tím-
inn innti hann eftir áliti á gagnrýni
borgarstjórans á stjórnun ríkisfjár-
mála. „Mér finnst þessi ræða hans
sýna mikla löngun til þess að komast
í þingflokk Sjálfstæðisflokksins og
inn á Alþingi til þess að ræða um
ríkisfjármálin og aðra þætti þjóð-
málanna."
Davíð Oddsson fullyrti á borgar-
stjórnarfundinum á fimmtudag að
niðurskurður ríkisins sem boðaður
var í vikunni, stafi ekki vegna aukins
kostnaðar vegna kjarasamninganna,
heldur vegna þess að fjárlögin hafi
ekki verið rétt saman sett er þau
voru afgreidd. Með öðrum orðum
niðurskurðurinn nú sé til kominn
vegna þess að í fjárlögunum hafi
verið falinn halli sem sé leiðréttur í
nafni kjarasamninganna.
Þessu er harðlega mótmælt í
fréttatilkynnigu frá fjármálaráðu-
neytinu í gær. Þar segir að forsendur
nýgerðra kjarasamninga feli í sér
1,5-2,5% minni hækkun á verðlagi á
milli ára en gert var ráð fyrir við
samþykkt fjárlaga. Skýringin á þess-
ari lækkun liggi í því, að stærsti hluti
Ólafur Ragnar Grímsson, Qármála-
ráðherra.
tekna ríkissjóðs fylgi mjög náið
breytingum launa og verðlags hverju
sinni. Þannig lækki tekjur af óbein-
um sköttum um 1.400 milljónir
króna, þar af um tæpan milljarð
vegna virðisaukaskatts. Vaxtatekjur
lækki um hálfan milljarð og tekjur af
staðgreiðsluskatti einstaklinga lækki
um 400 milljónir króna.
Ólafur Ragnar segir ummæli borg-
arstjórans um fjárlögin og kjara-
samningana byggð á misskilningi,
sem helgist af því að annað hvort
einhverjir embættismenn hans, eða
hann sjálfur hafi ekki skoðað stað-
reyndir málsins nægilega vel.
„Það er rétt að taka pað tram sem
borgarstjóri virðist ekki gera sér
grein fyrir, að það er áformað að
lækka öll útgjöld ríkisins um 1,5-
2,5% frá fjárlögum", sagði Ólafur
Ragnar. „Þar til viðbótar kemur svo
þessi sérstaka lækkun sem er vegna
aukinna útgjalda í tengslum við
kjarasamningana. Það verður að
segja þá sögu eins og er að þessi
ágætu menn hjá Reykjavíkurborg
hafa ekki íhugað nægilega vel efnis-
þætti málsins áður cn borgarstjóri
ákvað að fullyrða á þann veg sem
hann gerði.“
Á borgarstjórnarfundinum skýr-
skotaði Davíð Oddsson til þess að
útgjaldaauki borgarsjóðs vegna
kjarasamninganna væri minni en
sparnaður er kæmi á móti vegna
lægra verðlags. Fjármálaráðherra
segir að ekki sé hægt að yfirfæra
þetta dæmi beint yfir á ríkissjóð, þar
sem launa- og verðlagsbreytingar
hafi ólík áhrif á tekjustofna ríkis-
sjóðs og borgarsjóðs. Veðlagsbreyt-
ingar hafi mikil og bein áhrif á
afkomu ríkissjóðs, en talsverður
hluti af tekjum borgarsjóðs sé hins
vegar óháður breytingum á verðlagi
eð launuih á fjárhagsárinu. Sam-
bærileg og sjálfkrafa tekjuminnkun
og gerist hjá ríkissjóði komi ekki
fram hjá borgarsjóði, eða sjóðum
annarra sveitarfélaga.
Þær aðgerðir sem ríkisstjórnin
ákvað að beita sér fyrir vegna samn-
inganna eru fólgnar í hækkun á
niðurgreiðslum búvara um 800 mill-
jónir króna, hækkun frítekjumarks
um llXl rmlljónir, lækkun skatta er
kosta ríkið 300 milljónir og hækkun
vegna ríkisábyrgðar launa við gjald-
þrot um 100 milljónir. Samtals gera
þetta þær 1.300 milljónir sem nú er
reynt að mæta með sérstökum niður-
skurði. -ÁG
R*1
*»<
MÉ ÚTBOÐ
Innkaupstotnun Reykjavíkurborgar f.h. gatnamálastjórans í Reykjavík óskar eftir tilboðum í
kaup á umferðarmerkjum og umferðarskiltum.
Heildarmagn:
Umferðarmerki 870 stk.
Umferðarskilti 40 stk.
Fyrsti skiladagur umferðarmerkja er 30 dögum eftir að tilboði er tekið og fyrsti skiladagur
umferðarskilta er 120 dögum eftir að tilboði er tekið.
Útboðsgögn eru afhent á skrifstofu vorri, Fríkirkjuvegi 3, Reykjavík.
Tilboðin verða opnuð á sama stað miðvikudaginn 14. mars 1990, kl. 11.00.
INNKAUPASTOFNUN REYKJAVIKURBORGAR
Frikirkjuvegi 3 - Simi 25800
m
»*• ■*•*> h
T ÚTBOÐ
Innkaupstofnun Reykjavíkurborgar f.h. Malbikunarstöðvar Reykjavíkurborgar o.fl. óskar eftir
tilboðum í eftirfarandi:
1) 13870 —16800 tonn af asfalti.
2) 110 -160 tonn af bindiefni fyrir asfalt (asphalt emulsion).
Útboðsgögn eru afhent á skrifstofu vorri, Frlkirkjuvegi 3, Reykjavík.
Tilboðin verða opnuð á sama stað þriðjudaginn.27. mars 1990, kl. 11.00.
INNKAUPASTOFNUN REYKJAVIKURBORGAR
Frikirk|uvegi 3 - Simi 25800
Aðstoðarfólk
Óskum eftir að ráða aðstoðarfólk og iærling í
bókband. Upplýsingar hjá verkstjóra.
Prentsmiðjan Edda
Smiðjuvegi 3
Kópavogi
Sími45000