Tíminn - 28.04.1990, Blaðsíða 3

Laugardagur 28. apríl 1990
Tíminn 3
Losaðu þig
við útrunnin lyf
í næsta apóteki!
Þegar við losum okkur við útrunnin lyf eða lyf sem
við þurfum ekki að nota þá hendum við þeim ekki
eins og öðrum úrgangi. Lyf valda mengun, hvort sem
þeim er hent á sorphauga eða skolað niður um vask
eða salerni. Rétta leiðin til að losna við lyf er að fara
með þau í næsta apótek og láta fagmenn um að eyða
þeim á hættulausan hátt.
Lyf eru stór útgjaldaliður í heilbrigðiskerfi okkar.
Eitt af því sem gerir þennan lið dýrari en
nauðsyn krefur er að við fáum stundum
ávísað lyfjum í stærri skömmtum en við
höfum þörf fyrir. Með því að ræða þessi mál
við lækninn sem ávísar þér lyfi getið þið
unnið að því að lækka þennan kostnað. Pað
er einföld og skynsamleg leið til að spara
skattpeninga þína.
Það er varasamt að láta lyf sem við þurfum ekki að
nota safnast fyrir á heimilinu. Hætta er á að þau séu
tekin inn í mý>gripum og sú freisting er jafnframt fyrir
hendi að notast við útrunnin lyf í stað þess að ræða
við lækni. Það vekur falska öryggiskennd og getur
jafnvel verið hættulegt.
Uppsöfnun lyfja á heimilinu skapar hættu á að
börn og óvitar komist í þau og vinni sér tjón. Hafðu
það fyrir reglu að losa þig við lyf í
næsta apóteki um leið og þeirra er ekki
lengur þörf og í síðasta lagi þegar þau eru
útrunnin.
Látið aldrei frá ykkur lyf þar sem börn
geta náð til þeirra. Geymið þau í læstum
lyfjaskáp.
Lœkkum
lyfjakostnað
v
HEILSAN ER PIN DÝRMÆTASTA EIGN
HEILBRIGÐIS- 0G TRYGGINGAMÁLARÁÐUNEYTIÐ
TRYGGINGASTOFNUN RÍKISINS