Tíminn - 24.05.1990, Blaðsíða 20

Tíminn - 24.05.1990, Blaðsíða 20
AUCLÝSINGASÍMAR: 680001 — 686300 RÍKISSKIP NÚTÍMA FLUTNINGAR Hatnarhúsinu v/Tryggvagötu, S 28822 ^fiárrnál eru okWfa9! WERÐBRÉFAVHBSKIPTI SAMVINNUBANKANS SUÐURLANDSBRAUT 18, SlMh 688568 Sígrún Magnúsdóttir skipar 1. sætiálista Framsóknar- flokksins við borgarstjórnarkosn- ingarnar 26. maí n.k. Siöareglur fyrir borgar- fulltrúa og embættismenn Tímiiin FIMMTUDAGUR 24. MAÍ1990 Steingrímur Hermannsson forsætisráðherra gagnrýnir það að Öryggisráðið skuli þurfa út fýrir BNA til þess að hlýða á mál Yasser Arafat. Þorsteinn Pálsson: Öryggisráð Sameinuðu þjóðanna kemur saman til sérstaks neyðarfundar í Genf á föstudaginn, þar sem óeirðir á her- teknum svæðum fsraelsmanna verða tekin fýrir. Fundurinn er sérstaklega fluttur til þess að gera Yasser Arafat leiðtoga Frelsissamtaka Palestínu kleift að flytja mál sitt á fundinum. Þetta er í þriðja skiptið á sl. 18 árum sem ákveðið er að halda fund ráðsins fyrir utan aðalstöðvar Sameinuðu þjóðanna í New York. Ástæðan er sú að bandarísk yfirvöld veita ekki Yasser Arafat vegabréfsáritun inn í landið. Þorsteinn Pálsson, formaður Sjálf- stæðisflokksins, sem hefur verið þeirrar skoðunar, að viðræður við Arafat spilltu fyrir friðarsamning- um við Israelsmenn, vildi lítið tjá sig um þessa ákvörðun í gær. „Ég geri bara engar athugasemdir við það hvar þeir halda sina fundi sameinuðuþjóðamenn," sagði Þor- steinn. - Nú hefur þú m.a. gagnrýnt Stein- grím Hermannsson forsætisráð- herra fyrir að eiga viðræður við Arafat, þar sem þær spilli fyrir frið- arumleitunum. Heldur þú að þessi fundur Öryggisráðsins geti einnig haft áhrif til hins verra? „Ég skal bara ekkert um það segja, en Sameinuðu þjóðirnar mega ákveða sína fundi alveg án athugasemda frá minni hálfu." Steingrimur Hermannsson sagði í samtali við Tímann í gær, að það væri ekkert nýtt að Yasser Arafat fengi ekki vegabréfsáritun til Bandaríkjanna og fordæmi fyrir því áður að halda yrði fund Örygg- isráðsins utan þeirra til þess að Arafat ætti þess kost að taka þátt í viðræðum innan ráðsins. „Mér þykir þessi stefna Banda- ríkjanna afar röng og ef þeir halda fast við hana, er spurning hvort fært er að hafa Sameinuðu þjóðirn- ar í New York," sagði forsætisráð- herra. „Ég fagna því hins vegar að fundurinn skuli haldinn í Genf og Arafat skuli þá fá að ávarpa hann. Hvort sem mönnum líkar betur eða verr, verður því alls ekki neitað að hann er sá maður sem Palestínu- menn líta á sem sinn foringja." Steingrimur sagði það sína skoðun að Yasser Arafat væri þrátt fyrir allt sá maður, sem hefði lagt sig hvað mest fram um að halda friði í lönd- unum fyrir botni Miðjarðarhafs og þess vegna yrði að byggja mjög á honum í því sambandi. „Það er furðulegt að bandarísk stjórnvöld skulí vera enn við sama heygarðshornið að þessu leyti á sama tíma og fjölmargir áhrifa- menn í Bandaríkjunum, eins og senator Dole og fleiri valdamiklir gyðingar, hafa snúið algerlega við blaðinu," sagði Steingrímur. Hann lýsti jafhftamt furðu sinni yfir yfir- lýsingu ísraelska sendiherrans á ís- landi í fyrrakvöld, þess efnis að viðræður við Arafat flýttu ekki fyr- ir friði fyrir botni Miðjarðarhafs. „Þvi miður finnst mér þar koma fram það sem jafhvel harðlínugyð- ingar í Bandaríkjunum eru farnir að kalla „helstefhuna", sagði Stein- grímur. „Þetta er sorglegt, ég vil Israelsmönnum ekkert nema það besta, en þeir verða að fara að setj- ast niður og semja og semja þá við menn, sem hafa áhrif." Steingrímur Hermannsson Forsætisráðherra tók deilur ísraels og Palestínumanna upp á fundi rík- isstjórnarinnar í fyrradag og lét þar m.a. í ljósi þá skoðun að Samein- uðu þjóðirnar sendu friðargæslu- sveitir til þess að halda uppi eftirliti með hinum striðandi aðilum. Fyrir liggur að Palestínumenn munu að öllum líkindum samþykkja slikt eftirlit, en óvíst er um afstöðu ísra- lesmanna. Þorsteinn Pálsson Varðandi gagnrýni á sína heim- sókn til Arafats sagðist forsætisráð- herra hvorki líta svo á að heim- sóknin spillti né flýtti fyrir friðarviðræðum. Hún gerði honum og íslensku ríkisstjórninni betur kleift að skýra sín sjónarmið og koma þeim á framfæri, þar sem þeir hefðu frelsi til að tala. „Okkur er hleypt til Bandarikjanna, til dæmis," sagði Steingrímur. -ÁG < Akureyri: Barn slasast Átján mánaða gamalt barn slasaðist alvarlega við Melasíðu á Akureyri um klukkan hálf tólf í gærdag, þar sem það var að leika sér. Tilkynning barst lögreglu kl 11:40, en enginn sjónarvottur var að slysinu, en talið er, að barnið hafi lent undir vörufleka sem þarna var. í gærkvöldi lá barnið á gjörgæsludeild. Leyfa bús, banna mat Eigendur pylsuvagna í miðbæ Reykjavíkur ætluðu í nótt að selja úr vögnum sínum, þar til lögreglan stöðvaði þá með valdi. Þetta er gert til að mótmæla því, að borgaryfirvöld leyfðu einungis að pylsuvagnar væru opnir til klukkan tvö í nótt, á meðan skemmtistaðir mega hafa opið heilum klukkutíma lengur. Pylsusali, sem Tíminn ræddi við í gær, sagði að það væri í sýnum aug- um óskiljanlegt af hverju borgaryfir- völd heimiluðu vínveitingahúsum að selja áfengi lengur heldur en þeim að selja mat. Ekki var búist við að til neinna átaka kæmi á milli vagneig- enda og lögreglu í nótt. - ÁG 3252 höfðu greitt atkvæði utan kjörstaðar í Reykjavík kl. þrjú í gær. í Ármúlaskóla, þar sem utankjörstaðaatkvæðagreiðslan fer fram, feng- ust þær upplýsingar, að frekar fáir hafí komið í gær, en hins vegar kom niikill fjöldi fólks á kjörstað á þríðjudag. I gær höfðu álika margir greitt atkvæði utan kjörstaðar og þrem dög- um fyrir kjördag í síðustu kosningum. Þegar opnað var í gærmorgun klukkan tíu, höfðu hundrað fleiri greitt atkvæði utan kjörstaðar, en var á sama tíma fyrir fjórum árum. Á fundi borgarráðs á föstudag voru lagðar fram kærur vegna kjör- skrár til borgarstjórnarkosninga og var samþykkt að taka nöfn 407 á kjörskrá, er fullnægðu skilyrðum um Iögheimili í Reykjavík. Borgar- ráð laldi ekki unnt að taka þrjá einstaklinga á kjörskrá, þar sem ekki var fuilnægt skilyrðum um lögheimili í Reykjavík. Þá var samþykkt að fella 391 af kjörskrá vegna breytinga á sveitarstjórnarlögum er tóku gildi 1986 og vegna breytingaskráa frá Hagstofu íslands. Jafn- framt voru felld af kjörskrá nöfn 90 einstaklinga, sem látist höfðu eft- ir að kjörskrá var lögð fram —ABÓ/Tímamynd: Árni Bjarna. Hæstiréttur segir áritunina ógilda Hæstiréttur hefur fallist á kröfu Jóns Laxdals, bónda í Grýtubakkahreppi í Þingeyjarsýslu, að áritun, sem hann gaf vegna skuldar Kaupfélags Sval- barðsfjarðar við r Iðnaðarbankann, verðí felld úr gildi. íslandsbanka, sem var stefht í þessu máli, er gert að greiða áfrýjanda málskostnað. íslandsbanki höfðaði mál í bæjar- þingí Akureyrar á hendur Jóni og tveimur öðrum fyrrverandi stjórnar- mönnum Kaupfélags Svalbarðsfjarð- ar. Stjómarmennirnir höfðu skrifað upp á sjálfsskuldarábyrgðir vegna skulda kaupfélagsins við Iðnaðar- bankann. Eftir að Kaupfélag Sval- barðsfjarðar var lýst gjaldprota, krafð- ist bankinn þess að stjórnarmenn kaupfélagsins greiddu lánið. Jón áfrýj- aði málinu til hæstaréttar og krafðist þess að áritunin yrði felld úr gildi. Hæstiréttur féllst á kröfuna. -EÓ Dæmdir í varðhald til 26. september Sakadómur Reykjavikur staðfesti i gær kröfu Rannsóknarlögreglu ríkis- ins um að gæsluvarðhald yfir mönn- unum tveimur, sem grunaðir eru um morðið í Stóragerði, yrði framlengt til 26. september. Einnig var staðfest að mennirnir skuli sæta geðrannsókn. Geðheilbrigði mannanna verður kannað á næstu dögum. Að fengnum niðurstöðum liggur fyrir hvort þeir teljast sakhæfir. Stúlkunum tveimur, sem voru í varðhaldi vegna rannsókn- ar málsins, hefur verið sleppt úr haldi. Hinir grunuðu hafa viðurkennt að hafa brotist inn í Iðunnarapótek i Reykjavík skömmu áður en morðið var framið og stolið þaðan miklu magni af stórhættulegum eiturefnum. Efhin grófu þeir í jörðu, en þau hafa nú fundist. -EÓ

x

Tíminn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Tíminn
https://timarit.is/publication/50

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.