Tíminn - 28.11.1990, Side 14

14 Tíminn
Miðvikudagur 28. nóvember 1990
Helgi Bjamason.
Bændnr á hvunn-
dagsfötum -
2. bindi
Hörpuútgáfan hefur sent frá sér
annað bindi bókarinnar Bændur
á hvunndagsfötum eftir Helga
Bjarnason blaðamann. í bókinni
eru frásagnir fimm bænda sem
segja frá mismunandi lífshlaupi,
búskap, félagsstörfum, áhuga-
málum og skoðunum. Þeir eru:
Einar E. Gíslason á Syðra- Skörð-
ugili, Benedikt Hjaltason á
Hrafnagili, Öm Einarsson í Silf-
urtúni, Björn H. Karlsson á Svart-
hömrum og Guðmundur Láruss-
on í Stekkum.
Fyrsta bindið kom út á síðasta ári
og fékk góðar viðtökur. Ákveðið
hefur verið að Bændur á hvunn-
dagsfötum verði þriggja binda
safn og er ráðgert að síðasta
bindið komi út á næsta ári. í
þessum bókum er í lifandi máli
og myndum skráður drjúgur
kafli íslenskrar búskaparsögu og
félagsmálasögu bændastéttarinn-
ar.
Bændur á hvunndagsfötum er
201 blaðsíða að stærð, prýdd yfir
120 myndum auk yfirlitskorta af
heimabyggð viðmælenda. Bókin
er unnin að öllu leyti í prent-
smiðjunni Odda hf.
Ný barnabók
eftir Hope
Millington
Fróði hf. hefur gefið út bamabók-
ina Stefán Bragi fer í flugferð eft-
ir Hope Millington með mynd-
skreytingum eftir Gunnlaug Ól-
afsson Johnson.
Bókin segir frá flugferð Stefáns
Braga með pabba og mömmu og
þar ber margt nýstárlegt fyrir
sjónir. Hartn eignast vin sem heit-
ir Hlynur og saman fara þeir til
flugmannanna sem leyfa þeim að
stýra vélinni. Og margt annað
skrítið og skemmtilegt verður á
vegi þeirra félaga í flugferðinni.
Stefán Bragi fer í flugferð er lítið
ævintýri sem auðvelt er fyrir
böm að taka þátt í með því að
lesa söguna og lita myndirnar.
Bókin er 38 blaðsíður. Umbrot,
filmuvinna, prentun og bókband
var í höndum Prentstofu G.Ben.
hf.
Ævintýri í garði
Bókaútgáfan Selfjall hefur gefið
út bókina „Dýrin í garðinum"
eftir Margréti E. Jónsdóttur. Þetta
er þriðja barnabók hertnar. Áður
hafa komið út eftir hana Skotta
og vinir hennar og Skotta eignast
nýja vini. Artna V. Gunnarsdóttir
myndskreytti allar bækurnar.
Dýrin í garðinum búa í þéttbýli
eins og nafnið bendir til. í næst-
um því öllum húsagörðum búa
einhver dýr sem börn geta skoð-
að á hverjum degi. í trjágarðin-
um við gamla húsið býr starrinn
Trausti og hann Depill litli vinur
hans sem er auðnutittlingur. Þar
gera þrastahjón sér líka hreiður
og lífsreynd hagamús, sem
hvergi fær irtni, ekki einu sinni í
kirkju, sest þar að. Litlu félagam-
ir lenda í margs konar ævintýr-
um.
Atakanleg ævi-
saga Margrétar
Róbertsdóttur
Fróði hf. hefur gefið út ævisögu
Margrétar Róbertsdóttur sem
nefnist Lífsstríðið — Frá Þriðja
ríki Hitlers til Þorlákshafnar eftir
Eirík Jónsson.
Æviferill Margrétar er lyginni
líkastur og erfiðleikar og hörm-
ungar framan af við hvert fótmál.
Lífshlaup flestra er sem samfelld
paradísarganga í samanburði við
það sem hún hefur mátt þola.
Margrét fæddist og ólst upp í
Þriðja ríki Hitlers. Hún lýsir
reynslu stríðsáranna sem ung
stúlka og þeim hörmungum sem
tóku við þegar Rauði herinn
hernam austurhluta Þýskalands í
stríðslok og eirði engu.
Eftir miklar hremmingar komst
hún til íslands og réð sig sem
vinnukona á sveitabæ í Fljóts-
hlíðinni. Ekki voru erfiðleikarnir
þó að baki, því fyrstu ár íslands-
dvalarinnar reyndust ótrúlega
erfið.
Um síðir birti þó til. Margrét gift-
ist íslendingi og fann að lokum
hamingjuna. Hún býr nú í Þor-
lákshöfn.
Lífsstríðið er 189 blaðsíður.
Prentstofa G. Ben. prentaði og
batt í band. Teiknideild Fróða
hannaði bókarkápu.
Stóra barnabókin
gefin út
í þriðja sinn
Fróði hf. hefur gefið út þriðju út-
gáfu Stóru bamabókarinnar, sem
fyrst kom út fyrir nokkrum ár-
um, en verið hefur ófáanleg um
langt skeið. Jóhanna Thorsteins-
son fóstra valdi efnið, en mynd-
skreytingar gerði Haukur fiall-
dórsson myndlistarmaður.
í Stóra bamabókinni era ýmsar
perlur sem íslensk böm hafa
kunnað vel að meta í gegnum
tíðina: Gátur, sögur, ævintýri,
ljóð, bamagælur, þrautir, þulur,
bænir, leikir og föndur.
Stóra bamabókin er 96 bls. Prent-
stofa G. Ben. vann bókina.
Karamazov-
bræðurnir eftir
Dostojevskí
Út er komin hjá Máli og menn-
ingu fyrra bindi skáldsögunnar
Karamazovbræðurnir eftir rúss-
neska rithöfundinn Fjodor Do-
stojevskí í þýðingu Ingibjargar
Haraldsdóttur.
Þetta er síðasta og mesta skáld-
saga Dostojevskí. Hún kom fyrst
út í Pétursborg árið 1879. Sagan
spinnst í kringum gamla saurlíf-
issegginn, Fjodor Karamazov, og
hina þrjá skilgetnu syni hans,
dýrlinginn Aljosha, svallarann
Dmitri og hugsuðinn Ivan og í
bakgranni era aðrar ógleyman-
legar persónur, svo sem glæfra-
kvendið og örlagavaldurinn
Grashenka og hin hvatvísa Kat-
erína.
Smám saman streymir fram saga
um afbrýði, hatur og morð, en
jafnframt kærleika, bróðurþel og
ást og í heild tekst verkið á við
hinar stóra spumingar mann-
legrar tilvera: tilvist Guðs, mátt
hins illa og möguleika kærleik-
ans.
Þetta er þriðja skáldsagan eftir
Dostojevskí sem út kemur í þýð-
ingu Ingibjargar Haraldsdóttur.
Bókin er 356 bls., prentuð í Prent-
stofu G. Ben. Robert Guillemette
hannaði kápu.
Bændabýti
Iðunn hefur gefið út skáldsögu
eftir Böðvar Guðmundsson. Ber
hún heitið Bændabýti og er
fyrsta skáldsaga höfundar, en
Böðvar Guðmundsson er löngu
þjóðkunnur fyrir ljóð sín, leikrit
og smásögur.
Sögumaður leikur sér hér að
furðum mannlífsins í bland við
raunsæilegar þjóðlífslýsingar.
Skoplegar hliðar martnlífsins era
dregnar fram en um leið lögð
áhersla á harmsöguleg átök.
Aðalpersóna sögunnar, Þórður
Hlíðar, finnur á stundum til þess
að hann sé ekki alveg venjulegur
maður, honum kunni að vera
ætlað annað og stærra hlutverk
fyrir land og fólk. Hann gerist
maður og spámaður hins nýja
tíma í íslenskum landbúnaði, og
þá getur ýmislegt gerst, kannski
ekki allt mjög kristilegt.
Bókin er prentuð í Odda hf.
Leiðbeiningar
fyrir konur um
framhjáhald
Iðunn hefur gefið út bókina Leið-
beiningar fyrir konur um fram-
hjáhald sem er skáldsaga eftir
breska rithöfundinn Carol
Clewlow í íslenskri þýðingu
Sverris Hólmarssonar.
Hér er á ferðinni áhrifamikið og
umtalað skáldverk um sterkar og
sjálfstæðar nútímakonur, en jafn-
framt tilfinninganæmar og auð-
særðar undir niðri, konur sem
njóta frelsis til að elska — og
frelsis til að þjást. Þær era ham-
ingjusamar í forboðinni ást sinni,
þeirri ást sem þrangin er angist
og þjáningu framhjáhaldsins.
Leiðbeiningar fyrir konur um
framhjáhald er saga sem er leiftr-
andi af bitra háði sem fléttað er
djúpri samkennd og sársauka.
Bókin er prentuð í Odda hf.
Halldóra Thoroddsen, Ijóðskáld
og myndlistarmaður.
Tímamynd: Ámi Bjama
Stofuljóð:
Ný ljóðabók
- nýtt skáld
Út er komin ljóðabókin Stofuljóð
eftir Halldóra Thoroddsen. Hall-
dóra er myndlistarmaður og út-
litsteiknari á Tímanum og er
þetta hennar fyrsta ljóðabók.
Ljóðin í bókinni er flest ný eða
nýleg, ort á þessu ári. Bókin er 40
blaðsíður, prentuð í Prentsmiðju
GuðjónsÓ hf. og gefin út af höf-
undi sjálfum.
Síðasta orðið
Iðunn hefur gefið út nýja skáld-
sögu eftir Steinunni Sigurðar-
dóttur rithöfund. Nefnist hún
Síðasta orðið og er viðamikið og
framlegt skáldverk þar sem höf-
undurinn leikur sér listilega að
máli og stíl.
í kynningu útgefanda á efni sög-
unnar segir: Að landlæknisdótt-
urinni glæsilegu, Öldu Ivarsen,
standa sterkir stofnar valmenna
og kvensköranga. Hér stíga ætt-
menni hennar fram á sjónarsvið-
ið, eitt af öðra, séð með augum
samferðarmanna sinna. Þetta er
mikill ættbogi, „þrútinn af lítil-
læti, manngæsku og stórhug", en
byrgir bresti sína og leyndarmál
bak við luktar dyr.
í þessari margslungnu og áleitnu
skáldsögu Steinunnar Sigurðar-
dóttur er saga þessa fólks sögð í
eftirmælum, greinum og sendi-
bréfum héðan og að handan. Öll
er sú saga ofin ísmeygilegri
kímni, nöpra háði og einlægri
samúð. Og eins og oft gerist í eft-
irmælum segir það sem ósagt er
látið einatt hálfa söguna.
Bókin er prentuð í Odda hf.
Jólahappdrætti
Framsóknarflokksins 1990
Dregið verður [ Jólahappdrætti Framsóknarflokksins 24. desember nk.
Velunnarar flokksins eru hvattir til aö greiða heimsenda gíróseðla fyr-
ir þann tima.
Allar frekari upplýsingar veittar á skrifstofu flokksins eða ( slma
91- 674580.
Framsóknarfíokkurínn
Keflavík - Opin skrifstofa
Félagsheimili framsóknarmanna að Hafnargötu 62 er opiö alla virka daga
milli kl. 17 og 18.
Starfsmaður framsóknarfélaganna, Guöbjörg, verður é staðnum.
Simi 92-11070.
Framsóknarfélögin.
Reykjanes
Skrifstofa kjördæmasambandsins að Hamraborg 5, Kópavogi, er opin
mánudaga til fimmtudaga kl. 17-19. Sfmi 43222.
K.F.R.
Suöurland
Skrifstofa Kjördæmasambandsins á Eyrarvegi 15, Selfossi, er opin á
þriðjudögum og fimmtudögum kl. 15.00-17.00. Siminn er 22547.
Félagar eru hvattir til að líta inn.
K.S.F.S.
Aukakjördæmisþing
í Vesturlandskjördæmi
Aukakjördæmisþing framsóknarmanna á Vesturlandi haldið að Hótel Borg-
arnesi sunnudaginn 2. desember kl. 10.
Dagskrá:
Forval og frágangur framboðslista Framsóknarflokksins í Vesturiands-
kjördæmi til alþingiskosninganna 1991.
Væntanlegir þátttakendur í forvali hafi samband við formann uppstillingar-
nefndar, Elis Jónsson Borgamesi, s: 71195.
Borgnesingar- Bæjarmálefni
I vetur verður opið hús á mánudagskvöldum frá kl. 20.30-22.30 á skrifstofu
Framsóknarflokksins að Brákarbraut 1.
Bæjarfulltrúar flokksins I Borgarnesi verða á staönum og heitt á
könnunni. Allir sem vilja fylgjast með og hafa áhrif á málefni
Borgamesbæjar eru velkomnir.
Framsóknarfélag Borgamess.
Aðalfundur Framsóknar-
félags Skagafjarðar
veröur haldinn I Framsóknarhúsinu á Sauðárkróki föstudaginn 30. nóv-
ember kl. 21.00.
Dagskrá: Venjuleg aðalfundarstörf.
Þingmenn flokksins i kjördæminu mæta á fundinn og ræða stjóm-
málaviðhorfiö.
Stjórnin.
Rangæingar, spilakvöld
Framsóknarfélag Rangæinga gengst að vanda fyrir hinum ártegu spila-
kvöldum sunnudagana 11. og 25. nóvember, 9. desember og 13. janúar I
Hvoli kl. 21.00. Fjögurra kvölda keppni, 3 gilda.
Heildarverðlaun ferð til Akureyrar fyrir 2, gist á Hótel KEA 2 nætur.
Góð kvöldverölaun. Mætiö öll.
Stjómin
Noröurland vestra
Skrifstofa Einherja, kjördæmisblaðs framsóknarmanna, hefur verið flutt
frá Sauðárkróki á heimili ritstjóra að Ökrum I Fljótum. Hægt er að ná I rit-
stjóra alla daga í síma 96-71060 og 96-71054.
K.F.N.V.