Tíminn - 21.12.1990, Síða 3

Föstudagur21. desember 1990
Tíminn 3
ÞORMÓÐUR RAMMI:
Seldur fyrir rúmar 87
Fjármálaráðherra seldi í gær meirihluta hlutabréfa ríkisins í sjáv-
arútvegsfyrirtækinu Þormóði ramma hf. á Siglufirði. Kaupend-
ur hlutafjárins eru siglfirskir aðilar, eigendur fyrirtækjanna
Drafnar hf. og Egilssíldar hf. og sameinast því þessi fyrirtæki í
eitt. Kaupverð hins selda fyrirtækis er rúmar 87 milljónir.
Fjármálaráðherra undirritaði í
gær samning um sölu á um 57%
hlutafjár ríkisins í Þormóði
ramma, en það átti 95% hlut, og
heldur því eftir um 40% hlutaífjár.
Söluverð hlutabréfanna er miðað
við að heildarverðið sé 150 millj-
ónir króna, og því er kaupverð á
seldum hluta ríkissjóðs rúmlega
87 milljónir, sem verður greitt
þannig að 15 milljónir eru borgað-
ar út innan árs, en verðtryggð
skuldabréf að upphæð rúmlega 72
milljónir með 4,3% vöxtum eru
gefin út til 12 ára. Kaupendur eru
siglfirskir, eigendur tveggja út-
vegsíyrirtækja þar í bæ, og í kaup-
samningi er kveðið á um samein-
ingu Þormóðs ramma og fyrir-
tækjanna tveggja. Hlutafé hins
sameinaða Þormóðs ramma verð-
ur um 300 milljónir; við samein-
inguna munu hlutabréf fyrir 50
milljónir verða boðin út á Siglu-
friði og því verður hlutur ríkisins
um 20%.
Skiptar skoðanir voru um það á
Siglufirði hvort og hverjum ætti
að selja fyrirtækið, og einnig'voru
fleiri aðilar á Siglufirði búnir að
gera tilboð í hlut ríkisins í Þor-
móði ramma, enda er fyrirtækið
mikilvægur vinnuveitandi. Þá
hafði Verkalýðsfélagið Vaka á
Siglufirði mótmælt sölunni og
fjöldi Siglfirðinga einnig. Þing-
menn kjördæmisins hafa einnig
rætt um söluna á Alþingi og í gær
lagði Páll Pétursson, fyrsti þing-
maður Norðurlandskjördæmis
vestra, fram frumvarp þar sem lagt
er til að fjármálaráðherra sé
óheimilt að selja Þormóð ramma,
nema með fengnu samþykki Al-
þingis.
En hvers vegna valdi Ólafur
Ragnar Grímsson fjármálaráð-
herra þessa leið? „Þessi tvö tilboð
milljj.
voru borin rækilega saman og
könnuð, og niðurstaðan var sú að
ganga til samninga við Dröfn og
Egilssíld, vegna þess að tilboð
þeirra var hagstæðara. Það var
hagstæðara vegna þess, að í því fól-
ust verð, greiðsluskilmálar og
tryggingar, sem ríkið gat talið
traust og öruggt.“ Ólafur Ragnar
taldi það einnig kost að með þessu
hefðu þrjú fyrirtæki í sjávarútvegi
á Siglufirði sameinast og eftir
stæði öflugt fyrirtæki, með öflugri
eiginfjárstöðu.
-hs.
Hjörleifur Guttormsson sendir
fyrirspurn til sænsku ríkis-
stjórnarinnar vegna flutnings
kjarnorkuúrgangs:
Kjarnaúr-
gangur fluttur
yfir fiski-
miö íslands?
„Mun sænska ríkisstjómin veita
fyrirtækinu Studsvik eða öðrum
sænskum fyrirtækjum leyfi til að
senda kjamorkuúrgang til endur-
vinnslustöðvarinnar í Dounreay til
endurvinnslu eða geymslu?“ Svo-
hljóðandi er skrifleg fyrirspum
Hjörleifs Guttormssonar sem hann
sendi, sem þingmaður í Norður-
landaráði, sænsku ríkisstjóminni í
gær.
Hjörleifur tekur m.a. fram í grein-
argerð með fyrirspurn sinni að ugg-
vænlegt sé að kjarnorkuúrgangur
yrði, ef til kæmi, fluttur loftleiðis
eða sjóleiðis frá Svíþjóð til Dounreay
yfir gjöful fiskimið og ef óhapp yrði
gæti geislavirkur úrgangur borist á
fiskimiðin við Færeyjar og ísland.
í greinargerðinni kemur einnig
fram m.a. að samkvæmt upplýsing-
um frá sænska umhverfisráðuneyt-
inu var úrgangur frá kjarnorkutil-
raunastöðvum á Norðurlöndum
sendur til Savanna River í Banda-
ríkjunum fram til ársins 1988. Því
fyrirtæki var hins vegar lokað vegna
mengunarhættu og dómstólar í
Bandaríkjunum bönnuðu að tekið
væri við kjarnorkuúrgangi erlendis
frá. Einnig hefur komið fram hjá
sænska umhverfiráðuneytinu að
þótt úrgangur frá tilraunakjarna-
ofnum sé lítill að magni miðað við
úrgang frá kjarnorkuverum, sé erf-
iðara að meðhöndla hann.
Því minnir Hjörleifur á að í ljósi
mótmæla umhverfisráðherra Norð-
urlanda gegn endurvinnslustöðinni
í Dounreay sé ótækt að Svíar sendi
þangað kjarnorkuúrgang. —GEÓ
Skinnaiðnaður
Sambandsins:
Hlutafélag
var stofnað
Nýtt hlutafélag, íslenskur skinniðn-
aður hf., var stofnað í síðustu viku á
Akureyri. Nýja fyrirtækið tekur við
starfsemi Skinnaiðnaðar Sam-
bandsins og öllum verkefnum sem
það hefur sinnt. Nýja fyrirtækið tek-
ur til starfa þann 1. janúar n.k.
Hlutafélagið var í upphafi stofnað
af Sambandi íslenskra samvinnufé-
laga og tveimur samstarfsfyrirtækj-
um þess, Regin hf. og Dráttarvélum
hf., en 20-25 kaupfélög sem fé eiga í
stofnsjóði Iðnaðardeildar, eiga þess
einnig kost að gerast stofnfélagar.
Hlutafé félagsins er 267 milljónir
króna og er það að fullu greitt.
í fyrstu stjórn félagsins voru kosn-
ir: Guðjón B. Ólafsson, Hjörtur Ei-
ríksson og Jóhann Sigvaldason og til
vara Valgerður Sverrisdóttir. Stjórn-
arformaður er Guðjón B. Ólafsson
og framkvæmdastjóri Bjarni Jónas-
son. GS.
VERTU MEÐ - ÞAÐ ER GALDURINN
UPPLÝSINGAR: SÍMSVARI: 681511 LUKKULÍNA: 991000
HOKUS
PÓEUS!!!