Tíminn - 05.03.1991, Blaðsíða 16

AUGLYSINGASIMAR: 680001 & 686300
RÍKISSKIP
NUTÍMA FLUTNINGAR
Halnarhusinu v Tryggvagotu,
S 28822
_____^ ýtt
Ókeypis auglýsingar
^^fyrh^instaklinga^
POSTFAX
91-68-76-91
HOGG-
jy DEYFAR
Verslió hjá fagmönnum
varahlutir
HamarsböfAa 1 - s. 67-67-44
T
I í niiiin
ÞRIÐJUDAGUR 5.MARS 1991

Forsætisráðherra telur tilboðsdrög EB um sjávarútvegsmál ófullnægjandi:
EB tekur hænuskref
í sjávarútvegsmálum
Innan EB er núna verið að móta tilboð í sjávarútvegsmálum sem
búist er við að verði lagt fram í viðræðunum um evrópskt efna-
hagssvæði á næstu vikum. Tilboðið gerir ráð fyrir að EB lækki
tolla á sjávarafurðum, en á móti fái bandalagið aðgang að ís-
lenskum fiskimiðum og íslenskum sjávarútvegsfyrirtækjum.
Forsætisráðherra segir að tilboð sé ófullnægjandi.
Það er sjávarútvegsdeild Evrópu-
bandaiagsins sem sér um að búa
til tilboð sem verður væntanlega
lagt fram í viðræðunum um evr-
ópskt efnahagssvæði á næstu vik-
um. Tilboðsdrögin gera ráð fyrir
að tollur á söltuðum þorskflökum
verði afnuminn, en hann er nú
20%. Gert er ráð fyrir að tollur á
blautverkuðum saltfiski lækki úr
13% í 7% og á söltuðum flökum
úr 16% í 8%. Á móti þessu vill EB
m.a. fá að veiða 30 þúsund tonn af
fiski í þorskígildum talið í lögsögu
íslands, Noregs og í Eystrasalti og
gera sérstakan fiskveiðisamning
við ísland. EB leggur einnig
áherslu á að ekki verði um að
ræða undantekningar varðandi
fjárfestingar fyrirtækja í sjávarút-
vegi. ísland hefur, vegna bókunar
6 í samningi íslands við EB, ekki
þurft að borga alla þá tolla sem til-
boðið gerir ráð fyrir að verði lækk-
aðir eða felldir niður, þannig að
það felur í raun ekki í sér stórt
skref af hálfu EB.
íslendingar hafa krafist tollfrjáls
aðgangs fyrir sjávarafurðir í EES.
Jafnframt hafa þeir hafnað ákveðið
qllum kröfum EB um rétt EB-
þjöða til að veiða í íslenskri fisk-
veiðilögsögu. Sama má segja um
kröfu EB um að fá að fjárfesta í ís-
lenskum sjávarútvegsfyrirtækj-
um.
Aðalsamningamenn íslands í
Brussel hafa þegar komið þeim
skilaboðum til samningamanna
EB að ísland geti alls ekki fallist á
tilboðsdrögin sem samninga-
grundvöll. Svipuð viðbrögð hafa
komið fram hjá Norðmönnum.
Vonast er til að þessi viðbrögð leiði
til þess að EB endurskoði tilboðið.
Steingrímur Hermannsson for-
sætisráðherra sagðist ekki telja
þessi tilboðsdrög grundvöll til
frekari samninga, en tók jafnframt
fram að ekki væri búið að leggja
neitt fram í samningaviðræðun-
um og vitað væri að ágreiningur
væri um tilboðið innan EB.
„Ef að það er þannig að við þurf-
um að láta verulegar veiðiheimild-
ir af hendi til þess að fá aðeins
nokkra tolla lækkaða eða fellda
niður, eins og rætt hefur verið um,
þá er það alls kostar ófullnægj-
andi,“ sagði Steingrímur.
Steingrímur sagði hugsanlegt að
málið yrði leyst þannig að sett
verði inn í samninginn neðan-
málsgrein sem gildi um íslend-
inga eina. Vandamálið væri hins
vegar afstaða Norðmanna í samn-
ingaviðræðunum, en þeir vilja fá
sömu sérsamninga og íslendingar.
Þessa kröfu setja þeir fram þrátt
fyrir að hlutfall sjávarafurða í út-
flutningi þeirra sé ekki nema 7%,
en 75% heildarútflutnings íslend-
inga séu sjávarafurðir.
„Ég held að það sé kominn tími
til þess að þjóðirnar í norðvestan-
verðu Atlantshafi bindist samtök-
um um að hafa þessar auðlindir í
eigin hendi. Ég er ákveðinn í að
ræða þetta mál frekar við græn-
lensk stjórnvöld eftir kosningar á
Grænlandi. Það er hins vegar
mjög alvarlegt ef Grænlendingar
ætla að ganga inn í EB að nýju og
selja auðlindirnar," sagði Stein-
grímur.
Magnús Gunnarsson, fram-
kvæmdastjóri Sölusamtaka ís-
lenskra fiskframleiðenda, sagði
þetta nýjasta tilboð ekki auka
mönnum bjartsýni um að út úr
samningaviðræðunum komi eitt-
hvað sem íslendingar geta sætt sig
við. í tilboðsdrögunum séu að vísu
ljósir punktar í sambandi við
lækkun tolla, en útilokað sé að
fallast á kröfur EB um fiskveiði-
réttindi og rétt til að fjárfesta í ís-
lenskum sjávarútvegsfyrirtækj-
um. Hann vakti einnig athygli á
því að í tilboðinu væri ekkert
minnst á niðurfeilingu á tollum af
ferskum flökum og síld.
Magnús sagði að samningatækni
íslenskra stjórnvalda hafi verið að
láta sjávarútvegsmálin bíða þar til
flest önnur ágreiningsmál væru úr
sögunni. Hann sagðist enn treysta
því að stjórnvöld nái fram viðun-
andi lausn í þessum mikilvæga
málaflokki í lokataflinu. Magnús
sagði að EB hefði enn sem komið
er ekki gefið neitt eftir í sjávarút-
vegsmálinu og kröfur þeirra séu í
samræmi við það sem búist var
við.
Magnús sagði um afstöðu Norð-
manna í þessu máli að hugsanlega
hefðu íslendingar ekki lagt nægi-
lega mikla áherslu á að kynna mál-
stað sinn innan EFTA. Áherslan
hefði fyrst og fremst verið að
kynna málstaðinn innan EB.
Jón Baldvin Hannibalsson utan-
ríkisráðherra mun í dag skýra
sjónarmið íslenskra stjórnvalda á
blaðamannafundi. -EÓ
Gránqes fær lán
Sænska álfyrirtækið Granges, sem
er eitt þriggja fyrirtækja í Atlantsál-
hópnum, hefur fengið jákvæð svör
frá sænskum lánastofnunum um að
fjármagna byggingu álvers á íslandi.
Iðnaðarráðherra sagði að á þessari
stundu sé of snemmt að segja til um
hvort þetta og endalok stríðsins við
Persaflóa verði til þess að hægt verði
að ljúka fjármögnun fyrirtækisins,
og þar með samningum, fyrr en gert
er ráð fyrir. Hann segir að ákvörðun
hafi verið tekin um að miða við að
ljúka fjármögnun fyrirtækisins ekki
seinna en í haust og sú niðurstaða
standi óhögguð á þessari stundu.
Þó að Gránges hafi fengið jákvæð-
ar móttökur hjá sænskum bönkum
er óvíst að það flýti fyrir. Stærsti að-
ilinn í Atlantsálhópnum er Alumax
og það þarf að útvega stærstan hluta
af fjármagninu. Enn sem komið er
hefur ekkert frést af betri fréttum úr
þeirri átt. -EÓ
Maður finnst látinn í Reykjavík:
Var höfuðhögg
dauðaorsökin?
28 ára gamall maður fannst lát-
inn í bakgarði við Bankastræti
snemma á sunnudagsmorgun-
inn. Maðurinn var með áverka á
höfði, en ekki er enn talið full-
Ijóst hvort hann hlaut þá af
mannavöldum.
Maðurinn fannst llggjandi á
tröppum við íbúðarhús og var
það ibúi í húsinu sem fann
manninn og lét lögregluna vita.
Maðurinn var skilríkja- og pen-
ingalaus. Margir hafa verið yflr-
heyrðir vegna málsins og Rann-
sóknarlögreglan telur sig vita um
ferðir mannsins allt þar til um
klukkan þrjú um nóttina. Enginn
hafði verið handtekinn í gær-
kvöldi vegna málsins.
—SE
Eldur kviknaði í húsi við Stigahlíð í gær og eru skemmdir á húsinu miklar. Tímamynd: Pjetur
Eldur í húsi við Stigahlíð
Eldur kviknaði í einbýlishúsi við Stigahlíð í gærmorg-
un. Mikill eldur var í stofu hússins, en slökkviliðinu
gekk vel að slökkva eldinn. Húsið er mjög illa farið að
innan og ljóst er að skemmdir eru miklar.
Slökkviliðið var kallað að húsinu klukkan 09.51. Þá var
mikill eldur í stofu hússins og voru fimm reykkafarar
sendir inn til að leita að fólki, en talið var að einhver væri
í húsinu. Enginn var inni í húsinu. Greiðlega gekk að
slökkva eldinn sem var nær eingöngu í stofunni. Sót,
reykur og hiti bárust um allt húsið og er það meira eða
minna skemmt. Rannsóknarlögreglan rannsakaði í gær
eldsupptök og samkvæmt upplýsingum frá Helga Daní-
elssyni hjá RLR er möguleiki á því að um íkveikju hafi
verið að ræða. —SE