Tíminn - 30.05.1991, Blaðsíða 5

Fimmtudagur 30. maí 1991
Tíminn 5
Nefnd skipuð vegna ófullnægjandi
auglýsingamáta ferðaskrifstofanna
Engar ýkjur um
lágt ferðaverð
Neytendasamtökin og Verðlags-
stofnun hafa ákveðið að skipa nefnd
vegna fjölda kvartana sem borist
hafa Neytendasamtökunum frá fólki
sem hefur átt viðskipti við ferða-
skrifstofur. Aðallega er kvartað
vegna auglýsinga ferðaskrifstofanna
og að í þeim séu gefnar ófullnægj-
andi upplýsingar um verð á utan-
landsferðum. Neytendasamtökin
telja æskilegt að settar verði reglur
um hvernig auglýsa megi utan-
landsferðir.
Sigrún Kristmannsdóttir, lögfræð-
ingur Verðlagsstofnunar, sagði að
svo virtist sem allar ferðaskrifstof-
urnar gæfu upp verð á utanlands-
ferðum án flugvallarskattar og for-
fallatryggingar. Hún sagði að nefnd-
in væri rétt að fara af stað og því
væri lítið hægt að segja um málið.
Það gæti tekið töluverðan tíma að fá
niðurstöður úr nefndinni en reynt
yrði að koma með reglu um auglýs-
ingaaðferðir ferðaskrifstofa fyrir
næstu auglýsingavertíð þeirra. Sett-
ar yrðu reglur um upplýsingar sem
ferðaskrifstofur eiga að veita í aug-
lýsingum og athugað hvort ástæða
væri til að breyta almennum skil-
málum ferðaskrifstofa.
í nefndinni eiga sæti fulltrúar
Verðlagsstofnunar, Neytendasam-
takanna og Félags ferðaskrifstofa.
-UÝJ
Fjölbrautaskólinn í Breiðholti:
217 brautskráðust —
þar af 140 stúdentar
Fjölbrautaskólanum í Breiðholti
var slitið í íþróttahúsi skólans við
Austurberg, fimmtudaginn 23. maí
sl. í 31. sinn að viðstöddu fjölmenni.
í dagskóla fengu 217 nemendur af-
hent lokaprófsskírteini en í kvöld-
skóla 30. 140 stúdentar voru braut-
skráðir frá skólanum og náðu Berg-
lind Reynisdóttir á náttúrufræði-
braut dagskóla og Magnús Bjarnason
á viðskiptafræðibraut kvöldskóla
bestum árangri.
Kristín Arnalds skólameistari sleit
skólanum að lokinni athöfn.
-SIS
Birkiskógurinn í Húsadal í Þórsmörk er að
deyja úr elli og Skógræktin grípur til aðgerða:
Tjaldstæði eru bönnuð
Skógrækt ríkisins hefur ákveðið
að banna öll tjaldstæði í Húsadal í
Þórsmörk í sumar. „Skógurinn er
að deyja úr elli og við erum að
gróðursetja ný tré í staðinn," sagði
Böðvar Guðmundsson skógarvörð-
ur á Suðurlandi í samtali við Tím-
ann í gær.
Birkiskógurinn í Húsadal er um
aldargamall og það segir Böðvar
vera eðlilegan líftíma birkiskóga.
Því séu trén í Húsadal hvert af öðru
að týna tölunni. Það sama segir
Böðvar vera að gerast í Bæjarstaða-
skógi í Skaftafelli en þessir tveir
skógar eru á svipuðum aldri. „Það
er mjög eðlilegur framgangsmáti
birkiskóga að gjörfalla áður en þeir
endurnýja sig. Vissulega hefur fólk
traðkað mikið í skóginum í Húsa-
dal en ég held að það hafi haft
óveruleg áhrif. Sauðfjárbeit kann
líka að hafa haft einhver áhrif en
hún var stöðvuð fyrir nokkrum ár-
um,“ sagði Böðvar.
Öllum verður þó heimilt að fara
um Húsadalinn þrátt fyrir að tjald-
stæði séu bönnuð. Þau verða á
ræktuðum grasflötum framan við
dalinn þar sem skálar Austurleiðar
hf. eru. Þau geta þó ekki tekið við
jafnmiklu af fólki og Húsadalurinn
hefur gert og sagði Böðvar því eðli-
legt að fólk tjaldaði einnig á öðrum
svæðum í Þórsmörk, s.s. Langadal
og Básum. -sbs.
Hjalparstofnun kirkjunnar:
Hjálpar er víða þörf
Frá áramótum hefur Hjálpar-
stofnun kirkjunnar sent 17 millj-
ónir til kaupa á hjálpargögnum
fyrir fórnarlömb Flóabardaga og
fórnarlamba hungurs í Afríku. Fyr-
ir utan þetta eru framlög til fastra
verkefna.
í ályktun aðalfundar Hjálpar-
stofnunarinnar er landsmönnum
þakkaður góður stuðningur við
starf stofnunarinnar á síðasta ári.
Þar segir að enn sé þörf fyrir neyð-
arhjálp; ekki síst þjóðum Afríku,
þar sem áætlað sé að 20 milljónir
manna svelti, flóttamönnum
Kúrda og fórnarlömb náttúruham-
fara í Bangladesh.
Stjórn Hjálparstofnunar kirkj-
unnar skipa þau Margrét Heinreks-
dóttir, Hanna Pálsdóttir og Ey-
steinn Helgason. í varastjórn sitja
Friðrik Sophusson og sr. Úlfar
Guðmundsson.
Nefnd um framtíð
Skálholtsstaðar
Dóms- og kirkjumálaráðherra
hefur, í samráði við biskup íslands
og menntamálaráðherra, skipað
nefnd til að huga að framtíð Skál-
holtsstaðar. Nefndinni er ætlað að
skoða öll mál staðarins, þar á meðal
framtíð skólahalds og rekstur sum-
arbúða. Ennfremur skipulags- og
byggingarmál og hvernig sé heppi-
legast að nýta land staðarins til
landbúnaðar.
Lára Margrét Ragnarsdóttir alþing-
ismaður hefur verið skipuð formað-
ur nefndarinnar. Aðrir nefndar-
menn eru sr. Jónas Gíslason vígslu-
biskup, sr. Sigurður Sigurðarson
prestur á Selfossi, sr. Jón Einarsson
prófastur í Saurbæ á Hvalfjarðar-
strönd og Ásdís Sigurjónsdóttir
deildarsérfræðingur. -sbs.
Viö opnum l.júní
Um 40
verslanir,
veitinga- og
þjónustu-
fyrirtœki
á verslunarsvœði
þar sem 80.000
manns leggja leið sína
í hverri viku.
Borgarkringlan,
mitt á milli Kringlunnar
og Borgarleikhússins,
þar sem listin að lifa
er listin að versla.
i Brosandi verslunarhús