Tíminn - 17.04.1993, Blaðsíða 3

Laugardagur 17. apríl 1993
Tíminn 3
Líklegt er að reynt verði að semja til skamms tíma eftir að ASÍ hafnaði 12-liða yfirlýsingu ríkisstjórnar sem grundvelli
y fyrir samningi til ársloka 1994. Of lítið og of loðið. Form. VMSÍ:
Abyrgðin er ríkisstjómar
„Þeir skulu ekki ímynda sér þessir herrar að þeim komi ekki við það at-
vinnuástand og annað sem er í þessu þjóðfélagi. Við höfum látið það
okkur skipta og við göngum ekki að hverju sem er og við skrifum ekki
undir það að viðhalda hér vaxandi atvinnuleysi," segir Bjöm Grétar
Sveinsson, förmaður Verkamannasambands islands, sem lýsir fullri
ábyrgð á hendur ríkisstjóminni hvemig komið er.
„Ríkisstjóminni var fulikunnugt
allan tímann hvað þyrfti til og það
sem hún lagði til er ekki fullnægj-
andi hvað varðar atvinnu-, vaxta- og
heilbrigðismálin og lækkun matar-
skattsins svo ekki sé minnst á fjár-
mögnunina."
Að öllu óbreyttu er líklegt að reynt
verði að semja til skamms tíma í
næstu viku eftir að stóra samninga-
nefnd ASÍ hafnaði 12-liða yfirlýs-
ingu ríkisstjómarinnar sem grund-
velli fyrir kjarasamningi til langs
tíma, eða til áramóta 1994. Hins
vegar virðast atvinnurekendur vera
ánægðir með yfirlýsingu ríkisstjóm-
ar og telja innihald hennar vera
ásættanlegan gmndvöll fyrir gerð
nýs kjarasamnings.
.Atvinnurekendur hafa ekkert lagt
í púkkið og í raun er þessi yfirlýsing
ríkisstjómarinnar ekkert annað en
félagsmálapakki fyrir atvinnurek-
endur,“ sagði Guðmundur Þ. Jóns-
son, formaður Landssambands iðn-
verkafólks.
Hann segir að það sé ekkert hand-
fast í tillögum ríkisstjómar og engar
tryggingar fyrir einu eða neinu. í
ljósi reynslunnar sé því afar óvarlegt
að treysta því sem ríkisstjómin seg-
ist ætla að „stefna að og beita sér fyr-
ir.“ Þrátt fyrir vonbrigði verkalýðs-
hreyfingarinnar með yfirlýsingu
stjómvalda er ætlunin að taka upp
þráðinn að nýju eftir helgi í viðræð-
um við atvinnurekendur. Að öllu
óbreyttu virðist stefna í gerð samn-
ings til skamms tíma, jafnvel til
nokkurra mánaða eða í mesta falli
til næstu áramóta sem tryggi lág-
launa- og orlofsuppbót. Hins vegar
hefur forsætisráðherra látið í það
skína að það komi ekki til greina að
standa að skammtímakjarasamningi
og einnig virðist það vera skilyrði
fyrir aðgerðum stjómvalda að víð-
tæk samstaða náist meðal allra fé-
laga og samtaka launafólks um gerð
nýs kjarasamnings.
Svo virðist sem hálfgert vandræða-
ástand sé innan verkalýðshreyfing-
arinnar eftir síðustu atburði og fyrri
yfirlýsingar. Að mati Halldórs
Bjöm Grétar Sveinsson, formaður
VMSl.
Bjömssonar, varaformanns Dags-
brúnar, er hreyfingin í raun klofin.
Annars vegar þeir sem vilja gera
samning sem yrði grundvallaður á
yfirlýsingu ríkisstjómar og inni á
því mun m.a. vera stærsta verka-
lýðsfélag landsins, Verslunarmanna-
félag Reykjavíkur og fleiri og hins
vegar Dagsbrún og aðrir sem sætta
sig alls ekki við að verða stillt upp
við vegg af hálfu stjómvalda og taka
þegjandi og hljóðalaust við „engu“.
Á sama tíma virðist ekkert Iát vera á
atvinnuleysinu, sem var í síðasta
mánuði 5,4% að meðaltali. Að vísu
hefur aðeins slegið á atvinnuleysið á
Suðurnesjum, á landsbyggðinni er
það svipað og verið hefur, en aukist á
höfuðborgarsvæðinu.
„Þessi ríkisstjórn sem mynduð var í
Viðey tók að sér að stjóma landinu
og hún verður að bera ábyrgð á þvf
ástandi sem er í atvinnu- og efna-
hagsmálum landsins," sagði Halldór
Bjömsson.
-grh
Fundargerð útvarpsráðs
um uppsögn Hrafns:
Fullur stuðningur
við útvarpsstjóra
Hvorid Pétur Guðfinnson,
fyrrum framkvæmdastjóri
sjónvarps, né aðrir fram-
kvæmdastjórar svo og formað-
ur útvarpssráðs mótmæltu
uppsðgn Hrafns Gunnlaugs-
sonar á dögunum.
Þetta kemur fram í fréttatil-
kynningu frá skrifstofu út-
varpsstjóra. Þar er vitnað til
fundargerðar útvarpsráðs þann
29. mars sl.
Fram kemur að tilefni fundar-
ins var að kynna ákvörðun út-
varpsstjóra um að segja Hráfni
upp starfi dagskrárstjóra. Þá er
sagt að Pétur Guðfinnsson hafi
Iýst yfir harmi sínum yfir að
hæfileikar, þekking og reynsla
Hrafns Gunnlaugssonar skuli
ekki geta nýst Sjónvarpinu.
„Þó mótmælti hann ekki
ákvörðun útvarpsstjóra," segir
í fundargerðinni.
Þá segir að öðrum fram-
kvæmdastjórum svo og for-
manni útvarpsráðs hafi þótt
þetta miður en lýstu yfir full-
um stuðningi við ákvörðun út-
varpsstjóra.
-HÞ
Magnús Gunnarsson, formaður VSÍ, telur að hugleiðingar manna um langtímasamning séu
ekki lengurfyrir hendi:
Háir vextir munu fram-
kalla gengisfellingu
„Gengisfelling er ekkert annað en afleiðing stöðunnar eins og hún er á
hverjum tíma, en ekki orsök. En menn höfðu gert sér vonir um að með
einhverri tryggingu um stöðugleika þá væri hægt að styrkja gengi krón-
unnar. Sérstaklega ef stöðugleiki mundi leiða til vaxtalækkana. En ég
held að eitt af því hættulegasta í sambandi við þessi mál væri það að ef
vextimir haldast svona háir þá muni þeir framkalla gengisfellingu m.a.
vegna mikils kostnaðar hjá fyrirtækjunum," segir Magnús Gunnarsson,
formaður VSÍ.
„Ég er farinn að halda að það sé
einhver mystik í vaxtamálunum
sem sálfræðilega virðist ekki vera
hægt að brjóta. Einhver múr í þessu
gólfi sem menn virðast ekki komast
uppúr.“
Magnús Gunnarsson segist gera
ráð fyrir því að hugleiðingar manna
um gerð langtímasamnings til árs-
loka 1994 séu ekki lengur fyrir
hendi eftir stöðumat ASÍ í kjölfar
12-liða yfirlýsingu ríkisstjómar um
aðgerðir hennar í tengslum við gerð
kjarasamninga.
„En það verða þeir að sjálfsögðu að
meta sjálfir."
Formaður VSÍ segir að atvinnurek-
endur hefðu viljað Iáta á það reyna
hvort samningar tækjust ekki á
grundvelli þeirra tillagna sem ríkis-
stjómin lagði fram. Hann segir að
það hefði verið mat þeirra að menn
væm betur settir með langtíma-
samning heldur en að gera hann
ekki.
„Við þurfum því að fara í einhvem
annan farveg með þessar viðræður."
Magnús segir það ekki vera rétt að
yfirlýsing ríkisstjómarinnar sé ekk-
ert annað en ígildi félagspakka fyrir
atvinnurekendur. Hann segir að
bróðurparturinn af þeim tillögum
miðist fyrst og fremst að því að
lækka framfærslukostnaðinn og
Magnús Gunnarsson, formaöur VSf.
auka atvinnuna.
„Ef litið er til kostnaðarins við all-
an pakkann þá gengur beinlínis að-
eins lítill hluti hans til að lækka
kostnaðinn hjá atvinnulífinu. f þess-
ari erfiðu stöðu mátu menn það svo
að rétt væri að gera samninginn og
halda svo áfram í þessu þríhliða
samstarfi við það að leysa öll önnur
vandamál sem við okkur blasa."
Þá hafa atvinnurekendur verið
gagnrýndir fyrir það að leggja ekkert
sjálfir af mörkum til nýs kjarasamn-
ings; engar launahækkanir og
áframhaldandi ívilnanir af hálfu rík-
isvaldsins á gjöldum og öðmm álög-
um af fyrirtækjum.
,Alenn ætla að halda áfram að
greiða láglauna- og orlofsuppbætur
sem em vemlegur kostnaðarauki
fyrir atvinnulífið.
Síðan er það spurning hvemig
menn meta stöðuna í ljósi þeirra
miklu erfiðleika sem em nánast í
hverri atvinnugrein og hvar taka
eigi peningana. Samkvæmt útreikn-
ingum Þjóðhagsstofnunar er sjávar-
útvegurinn rekinn með 9% halla,
eða sem nemur fimm milljörðum á
þessu ári.“
-grh
vorid
Kynnum nýja vor-matseðilinn
með girnilegum
suður-amerískum réttum,
sem gæla við bragðlaukana.
Starfsmannafélög
- saumaklúbbar -
vinir og kunningjar
Sértilboð fyrir hópa (minnst 8 manns)
Sækjum og fylgjum ykkur heim að
Y skemmtun lokinni.
Þríréttaður kvöldverður af
vormatseðlinum að eigin vali
kr. 2.950 (Akstur innifalinn)
*Gildir ekki laugardaga
stcfniiifig
■IgPF
Hinir frabæru

P /l£%t V/U?
LOS
PARAÚAYOS
skemmta matargestum öll kvöld
vikunnar og í síðdegiskaffi-
tímanum laugardag og
*■ sunnudag.
rEL Ö3Ci
. HVERAGERÐI • SÍMI 98-34700