Tíminn - 29.09.1993, Qupperneq 5
Miðvikudagur 29. september 1993
Tíminn 5
r
Jón Armann Héðinsson:
Golfvöllur er glapræði
í Fossvogsaalnum
Nokknr blaöaskrif hafa orðið vegna hugmyndar um 9 holu golfvöll innst í
Fossvogsdalnum. Augljóst er, sem betur fer, að andstaða við golfvöllinn er
mildl og eindregin. í Mbl. 24. sept er grein eftir Þorstein Steingrímsson,
sem er formaður Golfldúbbs Kópavogs. Margt í greininni er með þeim hætti
að ég vil andmæla því. Ekki er unnt að svara öllu í stuttri grein.
Þ.S. segir svo: „Gert er ráð fyrir að
umhverfis völlinn og í gegnum hann
verði göngustígar." Þ.S. ræðir á fjór-
um stöðum um slysahættu frá golf-
kúlunum og segir að golfmenn
muni koma upp netum til vamar.
Þetta er nánast bull. Hvemig dettur
nokkrum manni í hug að hér verði
10-20 metra há net til friðs? Þessi
hugmynd er andvana fædd.
Þ.S. segir skíðagöngufólk íá stíg
fyrir sig og afnot af væntanlegu
klúbbhúsi. Þetta er alveg út í hött
Fólk vill yfirleitt ganga í hring um
dalinn, miðað við það sem hefur ver-
ið undanfarin mörg ár. Þannig leið
getur verið um 3,5-4,5 km, eftir hvar
leið liggur. Varla fara margir í klúbb-
hús golfmanna eftir göngu. Reynsl-
an sýnir að margar konur ganga í
góða veðrinu og þá oftast nokkrar
saman. Mjög mikilvægt er að skíða-
fólkið geti gengið óhindrað um
svæðið og annað göngufólk verði
ekki truflað af skíðafólkinu.
Þ.S. segir golfíþróttina nú ekki
lengur neina íþrótt fyrir forréttinda-
hópa, heldur fjölskylduíþrótt Þetta
er út í hött og hvergi í skýrslum frá
Golfsambandinu er þessu haldið
fram. Það, sem er rétt, er að fjöldi
eldri karla og kvenna iðka nú golf.
Það er gott.
Vegna eðlis málsins geta ekki allir
leikið saman. Þetta er svo augljóst,
að ekki þarf að deila um það.
Þ.S. segir. „Við höfum fyrirmyndir
alstaðar erlendis frá, þar sem golf-
vellir eru inni í þéttri byggð." Það
kemur okkur alls ekkert við hvað
gert er erlendis í þessu efni. Það ein-
faldlega á ekki við um Fossvoginn og
útivist þar.
Eitt hið furðulegasta í þessari und-
arlegu grein er að Þ.S. segin „Gjald
er tekið af þeim sem völlinn nota."
Ætla menn virkilega að koma á
gjaldtöku fyrir notkun á útivistar-
svæði inni í miðju bæjarfélagsins?
Þetta er óhugsandi. Þ.S. segir: „Það
er dýrt að gera golfvöll og halda hon-
um í góðu ástandi og því þarf gjald
að koma til.“ Best er fyrir alla að
gleyma svona hugmyndarugli strax.
Nýtt deiliskipulag er nú til sýnis og
mikil nauðsyn er að sem flestir mót-
mæli þessari óraunhæfu hugmynd
um golfvöll í Fossvogsdalnum. Til-
lagan er að mörgu leyti góð, en þó
tel ég að um nokkurt ofskipulag sé
að ræða. Vel mætti skilja eitthvað
ósnert eftir innan um tré og runna.
Skipulagsstjóri Kópavogs hefur
auglýst eftir athugasemdum. Þar
segir: „Þeir, sem eigi gera athuga-
semdir innan tilskilins frests, teljast
samþykkir tillögunni." Orðalagið
nær auðvitað ekki nokkurri átt. Á að
framfylgja því og taka afstöðu í bæj-
arstjóm eftir „hinum þögla meiri-
hluta“?
Bæjarstjóm ber að mínu mati að
senda miða inn f öll húsin þar sem
fólk segir já eða nei. Annað er ekki
sæmandi. Það má ekki henda, að
harðsnúinn hópur um þrjúhundruð
golfmanna og ósanngjöm tilkynn-
ing skipulagsstjóra rugli kjöma bæj-
arfulltrúa í ríminu. Því bið ég les-
endur að stuðla að mótmælum við
hugmyndinni um golfvöllinn og þar
með vemda svæðið og tryggja afhot
hins almenna borgara gjaldalaust af
útivist í Fossvogsdalnum.
Höfundur er fvrrv. formaður UMSK og
sat I stjóm Iþróttasambands fslands
1980-1992.
Bresku blaðamennirnirAndrew Wallace (t.v.) og RoyArris (t.h.). Á milli þeirra stendur Þorsteinn Þorsteinsson.
Ljósmynd Einar Hannesson
Laxveiðin í sumar
Ástandið varðandi laxveiðiámar og veiðiskapinn í þeim í sumar var
óvenjulegt að ýmsu leyti. Hin stöðuga veðrátta, sem var í sumar lengst
af, setti mark sitt á landshlutana og ámar í þeim. Annars vegar votviðri
og frekar lágt hitastig fyrir norðan og austan og hins vegar stöðugur
þurrkur og lág vatnsstaða í ánum sunnan- og vestanlands lengst af. Það
olli truflun á stangveiði, bæði vegna kulda í árvatninu sums staðar og
lágrar vatnsstöðu i öðram ám.
Fyrirfram gerðu menn almennt ráð
fyrir að veiði yrði með betra móti í
sumar, þar sem sérfræðingar á þessu
sviði höfðu spáð slíku um laxgengd,
sem gæti orðið ágæt Þá var gengið
út frá því ástandi, sem talið var að
hefði verið í fyrra um seiðagengd úr
ánum, jafnframt því að skilyrði í haf-
inu hafi verið betri en oft áður. Þá
gaf uppsveiflan, scm varð í laxveiði
sumarið 1992, ástæðu til að ætla að í
sumar yrðu göngur í ámar af tveggja
ára laxi úr sjó góðar.
Almennt séð er víst að laxgengdin í
heild var ekki í stíl við það sem
menn væntu. Ámar vom breytilegar
um landið og innan landshluta og
veiðiskapur í þeim að sama skapi,
sem fyrr segir. Ýmsar laxár hafa skil-
að góðri veiði, meðan aðrar hafa
þokast hægt upp með veiðitölur eftir
því sem veiðitíminn leið.
Um mánaðamót ágúst-september
lauk árlegum veiðitíma í nokkmm
ám, en lokatími var 20. september
lögum samkvæmt um land allt At-
hyglisverðastur er árangur veiði í
ánum í Vopnafirði, eins og Hofsá, en
þar fengust um 2.000 laxar. Allt
bendir til þess núna að laxveiðin í
heild verði nálægt meðaltalsveiði, sé
horft til lengri tíma. Hæsta áin að
þessu sinni er Norðurá með 2.100
laxa og síðan kemur Hofsá í Vopna-
firði, sem fyrr var getið, og í þriðja
sæti er Laxá f Aðaldal með 1.950
laxa.
Kynning á laxveiði-
ánum erlendis
Fyrir nokkm vom hér á ferð tveir
blaðamenn frá Bretlandseyjum, sem
vom að kynna sér íslensku laxveiði-
ámar með tilliti til þess að á næst-
unni verður sérstök kynning á Bret-
landseyjum á þessum mikilvæga
þætti ferðamála, í þeim tilgangi að
auka ferðir útlendra veiðimanna til
landsins.
Kynningarbæklingur
Blaðamennimir, sem hingað komu,
vinna báðir við þekkt veiðitímariL
Annar þeirra, Roy Arris, vinnur hjá
„Salmon TVout & Sea Trout" og
hinn, Andrew Wallace, starfar hjá
„Field Magazine". Roy vinnur um
þessar mundir að útgáfu á kynning-
arbæklingi, sem átta íslenskar lax-
veiðiár standa að. Bæklingurinn
verður auglýstur í þekktum veiði-
tímaritum og sendur þeim, sem þess
óska, frá söluskrifstofu Flugleiða þar
í landi.
Samstarfsverkefni
Blaðamennimir skoðuðu allar átta
ámar, sem em: Laxá í Kjós, Grímsá,
Norðurá, Langá, Straumfjarðará,
Laxá í Dölum, Miðljarðará og Rang-
ársvæðið. Þeir kynntust ánum og
þeirri góðu aðstöðu sem þar er fyrir
veiðimenn, en ferðalagið skipulagði
Þorsteinn Þorsteinsson bóndi á
Skálpastöðum, formaður Veiðifélags
Grímsár og Tunguár. Létu hinir er-
lendu blaðamenn mjög vel af öllu
því, sem þeir kynntust í ferðinni.
Gunnar Þoriáksson með 15,5 punda lax sem hann veiddi í Laxá í Dölum í
sumar. Ljósmynd Einar Hannesson
Veluppbyggð starfsemi
Ljóst er að veiðiskapur á laxi er orð-
inn velþróuð starfsemi hér á landi.
Rík hefð er komin á stangveiðina
eins og hún gerist best f heiminum f
dag. Skýrsluhald um laxveiði í fs-
lenskum ám er með því besta sem
þekkist. Það, sem vekur sérstaka at-
hygli útlendinga, er hversu ámar
em tærar og stríðar og með fjölda
góðra veiðihylja. Þá vekur atíiygli
það merka lagaákvæði sem mælir
fyrir um ákveðinn stangafjölda í
hverri á, sem er einskonar gæða-
stimpill og þýðir í reynd að rými á
veiðisvæði er gott fyrir hvem veiði-
mann. Velbúin veiðihús við ámar og
matargerð sem er þar í besta flokki,
auk leiðsögumanna fyrir þá, sem
þess óska.
Markaðssvæði í Asíu
Auk kynningarritsins, sem mun
koma út á næstunni í Bretiandi, má
geta þess að íslensku laxveiðiámar
em kynntar, m.a. sérstaklega nokkr-
ar laxveiðiár, í hinni glæsilegu bók
.Atlantic Destiny Iceland" eða „ís-
land og umheimurinn", sem gefin er
út af samnefndu fyrirtæki. Bókinni
verður m.a. dreift til sex þúsund for-
stjóra fyrirtækja í Asíu á næstunni.
Það má þvf segja að fslenskir lax-
veiðieigendur sitji ekki með hendur
í skauti, hvað þetta varðar, á tímum
samdráttar í þjóðfélaginu almennt,
heldur sækja fram og vænta þess að
fyrrgreind kynning og markaðssetn-
ing á ánum verði að sem bestu
gagni.
Einar Hannesson