Réttur - 01.01.1943, Page 1

RETTUR TÍMARIT UM ÞJÓÐFÉLAGSMÁL
28. árgangur
1. hejti
1943
Sigurhorfur
Eins og flestir jafnaldrar mínir í hreyfingu íslenzkra sósíalista
á ég Rétti stóra skuld að gjalda. Enn verð ég altekinn þakklátri
gleði, ef ýtt er við minningu um haustkvöldið heima í Borgarfirði,
er ég fékk hann fyrst í hendur, þá fimmtán ára heimalningur. Þyrrk-
ingsstormur var um daginn og fiskur breiddur urn alla reitina.
Undir kvöldið var kuldinn orðinn ömurlegur, en síðasta sprettinn
í samantekningunni bar ég á börum móti sjómanni, sem verið hafði
víða um land og mörgu kynnzt. Eins og endranær fór ég að snapa
eftir bókum, og sjómaðurinn sagði mér frá tímaritinu Rétti og rit-
stjóra hans, Einari Olgeirssyni. Kuldi og ömurleiki hauströkkursins
vék fyrir hrifningu hans á ritinu og ritstj óranum. Ég fór heim með
honum beint af reitnum og hann lánaði mér fyrstu heftin af Rétti
Einars Olgeirssonar.
Fátt er j afnheillandi fyrir alþýðuunglinga og sjá þá heima opn-
ast, sem sósíalisminn er lykillinn að, kynnast stefnu, sem eggjar til
náms og leitar og setur umhverfi þeirra og störf í stórt samhengi,
stefnu sem sameinar á jafnfullkominn hátt eldmóð dýrustu hug-
sjóna mannkynsins og verksvit í baráttu, þá kunnáttu um vinnuað-
ferðir hversdagslífsins, sem tryggir að hugsjónin verði ekki þoku-
kennd draumsýn, heldur skír og fagur veruleiki í lífi alþýðunnar.
Réttur varð fyrsta og kærasta fræðibók mín um sósíalismann,
enda þótt ég kallaði mig kommúnista áður en hann barst mér í
hendur. Þegar ég nú tek við þessu tímariti þeirra Þórólfs frá Bald-
ursheimi og Einars Olgeirssonar, get ég ekki stillt mig um að tjá