Fréttablaðið - 04.03.2009, Blaðsíða 6

6 4. mars 2009 MIÐVIKUDAGUR
SJÁVARÚTVEGUR Loðnuleit hefur
verið hætt í bili að sögn Þorsteins
Sigurðssonar, sviðsstjóra nytja-
stofnasviðs hjá Hafrannsókna-
stofnun. Til marks um það hélt
rannsóknarskipið Árni Friðriksson
úr Reykjavíkurhöfn í gærkvöldi
áleiðis til botnfisksrannsókna.
Síðasta skipið sem var við hefð-
bundna loðnuleit leitaði vestur af
Snæfellsnesi og kom til hafnar í
fyrrinótt. Þorsteinn segir að þó að
skip Hafrannsóknastofnunar séu
hætt loðnuleit í bili sé stofnunin í
góðu sambandi við fiskiskip vest-
ur af landinu.
Eins og komið er sé eina vonin
að loðna finnist á miðum vestur
af landinu og við Vestfirði. Hann
segir ljóst að ef ekkert finnist
fyrir vikulok verði ekki veidd nein
loðna í ár.
„Ég vil samt ekki útiloka neitt
alveg strax því hún kemur okkur
alltaf á óvart, blessuð loðnan. En
satt best að segja þá eru líkurnar á
að eitthvað finnist mjög litlar. Við
höfum aldrei leitað jafnmikið og
á yfirstandandi vetri,“ segir Þor-
steinn og bætir við að tíminn sé í
raun runninn út því venjulega slái
menn loðnuveiðar af ef ekkert hafi
fundist um mánaðamótin febrúar/
mars.
Þorsteinn minnir þó á að fyrir
tveimur árum hafi staðan verið
svipuð en þá hafi samt verið land-
að um 200 þúsund tonnum.
Friðrik J. Arngrímsson, fram-
kvæmdastjóri Landssambands
útvegsmanna (LÍÚ), segir það
augljóslega mikil vonbrigði finn-
ist engin loðna. Það yrði annað
áfallið á þessari vertíð eftir að
íslenska síldin brást.
„Loðnuveiðin hefur skilað um
12,5 milljörðum króna að meðal-
tali á ári síðan 1996,“ segir Friðrik
J. „Það yrði því mikið áfall bæði
fyrir útgerðir og bæjarfélög víða
um land, þó sérstaklega á Aust-
fjörðum og á Suðurlandi, ef ekk-
ert yrði veitt í ár.“
Friðrik J. segist því miður frek-
ar svartsýnn á að loðna finnist úr
þessu. Þó sé smá von enn því vest-
urgangan hafi oft verið seint á
ferðinni, sérstaklega á árum áður.
Hann segir menn nú binda ákveðn-
ar vonir við miðsjávartegundir
eins og gulldeplu og fleiri tegund-
ir. Það sé hins vegar dýrt að leita
að þeim og veiða.
„Það er mjög mikið magn af
þessum miðsjávartegundum á mið-
unum suðvestur af landinu, sér-
staklega við Reykjaneshrygginn.
Milljónir tonna af þessum fiski eru
taldar vera þar.
Það kemur samt ekkert í staðinn
fyrir loðnu.“
Í fyrra var loðnukvótinn um 157
þúsund tonn en árið 2007 var hann
318 þúsund tonn.
trausti@frettabladid.is
Munt þú kjósa í prófkjöri ein-
hvers stjórnmálaflokkanna?
Já 41,9%
Nei 58,1%
SPURNING DAGSINS Í DAG:
Ert þú sátt(ur) við ferðir forseta
Íslands með þotum í eigu eða
leigu íslenskra fyrirtækja?
Segðu þína skoðun á visir.is
T
B
W
A
\R
e
yk
ja
ví
k
\
S
ÍA
\
0
9
4
1
9
7
ÍSRAEL, AP Benjamin Netanjahu, leiðtogi hægrimanna
á ísraelska þinginu, segist nú vel geta hugsað sér að
ræða við Palestínumenn, þrátt fyrir að hafa gagn-
rýnt harðlega fyrri friðarviðræður milli Ísraela og
Palestínumanna.
„Við þurfum skapandi hugsun til að komast áfram
og skapa nýjan veruleika,“ sagði hann að loknum
fundi sínum með Hillary Clinton, utanríkisráðherra
Bandaríkjanna.
Hann segir að þau hafi „náð vel saman“ og átt
„djúpar, mikilvægar og góðar“ samræður, að því er
haft er eftir honum á vefmiðli ísraelska dagblaðsins
Haaretz. Clinton sagði fyrir fundinn að Bandaríkja-
menn myndu starfa náið með næstu ríkisstjórn Ísra-
els, sama hvernig hún yrði skipuð. Hins vegar tók
hún skýrt fram að Bandaríkin ætluðu að vinna hörð-
um höndum að því að sjálfstætt ríki Palestínumanna
yrði stofnað.
„Við teljum reyndar að það sé Ísraelum í hag að
stefna skref fyrir skref að tveggja ríkja-lausninni,“
sagði hún, en tók þó fram að Ísraelar yrðu að ráða
þar ferðinni: „Auðvitað er það ísraelsku þjóðarinn-
ar og ríkisstjórnarinnar að ákveða hvernig á að skil-
greina hagsmuni sína.“
Clinton hefur verið á ferðinni um Mið-Austurlönd
í vikunni. Í gær hitti hún, auk Netanjahu, þau Tzipi
Livni utanríkisráðherra og Shimon Peres forseta.
Í dag er búist við að hún hitti ráðamenn Palestínu-
stjórnar á Vesturbakkanum.
Á fundi sínum með Livni ítrekaði Clinton að ríkis-
stjórn Baracks Obama ætlaði að senda fulltrúa sinn
til Sýrlands að ræða við þarlend stjórnvöld, en tók
fram að óvíst væri hvað út úr þeim viðræðum kæmi.
- gb
Hillary Clinton ræddi við Netanjahu í gær og hittir Palestínumenn í dag:
Netanjahu til í friðarviðræður
CLINTON OG NETANJAHU Búist er við því að Netanjahu verði
orðinn forsætisráðherra hægri stjórnar í Ísrael innan fárra
vikna. FRÉTTABLAÐIÐ/AP
GÍNEA-BISSÁ, AP Raimundo Per-
eira, forseti þingsins í Gíneu-
Bissá, tekur við forsetastarfinu
til bráðabirgða í samræmi við
stjórnarskrá landsins.
Pereira segir að nú sé „við-
kvæmt ástand“ komið upp í land-
inu. Fyrri forseti, Joao Bern-
ardo „Nino“ Vieira, var myrtur á
mánudag.
Herinn segir „einangraðan“
hóp hermanna hafa framið morð-
ið. Alls ekki sé um hefndarmorð
að ræða, þótt daginn áður hafi
Batiste Togma na Waie, yfirmað-
ur herráðs landsins, verið myrt-
ur. Þeir Pereira og Waie hafa
lengi verið andstæðingar. - gb
Tveir leiðtogar myrtir:
Pereira forseti
til bráðabirgða
PAKISTAN, AP Á annan tug vopn-
aðra manna réðist á krikket lið
frá Sri Lanka á umferðartorgi
skammt frá íþróttaleikvangi í
Lahore í Pakistan.
Sex lögreglumenn og einn öku-
maður létu lífið, en sjö landsliðs-
menn særðust ásamt þjálfara og
keppnisdómara. Enginn þeirra er
þó alvarlega særður.
Árásarmennirnir réðust á bíla-
lest krikketliðsins þegar hún ók á
hringtorgi áleiðis að íþróttavell-
inum. Í kjölfarið hófst skotbar-
dagi við lögregluþjóna sem stóð í
fimmtán mínútur.
Árásin er ein sú versta sem
gerð hefur verið á íþróttalið síðan
Palestínumenn myrtu ellefu ísra-
elska íþróttamenn á Ólympíuleik-
unum í München árið 1972. - gb
Harmleikur í Pakistan:
Árás á krikket-
lið frá Sri Lanka
STJÓRNMÁL Brúttóskuldir íslenska
ríkisins nema nú eitt þúsund millj-
örðum króna. Hafa þær vaxið úr
því að vera 27 prósent af lands-
framleiðslu fyrir hrun bankanna í
67 prósent af landsframleiðslu.
Efnahags- og skattanefnd
Alþingis var upplýst um skulda-
stöðuna á fundi í gær.
Fram kom að um þriðjungur
skuldanna – um 300 milljarðar
– kæmi til vegna framlags ríkis-
sjóðs til Seðlabankans sem tap-
aði háum fjárhæðum vegna svo-
nefndra endurhverfra viðskipta
við bankana.
Þá kom fram að skuldir vegna
innlánsreikninga bankanna í
útlöndum næmu um 70 milljörð-
um.
Björgvin G. Sigurðsson, for-
maður efnahags- og skattanefnd-
ar, segir tölurnar sýna að skulda-
staðan hafi versnað mjög en sé þó
bærilegri heldur en svartsýnustu
spár sögðu til um. „Horfurnar eru
alveg þokkalegar, sérstaklega ef
vel gengur að hámarka virði
eignasafns gömlu bankanna,“
segir Björgvin.
Skuldsetning íslenska ríkisins
er lík því sem algengt er í Evr-
ópuríkjum, að sögn Björgvins.
„Við vorum talsvert betur sett en
margar þjóðir en förum nú í með-
altalið.“ Bendir Björgvin á að
skuldir breska ríkisins séu yfir
70 prósent af landsframleiðslu og
á Ítalíu fari hlutfallið yfir 100 pró-
sent. - bþs
Skuldir ríkissjóðs hafa vaxið úr 27 prósentum af landsframleiðslu í 67 prósent:
Ríkið skuldar þúsund milljarða
BJÖRGVIN G. SIGURÐSSON Segir skuld-
setningu ríkisins líka því sem algengt er í
Evrópuríkjum. FRÉTTABLAÐIÐ/VILHELM
Tekjutap upp á
milljarða blasir við
Loðnuleit hefur engan árangur borið. Enn er þó smá von um að eitthvað finn-
ist vestur af landinu. Framkvæmdastjóri LÍÚ segir það mikið áfall ef loðnan
bregst. Síðan 1996 hafi hún að meðaltali skilað 12,5 milljarða tekjum á ári.
ÞORSTEINN
SIGURÐSSON
FRIÐRIK J.
ARNGRÍMSSON
STJÓRNSÝSLA Forsætisráðherra
hefur skipað hagfræðidoktorana
og háskólaprófessorana Anne
Sibert og Gylfa Zoëga í peninga-
stefnunefnd Seðlabankans. Anne
er prófessor við Birbeck-háskóla í
Lundúnum en Gylfi við Háskóla
Íslands.
Í peningastefnunefndinni sitja
þrír starfsmenn Seðlabankans,
þeir Svein Harald Øygard
seðlabankastjóri sem er formað-
ur hennar, Arnór Sighvatsson
aðstoðarseðlabankastjóri og
Þórarinn G. Pétursson, aðalhag-
fræðingur bankans.
Peningastefnunefndin tekur
meðal annars ákvarðanir um
vexti og bindiskyldu Seðlabank-
ans.
- bþs
Peningastefnunefnd mönnuð:
Anne og Gylfi
ráðherraskipuð
Á LEIÐ FRÁ LANDI Loðnuleit hefur verið hætt í bili. Rannsóknarskipið Árni Friðriksson
hélt úr Reykjavíkurhöfn í gærkvöldi á leið til botnfisksrannsókna. FRÉTTABLAÐIÐ/ANTON
KJÖRKASSINN