Fréttablaðið - 04.03.2009, Blaðsíða 8

8 4. mars 2009 MIÐVIKUDAGUR
1 Hve oft flaug forsetinn með
einkavélum á árunum 2005 til
2008?
2 Hvaða þingmaður Sjálf-
stæðisflokksins hefur beðist
afsökunar á að hafa ekki staðið
sig betur í vinnunni?
3 Í prófkjöri hvaða flokks tekur
fjölmiðlakonan Sirrý þátt?
SVÖRIN ERU Á SÍÐU 26
BORGARMÁL „Við hugsum þetta
ekki sem gagnrýni heldur vilj-
um við einfaldlega efla samstöðu
meðal kaupmanna á svæðinu.
Félagið Miðborg Reykjavíkur
hefur ekki skilað þeim árangri
sem lagt var upp með í byrj-
un og því verður að beita nýjum
og nútímalegri vinnubrögðum,“
segir Borghildur Símonardóttir,
eigandi Vinnufatabúðarinnar við
Laugaveg.
Tæplega þrjátíu kaupmenn í
miðborginni hafa lýst yfir þeim
vilja sínum að félagið Miðborg
Reykjavíkur verði lagt niður og
þess í stað stofnað nýtt félag, með
stuðningi borgarinnar, sem kaup-
menn og aðrir viðskiptaaðilar
stýri og beri alla ábyrgð á.
Félagið Miðborg Reykjavík-
ur var stofnað árið 1997 og tók
af Þróunarfélagi Reykjavíkur.
Skilgreint markmið félagsins er
að efla miðborgina sem miðstöð
stjórnsýslu, menningarlífs. For-
maður félagsins er Áslaug Frið-
riksdóttir, varaborgarfulltrúi
Sjálfstæðisflokks.
Oddný Sturludóttir, borgarfull-
trúi Samfylkingar og fyrrum for-
maður félagsins Miðborg Reykja-
víkur, situr nú í stjórn félagsins.
Hún segir þá hugmynd sína að
efla starf félagsins með því að
tengja það við Höfuðborgarstofu
hafa strandað við síðustu meiri-
hlutaskipti. „Ég lýsi eftir áhuga
meirihlutans á þessu félagi,“
segir Oddný.
Vilhjálmur Þ. Vilhjálmsson, for-
seti borgarstjórnar, segist kunna
vel að meta kraftinn í kaupmönn-
um miðborgarinnar og vilja
þeirra til samstarfs við Reykja-
víkurborg. „Mér líst vel á þessar
hugmyndir og býst við að fljótlega
verði skipaður vinnuhópur, með
fulltrúum úr hópi kaupmanna og
frá borginni, til að ræða þessi
mál,“ segir Vilhjálmur. - kg
Kaupmenn í miðborginni vilja leggja niður félagið Miðborg Reykjavíkur:
Vilja nútímalegri vinnubrögð
ODDNÝ
STURLUDÓTTIR
VILHJÁLMUR Þ.
VILHJÁLMSSON
NÝ SALATLÍNA FRÁ
SÓMA SEM BYGGÐ ER
Á LANGRI REYNSLU
AF SAMLOKUGERÐ
DANMÖRK Íbúar á Norðurbrú í
Kaupmannahöfn hafa þurft að laga
líf sitt að breyttum veruleika, þar
sem skotárásir og morð eiga sér
stað á fárra daga fresti núorðið.
Á kvöldin er fátt um að vera,
menningarhúsi, íþróttasal og bóka-
safni er lokað strax og skyggja
tekur, öfugt við það sem áður tíðk-
aðist.
Skólar hafa komið sér upp neyð-
aráætlun, sem felst meðal annars
í því að nemendur haldi sig fjarri
gluggum og fari ekki út úr húsi. Frá
þessu er skýrt í blaðinu Politiken og
fleiri dönskum fréttamiðlum.
Stjórnvöld virðast ráðalaus, en
í gær kynnti Hanne Bech Hansen,
yfirlögreglustjóri í Kaupmanna-
höfn, fyrir Brian Mikkelsen dóms-
málaráðherra tillögur lögreglunnar
um úrbætur, sem hún telur þurfa að
gera á bæði löggjöf og starfshátt-
um lögreglunnar. Meðal annars vill
lögreglan strangari lög um vopn.
Síðan í ágúst hafa innflytjenda-
gengi og vélhjólasamtök átt í stríði,
sem hugsanlega snerist í upphafi
um yfirráð í glæpaheimi borgarinn-
ar en hefur snúist upp í gagnkvæm-
ar hefndaraðgerðir. Þær virðast þó
einkennast meira af taugaveiklun
en markvissum árásum því sjaldn-
ast verða liðsmenn glæpagengj-
anna fyrir árásunum.
Um síðustu helgi voru tveir menn
myrtir og fjórir særðust í samtals
þremur skotárásum í borginni. Ekk-
ert af þessu fólki virðist hafa haft
nein tengsl við glæpagengin. - gb
Gagnkvæmt hefndarstríð glæpagengja í Kaupmannahöfn torveldar íbúum lífið:
Stjórnvöld virðast ráðalaus
NEYÐARÁSTAND Á NORÐURBRÚ
Lögreglan fylgist með umferðinni og
stöðvar óspart bifreiðar til að leita í.
FRÉTTABLAÐIÐ/TEITUR
STJÓRNMÁL Jóhanna Sigurðar-
dóttir forsætisráðherra og Stein-
grímur J. Sigfússon fjármálaráð-
herra hafna ásökunum formanns
Framsóknarflokksins um að rík-
isstjórnin dragi lappirnar í mik-
ilvægum málum. Jóhanna segir
að þvert á móti sé unnið hörðum
höndum að málum sem snúa að
heimilunum, fyrirtækjunum og
stjórnarskránni og að fyllilega sé
staðið við það samkomulag sem
gert var við Framsóknarflokkinn
við myndun ríkisstjórnarinnar.
Sigmundur Davíð Gunnlaugs-
son, formaður Framsóknarflokks-
ins, sendi ríkisstjórninni tóninn í
pistli í fyrradag.
Jóhanna viðurkennir þó að með-
ferð sumra mála hafi ekki gengið
jafn hratt í nefndum þingsins og
hún vildi og kvaðst hún vonast til
að verklagi yrði hraðað.
Á reglulegum fundi með frétta-
mönnum í gær fóru Jóhanna og
Steingrímur yfir þau frumvörp
sem ríkisstjórnin hefur afgreitt
á sinni tíð. Eru þau 30 og von á
tveimur til viðbótar. Frumvörpin
eru mislangt á veg komin; sum til
meðferðar í þingflokkum en önnur
í hefðbundnu ferli þingsins.
Óvíst er hvenær þingið lýkur
störfum fyrir kosningarnar sem
áformaðar eru eftir rúmar sjö
vikur. Hitt er víst að öll 32 frum-
vörp ríkisstjórnarinnar verða
ekki samþykkt. Jóhanna og Stein-
grímur sögðu að ná þyrfti sam-
komulagi við aðra flokka um for-
gangsröðun mála. Höfðuðu þau
til samvisku stjórnarandstæð-
inga og spurðu hvort þeir ætluðu
að standa í vegi fyrir framgangi
ívilnandi stuðningsaðgerða fyrir
heimilin og atvinnulífið. Þorgerð-
ur Katrín Gunnarsdóttir, varafor-
maður Sjálfstæðisflokksins, sagði
á Alþingi á mánudag góð mál ekki
stranda á sínum flokki.
Þá létu ráðherrarnir í veðri
vaka að það stæði upp á þing-
ið að hafa hraðar hendur. Spurð
hvort þingið ætti að samþykkja
mál ríkisstjórnarinnar þegjandi
og hljóðalaust, sögðu þau svo ekki
vera. Vitaskuld þyrfti þingið sinn
tíma. „En við erum að berjast hér
upp á líf og dauða við mjög erfiðar
aðstæður í samfélaginu. Það kall-
ar á ákveðið hugarfar og ákveð-
in vinnubrögð sem ekki endilega
eru hefðbundin eða eiga við þegar
menn hafa allan heimsins tíma og
geta velt hlutunum fyrir sér fram
og til baka,“ sagði Steingrímur.
Meðal þeirra mála sem komin
eru í þingið og snúa að heimilun-
um eru útgreiðsla séreignarsparn-
aðar og greiðsluaðlögun. Jóhanna
Sigurðardóttir upplýsti í gær að
von væri á sérstökum aðgerðum
vegna skuldugustu heimilanna.
Verið væri að ljúka kortlagningu
á stöðu þeirra og sagði hún að
aðgerðirnar yrðu kynntar öðru
hvorum megin við helgina.
bjorn@frettabladid.is
Við erum að berjast
upp á líf og dauða
Ríkisstjórnin vill semja við stjórnarandstöðuna um framgang mikilvægra mála
á Alþingi. Steingrímur J. Sigfússon segir ástandið í samfélaginu kalla á óhefð-
bundin vinnubrögð þingsins. Meira en 30 stjórnarfrumvörp bíða meðferðar.
STJÓRNSÝSLA Guðrún Erlendsdótt-
ir, fyrrverandi hæstaréttardóm-
ari, er formaður þriggja manna
nefndar sem dómsmálaráðherra
hefur falið að móta nýjar reglur
um skipan dómara við Hæstarétt
og héraðsdóm.
Með Guðrúnu sitja í nefndinni
Hákon Árnason hæstaréttarlög-
maður og Ómar H. Kristmunds-
son stjórnmálafræðingur. Er
miðað við að nefndin skili tillög-
um fyrir 1. september. Fulltrú-
um almennings og félagasamtaka
verður gefinn kostur á að koma að
starfi nefndarinnar og verður sér-
stakur samráðshópur skipaður í
því augnamiði. - bþs
Breytt lag við dómaraskipan:
Guðrún stýrir
endurskoðun
FORYSTAN Jóhanna Sigurðardóttir
og Steingrímur J. Sigfússon vilja að
stjórnarandstaðan greiði fyrir fram-
gangi ívilnandi stuðningsaðgerða fyrir
heimilin og fyrirtækin. FRÉTTABLAÐIÐ/PJETUR
Auglýsingasími
– Mest lesið
VEISTU SVARIÐ?