Lesbók Morgunblaðsins - 28.10.2006, Page 14

14 LAUGARDAGUR 28. OKTÓBER 2006 MORGUNBLAÐIÐ
lesbók
Við dugum til að drepa hval
og drápið það er okkar val.
Við gerum það sem gera skal,
ei gungur köllumst barðar.
Við stjórnum hér um fold og fjörð,
um fiskimið og loft og jörð
og enginn hindrar okkar gjörð.
Við erum herrar jarðar.
Við merjum blóm og myljum grjót
og mýrar þurrkum, stíflum fljót,
þótt eftir verði örin ljót
það aldrei nokkurn varðar.
Við herðum okkar hrunadans
og hér skal aldrei verða stans
þótt allt fari til andskotans.
Við erum herrar jarðar.
Herrar jarðar
Höfundur er skáld.
Davíð Hjálmar Haraldsson