Morgunblaðið - 22.01.2006, Blaðsíða 20

Hátískan hefur sett mark sitt á skíðabrekkur víða um heim undanfarin misseri og sí-fellt fjölgar hönnuðum sem búa til aukalínur með dýrum tískufatnaði og fylgi-hlutum í skíðafríið. Skemmst er að minnast Chanel-skíða og -skíðastafa sem fyr-
irtækið gaf ofurfyrirsætum á leið í brekkurnar nýverið, en með þeirri ráðstöfun styrkti
fyrirtækið tangarhald sitt á munaðar-hugtakinu og breikkaði vörulínu sína, einvörðungu í
markaðssetningarskyni.
Ekki er víst að maður renni hraðar niður brekkurnar á skíðum merktum Christian Dior,
C-unum tveimur sem auðkenna Chanel, eða öðrum tísku-lógóum og allt eins líklegt að
skíðastafirnir, hanskarnir, gleraugun og fína skíðahúfan hverfi um leið og maður leggur
það frá sér. En hvað sem því líður er hátískufatnaður í brekkunni og fjallaskálanum (après
ski) svo sannarlega svöl nýbreytni. Skíðahjálmar, bakpokar, snjó- og höggþolin úr og eyrna-
skjól eru fleiri leiðir til þess að kynna sig og sjálfsagt rétt að skíðaiðkendur séu að verða
betur merktir en kýrnar í svissnesku ölpunum, eða hvar sem þær eiga heimkynni.
Þegar af skíðunum kemur er úrvalið jafnvel enn meira og allt eins líklegt að tungl-
bomsurnar frá Emilio Pucci hreinlega týnist í öllum fjöldanum af samskonar fóta-
búnaði, eða reimuðum loðstígvélum frá Marc Jacobs og John Galliano, svo dæmi
séu tekin. Reyndar á enginn von á því að rekast á Jacobs og Galliano í skíðalyftunni,
en Valentino er hins vegar meira eins og grár (skíða)köttur í háfjallaskálum Gstaad
og Jean Charles de Castelbajac á sér langa sögu í hönnun hátækniskíðabúnaðar, til
að mynda fyrir Rossignol. Christian Lacroix hefur hannað litríkar og mynstraðar
fjallaúlpur undir merkjum Pucci í gegnum tíðina, en fékk hláturskast er hann
eitt sinn var spurður hvort hann færi oft á skíði.
Markaðssetningu á merktum skíðatískuflíkum virðist aðallega beint að kven-
þjóðinni og þótt margir eigi íþróttaföt frá Adidas, Reebok eða Puma er alls óvíst að
þeir viti nafnið á hönnuðinum. Það hefur ekki verið aðalatriðið hingað til. Stella McCart-
ney gæti orðið til þess að breyta þessu, en hún hefur sett tvær íþróttafatalínur á markað
undir merkjum Adidas. Adidas hefur líka fengið Jeremy Scott til liðs við sig og Puma er í
samstarfi við Alexander McQueen og Neil Barrett. Neil Barrett hefur reyndar líka hannað
vörur hjá Emilio Pucci fyrir Rossignol. Franski skíðafataframleiðandinn Ellesse bað Eley
Kishimoto að hanna flíkur og uppskar klæðnað í sixtís-stíl. Þá hefur snjóbrettavörufram-
leiðandinn Burton ráðið Paul Smith til þess að hanna fyrir sig og svo mætti lengi telja.
Þar sem útlitið er allt í skíðabrekkunum um þessar mundir væri kannski ráð að
verja sig gegn helstu tískuglæpunum með því að hafa samband við sérfræðinga
(www.ifyouski.com). | helga@mbl.is
TÍSKA | HELGA KRISTÍN EINARSDÓTTIR
TÍSKUGLÆPUM FÆKKAÐ
Í SKÍÐABREKKUNUM
L
jó
sm
yn
di
r:
Þ
or
ke
ll
Skíða- og snjóbrettatískan eru að
renna saman og margir velja snjó-
brettaföt fyrir skíðaferðina. Billabong
buxur og jakki, 11.900 kr. og 27.900.
Option „sweet“ bretti, bind-
ingar og Exus-skór, pakka-
verð: 54.995. Verslunin
Brim, Kringlunni og
Laugavegi.
Chanel-taska fyrir skíða-
skálann, hanskar sem
ekki borgar sig að leggja
frá sér, skíðaskálatíska
Dior, Marc Jacobs tungl-
stígvél, Chanel-
loðstígvél og Dior-
skíðagleraugu, sem líka
fást í bleiku og fjólubláu
fyrir smáfólkið.
Ellesse fékk Lundúnatvíeykið Eley Kishi-
moto til að hanna skíðaföt og uppskar þessa
frumlegu nálgun.
Allt í stíl. Skíðabrekkusett frá Neil Barrett
hjá Emilio Pucci fyrir Rossignol.
Ralph Lauren er
einn þeirra sem
hanna tískuföt
fyrir skíðafólk;
línurnar eru tvær
og útgangspunkt-
arnir annars vegar
tíska og hins vegar
frammistaða. Það
fer ekki saman.
Takið eftir silfr-
aða flugmanna-
skíðajakkanum.