Morgunblaðið - 06.03.2006, Síða 8

ÁKI Gränz, listamaður í Njarðvík
í Reykjanesbæ, er langt kominn
með að gera styttu af Ása heitn-
um í Bæ í fullri líkamsstærð. Áki
segir að Árni Johnsen hafi leitað
til sín og beðið sig að gera stytt-
una. Til hliðsjónar hafði Áki ljós-
mynd eftir Sigurgeir Jónasson
ljósmyndara frá Skuld í Vest-
mannaeyjum. Myndin var tekin
um borð í Hlýra VE, báti Jóns í
Sjólyst, en Ási reri oft með Jóni á
vordögum. Á mynd Sigurgeirs
situr Ási á vélarhlíf Hlýra með
þorsk á stingnum, en Ási var ein-
stakur galdramaður í fiskveiðum.
Höggmynd Áka verður steypt í
kopar og mun væntanlega sitja á
steini við höfnina í Vest-
mannaeyjum í framtíðinni. Áki
Gränz gerði sem kunnugt er
höggmyndina af Ólafi Thors sem
stendur í Keflavík í Reykjanesbæ.
„Ég gerði þetta í vetur, greip í
þetta svona öðru hvoru, en mynd-
in er ekki tilbúin,“ sagði Áki um
styttuna af Ása í Bæ. „Fyrst bjó
ég Ása til svolítið stærri en gerði
svo aðra minni styttu og yngdi
hann svolítið upp. Ási hafði marg-
ar myndir í andlitinu.“
Áki kveðst muna vel eftir Ása
með hárið flaksandi á yngri ár-
um, enda báðir Vestmanna-
eyingar. Áki lærði málaraiðn hjá
Engilbert Gíslasyni málarameist-
ara og listmálara í Vestmanna-
eyjum. Þegar Áki lauk mál-
aranáminu var hann ráðinn til að
ljúka við að mála Ölfusárbrúna.
Hann bjó á Selfossi í ár, flutti svo
til Reykjavíkur og 1949 alfarinn
til Njarðvíkur.
Áki er nú kominn á níræð-
isaldur en lætur aldurinn ekki
tefja sig frá listsköpuninni og
hefur nóg að gera. Hann fylgdist
með Engilbert Gíslasyni við
myndlistarsköpun hans en lagði
samt ekki málverkið fyrir sig.
Hann fór hins vegar að fást við
gifsmyndir úti í Vestmannaeyjum
og gerði margar styttur af sjó-
mönnum og seldi. Áki segist enn
vera að rekast á þessar styttur í
húsum, enda fóru þær víða um
land.
Morgunblaðið/RAX
Áki Gränz er langt kominn með að gera styttu af Ása í Bæ í fullri líkamsstærð.
Ási í Bæ
hafði
margar
myndir í
andlitinu
Morgunblaðið/Sigurgeir
Ási í Bæ sitjandi á vélarhlíf Hlýra
VE með þorsk á stingnum.
8 MÁNUDAGUR 6. MARS 2006 MORGUNBLAÐIÐ
FRÉTTIR
Dómsmál belgískaknattspyrnuliðs-ins Charleroi
gegn Alþjóða knatt-
spyrnusambandinu,
FIFA, hefur vakið athygli
að undanförnu enda um
prófmál að ræða. Charle-
roi stefndi FIFA vegna
meiðsla sem Abbelmajid
Oulmers, leikmaður fé-
lagsins, varð fyrir í vin-
áttuleik með landsliði
Marokkó í nóvember 2004.
Oulmers var frá vegna
meiðslanna í átta mánuði en á
meðan þurfti Charleroi að greiða
laun hans. Belgíska félagið krafð-
ist bóta en í kjölfar þess að G-14,
samtök átján ríkustu félagsliða
heims, tóku upp hanskann fyrir fé-
lagið, og hafa nú þegar látið í té yf-
ir 100 milljónir króna til mála-
reksturs, hefur málið undið upp á
sig .
Lögmaður Charleroi, Jean-
Louis Dupont, varði á sínum tíma
Jean-Marc Bosmans, en í kjölfar
máls hans var reglum FIFA um
félagaskipti breytt. Áhrif þessa
máls gætu hins vegar orðið tölu-
vert meiri enda ekki á færi allra
knattspyrnusambanda að greiða
gríðarhá laun landsliðsmanna
sinna.
Geir Þorsteinsson, fram-
kvæmdastjóri Knattspyrnsam-
bands Íslands, segist sjá fram á
breytt landslag í íslenskri knatt-
spyrnu falli dómurinn félagsliðun-
um í hag. KSÍ hafi varla bolmagn
til að greiða hátt launuðum leik-
mönnum landsliðsins laun fyrir sín
störf og falli dómur á versta veg
þyrfti hugsanlega að skera niður
aðra starfsemi sambandsins.
„Stærsti hluti þessa máls er sá
að samböndin þyrftu að taka
ábyrgð á launum leikmanna á
meðan þeir eru hjá landsliðum.
Það hefur gríðarlega mikið að
segja fyrir minni knattspyrnusam-
bönd og þá fyrir okkur hér á Ís-
landi. Meginhluti leikmanna ís-
lenska landsliðsins er hverju sinni
samningsbundinn erlendum fé-
lögum og þiggur há laun fyrir. Að
mínu viti eru þetta launa- og
tryggingagreiðslur sem við mynd-
um varla standa undir. Ef við ætt-
um að standa undir þeim sæi ég
fram á að skera yrði niður stóran
hluta af annarri starfsemi sam-
bandsins. Þar sæi ég t.d. fyrir mér
öll önnur landslið og spurning
hvort það dygði til,“ segir Geir
sem sótti aukafund formanna og
framkvæmdastjóra knattspyrnu-
sambanda Evrópu í janúar sl. þar
sem farið var yfir málið.
Í kjölfarið af þeim fundi var
ákveðið að því sem næst öll knatt-
spyrnusambönd innan Knatt-
spyrnusambands Evrópu, UEFA,
myndu styðja við bakið á FIFA í
þessu máli. „Það verður að vernda
og gera grein fyrir því hversu
miklir hagmunir þetta eru. Þau
[félagsliðin] eru í raun og veru að
ráðast gegn grasrótarstarfsem-
inni því knattspyrnusamböndin
skipuleggja og bera mikla ábyrgð
á grasrótarstarfsemi knattspyrnu
um allan heim.“
Málið verður dómtekið fyrir
dómstól í Belgíu en sama hver nið-
urstaðan verður er fastlega gert
ráð fyrir að því verði áfrýjað til
Evrópudómstólsins í Lúxemberg
– og fari þá sömu leið og mál
Bosmans. Áætla má að nokkur ár
taki að skera úr um ágreiningsefn-
in, nema sáttaleið finnist.
Geir segir tíma til kominn að
stöðva markaðshyggju stóru fé-
lagsliðanna. „Það er skylda FIFA
og UEFA að verja hagsmuni
minni sambanda og ég vona svo
innilega að það finnist samkomu-
lag, eða FIFA vinni málið, fyrir
sína hönd og knattspyrnusam-
banda um allan heim. Það er kom-
inn tími til að stöðva stóru félögin í
markaðshyggjunni en laun leik-
manna eru orðin svo yfirgengileg
að liðin verða sífellt að leita nýrra
leiða til að auka tekjur sínar.
Það er ljóst að ef félagsliðin ná
til sín þeirri meginreglu, að knatt-
spyrnusambönd greiði laun leik-
manna á meðan þeir taka þátt í
landsleikjum, þýðir það meiri
tekjur í vasa félagsliðanna og þá
breytist landslagið, það er ljóst.“
Ráðast á grundvallarreglur
Dómsmál Charleroi og FIFA
hefur langan aðdraganda sem
rekja má til G-14 samtakanna. Þau
hafa sótt það stíft að FIFA og
UEA greiði félagsliðunum fyrir
þátttöku leikmanna í úrslitakeppni
EM og HM. Á þann hátt hafa þau
viljað fá hlut í miklum sjónvarps-
og markaðstekjum frá þessum
stórmótum. Nú hafa þau breytt
vinnubrögðum sínum og ráðast á
grundvallarreglur um að leikmenn
skuli taka þátt í landsleikjum án
nokkurrar umbunar til félagsliða.
Samkvæmt reglum FIFA ber
félagsliðum einnig að tryggja leik-
menn vegna hugsanlegra slysa í
landsleikjum. Margir leikmenn
eru einnig með persónulegar
tryggingar, sem verja þá gegn
tekjumissi vegna meiðsla.
Þau lið sem standa að G-14 eru
Real Madrid, AC Milan, Ajax, Liv-
erpool, Juventus, Bayern Mün-
chen, Inter Mílanó, Barcelona,
Manchester United, Borussia
Dortmund, PSV, Porto, Marseille,
Paris SG, Arsenal, Bayer Lever-
kusen, Olympique Lyon og Val-
encia.
Fréttaskýring | Landslag knattspyrnunnar
kann að breytast á næstu árum
Miklir hags-
munir í húfi
Allt stefnir í áralöng átök milli ríkustu fé-
lagsliða heims og knattspyrnusambanda
Laun landsliðsmanna eru of há fyrir KSÍ.
Ef illa fer þyrfti að skera
niður í starfsemi KSÍ

Fyrsta fyrirtaka í dómsmáli
belgíska félagsliðsins Charleroi
gegn Alþjóða knattspyrnu-
sambandinu, FIFA, fer fram í
síðari hluta marsmánaðar. Ein
krafan er sú að knattspyrnu-
sambönd taki þátt í launa-
greiðslum leikmanna þegar þeir
eru á vegum landsliðs viðkom-
andi þjóðar. Búist er við að rétt-
arhöldin taki nokkur ár en nið-
urstaðan getur breytt landslagi
knattspyrnunnar svo um munar.
Eftir Andra Karl
andri@mbl.is
FLUGMAÐUR hjá Icelandair gerir
öryggismál í Flugstöð Leifs Eiríks-
sonar að umtalsefni í nýjasta Frétta-
bréfi FÍA, Félags íslenskra atvinnu-
flugmanna. Telur hann misræmis
gæta varðandi vopnaleit þar sem far-
þegar og áhafnir gangist undantekn-
ingalaust undir leit en ekki flugvirkj-
ar eða þeir sem starfa við hreinsun
og hleðslu flugvéla. Stefán Thorder-
sen, yfirmaður öryggissviðs Flug-
málastjórar á Keflavíkurflugvelli,
segir að þessi þáttur öryggismála
sem og aðrir séu unnir eftir lögum og
reglum og séu stöðugt í endurkoðun.
Segir hann hugsanlegt að tekin verði
upp leit hjá þessum starfshópum
sem nefndir eru.
Elmar Gíslason flugmaður segir í
grein sinni meðal annars að flug-
virkjar gangi til starfa án eftirlits og
hafi óheftan aðgang um allt vallar-
svæðið og að flugvélum. Starfsmenn
við hreinsun hafi óheftan aðgang um
allt farþegarými véla og hlaðmenn
séu eftirlitslausir í lestum vélanna.
Elmar tekur fram að hann sé ekki að
draga heilindi þessa starfsfólks í efa
né að áhafnir telji eftir sér að fara
gegnum vopnaleit, hann sé aðeins að
benda á ákveðið ósamræmi.
Stefán Thordersen segir það rétt
hjá Elmari að munur sé á leit hinna
ýmsu starfshópa. Í Leifsstöð sé unn-
ið samkvæmt lögum um loftferðir og
reglum um flugvernd og þar sé gert
ráð fyrir leit á farþegum og áhöfnum
en ekki öðrum starfsstéttum. Þær
stéttir sæti þó eftirliti, ferill manna
sé skoðaður og allir undirgangist
ákveðnar umgengisreglur. Einnig
fari fram margs konar óvæntar leitir
og athuganir meðal þessara hópa og
í tækjum sem þær noti við störf sín.
Stefán segir það hins vegar til
skoðunar í flugheiminum, ekki bara
hjá Flugmálastjórn í Keflavík, hvort
vopnaleitin skuli ná til fleiri stétta
eins og nefnt er í grein Elmars. Þá
leggur Stefán áherslu á að allar ör-
yggis- og umgengnisreglur séu jafn-
an til endurskoðunar og að menn
leggi áherslu á að halda vöku sinni í
þessum efnum.
Telur misræmis gæta
í vopnaleit í Leifsstöð
Yfirlýsing Árna Magnússonar
MORGUNBLAÐINU hefur borist yfirlýsing frá Árna
Magnússyni félagsmálaráðherra. Hún birtist hér í
heild sinni.
„Ég hef óskað eftir því við Halldór Ásgrímsson for-
sætisráðherra að ég verði leystur undan skyldum fé-
lagsmálaráðherra og mun jafnframt óska lausnar sem
alþingismaður.
Ég hef nú haft atvinnu mína af stjórnmálum í á ann-
an áratug. Þar að auki hef ég átt sæti í bæjarstjórn í
rúm fimm ár og gegnt margvíslegum trúnaðar- og
ábyrgðarstörfum fyrir Framsóknarflokkinn. Þegar ég
lít yfir þann feril finnst mér margt hafa áunnist og að
ég hafi komið ýmsum framfaramálum í verk. Öðrum
hafi ég komið í góðan farveg. Mörgu finnst mér jafn-
framt ólokið en þannig verður það víst alltaf.
Ég hef á þessum árum kynnst mörgu afbragðsfólki á
vettvangi stjórnmálanna og margt af því er í hópi
minna bestu vina. Ég hef notið mikils trausts flokks-
manna og stuðnings þeirra og fyrir það er ég þakk-
látur. Nú hef ég hins vegar tekið ákvörðun um að víkja
af hinum pólitíska vettvangi og hverfa til annarra
starfa. Ég vil nota tækifærið og þakka öllu því fjöl-
marga fólki sem ég hef notið samstarfs og samskipta við á
undanförnum áratug og meira en það. Framsóknarfólki og
-flokki óska ég alls hins besta í framtíðinni.
Þessi ákvörðun mín á sér nokkurn aðdraganda. Ég hef á
síðustu vikum endurmetið líf mitt og stöðu. Niðurstaðan er
sú að ég hef kosið að draga mig af opinberum vettvangi og
undan því áreiti sem slíku fylgir. Af því leiðir að ég mun
ekki gefa kost á mér við næstu alþingiskosningar. Þegar
þannig er komið þykir mér rétt að víkja fyrir nýju fólki. Sá
tími sem er til kosninga mun nýtast nýjum ráðherra til að
setja sig inn í mál og setja sitt mark á þá fjölmörgu krefj-
andi málaflokka sem þar eru til umfjöllunar.
Um leið og ég lýsi þessu yfir vil ég gera grein fyrir því að
ég hef ákveðið að ganga til liðs við Íslandsbanka og tek þar
við starfi forstöðumanns á fjárfestinga- og alþjóðasviði á
næstu dögum. Verkefni mitt verður að byggja upp og veita
forstöðu nýju árherslusviði bankans á alþjóðamarkaði. Er
þar um að ræða fjármögnun verkefna á sviði virkjunar
endurnýjanlegra orkugjafa en þar ætlar bankinn sér mik-
inn hlut á næstu árum. Það er með tilhlökkun sem ég tekst
á við þann nýja og spennandi starfsvettvang sem Íslands-
banki er, með öllu því hæfa fólki sem þar starfar.“