Morgunblaðið - 25.06.2006, Side 21

efninu en Stefán Karl segir stefnt að því að ráða
tvær til þrjár stórstjörnur í aðalhlutverkin. „Það
er krafa sölu- og dreifingaraðilans að við séum
með tvo til þrjá A-listaleikara en það er alltof
snemmt að nefna nöfn í því samhengi,“ segir
Stefán Karl dularfullur á svip.
Enginn þjónustufulltrúi kvikmyndadeildar
Menn hrista ekki myndir af þessu tagi fram
úr erminni og Stefán Karl segir að fjármögnun
sé að fara í gang. „Ég vil gjarnan halda þessu
eins íslensku og ég get en það eru takmörk fyrir
því hvað hægt er að gera hér. Ísland er mjög
framsækið land en afskaplega takmarkað þegar
kemur að þessum atvinnurekstri. Maður labbar
ekki inn í banka og biður um þjónustufulltrúa
kvikmyndadeildar. Þess vegna verður maður að
tala við fyrirtækjaþjónusturnar og reyna að
sannfæra menn um ágæti þess sem maður hef-
ur. Ástæðan fyrir því að ég vil halda þessu hérna
við landsteinana er sú að ég lít á þetta sem skot-
helt verkefni. Ég veit hvað ég er með í hönd-
unum. Við erum að tala um umfangsmikla
dramatíska stórslysamynd sem kosta mun til-
tölulega litla peninga miðað við það sem stóru
stúdíóin eru að gera. Þau eyða hundruðum millj-
óna dala í svona myndir en okkar fjárhagsáætl-
un er mun lægri,“ segir Stefán Karl en telur
ekki tímabært að upplýsa nánar um upphæðir í
þessu sambandi.
Enda þótt myndin um Suðurlandsslysið muni
ekki slaga upp í stærstu Hollywood-myndir
hvað kostnaði viðkemur fullyrðir Stefán Karl að
hún verði gerð með bestu fáanlegri tækni. „Ég
hef kynnst kvikmyndatækninni mjög vel á síð-
ustu árum, bæði gegnum Latabæ og einnig aðila
í Bandaríkjunum. Myndin verður bæði tekin á
filmu og með stafrænum hætti sem er mun
ódýrari leið. Gæði stafrænna véla eru orðin
mjög mikil og þetta gerir okkur kleift að halda
kostnaði niðri – setja meiri peninga fyrir framan
tökuvélina en aftan. Sem dæmi má nefna að
George Lucas tekur allar sínar Stjörnustríðs-
myndir stafrænt og Sin City var tekin þannig að
hluta líka. Þannig að við erum ekki í amalegum
félagsskap.“
Myndin verður að öllum líkindum tekin að
hluta hér á landi. „Ég vildi helst gera þetta sem
mest hérna enda mikilvægt að vera sem næst
hinum raunverulegu atburðum. Það er hins veg-
ar búið að breyta Reyðarfirði, þaðan sem Suður-
landið sigldi, svo mikið að tökur fara væntanlega
ekki fram þar. Svo er peningahliðin ekki heldur
nægilega hagstæð og þá er ég að tala um endur-
greiðslu skatta. Hér eru aðeins endurgreidd
12% sem er ekki neitt neitt. Til samanburðar má
nefna að við erum að skoða lönd sem eru með
allt að 40% endurgreiðslu skatta. Ég er ekki sér-
lega pólitískur en hef ákveðnar áhyggjur af
stefnu íslenskra stjórnvalda í menningarmál-
um,“ segir Stefán Karl og bætir við að tökur fari
líklega fram á Íslandi, í Færeyjum og á Bret-
landi, auk þess sem verið sé að skoða vatnstanka
í Marokkó, Mexíkó og Kanada.
Stefán Karl leggur áherslu á að hann sé ekki
einn í þessari baráttu en helstu samverkamenn
hans á vettvangi fyrirtækisins High Risk Pro-
ductions eru Steinunn Ólína Þorsteinsdótir og
Hreinn Sigmarsson. „Síðan er fjöldi manna
vestur í Bandaríkjunum að vinna að þróun verk-
efnisins.“
Hann segir þróunarvinnu verkefnis af þessu
tagi gríðarlega tímafreka og kostnaðarsama.
„Þetta kostar ekki bara fjármuni og tíma.
Hindranirnar eru margar á leiðinni og það er
ákaflega auðvelt að gefast upp. Aðalatriðið þeg-
ar maður fær svona hugmynd er að halda sínu
striki og gefast ekki upp, sama á hverju gengur.
Þolinmæði er mikilvæg dyggð í þessu fagi. Það
tók t.d. níu ár að gera I, Robot og tólf ár að gera
Catch Me If You Can.“
Í því samhengi er tíminn frá því hugmyndin
að kvikmynd um Suðurlandsslysið komst á
skrið, eitt og hálft ár, ekki langur tími. Og Stef-
án Karl vonast til þess að menn hafi áfram hrað-
ar hendur. „Ef allt gengur að óskum stefnum við
að því að hefja tökur eftir ár og frumsýna mynd-
ina um jólin 2008, eftir tvö og hálft ár. Það er
mjög hratt unnið. Eiginlega hálfundravert ef
það næst.“
Meðfram kvikmyndinni verða gerðar heim-
ildarmyndir um gerð myndarinnar og slysið
sjálft en umsjón með því verki hefur fyrirtæki
systranna Guðrúnar Ágústu og Birnu Pálínu
Einarsdætra í Bandaríkjunum, Elf Films.
Sigurjón Sighvatsson kemur ekki að gerð
myndarinnar en Stefán Karl segir hann eigi að
síður hafa hjálpað sér heilmikið, beint og óbeint.
„Sigurjón opnaði á sínum tíma gríðarlega stórar
dyr fyrir Íslendinga til Hollywood. Hann er einn
virtasti framleiðandinn í Hollywood í óháðri
kvikmyndagerð og það þekkja hann allir. Sig-
urjón hefur reynst mér mjög vel í þessu verkefni
og kannski á hann eftir að koma að því með bein-
um hætti síðar.“
Leikur ekki sjálfur í myndinni
Stefán Karl segir ekki hugmyndir um það að
hann fari sjálfur með hlutverk í myndinni. „Það
kemur ekki til greina af minni hálfu. Mér finnst
það ekki fara saman að framleiða mynd og leika
í henni. Það er fullt starf og vel það að framleiða
kvikmynd. Í öðru lagi er þetta bandarísk bíó-
mynd og fyrir vikið verða allir leikarar ensku-
mælandi og ekki með hreim.“
Þegar Stefán Karl fluttist búferlum til Los
Angeles hafði hann í hyggju að reyna fyrir sér
sem leikari enda er það hans fag. „Ég tók mér
frí frá Latabæ milli taka en komst fljótt að því að
möguleikarnir eru ekki miklir þarna vestra. Það
var meðal annars þess vegna sem ég tók þessa
u-beygju og gerðist framleiðandi. Ég get vel
hugsað mér að halda áfram á þeirri braut en
okkur hefur þegar boðist að taka þátt í öðrum
spennandi verkefnum, bæði hérlendis og ytra.
Við erum að skoða það. Ég finn mig vel í þessu.“
Hann segir ekki útilokað að ægir eigi eftir að
koma meira við sögu. „Þetta land byggðist á
sjávarútvegi. Við megum ekki gleyma því. Í haf-
inu liggja margar góðar sögur sem ekki hafa
verið sagðar, ég nefni sem dæmi þorskastríðin
og hvalveiðarnar. Hetjur hafsins eru margar og
ég vil leitast við að segja þeirra sögur. Og hvaða
form hentar betur en kvikmyndin?“
Stefán Karl segir að það sé gott að vera Ís-
lendingur í Los Angeles. Fólk sýni þessu fram-
andi landi mikinn áhuga enda þótt fæstir viti
nokkuð um það. „Það er þetta klassíska, Ísland
er grænt og Grænland er ís. Meira veit fólk yf-
irleitt ekki.“
Veruleiki Hollywood er aftur á móti ekki eins
aðlaðandi. „Það er ágætt að búa í borginni en
það er ekkert launungarmál að það er víða skíta-
lykt í þessum bransa. Mér kæmi til að mynda
ekki á óvart þótt sögur um tengsl Franks Si-
natra við mafíuna ættu við rök að styðjast.
Þannig er lyktin þarna. Menn komast líka langt
á peningunum, geta keypt sig alls staðar inn,
burtséð frá því hvort þeir hafa hæfileika eða
ekki.“
eyjum. Skipstjórinn var á leið í koju þegar hann
heyrði neyðarkallið. Hann var með sjötíu manna
áhöfn en hún var öll í landi. Hann setti þá bara
neyðarljós og lúðra í gang, vakti allan bæinn og
mannaði skipið á innan við fimmtán mínútum.“
Þegar Stefán Karl var búinn að þróa hug-
myndir sínar um kvikmyndina var næsta skref
að leita hófanna um samstarfsaðila. Hann segir
að Hollywood sé borg tilviljananna. „Eftir að
hafa keyrt hundruð mílna og skoðað um fimmtíu
húseignir fundum við Steinunn loksins hús til að
leigja. Þar er leigusali okkar kona að nafni Lisa
Wilson. Fljótlega kom í ljós að hún er forseti
Hyde Park International sem er mjög öflugt
sölu- og dreifingarfyrirtæki fyrir kvikmyndir
með samning við MGM, 20th Century Fox og
fleiri kvikmyndaver. Ég viðraði þessa hugmynd
við hana og spurði hvort ég mætti ekki láta hana
hafa A4-blað með helstu punktum. Henni leist
vel á að fá þetta í svona knöppu formi enda les
hún fimmtán handrit á viku sem langflest fara í
ruslið. Tveimur vikum síðar hringdi hún í mig og
sagðist vilja hjálpa mér að fara með þetta mál
lengra. Þar með var ég kominn með góðan
bandamann því Lisa hefur yfir þrjátíu ára
reynslu í Hollywood. Hún kom mér í samband
við Michelle Shane sem framleiddi m.a. myndir
á borð við Catch Me If You Can með Tom Hanks
og I, Robot með Will Smith, ásamt félaga sínum
Antonio Romano. Þeir heilluðust strax af þessu
verkefni og nú er búið að skrifa undir fram-
leiðslusamning. Myndin er sem sagt á leið í
framleiðslu. Hyde Park International mun sjá
um sölu og dreifingu myndarinnar á heimsvísu.“
Stefán Karl segir samstarf við eitt af stóru
kvikmyndaverunum í Hollywood í burðarliðnum
en málið sé enn á viðræðustigi. Handritið liggur
fyrir en það skrifar Peter Federanko sem Stef-
án Karl segir mikilsmetinn „ghost writer“ í
Hollywood. „Ghost writer“ er maður sem skrif-
ar handrit án þess að nafns hans sé getið. Fed-
arenko hefur skrifað handrit í 25 ár. „Þetta eru
svokölluð fyrstu drög sem við erum með í hönd-
unum og nú stendur fyrir dyrum að vinna hand-
ritið áfram, ásamt því að halda rannsókn máls-
ins gangandi.“
Leikstjóri hefur ekki verið ráðinn en Stefán
Karl segir ýmsa hafa sýnt verkefninu áhuga,
m.a. Frank Marshall sem er giftur Kathleen
Kennedy, aðalframleiðanda kvikmynda Stevens
Spielbergs. Hann leikstýrði m.a. kvikmyndun-
um Alive, Arachnophopia og Congo. „Marshall
hefur sýnt verkefninu áhuga og það hefur verið
okkur mikil hvatning.“
Fleiri nafnkunnir menn munu koma að verk-
MORGUNBLAÐIÐ SUNNUDAGUR 25. JÚNÍ 2006 21
orri@mbl.is
’Hindranirnar eru margar áleiðinni og það er ákaflega
auðvelt að gefast upp. Aðal-
atriðið þegar maður fær svona
hugmynd er að halda sínu
striki og gefast ekki upp. ‘