Morgunblaðið - 20.09.2006, Side 4
4 MIÐVIKUDAGUR 20. SEPTEMBER 2006 MORGUNBLAÐIÐ
FRÉTTIR
GRÍÐARLEGT umferðaröngþveiti
myndaðist í Austurbæ Reykjavíkur í
kjölfar þess að loka þurfti Miklu-
braut til austurs frá Grensásvegi
þegar vöruflutningabifreið valt
skömmu fyrir kl. 11 í gærmorgun.
Vegurinn var lokaður í um þrjár
klukkustundir og hafði áhrif á tug-
þúsundir bifreiða sem komust
hvorki lönd né strönd þegar umferð-
arteppan var sem mest. Varðstjóri
hjá lögreglunni segir viðbúið að allt
fari í hnút ef loka þarf Ártúns-
brekku vegna óhapps.
Lögreglunni í Reykjavík barst til-
kynning um að vöruflutningabíll á
austurleið hefði oltið neðarlega í Ár-
túnsbrekku kl. 10:55 í gærmorgun.
Ökumaður var einn í bílnum og sak-
aði hann ekki. Á bílnum var festi-
vagn og á honum gámur sem í voru
um 20 tonn af gleri sem dreifðust yf-
ir veginn. Mikil mildi þykir að ekki
hafi verið mikil umferð á veginum
þegar óhappið varð en bersýnilegt
er að stórslys hefði getað orðið
hefðu bifreiðar orðið fyrir vöruflutn-
ingabílnum ellegar farminum.
Veginum var fljótlega lokað og
mynduðust langar raðir um aðliggj-
andi vegi. Um og eftir hádegi keyrði
svo um þverbak og voru dæmi um
að ökumenn sætu fastir í bílum sín-
um í einn til tvo klukkutíma – á ferð-
um sem annars taka tuttugu til þrjá-
tíu mínútur.
Umferðaröngþveitið var mest á
Reykjanesbraut, Grensásvegi og
Bústaðavegi, auk þess sem umferð
gekk afskaplega hægt um Stekkjar-
bakka og á Breiðholtsbraut.
Langur tími í hreinsunarstarf
Ekki löngu eftir að slysið varð
bárust upplýsingar frá lögreglunni
um að stefnt væri að því að opna
Miklubraut á nýjan leik um kl. hálf
eitt. Ekki varð af því og um eitt-
leytið bárust svo upplýsingar um að
búast mætti við að vegurinn yrði
lokaður til að minnsta kosti til kl.
14:15 – hálftíma síðar opnaðist veg-
urinn loksins aftur.
Árni Friðleifsson, varðstjóri í um-
ferðardeild lögreglunnar í Reykja-
vík, segir hreinsunarstarf hafa tekið
lengri tíma en búist var við. „Þetta
er náttúrlega seinvirkt að hreinsa
svona glersalla upp og það þarf stór-
virkar vinnuvélar í það, sem tekur
sinn tíma. Þetta voru um tuttugu
tonn af gleri sem sölluðust þarna yf-
ir akreinarnar og út frá umferðarör-
yggissjónarmiði var ekki hægt að
hleypa bifreiðum inn á veg með öll-
um þessum glerbrotum,“ segir Árni
sem telur lokunina hafa haft áhrif á
tugi þúsunda bifreiða og vafalaust
hafi margir ökumenn verið orðnir
þreyttir á ástandinu. „Þetta sýnir
bara hvernig ástandið er og að það
vantar fleiri umferðaræðar. Þetta
sýnir hvað best hversu gríðarlega
mikil umferð er um Ártúnsbrekku
og þegar það þarf að loka henni út af
svona óhappi þá er viðbúið að Aust-
urbærinn fari í einn hnút.“
Vantaði fleiri lögreglumenn?
Ökumenn sem höfðu samband við
Morgunblaðið bentu á að lítið hefði
verið um umferðarstjórn meðan lok-
að var um Ártúnsbrekku og segja
gangi umferðarljósa ekki hafa verið
breytt þrátt fyrir hinn mikla fjölda
bíla sem sátu fastir. Það hafi orðið
til þess að tefja frekar fyrir umferð.
Árni segir að lögreglumenn hafi
reynt að stýra umferð eftir bestu
getu. „Við vorum með sex lögreglu-
menn sem voru í kringum þessar
lokanir og þeir reyndu að stýra um-
ferð eftir besta mætti þar. En við
þurfum auðvitað að sinna annarri
löggæslu einnig og þetta var einfald-
lega látið nægja að þessu sinni.“
Aðspurður hvort umferðaröng-
þveitið hafi verið lögreglunni ofviða
segir Árni slíkt ekki rétt. „Auðvitað
hefðum við viljað vera með menn á
öllum gatnamótum en við verðum að
sníða okkur stakk eftir vexti og það
var ekki hægt að þessu sinni. En ég
vil ekki meina að þetta hafi verið
okkur ofviða, það er ekki rétt. Þetta
sýnir einfaldlega að umferðarþung-
inn er orðinn það mikill að ein svona
stór umferðaræð má illa við að tepp-
ast.“
Þriggja bíla árekstur
á Bústaðavegi
Þriggja bíla árekstur varð á Bú-
staðavegi á milli tvö og þrjú í gær-
dag og er talið að rekja megi hann
að miklu leyti til þeirrar miklu um-
ferðar sem myndaðist vegna um-
ferðaróhappsins í Ártúnsbrekku.
Engin slys urðu á fólki en tvær bif-
reiðanna voru mikið skemmdar og
þurfti að flytja þær á brott með
dráttarbíl.
Er það eina slysið sem tilkynnt
var um meðan Miklabraut var lokuð
en ljóst þykir að ef slys hefðu orðið á
fólki hefði verið afar erfitt að koma
sjúkraflutningamönnum til nauð-
staddra. „Ég held nú að í flestum til-
fellum sé hægt að koma sjúkrabif-
reiðum að ef á þarf að halda. Þær
geta einnig farið á móti umferð ef
þess gerist þörf,“ segir Árni Vigfús-
son aðstoðaryfirlögregluþjónn sem
telur afar erfitt fyrir lögregluna að
verjast umferðarteppum eins og
þeirri sem myndaðist í gær. „Svo er
það þannig að þegar umferð er orðin
þetta mikil þá leysir lögreglumaður
ekki vandræðin, vegirnir bara bera
þetta ekki.“
Tugþúsundir
í vandræðum
í umferðinni
Morgunblaðið/Júlíus
Dreifðist víða Vöruflutningabifreiðin bar gám sem innihélt um 20 tonn af gleri og tók það lögreglu og slökkvilið
um þrjár klukkustundir að þrífa veginn. Mikil mildi var að enginn bíll var í námunda þegar óhappið átti sér stað.
Teppa Umferð af Reykjanesbraut og upp á Stekkjarbakka gekk afskaplega
hægt fyrir sig og urðu margir ökumenn fyrir verulegum töfum þess vegna.
Eftir Andra Karl
andri@mbl.is
Í HNOTSKURN
»Lögreglunni í Reykjavíkvar tilkynnt umferð-
aróhapp í Ártúnsbrekku kl.
10:55.
»Vöruflutningabíll með um20 tonn af gleri hafði oltið
og dreifðist farmurinn víðs
vegar um veginn.
»Miklubraut til austurs fráGrensásvegi var lokað frá
klukkan ellefu til að verða
þrjú um miðjan dag.
»Gífurlegt umferðaröng-þveiti skapaðist í kjölfarið
og töfðust ökumenn um allt að
tvo tíma á ferðum sínum.
BORHOLA í Bjarnarflagi sem boruð
var í sumar skilar nú um 11–12 MW-
orku miðað við rafmagnsframleiðslu.
Þetta þykir gott afl en víða um land
eru álíka kraftmiklar holur eða kraft-
meiri.
Holan ber nafnið BJ–13 og var
henni fyrst hleypt upp þann 12. sept-
ember sl. Árni Gunnarsson, verkefn-
isstjóri hjá Landsvirkjun og Þeista-
reykjum ehf. vegna jarðhita-
rannsókna á Norðausturlandi, segir
að þá hafi hún verið spræk eins og
kálfur að vori og gefið um 15–20 MW.
Síðan hafi hún dalað aðeins og sé
núna í kringum 11–12 MW. Hugsan-
lega muni holan ná sér aftur á strik
eða dala enn frekar, reynslan verði að
skera úr um það. „Þetta verður vissu-
lega að teljast mjög góð hola þó þær
gerist vissulega öflugri. Við eigum
eina holu í Kröflu sem var um 20 MW
í upphafi og eftir á annan áratug í
blæstri gefur hún okkur um 16 MW,“
segir Árni. Hann bendir einnig á að á
Reykjanesi hafi verið boraðar holur
sem gefi um 10–15 MW og á Hellis-
heiði og Nesjavöllum séu einstaka
holur sem séu álíka öflugar.
Á Þeistareykjum er verið að ljúka
við gerð þriðju rannsóknarborhol-
unnar. Talið er að hiti í henni sé um
300°C. Óvíst er hversu mikill kraftur
til rafmagnsframleiðslu fæst úr henni
en úr því fæst ekki skorið fyrr en
henni verður hleypt upp. Að sögn
Árna er hola 1 mjög góð og gefur hún
um 6 MW. Hola 2 gefur mikið af vatni
en ekki mikið af háþrýstigufu og því
er frekar horft til þess að nýta hana til
niðurdælingar eða vatnsöflunar til
hitaveitu.
Ný borhola skilar 11–12 MW
Morgunblaðið/Birkir Fanndal
Spræk Er borholunni var hleypt
upp var hún spræk eins og kálfur
að vori en síðan hefur hún dalað.
Í HNOTSKURN
» Af þeim 13 holum semhafa verið boraðar í Bjarn-
arflagi eyðilögðust tíu meira
eða minna í Kröflueldum.
» Holur 11 og 12 gefa hvorum sig 5-6 MW. Að hluta er
jarðgufan frá þeim notuð til
rafmagnsframleiðslu en hluti
fór til Kísilgúrverksmiðjunnar
við Mývatn sem nú er aflögð.
Vonir standa til að nýtt fyr-
irtæki, Grænar lausnir, muni
kaupa gufu af Landsvirkjun.
Eftir Rúnar Pálmason
runarp@mbl.is