Morgunblaðið - 20.09.2006, Qupperneq 19
MORGUNBLAÐIÐ MIÐVIKUDAGUR 20. SEPTEMBER 2006 19
SUÐURNES
Reykjanesbær | Framkvæmdir eru hafnar
við uppbyggingu íbúðahverfis og þjónustu-
miðstöðvar fyrir eldri borgara á Nesvöllum
í Njarðvík. Þá lítur vel út með sölu á bú-
seturétti í íbúðunum, samkvæmt upplýs-
ingum verkefnisstjóra Nesvalla.
Í fyrsta áfanga byggja Nesvellir nítján
raðhús, 59 öryggisíbúðir og 2.200 fermetra
þjónustu- og félagsmiðstöð. Raðhúsin verða
afhent íbúum í júlí á næsta ári, helmingur
öryggisíbúðanna verður afhentur í október
en þá verður þjónustumiðstöðin einnig opn-
uð og loks er fyrirhugað að afhenda fyrri
hluta öryggisíbúðanna í apríl 2008. Síðar er
fyrirhugað að reisa sérhannaðar íbúðir í
fjölbýlishúsum og hjúkrunaríbúðir, auk
fleiri öryggisíbúða og raðhúsa.
Hafin er sala á búseturétti í íbúðum á
svæðinu og lítur vel út með það, að sögn
Sigurðar Garðarssonar verkefnisstjóra
Nesvalla. Verkefnið var kynnt eldri íbúum í
Reykjanesbæ á fundi í Kirkjulundi á dög-
unum og komu um 200 manns á fundinn.
Segir Sigurður að síðan hafi þó nokkrir fest
sér íbúðir.
Að Nesvöllum ehf. standa fasteignafélög
sem Glitnir, Sjóvá, Húsanes og fleiri aðilar
standa að. Sigurður Garðarsson segir að
þróunarverkefni Nesvalla hafi vakið athygli
enda ljóst að víðar sé þörf á búsetukosti af
þessu tagi. Áhugi sé hjá félaginu að þróa
sambærileg verkefni víðar og hafi viðræður
farið fram við nokkur sveitarfélög um það.
Framkvæmt
á Nesvöllum
Stykkishólmur | Búist er við að
húsaleiga á Dvalarheimili aldraðra í
Stykkishólmi hækki á næstunni um
allt að 10%. Rekstrarreikningur
heimilisins var lagður fram á stjórn-
arfundi fyrir skömmu og kom þar
fram að 7,2 milljóna króna tap var á
rekstrinum. Kemur þetta fram á
fréttavefnum skessuhorn.is.
Rekstur heimilisins er tvíþættur,
annars vegar dvalarheimilið sjálft,
en rekstur þess gekk ágætlega og
fór aðeins um 100 þúsund kr. fram úr
fjárframlögum. Hins vegar er rekst-
ur þjónustuíbúða. Sá rekstur skilaði
tapi og í kjölfar umræðna um málið
var rætt um að hækka húsaleigu um
10%.
Ákvörðun hefur ekki verið tekin,
segir á vef Skessuhorns, en búast má
við að þetta haldist í hendur við
hækkun á leigu félagslegra íbúða, en
hún hækkaði um 10% og er gert ráð
fyrir að hún verði endurskoðuð mið-
að við vísitölu fjórum sinnum á ári.
Komið að viðhaldi
Jóhanna Guðbrandsdóttir, fram-
kvæmdastjóri Dvalarheimilisins,
sagði í samtali við Skessuhorn að
leiga hefði ekki verið hækkuð í hús-
unum síðan árið 1999. Nú væri svo
komið að mikið tap væri á rekstr-
inum og ef ekkert yrði að gert mundi
það halda áfram að aukast. Komið
væri að viðhaldi húsnæðisins og það
kostaði töluvert.
Hún sagði að hækkanir kæmu allt-
af illa við fólk, en hún efaði ekki að
íbúar myndu skilja ástæðu þessara
hækkana. Jóhanna sagði að nauð-
synlegt væri að koma hlutunum
þannig fyrir að svona hlutir gerðust
nokkuð sjálfkrafa, þannig að tekjur
stæðu undir gjöldum.
Búist við
10% hækk-
un leigu
Sauðárkrókur | Nokkur alþjóða-
bragur er sagður á bæjarlífinu á
Sauðárkróki eftir að slátrun hófst
hjá Kjötafurðastöð Kaupfélags
Skagfirðinga. Meira en helmingur
starfsfólks kemur frá útlöndum.
Fram kemur á fréttavefnum ska-
gafjordur.com að af 110 til 120
starfsmönnum séu 69 útlendingar.
Við sláturtíðina eru nú starfandi 18
Ný-Sjálendingar, 35 Pólverjar, 11
Svíar og einn Norðmaður. Þar að
auki eru starfandi allt árið 2 Serbar
og 2 Pólverjar. Ný-Sjálendingarnir
eru allir þaulvanir lambaslátrarar
eða kjötskurðarmenn. Margir Pól-
verjarnir eru vanir slátrarar og
kjötskurðarmenn, en eru almennt
ekki vanir lambaslátrun.
Fram kemur á vefnum að fjöldi
útlendinga við sláturstörf á Krókn-
um hefur aukist ár frá ári. Ástæðan
er sú að erfiðlega gengur að fá Ís-
lendinga til starfa en störfum hefur
fjölgað þar sem gengið er end-
anlega frá vöru í sláturtíð til sölu í
verslanir, ýmist ferskri eða fros-
inni.
Útlendingar ann-
ast slátrun hjá KS
Húsavík | Rúmlega 140 starfsmenn
Heilbrigðisstofnunar Þingeyinga
rituðu nöfn sín á undirskriftalista
þar sem menn lýstu þeirri von sinni
að Friðfinnur Hermannsson, fram-
kvæmdastjóri stofnunarinnar, héldi
áfram í því starfi. Kemur þetta
fram á fréttavefnum skarpur.is en
þar er vitnað til viðtals í blaðinu
Skarpa þar sem fram kemur að allt
bendi til þess að hann hætti um
næstu áramót. Fram kemur að
starfsfólkið virti ákvörðun Frið-
finns en vildi að hann héldi áfram
þeim störfum sem hann hefði innt
svo vel af hendi.
Vilja halda í fram-
kvæmdastjórann
Eftir Helga Bjarnason
helgi@mbl.is
Grindavík | Íbúar eru fluttir inn í
fyrstu íbúðirnar sem Búmenn
byggja við hjúkrunarheimilið Víði-
hlíð í Grindavík og hafinn undir-
búningur að byggingu fleiri íbúða.
Forgang hafa félagsmenn sem
orðnir eru sextugir.
„Við erum búin að vera lengi að
reyna að koma þessu þarna fyrir
og þetta hefur verið sérstakt
áhugamál mitt,“ segir Bogi G.
Hallgrímsson, fyrrverandi stjórn-
armaður í Félagi eldri borgara í
Grindavík og einn af íbúum í nýju
Búmannaíbúðunum við Víðihlíð.
Hann segir að málið hafi verið
komið á nokkuð góðan rekspöl fyr-
ir nokkrum árum þegar orðið hafi
meirihlutaskipti í bænum og það
frestast. Síðan hafi Búmenn komið
inn í verkefnið og nú hafi langþráð-
ur draumur hans ræst.
Erfitt að selja gömlu húsin
Nýju Búmannaíbúðirnar eru tíu
talsins, í parhúsum. Þær eru allar
tveggja herbergja en með bílskúr,
samtals tæplega 110 fermetrar að
stærð, og síðan eru garðskálar við
sjö húsanna. Að sögn Daníels Haf-
steinssonar, framkvæmdastjóra
húsnæðissamvinnufélagsins Bú-
manna, hefur verkefnið verið unn-
ið í náinni samvinnu við Félag eldri
borgara og Grindavíkurbæ. Þótt
Búmenn byggi íbúðir fyrir fé-
lagsmenn sem orðnir eru fimmtug-
ir var frá upphafi ákveðið að eldri
félagsmenn, sextíu ára og eldri,
hefðu forgang að þessum íbúðum.
Það væri vegna nálægðarinnar við
Bogi er að verða áttatíu og eins
og hefur séð um sig sjálfur frá því
hann missti eiginkonu sína. „Já, ég
er einn. Það er eini gallinn við
þetta.“ Hann segir að gat sé í eld-
húsinnréttingunni fyrir upp-
þvottavél en þar verði sett spjald
fyrir. „Ég hef alltaf verið duglegur
við að vaska upp og hef nógan tíma
til þess núna,“ segir hann.
Bogi á enn stórt íbúðarhús í
Grindavík. Hús seljast hægt um
þessar mundir og segir Bogi að
það hafi valdið fleiri íbúum vand-
ræðum. „En auðvitað seljast húsin,
það tekur bara tíma,“ segir hann.
hjúkrunarheimilið og öryggisins
sem því fylgdi. Rætt hefur verið
um að íbúarnir geti fengið mat og
ýmsa aðra þjónustu í Víðihlíð.
Allar íbúðirnar í þessum fyrsta
áfanga gengu út og að sögn Daní-
els er nú verið að undirbúa bygg-
ingu tíu íbúða til viðbótar á þessum
stað. Býst hann við að þær verði
auglýstar á næstu vikum.
Bogi segir að íbúðirnar séu
skemmtilegar og vel sé frá þeim
gengið sem og garðinum og að-
komunni. Hann er einn þeirra sem
létu byggja garðskála við íbúðina
og segist ekki sjá eftir því.
Sextíu ára og eldri hafa forgang
í Búmannaíbúðir við Víðihlíð
Morgunblaðið/Kristinn Benediktsson
Húsnæði Fólk úr hópi eldri Búmanna hefur forgang að nýjum íbúðum félagsins sem byggðar eru í nágrenni
hjúkrunarheimilisins Víðihlíðar. Fyrstu íbúarnir hafa nú flutt inn og byrjað er að undirbúa næsta áfanga.
»Allar íbúðirnar eru tveggjaherbergja en með bílskúr,
alls 110 fermetrar. Garðskálar
eru við sjö þeirra.
»Rætt er um að íbúarnir getifengið þjónustu í Víðihlíð.
»Búmenn undirbúa byggingutíu íbúða til viðbótar við
Víðihlíð. Þær verða auglýstar á
næstunni.
Í HNOTSKURN
Blönduós | „Þetta er ósköp venju-
legur garður hjá okkur,“ segir
Margrét Björnsdóttir en hún og
maður hennar, Jón E. Kristjáns-
son, fengu viðurkenningu menning-
ar- og umhverfisnefndar Blönduós-
bæjar fyrir snyrtilegan garð á
Blönduósi en þau búa í Brekku-
byggð 22. Hjónin á Geitaskarði,
Ásgerður Pálsdóttir og Ágúst Sig-
urðsson, fengu sams konar viður-
kenningu fyrir góða umgengni á
sveitabýli í sveitarfélaginu.
Í umsögn nefndarinnar sem for-
maður hennar, Nína Margrét
Pálmadóttir, hafði orð fyrir kemur
fram að Ásgerður og Ágúst hafi
hugsað um býlið á Geitaskarði af
myndarskap og haft snyrti-
mennsku í fyrirrúmi. Staðarlegt sé
heim að líta á höfuðbólið og ekki
hafi dregið úr myndarskapnum
þótt búskapur hafi dregist saman
enda sækist ferðamenn eftir atlæti
á bænum.
Mest lítið gert
Nefndin segir að Margrét og
Jón hafi af miklum dugnaði og
natni hugsað um garðinn sinn.
Hann er sagður vel skipulagður
hvar sem á hann er litið, fjölbreytt-
ur, með margar fjölærar plöntur
og vel hirtur í alla staði.
Margrét Björnsdóttir segir að
þau hjón hafi keypt húsið fyrir sex-
tán árum, þegar þau fluttu til
Blönduóss. Þá hafi þar lítill garður
verið. „Við höfum svo sem mest lít-
ið gert. Aðeins plantað hríslum og
slegið blettinn,“ segir Margrét.
Þegar hún er minnt á umsögn um-
hverfisnefndarinnar um fjölbreytt-
an garð viðurkennir hún að þau
hafi sníkt trjáplöntur hér og þar og
sett niður og eitthvað orðið að
hirða um þær.
Margrét segist mest hafa hirt
um garðinn enda hafi hún hætt
fyrr að vinna en eiginmaðurinn.
„En hann er nú farinn að hjálpa
mér með þetta,“ segir hún.
Margrét og Jón eru nú bæði
hætt að vinna og finnst Margréti
ágætt að hafa garðinn til að dunda
sér í þótt hún segi að ekki þurfi að
eyða miklum tíma í hann. Það dugi
að vera duglegur á vorin og eitt-
hvað fram á sumar.
Þau hjónin bjuggu áður á bæn-
um Köldukinn en fluttu á Blönduós
fyrir sexán árum, eins og fyrr seg-
ir. Þar vann Jón við flutninga en
Margrét á héraðshælinu.
Gestir í garðinum
Viðurkenningunni fylgir bæði
veggskjöldur og viðurkenningar-
skjal og sú kvöð að gestir geti
komið og skoðað garða og þar með
hið gæna handbragð viðurkenning-
arhafa.
Það er ágætt að hafa
garðinn til að dunda sér í
Morgunblaðið/Jón Sigurðsson
Viðurkenningar Þau hlutu verðlaun fyrir snyrtilega garða, f.v., Jón Krist-
jánsson, Margrét Björnsdóttir, Ásgerður Pálsdóttir og Ágúst Sigurðsson
Veittar viður-
kenningar fyrir
snyrtilega garða
og góða umgengni
á Blönduósi
LANDIÐ