Morgunblaðið - 20.01.2007, Blaðsíða 30

tíska
30 LAUGARDAGUR 20. JANÚAR 2007 MORGUNBLAÐIÐ
„Það er flókin spurning. Ég held að
tíska sé fyrirbæri til þess að gera
mannslíkamann aðlaðandi. Hún býr
sífellt til ný form og breytist til þess
að gera mannslíkamannn spennandi
og gerir það í takt við það sem er í
gangi í samfélaginu. Minn stíll er
kvenlegur, einfaldur og litríkur en
stundum vel ég eitthvað ljótt sem er
samt fyndið.“
Hallgerður Hallgrímsdóttir
nemi á 3. ári í textíl
og fatahönnun.
Gerir
manns-
líkamann
aðlaðandi
Morgunblaðið/Brynjar Gauti
„Í minni fyrstu fatalínu, sem ég frumsýni
bráðum – ég hanna undir nafninu Mundi – er
sýnin svolítið framtíðarleg. Í mínum huga er
tíska allt sem er nýtt eða gert á nýstárlegan
hátt. Ég hanna t.d. prjónaflíkur með framtíð-
arblæ. Sjálfur reyni ég að klæða mig í fatnað
sem passar saman en passar samt ekki sam-
an. Það er kúnstin.“
Guðmundur Hallgrímsson
nemi á 2. ári í grafískri hönnun.
Prjónaflíkur
með fram-
tíðarblæ
Morgunblaðið/Brynjar Gauti
„Tíska eða réttara sagt stíll er að mínu mati
ekki að klæðast því sem þykir heitast þá og þá
stundina einfaldlega vegna þess að það er í
tísku. Mér finnst mikilvægara að fólk finni sinn
persónulega stíl, það sem er eins konar fram-
lenging af þeirra persónuleika. Íslenskar konur
klæða sig kvenlega og eru almennt mjög tísku-
meðvitaðar miðað við margar á meginlandi
Evrópu. Sjálf er ég hrifin af náttúrulegum efn-
um, þægilegum sniðum, litum og jafnvel
mynstrum. Ég er lítið fyrir glit og gljáa.“
Cornelia Fränz Erasmus- skiptistúdent í
grafískri hönnun frá Þýskalandi
Persónulegur
stíll
Morgunblaðið/Brynjar Gauti
„Það er tíska í arkítektúr eins og fatahönnun.
Sveiflurnar eru bara ekki eins tíðar í arkitekt-
úrnum því það er tímafrekara að byggja hús
en að sauma flík. En tískan í hvoru tveggja
snýst um það að gera eitthvað flott, búa til
ákveðna umgjörð utan um einstaklingsinn.
Það er bara spurning um í hvaða skala það
er.“
Guðni Valberg
nemi á 2. ári í arkitektúr.
Umgjörð
utan um
einstaklinginn
Morgunblaðið/Brynjar Gauti
„Góð vöruhönnun er falleg og heillandi, vel
nothæf en á um leið að koma á óvart. Hug-
myndafræðin verður að vera góð og hönnunin
má alveg gera heiminn dálítið skemmtilegri,
hvort sem um er að ræða húsgagn, raftæki eða
ljós. Mér finnst húmor svolítið mikilvægur í
hönnun sem og ýktur stíll sem mér finnst
skemmtilegur.“
Hafsteinn Júlíusson
nemi á 2. ári í hönnun þrívíðra nytjahluta.
Húmor
í hönnun
Morgunblaðið/Brynjar Gauti
,,Grafísk hönnun er spennandi um þessar
mundir. Tölvuvæðingin hefur gerbreytt
landslaginu en handverkið er samt og verður
áfram mikilvægt, mér finnst reyndar að það
megi fá meira vægi. Það er samt rými til þess
að móta sinn persónulega stíl. Það eru tísku-
straumar í grafískri hönnun eins og í annarri
hönnun.“
Birna Einarsdóttir
nemi á 2. ári í grafískri hönnun.
Hannað
í tölvum
Morgunblaðið/Brynjar Gauti
Þau eru núna í mótun en munu í ná-inni framtíð móta strauma og stefn-ur tískunnar og miðla henni til al-
mennings hvort sem er í grafískri hönnun,
arkitektúr eða fatahönnun. Það er því ekki
seinna vænna að heyra hvað þau eru að
spá og spekúlera í þessum efnum. Munum
við búa á heimilum sem líta út fyrir að
vera geimstöðvar og ganga í fatnaði sem
líkjast geimbúningum eða verður framtíðin
hlýleg og jafnvel rómantísk, þar sem aft-
urhvarf til eldri hátta verður áberandi?
Morgunblaðið fékk nokkra nemendur í
hönnunar- og arkítektúrdeild Listaháskóla
Íslands til þess að skilgreina hugtökin
tísku, hönnun og stíl.
Straumar verðandi
stefnumiðlara
Eftir Unni H. Jóhannsdóttur
uhj@mbl.is
„Draumurinn er að blanda saman myndlist og
fatahönnun og búa til tískuskúlptúra. Það
væri fatnaður á fyrirsætur, nokkurs konar
gangandi skúlptúr, en ekki ætlaður til al-
mennra nota. Mér finnst ýktur stíll geta verið
skemmtilegur og hef gaman af því að nota
fylgihluti til þess að poppa upp samsetn-
ingar.“
Hlín Reykdal
nemi á 1.ári í textíl-og fatahönnun.
Gangandi
skúlptúrar
Morgunblaðið/Brynjar Gauti